Luka 20
20
Cihula caha Nzili Yakama ya Yesu
(Mateu21:23-27; Mako11:27-33)
1Ha litangua limo Yesu uakele nakulongesa mu mbalanda ya njivo ya Njambi na kuambulula Muzimbu Uacili ku vantu, kaha vakuluntu va vasasendote na valongisi va mezi a Lishiko lia Mosesa, hamo na vakuluntu vezile, 2kaha vahandekele kuli ikeye nguavo, “Tuleke, nzili muka yakama ukalikuasesa nayo kulinga viuma evi? Iya nakuhana nzili yakama eyi?”
3Yesu uavakumbuluile nguendi, “Nange naua njimihula cihula cimo. Njilekeni, 4nkuma kumbuitika ca Yiuano cahumine kuli Njambi indi ku vantu?” 5Vaputukile vimpata hakati kavo nguavo, “Vika tukahandeka? Nga tuhandeka nguetu, ‘Cahumine kuli Njambi,’ kaha akatuihula nguendi, ‘Nkuma vikahoni kumua mutsilielelele?’ 6Vuno honi nga tukahandeka nguetu, ‘Cahumininine ku vantu,’ Kaha civunga coshe ca vantu vakatuasha mavue, muomu vovuisisile nguavo Yiuano uapuile Kananguizi.” 7Kaha vakumbuluile Yesu nguavo, “Kutuzivuka kuje kucahumine.”
8Kaha Yesu uahandekele kuli vakevo nguendi, “Nange naua kunjimileka kuje kuihuminina nzili ije injili nakulikuasesa mukulinga viuma evi.”
Cisimo ca Vaka Kupanga mu Lihia lia Vushuka vua Viniu
(Mateu21:33-46; Mako12:1-12)
9Yesu uatualeleleho kuleka vantu cisimo eci nguendi, “Kuakele yala umo uakele na lihia lia viniu, kaha ualikumuisile kuli vandimi vamo, kaha uayile vungezi vuendi ha ntsimbu yalaha. 10Omo ntsimbu ya kuteja vushuka yahetele, uatumine ngamba uendi kuli vaje vandimi, muku katambulako mutambela uendi kuli vije vanateje. Vuno honi vaje vandimi vapupile uje ngamba, nakumuhiluisa mavoko voko. 11Kaha uje vavenia lihia uatumineko naua ngamba mukuavo, vuno honi vaje vandimi vamupupile naua na kumulinga muamupi, kaha uamuhiluisile mavoko voko. 12Uatumineko naua ngamba ua mucitatu, kaha vaje vandimi vamu vulumuine naua nakumumbila hambaza lia lihia. 13Ambahoni vavenia lihia uahandekele nguendi, ‘Nkuma njikalinga vati? Njikatuma munange injazanga, hamo vaka musingimika!’ 14Vuno honi omo vandimi vamumuene, kaha valihandekesele hakati kavo nguavo, ‘Ou ikeye muna uje vavenia lihia. Ijeni tumutsihe, kaha tukasuana vufuko vuendi!’ 15Nankuma vamumbilile hambaza lia lihia lia vushuka vua viniu, kaha vamutsihile.”
Yesu uavehuile nguendi, “Vika akalinga uje vavenia lihia kuli vaje vandimi? 16Akeja na kutsiha vaje vantu na kuhana lije lihia ku vandimi veka.”
Omo vantu vovuile evi, vahandekele nguavo, “Muavusunga vene keti ngoco houe!”
17Yesu uavatalele nakuvehula nguendi, “Visoneka vilumbununa vika omo vihandeka nguavio,
‘Livue lije vene vakakutunga vavianene,
likelio linapu cisimi ca mumbango.’
18Kaha uoshe uje akauila ha livue lije akavatuka vimpindi mpindi, vuno honi nga lije livue lika uila hali muntu umo, likamusaniuna.”
Cihula ca ha Kufueta Lisimu
(Mateu22:15-22; Mako12:13-17)
19Valongisi va mezi a Lishiko lia Mosesa na vakuluntu va vasasendote vayonguele kukuata Yesu ha ntsimbu ijevene, muomu vazivukile nguavo cisimo eci nacitela vakevo, vuno honi vateuele vantu. 20Nankuma, va vandamenene ntsimbu ya cili. Kaha vahanene lizika kanua ku vantu vamo valipuise ngue vaka vusunga, kaha va vatumine kuli Yesu linga vakamueseke na vihula ngeci vamuhane ku mavoko a Nguvulu. 21Kaha vaje vavatumine vehuile Yesu nguavo, “Mulongisi tuazivuka nguetu yove ukahandeka vusunga na kulongesa vusunga, naua kuue kutala hali muntu cipue uapua ua vulemu, cipue keti ua vulemu vuno honi ntsimbu yoshe ukalongesa vantu vusunga muje muatondela Njambi ngeci vayoyemo. 22Tuleke, nkuma Lishiko lietu litutavesa kufueta lisimu kuli Sezale indi houe?”
