Ex 31
31
Eb watx'nemal aj cajlobal Jehová
(Ex 35.30; 36.1)
1Max k'anjab pax Jehová bay cham Moisés, max yalon bay axca ti':
2Ilabi, a bay is tribual Judá, max in sic'can el Bezaleel, c'ajol Uri, is yitxiquin Hur. 3Mayal wak' Wespíritu yin is nabal, yet watx' ay is jelanil yin ojtakbilal, c'al yajnabalil, yet ok je' watx'nen aj tzanc'al tzetak yetal, 4c'al naon aj watx'nen yechel jantak mulnajil ok ujok, axca yin oro, yin plata c'al yin bronce, 5c'al yin watx'nen aj ch'en ch'en watx' yili, c'al watx'nen te te' yin tzanc'al tzet mulnajilal. 6Axa Aholiab, c'ajol Ahisamac max waoc is colwajwomok, a tu' titnak yin tribual Dan. A bay masanil eb aj nabal max wak'can jelanil eb, caywal tu' ok yun watx'nen eb masanil tzet yetal max wal ayach: 7A ton an mantiado bay chin chalej in ba e yetok, te caẍail in trato, c'al is makil te caẍa tu' bay chi ak'lay tan yobtakil, yetokc'al masanil is mitx'k'abil bay yul mantiado tu', 8yetok te meẍa, c'al jantak is mitx'k'abil, yetokc'al jun batxlub candil naba oro, c'al is mitx'k'abil; yetok c'apax altar yet incienso, 9c'al altar bay chi tz'a xajanbal, c'al is mitx'k'abil, yetok c'apax jun miman palangana, yetokc'al is batxlub yich, 10c'al an pichilej tol chembil, chi yal elapnok a ton is pichil cham sacerdote Aarón, tol miman yelapnok; yetokc'al yet eb is c'ajol, a ton chi k'an eb yin yopiso, 11yetok aceite chi k'anlay yet chi occan junok wetok, c'al incienso manxa watx'ilok chi k'anlay bay in cajlobal. A juntzan tu', yowalil chi watx'nej eb axca wal max yun walon ayach, ẍi Jehová bay cham Moisés.
C'ual xewilal
(Ex 35.1-3)
12Max yalon Jehová bay cham Moisés:
13Al bay eb et conob tol yowalil chi yikej eb jun c'ual xewilal, yujtol wet yayji ocok; yujtol a jun c'ual tu' yechel co trato yayjican oc co nan co xol e yetok yin tojbalk'inal, yet watx' che yojtaknej elok, tol ayin Jehová in ti' max ex in sic'can elok.
14A jun c'ual xewilal tu', mimanokab yelapnok yul e sat. A mac c'am chi yikej xew yet jun c'ual tu', yowalil chi cami. 15Asan yin wakeb c'ual chi oc mulnajil; axa yet is suk c'ual xin, c'ual xewilal, wetc'al yayji. Tzanc'al mactxel chi mulnaj yet jun c'ual xewilal tu', tojolc'al cami. 16-17Yuj tu xin, yowalil tol che yikej jun c'ual xewilal tu'. A jun ti', yechel co trato chi yuncan yin tojbalk'inal co nan co xol e yetok, ẍi Jehová.
Yujtol a Jehová max watx'nen satcan, c'al sat tx'otx' ti' yin wakeb c'ual; axa yet is suk c'ual xin, majxa mulnajok, palta tol max xewi.
18A yet max lajwi k'anjab Jehová yetok cham Moisés bay jolom witz Sinaí, max yak'on cab jenan ch'en bay cham Moisés, bay tz'ibbil oc is trato, tol a wal caw Dios max tz'ibeni.
ទើបបានជ្រើសរើសហើយ៖
Ex 31: ATBYK89
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kanjobal (Q’anjob’al) © Sociedad Bíblica de Guatemala 1989