Ipi. 5
5
Yus shuar túratin
1Tuma asamtai atumsha Yus atumín anenmana núnisrum anenaitiarum. 2Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.
3Yusna asarum tsanirmatniusha yajauch túratniusha tura jú̱ nuṉkanmaya̱ṉ ikiauṉkatniusha ishichkisha enentáimtuschatniuitrume. 4Natsanmaincha ántar chichamsha yaintmakchamnia asamtai chichaschatniuitrume. Antsu Yus shiir yumiṉsatniuiti. 5Shuar chíkich nuwa̱ja̱i̱ tsanirmakka tura ashí yajauchin wakerakka tura jú̱ nuṉkanmaya̱ṉ ikiauṉkatniun wakerakka Yusai̱ Kristu akupea nui̱ peṉké pachinkiachminiaiti. Kame ju̱ nuṉkanmaya̱ṉ ikiauṉkatin najankamu yus tikishmátratniua nuja̱i̱ métekete. 6Nu túramniaiti tusar ántar chichamja̱i̱ anaṉkramacharti. Warí, nuna túruiniakui Yusan umirainiachun Yus ti asutiáwartatui. 7Tuma asamtai nu shuar peṉké pachischatniuitrume.
8Yáunchuka atumsha kiritniunam wekainiuyarme. Tura yamaikia Krístuja̱i̱ tsaniṉkiu asarum péṉker tsáapninium wekaarme. Shuar tsáapninium wekainia nuja̱i̱ métek wekasatarum. 9Tsáapninium wekainiaka shiir awajkartincha tura nekas chichamtincha tura péṉker túrin áiniawai. 10Ii Uuntri̱ Kristu wakeramu nekaatin wakeruktarum. 11Kiritniunam wekainia nu túramu pachisairap. Antsu nu shuar tsáapninium eṉkeatarum. 12Ni u̱u̱k túruinia nu áujmatsatin natsanmainiaiti. 13Tura ashí tsáapninium itiamu ashí paant ajawai. Tsáapnikia ashí paant awajeatsuk. 14Nu asamtai Yus Papinium tawai
“Kanaruitme nu shintiarta.
Jakamunmaya̱ nantaktia.
Tura Kristu tsáapin awajtúrmastatui.” Isa. 60:1
15Nu asamtai átum túramu íimiastarum. Nékachu áintsarum pujusairap. Antsu péṉker enentáimprarum wekasatarum. 16Ashí tsawant péṉker túramnia nu wasurkairap. Tunáa ti pampaatsuk. 17Enentáincha áirap. Ii Uuntri̱ Kristu warinia wakera nu enentáimtustarum. 18Nampekairap. Nampeakmeka aya yajauch ajame. Antsu Yusa Wakaní̱ winia enentái̱rui̱ takamtsuk pujurtusti tu enentáimsatarum. 19Túrarum Yus shiir enentáimtakrum Yus kanta kantamkirum shiir áujnaisatarum. 20Ii Uuntri̱ Jesukrístu náari̱ji̱a̱i̱ ashí írunna nu Yus Apa tuke yumiṉsatarum.
Yus shuar túratin
21Yus shuar asarum nuamtak umirnaikiatarum. Túrakrum Kristu shiir awajsattarme.
22Núwa̱ka Krístun umirna núnisaṉ ni áishri̱ncha umirkatniuiti. 23Kristu ni shuari̱n akupeana núnisaṉ áishmaṉsha ni nuwe̱n akupkatniuiti. Kristu ni shuari̱n aya̱shímiak ni muuke̱a áintsaṉkete. Tura nin uwemtikkiartiniaiti. 24Nu asamtai Yus shuar Krístun umirin áiniawai. Núnisaṉ ashí ana nuja̱i̱ nuwa̱ ni áishri̱n umirkatniuiti.
25Kristu ni shuari̱n ti aneak nin yáiṉtaj tusa jákatniun surumakmiayi. Núnisrumek áishmaṉtirmesha atumí nuwé̱ aneatniuitrume. 26Kristu ashí ni shuari̱n ni Chichame̱ja̱i̱ tura entsaja̱i̱ nijiar ní shuar péṉker árat tusa jakamiayi. 27Nuja̱i̱ ashí ni shuari̱n tunaarinniuchu tura yajauch máatrachu antsu tí peṉker shiir awajás Nini̱ ejetaj tusa túramiayi. 28Núnisaṉ áishmaṉ ni aya̱shí̱n anea núnisaṉ ni nuwe̱n aneatniuiti. Shuar ni nuwe̱n aneak nuja̱i̱ ni aya̱shí̱ncha aneawai. 29¿Yaki ni aya̱shí̱n nakitniuit? Antsu péṉker wáiniuk áyureatsuk. Kristu núnisaṉ ni shuari̱n wainiui 30ni aya̱shí̱ asamtai. Kame ni aya̱shí̱ muchitmarintji. 31Tuma asamtai áishmaṉ ni aparí̱ncha nukurí̱ncha ikiukin ni nuwe̱ja̱i̱ tsaniṉkiar chikichik aya̱shtin ajainiawai.Naṉ. 2:24; Mat. 19:5; Mar. 10:7-8 32Nusha Kristu ni shuari̱ji̱a̱i̱ tsaniṉmán tawai. Nuka yaunchu nekaachma yamaikia nekanaiti tura ti enentáimturtiniaiti. 33Tura núnisaṉ ashí áishmaṉtiram atumí nuwé̱ atumí aya̱shí̱a nútiksarmek aneatniuitrume. Nuwa̱sha ni áishri̱n umirkatniuiti.