23Vuno honi Yesu uazivukile kuzangama cavo, kaha uahandekele kuli vakevo nguendi, 24“Njimueseni mbongo ya muuaya uaya ya siliva. Nkuma cihanga ceya na lizina lieya viliho?”
Kaha vamukumbuluile nguavo “via Sezale!”
25Nankuma Yesu uahandekele kuli vakevo nguendi, “Muacili, haneni kuli Sezale vije viapande kuli Sezale, kaha haneni kuli Njambi vije viapande kuli Njambi.”
26Kaha kuvasele kumu uanenaho mulonga ha mezi aua ku mesho a vantu. Valikomokelele ku kukumbulula cendi kaha vaholokele kuluu.
Cihula ca ha Kusanguka ku Vatsi
(Mateu22:23-33; Mako12:18-27)
27Kaha Vasanduki vamo, vaje vatsiliela nguavo vantu kuvakasanguka ku vatsi, vezile kuli Yesu nakumuhula nguavo, 28“Mulongisi, Mosesa uatusonekelele Lishiko eli nguendi, ‘Nga yala atsa, kaha aseza mpueyendi vuno honi kesi na vana, kaha munaina ambate uje ntuluue linga asemeneko vana va uje natsi.’ 29Kuakele vamunaina vatanu na vavali, kaha uje uamukuluntu uambatele mpuevo, uatsile kuakuhona muana. 30Kaha uje ua mucivali uambatele uje mpuevo naua uatsile kuakuhona muana 31kaha uamucitatu naua. Cuma cimo cafuile mujevene kuli voshe vaje vatanu na vavali, voshe vatsile kuakuhona vana. 32Kaha kukumanusuila uje mpuevo uatsile. 33Nankuma, ha litangua lije omo vatsi vaka sanguka, uje mpuevo akapua ueya hakati kavaje voshe vamuambatele vatanu na vavali?”
34Yesu uavakumbuluile nguendi, “Vantu va ntsimbu ino vakambata na kushombuesa naua, 35vuno honi vampuevo na vamala vaje vapande kusanguka ku vatsi na kuyoya mu ntsimbu ije ikeja kulutue, kuva kambata cipue kushomboka. 36Vakevo vakapua ngue tungelo kuvakasa naua kutsa muomu vanapu vana va Njambi, muomu vanasanguka kuvatsi. 37Mosesa nahana vukaleho ngeci vatsi vaka sanguka. Mu visoneka vije vihandeka via ciputa cije cakele nakuuema, cipuevene Mosesa ahandeka hali Muene Njambi ikeye vene ‘Njambi ya Avilahama, Njambi ya Isake, na Njambi ya Yakomba.’ 38Ikeye uapua Njambi ua vaka kuyoya, keti ua vaka kutsa, muomu kuli ikeye vantu voshe vayoya.”
39Kaha vamo valongisi va mezi a Lishiko vahandekele nguavo, “Mulongisi, uakumbulula muacili!” 40Kuhuma ha ntsimbu ije kuvasele naua kuihula Yesu vihula vieka.
Cihula ca hali Kilistu
(Mateu22:41-46; Mako12:35-37)
41Yesu uavehuile nguendi, “Nkuma vika honi vali nakuhandeka nguavo, Kilistu akapua ua ku ntanga ya Ndaviti? 42Muomu Ndaviti vavenia nahandeka mu livulu lia miaso nguendi,
‘Muene uahandekele kuli Muene uange nguendi,
Tumama ku livoko liange lia cilio,
43noho njikapuisa vitozi vove ngue cituamo caku viliato viove.’
44Nga Ndaviti ikeye uamutumbuile nguendi, ‘Muene,’ kaha vatihoni Kilistu apua mutekuluila ua Ndaviti?”
Yesu Anangula linga Vazangame ku Valongisi va Mezi a Lishiko
(Mateu23:1-36; Mako12:38-40)
45Kaha omo civunga ca vantu vakele nakuvuilila, Yesu uahandekele kuli vandongisi vendi nguendi, 46“Zangameni kuli valongisi va mezi a Lishiko, vaje vazanga kuenda na vikovelo viavo via laha na kuzanga kuvameneka na kasingimiko mu vihela viakulandesela, na kuhangula vituamo viacili mu vinjivo via malombelo na ku vihela via vulemu ku viuano. 47Vakevo vakakuisi vantuluue na kuvevila ku vinjivo viavo, kaha vashueka vilinga viavo na malombelo alaha! Kaha kashitiko kavo kakapua kakama cikuma!”
