Ipi. 4
4
Yusa Wakaní̱ji̱a̱i̱ tsaniṉkiu asar túratin
1Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume. 2Nekasmiancha ajasrum aneniakrum katsunnairatarum. 3Yusa Wakaní̱ chikichik shuar awajtámkurmin shiir awajnáisarum pujustarum. 4Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji. 5Ii Uuntri̱ chikichkiti. Niṉki nekas enentáimtusar métek imiantiniaitji. 6Chikichkiti Yus, ashí Yus shuarti ii Aparí̱nti. Ashí akuptámniuitji. Ashí ni shuari̱i̱n pujak ii enentái̱n pujurtamji. Ti nekas ashí mash Israer shuartisha Israer shuarchasha imiá chikichik ajasuitji.
7Tura chikichik chikichik niisháa shiir takastinian suramsaitji. Tura Kristu wakerimia núnisaṉ suramsaji. 8Nu asamtai Yus Papiniumsha tawai
“Achikman jukí̱ nayaimpiniam wakamiayi.
Tura shuaran shíiran susamiayi.” YKan. 68:18
9Tura “wakamiayi” tana nu ¿warintiua? Kristu nayaimpiniam pujá asa yakí̱ wákaṉka emka tárashtinkiait. Nekas nuṉká taramiayi. 10Niṉki ataksha nekas nayaimpiniam wakamiayi. Nuna tura asa ashí ni shuari̱n pimiutkarmiayi. 11Tura nuja̱i̱ chikichan akatrámun awajsámiayi. Chikichnasha Yúsnan etserniun awajsámiayi. Chikichnasha uwempratin chichaman etserniun awajsámiayi. Chikichnasha Yus shuara wáinniun awajsámiayi. Tura chikichnasha unuikiartinian awajsámiayi. 12Túramtai ashí Yus shuar ni takatrí̱ji̱a̱i̱ yáiniaikiar tí peṉker shuar ajainiakui Kristu aya̱shi̱ takamtsuk katsua̱rartatui. 13Nuja̱i̱ Yus nekas enentáimtamunam Yusa Uchirí̱ ashí métekrak péṉker nekaattaji. Nu túrakur katsukir Krístuja̱i̱ métek péṉker ajastatji. 14Tura uchia núnisar áchattaji. Úchikia ashí yamaram chichaman antukar wari yapají̱i̱niawai. Tura anaṉkartinia chichame̱n antukar waaku áiniawai. Kame nu anaṉkartin shuar ti paant chichayataṉ ni shiir chichame̱ja̱i̱ anaṉkatniun pujurénawai. 15Antsu nekas aneniakur nekas chicham ujanáiktiniaitji. Túrar Krístuja̱i̱ tsaniṉkiar tuke tsakakir ashí péṉker túratniuja̱i̱ Niji̱a̱i̱ métek ajastatji. Túramu asa Krístuka ashí ni shuari̱ muuke̱a áintsaṉkete. 16Tuma asa ni aya̱shi̱n wainkiui ashí nuna muchitmari̱ péṉker yáiniaikiar ashí ni túratniuri̱n shiir takasartatui. Nuja̱i̱ nu aya̱shnium muchitmari̱ chíkich chíkich péṉker takainiak métekrak shiir tsakartatui. Tura anenainiakui nu aya̱shsha péṉker úuntmartatui.
Krístuja̱i̱ tsaniṉkiar yamarmaitji
17Ii Uuntri̱ Kristu íimmianum ju̱na akatjarme. Chíkich aents Yusan nékachu ásar ántar ni enentáimmiaja̱i̱ṉ wekainia núnisrum wekasairap. 18Ni enentái̱n kusuru áiniak Yusna nuna nekaatniun wakeruiniatsui. Tuma ásar shiir wekasatniun, Yus amaana nuna, nékainiatsui. 19Nu arantcha ni túramuri̱ji̱a̱i̱ natsantichu ásar ti yajauchiniam surumakar ashí tunaan wararainiak túrin áiniawai. 20Antsu átumka núnisrum enentáimtustin unuimiárchamarme. 21Nekas Ni anturkaitkiurmeka tura Jesus nekas tama Kristu unuiniarmaitkiurmeka Nin shiir enentáimtustin unuimiármarme. 22Yaunchu enentáimtairmeka aya̱sh wakeramu anaṉkramin ainia nuja̱i̱ piaku asa imiá yajauchiti. Nu enentáimtairmesha yaunchu túrutairmesha ajapa iniaisatarum. 23Túrarum péṉker enentáimsarum wakannium yapaji̱átarum. 24Tura yamaram enentáimtairam emetatarum. Nuka Yusja̱i̱ métek najanamu asa nekas péṉker tura shiira nuna tuke túriniaiti.