ទើបបានជ្រើសរើសហើយ៖
Ipi. 5: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
Ipi. 5
5
Yus shuar túratin
1Tuma asamtai atumsha Yus atumín anenmana núnisrum anenaitiarum. 2Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.
3Yusna asarum tsanirmatniusha yajauch túratniusha tura jú̱ nuṉkanmaya̱ṉ ikiauṉkatniusha ishichkisha enentáimtuschatniuitrume. 4Natsanmaincha ántar chichamsha yaintmakchamnia asamtai chichaschatniuitrume. Antsu Yus shiir yumiṉsatniuiti. 5Shuar chíkich nuwa̱ja̱i̱ tsanirmakka tura ashí yajauchin wakerakka tura jú̱ nuṉkanmaya̱ṉ ikiauṉkatniun wakerakka Yusai̱ Kristu akupea nui̱ peṉké pachinkiachminiaiti. Kame ju̱ nuṉkanmaya̱ṉ ikiauṉkatin najankamu yus tikishmátratniua nuja̱i̱ métekete. 6Nu túramniaiti tusar ántar chichamja̱i̱ anaṉkramacharti. Warí, nuna túruiniakui Yusan umirainiachun Yus ti asutiáwartatui. 7Tuma asamtai nu shuar peṉké pachischatniuitrume.
8Yáunchuka atumsha kiritniunam wekainiuyarme. Tura yamaikia Krístuja̱i̱ tsaniṉkiu asarum péṉker tsáapninium wekaarme. Shuar tsáapninium wekainia nuja̱i̱ métek wekasatarum. 9Tsáapninium wekainiaka shiir awajkartincha tura nekas chichamtincha tura péṉker túrin áiniawai. 10Ii Uuntri̱ Kristu wakeramu nekaatin wakeruktarum. 11Kiritniunam wekainia nu túramu pachisairap. Antsu nu shuar tsáapninium eṉkeatarum. 12Ni u̱u̱k túruinia nu áujmatsatin natsanmainiaiti. 13Tura ashí tsáapninium itiamu ashí paant ajawai. Tsáapnikia ashí paant awajeatsuk. 14Nu asamtai Yus Papinium tawai
“Kanaruitme nu shintiarta.
Jakamunmaya̱ nantaktia.
Tura Kristu tsáapin awajtúrmastatui.” Isa. 60:1
15Nu asamtai átum túramu íimiastarum. Nékachu áintsarum pujusairap. Antsu péṉker enentáimprarum wekasatarum. 16Ashí tsawant péṉker túramnia nu wasurkairap. Tunáa ti pampaatsuk. 17Enentáincha áirap. Ii Uuntri̱ Kristu warinia wakera nu enentáimtustarum. 18Nampekairap. Nampeakmeka aya yajauch ajame. Antsu Yusa Wakaní̱ winia enentái̱rui̱ takamtsuk pujurtusti tu enentáimsatarum. 19Túrarum Yus shiir enentáimtakrum Yus kanta kantamkirum shiir áujnaisatarum. 20Ii Uuntri̱ Jesukrístu náari̱ji̱a̱i̱ ashí írunna nu Yus Apa tuke yumiṉsatarum.
Yus shuar túratin
21Yus shuar asarum nuamtak umirnaikiatarum. Túrakrum Kristu shiir awajsattarme.
22Núwa̱ka Krístun umirna núnisaṉ ni áishri̱ncha umirkatniuiti. 23Kristu ni shuari̱n akupeana núnisaṉ áishmaṉsha ni nuwe̱n akupkatniuiti. Kristu ni shuari̱n aya̱shímiak ni muuke̱a áintsaṉkete. Tura nin uwemtikkiartiniaiti. 24Nu asamtai Yus shuar Krístun umirin áiniawai. Núnisaṉ ashí ana nuja̱i̱ nuwa̱ ni áishri̱n umirkatniuiti.
25Kristu ni shuari̱n ti aneak nin yáiṉtaj tusa jákatniun surumakmiayi. Núnisrumek áishmaṉtirmesha atumí nuwé̱ aneatniuitrume. 26Kristu ashí ni shuari̱n ni Chichame̱ja̱i̱ tura entsaja̱i̱ nijiar ní shuar péṉker árat tusa jakamiayi. 27Nuja̱i̱ ashí ni shuari̱n tunaarinniuchu tura yajauch máatrachu antsu tí peṉker shiir awajás Nini̱ ejetaj tusa túramiayi. 28Núnisaṉ áishmaṉ ni aya̱shí̱n anea núnisaṉ ni nuwe̱n aneatniuiti. Shuar ni nuwe̱n aneak nuja̱i̱ ni aya̱shí̱ncha aneawai. 29¿Yaki ni aya̱shí̱n nakitniuit? Antsu péṉker wáiniuk áyureatsuk. Kristu núnisaṉ ni shuari̱n wainiui 30ni aya̱shí̱ asamtai. Kame ni aya̱shí̱ muchitmarintji. 31Tuma asamtai áishmaṉ ni aparí̱ncha nukurí̱ncha ikiukin ni nuwe̱ja̱i̱ tsaniṉkiar chikichik aya̱shtin ajainiawai.Naṉ. 2:24; Mat. 19:5; Mar. 10:7-8 32Nusha Kristu ni shuari̱ji̱a̱i̱ tsaniṉmán tawai. Nuka yaunchu nekaachma yamaikia nekanaiti tura ti enentáimturtiniaiti. 33Tura núnisaṉ ashí áishmaṉtiram atumí nuwé̱ atumí aya̱shí̱a nútiksarmek aneatniuitrume. Nuwa̱sha ni áishri̱n umirkatniuiti.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.