ទើបបានជ្រើសរើសហើយ៖
Luka 20: NNTZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 20
20
Cihula caha Nzili Yakama ya Yesu
(Mateu21:23-27; Mako11:27-33)
1Ha litangua limo Yesu uakele nakulongesa mu mbalanda ya njivo ya Njambi na kuambulula Muzimbu Uacili ku vantu, kaha vakuluntu va vasasendote na valongisi va mezi a Lishiko lia Mosesa, hamo na vakuluntu vezile, 2kaha vahandekele kuli ikeye nguavo, “Tuleke, nzili muka yakama ukalikuasesa nayo kulinga viuma evi? Iya nakuhana nzili yakama eyi?”
3Yesu uavakumbuluile nguendi, “Nange naua njimihula cihula cimo. Njilekeni, 4nkuma kumbuitika ca Yiuano cahumine kuli Njambi indi ku vantu?” 5Vaputukile vimpata hakati kavo nguavo, “Vika tukahandeka? Nga tuhandeka nguetu, ‘Cahumine kuli Njambi,’ kaha akatuihula nguendi, ‘Nkuma vikahoni kumua mutsilielelele?’ 6Vuno honi nga tukahandeka nguetu, ‘Cahumininine ku vantu,’ Kaha civunga coshe ca vantu vakatuasha mavue, muomu vovuisisile nguavo Yiuano uapuile Kananguizi.” 7Kaha vakumbuluile Yesu nguavo, “Kutuzivuka kuje kucahumine.”
8Kaha Yesu uahandekele kuli vakevo nguendi, “Nange naua kunjimileka kuje kuihuminina nzili ije injili nakulikuasesa mukulinga viuma evi.”
Cisimo ca Vaka Kupanga mu Lihia lia Vushuka vua Viniu
(Mateu21:33-46; Mako12:1-12)
9Yesu uatualeleleho kuleka vantu cisimo eci nguendi, “Kuakele yala umo uakele na lihia lia viniu, kaha ualikumuisile kuli vandimi vamo, kaha uayile vungezi vuendi ha ntsimbu yalaha. 10Omo ntsimbu ya kuteja vushuka yahetele, uatumine ngamba uendi kuli vaje vandimi, muku katambulako mutambela uendi kuli vije vanateje. Vuno honi vaje vandimi vapupile uje ngamba, nakumuhiluisa mavoko voko. 11Kaha uje vavenia lihia uatumineko naua ngamba mukuavo, vuno honi vaje vandimi vamupupile naua na kumulinga muamupi, kaha uamuhiluisile mavoko voko. 12Uatumineko naua ngamba ua mucitatu, kaha vaje vandimi vamu vulumuine naua nakumumbila hambaza lia lihia. 13Ambahoni vavenia lihia uahandekele nguendi, ‘Nkuma njikalinga vati? Njikatuma munange injazanga, hamo vaka musingimika!’ 14Vuno honi omo vandimi vamumuene, kaha valihandekesele hakati kavo nguavo, ‘Ou ikeye muna uje vavenia lihia. Ijeni tumutsihe, kaha tukasuana vufuko vuendi!’ 15Nankuma vamumbilile hambaza lia lihia lia vushuka vua viniu, kaha vamutsihile.”
Yesu uavehuile nguendi, “Vika akalinga uje vavenia lihia kuli vaje vandimi? 16Akeja na kutsiha vaje vantu na kuhana lije lihia ku vandimi veka.”
Omo vantu vovuile evi, vahandekele nguavo, “Muavusunga vene keti ngoco houe!”
17Yesu uavatalele nakuvehula nguendi, “Visoneka vilumbununa vika omo vihandeka nguavio,
‘Livue lije vene vakakutunga vavianene,
likelio linapu cisimi ca mumbango.’
18Kaha uoshe uje akauila ha livue lije akavatuka vimpindi mpindi, vuno honi nga lije livue lika uila hali muntu umo, likamusaniuna.”
Cihula ca ha Kufueta Lisimu
(Mateu22:15-22; Mako12:13-17)
19Valongisi va mezi a Lishiko lia Mosesa na vakuluntu va vasasendote vayonguele kukuata Yesu ha ntsimbu ijevene, muomu vazivukile nguavo cisimo eci nacitela vakevo, vuno honi vateuele vantu. 20Nankuma, va vandamenene ntsimbu ya cili. Kaha vahanene lizika kanua ku vantu vamo valipuise ngue vaka vusunga, kaha va vatumine kuli Yesu linga vakamueseke na vihula ngeci vamuhane ku mavoko a Nguvulu. 21Kaha vaje vavatumine vehuile Yesu nguavo, “Mulongisi tuazivuka nguetu yove ukahandeka vusunga na kulongesa vusunga, naua kuue kutala hali muntu cipue uapua ua vulemu, cipue keti ua vulemu vuno honi ntsimbu yoshe ukalongesa vantu vusunga muje muatondela Njambi ngeci vayoyemo. 22Tuleke, nkuma Lishiko lietu litutavesa kufueta lisimu kuli Sezale indi houe?”