25Nu asamtai chikichik aya̱shi muchitmari̱ asarum wáitrutsuk nekas chicham chicharnaisatarum.Sak. 8:16
26 Kajekrum tunáa túrawairap. YKan. 4:4 Kame tsawant takamtsuk nú kajekmaja̱i̱ pujursaip. 27Iwianchi uuntri̱ yajauch awajtámsatin tsaṉkatkaip.
28Kasasha kasamtsuk kakaram takakmasti. Tura ni uwejé̱ja̱i̱ péṉker takaak atsumainia nú shuarnasha susati.
29Mui̱jmiai̱ chicham chichasairap. Antsu chichastin akui péṉker chicham, chíkich shuar péṉker awajsámnia nu chichastarum. Anturtuinia nuna yáiṉtaj tusarum nu chicham ujaktarum. 30Yusa Shiir Wakaní̱ kúntuts awajsairap. Warí, Yúsnaiti tusa pujurtamji. Tura pujurtamuk takamtsuk uwemtikramprattaji.
31Ashí tsaaṉkea áintsaṉ enentáimin pimiutramkamia nuyá̱ kanaktiarum. Nakitratniusha, kajernaikiatniusha tura kakantrar charáa charáa ajatniusha, katsekmaktincha, tsanumpratniusha mash atsutí. 32Antsu shiir awajkartin ajasrum waitnennairarum Kristu jakamuja̱i̱ Yus atumí tunaari̱n tsaṉkurtampra nútiksarmek tsaṉkurnáiratarum.
ទើបបានជ្រើសរើសហើយ៖
Ipi. 4: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
Ipi. 4
4
Yusa Wakaní̱ji̱a̱i̱ tsaniṉkiu asar túratin
1Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume. 2Nekasmiancha ajasrum aneniakrum katsunnairatarum. 3Yusa Wakaní̱ chikichik shuar awajtámkurmin shiir awajnáisarum pujustarum. 4Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji. 5Ii Uuntri̱ chikichkiti. Niṉki nekas enentáimtusar métek imiantiniaitji. 6Chikichkiti Yus, ashí Yus shuarti ii Aparí̱nti. Ashí akuptámniuitji. Ashí ni shuari̱i̱n pujak ii enentái̱n pujurtamji. Ti nekas ashí mash Israer shuartisha Israer shuarchasha imiá chikichik ajasuitji.
7Tura chikichik chikichik niisháa shiir takastinian suramsaitji. Tura Kristu wakerimia núnisaṉ suramsaji. 8Nu asamtai Yus Papiniumsha tawai
“Achikman jukí̱ nayaimpiniam wakamiayi.
Tura shuaran shíiran susamiayi.” YKan. 68:18
9Tura “wakamiayi” tana nu ¿warintiua? Kristu nayaimpiniam pujá asa yakí̱ wákaṉka emka tárashtinkiait. Nekas nuṉká taramiayi. 10Niṉki ataksha nekas nayaimpiniam wakamiayi. Nuna tura asa ashí ni shuari̱n pimiutkarmiayi. 11Tura nuja̱i̱ chikichan akatrámun awajsámiayi. Chikichnasha Yúsnan etserniun awajsámiayi. Chikichnasha uwempratin chichaman etserniun awajsámiayi. Chikichnasha Yus shuara wáinniun awajsámiayi. Tura chikichnasha unuikiartinian awajsámiayi. 12Túramtai ashí Yus shuar ni takatrí̱ji̱a̱i̱ yáiniaikiar tí peṉker shuar ajainiakui Kristu aya̱shi̱ takamtsuk katsua̱rartatui. 13Nuja̱i̱ Yus nekas enentáimtamunam Yusa Uchirí̱ ashí métekrak péṉker nekaattaji. Nu túrakur katsukir Krístuja̱i̱ métek péṉker ajastatji. 14Tura uchia núnisar áchattaji. Úchikia ashí yamaram chichaman antukar wari yapají̱i̱niawai. Tura anaṉkartinia chichame̱n antukar waaku áiniawai. Kame nu anaṉkartin shuar ti paant chichayataṉ ni shiir chichame̱ja̱i̱ anaṉkatniun pujurénawai. 15Antsu nekas aneniakur nekas chicham ujanáiktiniaitji. Túrar Krístuja̱i̱ tsaniṉkiar tuke tsakakir ashí péṉker túratniuja̱i̱ Niji̱a̱i̱ métek ajastatji. Túramu asa Krístuka ashí ni shuari̱ muuke̱a áintsaṉkete. 16Tuma asa ni aya̱shi̱n wainkiui ashí nuna muchitmari̱ péṉker yáiniaikiar ashí ni túratniuri̱n shiir takasartatui. Nuja̱i̱ nu aya̱shnium muchitmari̱ chíkich chíkich péṉker takainiak métekrak shiir tsakartatui. Tura anenainiakui nu aya̱shsha péṉker úuntmartatui.
Krístuja̱i̱ tsaniṉkiar yamarmaitji
17Ii Uuntri̱ Kristu íimmianum ju̱na akatjarme. Chíkich aents Yusan nékachu ásar ántar ni enentáimmiaja̱i̱ṉ wekainia núnisrum wekasairap. 18Ni enentái̱n kusuru áiniak Yusna nuna nekaatniun wakeruiniatsui. Tuma ásar shiir wekasatniun, Yus amaana nuna, nékainiatsui. 19Nu arantcha ni túramuri̱ji̱a̱i̱ natsantichu ásar ti yajauchiniam surumakar ashí tunaan wararainiak túrin áiniawai. 20Antsu átumka núnisrum enentáimtustin unuimiárchamarme. 21Nekas Ni anturkaitkiurmeka tura Jesus nekas tama Kristu unuiniarmaitkiurmeka Nin shiir enentáimtustin unuimiármarme. 22Yaunchu enentáimtairmeka aya̱sh wakeramu anaṉkramin ainia nuja̱i̱ piaku asa imiá yajauchiti. Nu enentáimtairmesha yaunchu túrutairmesha ajapa iniaisatarum. 23Túrarum péṉker enentáimsarum wakannium yapaji̱átarum. 24Tura yamaram enentáimtairam emetatarum. Nuka Yusja̱i̱ métek najanamu asa nekas péṉker tura shiira nuna tuke túriniaiti.
25Nu asamtai chikichik aya̱shi muchitmari̱ asarum wáitrutsuk nekas chicham chicharnaisatarum.Sak. 8:16
26 Kajekrum tunáa túrawairap. YKan. 4:4 Kame tsawant takamtsuk nú kajekmaja̱i̱ pujursaip. 27Iwianchi uuntri̱ yajauch awajtámsatin tsaṉkatkaip.
28Kasasha kasamtsuk kakaram takakmasti. Tura ni uwejé̱ja̱i̱ péṉker takaak atsumainia nú shuarnasha susati.
29Mui̱jmiai̱ chicham chichasairap. Antsu chichastin akui péṉker chicham, chíkich shuar péṉker awajsámnia nu chichastarum. Anturtuinia nuna yáiṉtaj tusarum nu chicham ujaktarum. 30Yusa Shiir Wakaní̱ kúntuts awajsairap. Warí, Yúsnaiti tusa pujurtamji. Tura pujurtamuk takamtsuk uwemtikramprattaji.
31Ashí tsaaṉkea áintsaṉ enentáimin pimiutramkamia nuyá̱ kanaktiarum. Nakitratniusha, kajernaikiatniusha tura kakantrar charáa charáa ajatniusha, katsekmaktincha, tsanumpratniusha mash atsutí. 32Antsu shiir awajkartin ajasrum waitnennairarum Kristu jakamuja̱i̱ Yus atumí tunaari̱n tsaṉkurtampra nútiksarmek tsaṉkurnáiratarum.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.