23Vuno honi Yesu uazivukile kuzangama cavo, kaha uahandekele kuli vakevo nguendi, 24“Njimueseni mbongo ya muuaya uaya ya siliva. Nkuma cihanga ceya na lizina lieya viliho?”
Kaha vamukumbuluile nguavo “via Sezale!”
25Nankuma Yesu uahandekele kuli vakevo nguendi, “Muacili, haneni kuli Sezale vije viapande kuli Sezale, kaha haneni kuli Njambi vije viapande kuli Njambi.”
26Kaha kuvasele kumu uanenaho mulonga ha mezi aua ku mesho a vantu. Valikomokelele ku kukumbulula cendi kaha vaholokele kuluu.
Cihula ca ha Kusanguka ku Vatsi
(Mateu22:23-33; Mako12:18-27)
27Kaha Vasanduki vamo, vaje vatsiliela nguavo vantu kuvakasanguka ku vatsi, vezile kuli Yesu nakumuhula nguavo, 28“Mulongisi, Mosesa uatusonekelele Lishiko eli nguendi, ‘Nga yala atsa, kaha aseza mpueyendi vuno honi kesi na vana, kaha munaina ambate uje ntuluue linga asemeneko vana va uje natsi.’ 29Kuakele vamunaina vatanu na vavali, kaha uje uamukuluntu uambatele mpuevo, uatsile kuakuhona muana. 30Kaha uje ua mucivali uambatele uje mpuevo naua uatsile kuakuhona muana 31kaha uamucitatu naua. Cuma cimo cafuile mujevene kuli voshe vaje vatanu na vavali, voshe vatsile kuakuhona vana. 32Kaha kukumanusuila uje mpuevo uatsile. 33Nankuma, ha litangua lije omo vatsi vaka sanguka, uje mpuevo akapua ueya hakati kavaje voshe vamuambatele vatanu na vavali?”
34Yesu uavakumbuluile nguendi, “Vantu va ntsimbu ino vakambata na kushombuesa naua, 35vuno honi vampuevo na vamala vaje vapande kusanguka ku vatsi na kuyoya mu ntsimbu ije ikeja kulutue, kuva kambata cipue kushomboka. 36Vakevo vakapua ngue tungelo kuvakasa naua kutsa muomu vanapu vana va Njambi, muomu vanasanguka kuvatsi. 37Mosesa nahana vukaleho ngeci vatsi vaka sanguka. Mu visoneka vije vihandeka via ciputa cije cakele nakuuema, cipuevene Mosesa ahandeka hali Muene Njambi ikeye vene ‘Njambi ya Avilahama, Njambi ya Isake, na Njambi ya Yakomba.’ 38Ikeye uapua Njambi ua vaka kuyoya, keti ua vaka kutsa, muomu kuli ikeye vantu voshe vayoya.”
39Kaha vamo valongisi va mezi a Lishiko vahandekele nguavo, “Mulongisi, uakumbulula muacili!” 40Kuhuma ha ntsimbu ije kuvasele naua kuihula Yesu vihula vieka.
Cihula ca hali Kilistu
(Mateu22:41-46; Mako12:35-37)
41Yesu uavehuile nguendi, “Nkuma vika honi vali nakuhandeka nguavo, Kilistu akapua ua ku ntanga ya Ndaviti? 42Muomu Ndaviti vavenia nahandeka mu livulu lia miaso nguendi,
‘Muene uahandekele kuli Muene uange nguendi,
Tumama ku livoko liange lia cilio,
43noho njikapuisa vitozi vove ngue cituamo caku viliato viove.’
44Nga Ndaviti ikeye uamutumbuile nguendi, ‘Muene,’ kaha vatihoni Kilistu apua mutekuluila ua Ndaviti?”
Yesu Anangula linga Vazangame ku Valongisi va Mezi a Lishiko
(Mateu23:1-36; Mako12:38-40)
45Kaha omo civunga ca vantu vakele nakuvuilila, Yesu uahandekele kuli vandongisi vendi nguendi, 46“Zangameni kuli valongisi va mezi a Lishiko, vaje vazanga kuenda na vikovelo viavo via laha na kuzanga kuvameneka na kasingimiko mu vihela viakulandesela, na kuhangula vituamo viacili mu vinjivo via malombelo na ku vihela via vulemu ku viuano. 47Vakevo vakakuisi vantuluue na kuvevila ku vinjivo viavo, kaha vashueka vilinga viavo na malombelo alaha! Kaha kashitiko kavo kakapua kakama cikuma!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល