Luka 19
19
Yesu na Zakeo
1Hanima yevi Yesu uakovelele mu Yeliko na kuputuka kuhitanganamo. 2Muakele yala umo mu nganda ije, uje uapuile mukuluntu ua vaka kutambula lisimu lizina liendi Zakeo, uje uapuile muka kufuka. 3Uatondele kumona Yesu muje muamonekelamo, vuno honi kamumuene muomu ya civunga ca vantu kaha naua uapuile uamuihi. 4Kaha uashatukililele kulutue lia civunga, ualondele ku muti ua linongo linga amone Yesu uje uahitile mu ngila ijevene. 5Omo Yesu uahetele ha mutambela uje, uatalele kuilu, kaha uahandekele kuli Zakeo nguendi, “Shuluka vuasi Zakeo, muomu lelo njapande kuija ku njivo yove.”
6Kaha Zakeo uashulukile vuasi nakumutambula na kuvuahelela cikuma. 7Vantu voshe vaje vamuene vialingiuile vaninguile nguavo, “Ou yala nai nakupua mungezi ku njivo ya muka vupi!”
8Kaha Zakeo uemanene na kuhandeka kuli Muene nguendi, “Muene ivuilila njihana mutambela ua vufuko vuange kuli vihutu, nga njambatele cimo kuli umo mu ngila ya makuli, kaha njika mufueta vintsimbu viuana.”
9Yesu uahandekele nguendi, “Kuovoka ku neja mu njivo ino lelo, muomu ou yala nendi naua napu muna Avilahama. 10Muavusunga Muna Muntu uezile nakutonda na kuovola vaje vana zimbala.”
Cisimo ca Mbongo ya Muuaya uaya ya Ngolinde
(Mateu25:14-30)
11Omo tele vantu vakele nakuivuilila vije Yesu uakele nakuhandeka, uavatelelele cisimo muomu uakele kuyehi na Yelusalema, kaha vasinganiekele ngue Vumuene vua Njambi hajevene vusholoka. 12Kaha Yesu uahandekele nguendi, “Kuakele muntu uaku vumuene uje uayile ku cifuti ca kulahako linga vakamupuise muene, hanima yevi uasinganiekele kuhiluka linga akuendese vantu vendi. 13Omo tele kanda aye, uasanene vangamba vendi likumi kaha uahanene umo na umo mbongo ya muuaya uaya ya ngolinde na kuvaleka nguendi, ‘Landululeni noho njikeja.’ 14Vuno honi vantu vamu cifuti cendi vamuzindile cikuma, kaha vamutuminine tunganda kuje kuayile nakukahandeka nguavo, ‘Ou yala kutumutondo linga apue muene uetu.’
15“Omo uje yala uahilukile, hanima ya kumuhaka vumuene, uashikile vaje vangamba vahanene vimbongo linga veje kuli ikeye ngeci azivuke cingahi vana landuluilaho. 16Kaha uakulivanga uezile nakuhandeka nguendi, ‘Muene, mbongo imolika ije iuanjihanene yasemuinina honi vimbongo likumi vikuavo.’ 17Kaha uahandekele kuli ikeye nguendi, ‘Unalingi muacili cikuma, ngamba uacili! Kaha muene uahandekele kuli ikeye nguendi, muomu unakala nalutsilielo mu viuma viavindende, njikakuhana nzili yakama ya kutuamenena vinganda likumi.’ 18Kaha uamucivali naua uezile uahandekele nguendi, ‘Muene, mbongo yove imolika ije iuanjihanene yasemuinina vimbongo vitanu.’ 19Kaha naua muene uahandekele kuli ikeye nguendi, ‘Njikakupuisa muka kutuamenena vinganda vitanu.’ 20Ambahoni mukuavo ngamba uezile uahandekele nguendi, ‘Muene, mbongo yove eyi, hanga njaitulikilile ha kantanga kakandende. 21Njevuile liova, muomu yove uapua muntu uavutenu. Ukambata cije keti cove na kuteja vije kuuakuvile.’ 22Kaha muene uahandekele kuli ikeye nguendi, ‘Yove ngamba uamupi! Njikakuhisa na mezi akuhuma mu kanua kove! Uzivuka nguove yange nji yala uavutenu, njikambata vije keti viange na kuteja vije kunjakuvile? 23Nkuma vikahoni kuua tulikilile mbongo yange mu njivo yakutulikila vimbongo, ngeci omo munjineja ngue njinauana mbongo yange hamo na kakondueso kayo?’ 24Kaha muene uahandekele kuli vaje vemanene kumukulo nguendi, ‘Muniekeni oyo mbongo, muihane kuli uje ali na vimbongo likumi.’ 25Vuno honi vakevo vahandekele kuli ikeye nguavo, ‘Muene, ali laja na vimbongo likumi!’ 26Kaha ikeye uavatavele nguendi, ‘Muavusunga njimileka nguange, uje ali naco, vakamuhakelako viavingi, vuno honi uje kesi navio, cipue vene vije viavindende viali navio vakamuniekavio. 27Vuno honi ku vitozi vange, vaje kuvatondele linga yange njipue muene uavo, vaneheni kuno kaha vatsihileni ha mesho ange.’”
Yesu Akovela na Kasingimiko mu Yelusalema
(Mateu21:1-11; Mako11:1-11; Yiuano12:12-19)
28Omo Yesu uamanuisile kuhandeka evi, kaha uayile kulutue luavo nakuya ku Yelusalema. 29Omo Yesu uahetele kuyehi na Mbetefanje na Mbeteni ku munkinda ua Oliveta, kaha uatumine vandongisi vavali kulutue uavalekele nguendi, 30“Yeni ku limbo lije lili kulutue lueni, omo mukakovelamo mukauana muna cimulu vanamukutu, uje kanda muntu alondeho. Kaha muzituleni mumunehe kuno.” 31Nga muntu umo amihula nguendi vika mumuzituila, mulekeni ngueni Muene amutonda.
32Kaha vaje vavatumine vayile vakauanene ngue muje muahandekelele Muene. 33Tele vacili nakuzitula uje muna cimulu, kaha vavenia cimulu uavehuile nguendi, “Vika mumuzituila ou muna cimulu?”
34Kaha vamutavele nguavo, “Muene ali nakumutonda.” 35Vatualele uje muna cimulu kuli Yesu. Kaha vajalele tuzaku tuavo ha muongo uendi, kaha Yesu ualondeleho. 36Omo uakele nakuya ha cimulu, vantu vajalele tuzaku tuavo mu ngila. 37Omo Yesu uahetele kuyehi na Yelusalema, ku cikulo ca munkinda ua Oliveta, kaha civunga cacingi ca vandongisi vendi vaputukile kuvuahelela na kulemesa Njambi na mezi akama ha vikomoueso vioshe viakama vivamuene vije vialingile Yesu, 38nguavo, “Uakukuisula muene uje eja mu lizina lia Muene Njambi! Ciyulo muilu na vumpau kuli Njambi!”
39Vafaliseho vamo vaje vakele mu civunga vahandekele kuli Yesu nguavo, “Mulongisi, shika vandongisi vove linga vaholoke”
40Yesu uavakumbuluile nguendi, “Njimileka nguange, nga ava vakaholoka kaha aua mavue akaputuka kutambakana.”
Yesu Alilila Yelusalema
41Omo Yesu uahetele kuyehi na Yelusalema, kaha omo uaimuene ualilile, 42uahandekele nguendi, “Nga uazivuka vika vije vitondeka linga lelo kukale ciyulo! Vuno honi vacishuekesa kuli yove! 43Ntsimbu ikeja hali yove, omo vitozi vove vaka kutungila cimpaka, nakukuhaka mukati kavo, na kukushetuila mukati ku mitambela yoshe. 44Kaha vakevo vakakunongesa hamo na vantu vove vaje vali mu vivumbe viove, kuvakaseze cipue livue limo mu muhela ualio, muomu yove kuuazivukile ntsimbu ije omo Njambi uezile nakukuovola.”
Yesu Aya ku Njivo ya Njambi
(Mateu21:12-17; Mako11:15-19; Yiuano2:13-22)
45Ambahoni Yesu uakovelele mu njivo ya Njambi, na kuputuka kushekamo voshe vaje vakele nakulandesa, 46uahandekele kuli vakevo nguendi, “Vanasoneka mu visoneka nguavo, ‘Njivo yange ikapua njivo ya malombelo’, vuno honi yeni muayipuisa cihela ca vezi!”
47Yesu uakele nakulongesa mu njivo ya Njambi ha litangua na litangua. Vakuluntu va vasasendote na valongisi va mezi a Lishiko lia Mosesa na vantuama va vantu vatondele kumutsiha, 48vuno honi kuvauanene ngila yaku cilingila, muomu vantu voshe vakele naku muvuilila ngeci keti vasezeho cipue lizi limo.
ទើបបានជ្រើសរើសហើយ៖
Luka 19: NNTZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 19
19
Yesu na Zakeo
1Hanima yevi Yesu uakovelele mu Yeliko na kuputuka kuhitanganamo. 2Muakele yala umo mu nganda ije, uje uapuile mukuluntu ua vaka kutambula lisimu lizina liendi Zakeo, uje uapuile muka kufuka. 3Uatondele kumona Yesu muje muamonekelamo, vuno honi kamumuene muomu ya civunga ca vantu kaha naua uapuile uamuihi. 4Kaha uashatukililele kulutue lia civunga, ualondele ku muti ua linongo linga amone Yesu uje uahitile mu ngila ijevene. 5Omo Yesu uahetele ha mutambela uje, uatalele kuilu, kaha uahandekele kuli Zakeo nguendi, “Shuluka vuasi Zakeo, muomu lelo njapande kuija ku njivo yove.”
6Kaha Zakeo uashulukile vuasi nakumutambula na kuvuahelela cikuma. 7Vantu voshe vaje vamuene vialingiuile vaninguile nguavo, “Ou yala nai nakupua mungezi ku njivo ya muka vupi!”
8Kaha Zakeo uemanene na kuhandeka kuli Muene nguendi, “Muene ivuilila njihana mutambela ua vufuko vuange kuli vihutu, nga njambatele cimo kuli umo mu ngila ya makuli, kaha njika mufueta vintsimbu viuana.”
9Yesu uahandekele nguendi, “Kuovoka ku neja mu njivo ino lelo, muomu ou yala nendi naua napu muna Avilahama. 10Muavusunga Muna Muntu uezile nakutonda na kuovola vaje vana zimbala.”
Cisimo ca Mbongo ya Muuaya uaya ya Ngolinde
(Mateu25:14-30)
11Omo tele vantu vakele nakuivuilila vije Yesu uakele nakuhandeka, uavatelelele cisimo muomu uakele kuyehi na Yelusalema, kaha vasinganiekele ngue Vumuene vua Njambi hajevene vusholoka. 12Kaha Yesu uahandekele nguendi, “Kuakele muntu uaku vumuene uje uayile ku cifuti ca kulahako linga vakamupuise muene, hanima yevi uasinganiekele kuhiluka linga akuendese vantu vendi. 13Omo tele kanda aye, uasanene vangamba vendi likumi kaha uahanene umo na umo mbongo ya muuaya uaya ya ngolinde na kuvaleka nguendi, ‘Landululeni noho njikeja.’ 14Vuno honi vantu vamu cifuti cendi vamuzindile cikuma, kaha vamutuminine tunganda kuje kuayile nakukahandeka nguavo, ‘Ou yala kutumutondo linga apue muene uetu.’
15“Omo uje yala uahilukile, hanima ya kumuhaka vumuene, uashikile vaje vangamba vahanene vimbongo linga veje kuli ikeye ngeci azivuke cingahi vana landuluilaho. 16Kaha uakulivanga uezile nakuhandeka nguendi, ‘Muene, mbongo imolika ije iuanjihanene yasemuinina honi vimbongo likumi vikuavo.’ 17Kaha uahandekele kuli ikeye nguendi, ‘Unalingi muacili cikuma, ngamba uacili! Kaha muene uahandekele kuli ikeye nguendi, muomu unakala nalutsilielo mu viuma viavindende, njikakuhana nzili yakama ya kutuamenena vinganda likumi.’ 18Kaha uamucivali naua uezile uahandekele nguendi, ‘Muene, mbongo yove imolika ije iuanjihanene yasemuinina vimbongo vitanu.’ 19Kaha naua muene uahandekele kuli ikeye nguendi, ‘Njikakupuisa muka kutuamenena vinganda vitanu.’ 20Ambahoni mukuavo ngamba uezile uahandekele nguendi, ‘Muene, mbongo yove eyi, hanga njaitulikilile ha kantanga kakandende. 21Njevuile liova, muomu yove uapua muntu uavutenu. Ukambata cije keti cove na kuteja vije kuuakuvile.’ 22Kaha muene uahandekele kuli ikeye nguendi, ‘Yove ngamba uamupi! Njikakuhisa na mezi akuhuma mu kanua kove! Uzivuka nguove yange nji yala uavutenu, njikambata vije keti viange na kuteja vije kunjakuvile? 23Nkuma vikahoni kuua tulikilile mbongo yange mu njivo yakutulikila vimbongo, ngeci omo munjineja ngue njinauana mbongo yange hamo na kakondueso kayo?’ 24Kaha muene uahandekele kuli vaje vemanene kumukulo nguendi, ‘Muniekeni oyo mbongo, muihane kuli uje ali na vimbongo likumi.’ 25Vuno honi vakevo vahandekele kuli ikeye nguavo, ‘Muene, ali laja na vimbongo likumi!’ 26Kaha ikeye uavatavele nguendi, ‘Muavusunga njimileka nguange, uje ali naco, vakamuhakelako viavingi, vuno honi uje kesi navio, cipue vene vije viavindende viali navio vakamuniekavio. 27Vuno honi ku vitozi vange, vaje kuvatondele linga yange njipue muene uavo, vaneheni kuno kaha vatsihileni ha mesho ange.’”
Yesu Akovela na Kasingimiko mu Yelusalema
(Mateu21:1-11; Mako11:1-11; Yiuano12:12-19)
28Omo Yesu uamanuisile kuhandeka evi, kaha uayile kulutue luavo nakuya ku Yelusalema. 29Omo Yesu uahetele kuyehi na Mbetefanje na Mbeteni ku munkinda ua Oliveta, kaha uatumine vandongisi vavali kulutue uavalekele nguendi, 30“Yeni ku limbo lije lili kulutue lueni, omo mukakovelamo mukauana muna cimulu vanamukutu, uje kanda muntu alondeho. Kaha muzituleni mumunehe kuno.” 31Nga muntu umo amihula nguendi vika mumuzituila, mulekeni ngueni Muene amutonda.
32Kaha vaje vavatumine vayile vakauanene ngue muje muahandekelele Muene. 33Tele vacili nakuzitula uje muna cimulu, kaha vavenia cimulu uavehuile nguendi, “Vika mumuzituila ou muna cimulu?”
34Kaha vamutavele nguavo, “Muene ali nakumutonda.” 35Vatualele uje muna cimulu kuli Yesu. Kaha vajalele tuzaku tuavo ha muongo uendi, kaha Yesu ualondeleho. 36Omo uakele nakuya ha cimulu, vantu vajalele tuzaku tuavo mu ngila. 37Omo Yesu uahetele kuyehi na Yelusalema, ku cikulo ca munkinda ua Oliveta, kaha civunga cacingi ca vandongisi vendi vaputukile kuvuahelela na kulemesa Njambi na mezi akama ha vikomoueso vioshe viakama vivamuene vije vialingile Yesu, 38nguavo, “Uakukuisula muene uje eja mu lizina lia Muene Njambi! Ciyulo muilu na vumpau kuli Njambi!”
39Vafaliseho vamo vaje vakele mu civunga vahandekele kuli Yesu nguavo, “Mulongisi, shika vandongisi vove linga vaholoke”
40Yesu uavakumbuluile nguendi, “Njimileka nguange, nga ava vakaholoka kaha aua mavue akaputuka kutambakana.”
Yesu Alilila Yelusalema
41Omo Yesu uahetele kuyehi na Yelusalema, kaha omo uaimuene ualilile, 42uahandekele nguendi, “Nga uazivuka vika vije vitondeka linga lelo kukale ciyulo! Vuno honi vacishuekesa kuli yove! 43Ntsimbu ikeja hali yove, omo vitozi vove vaka kutungila cimpaka, nakukuhaka mukati kavo, na kukushetuila mukati ku mitambela yoshe. 44Kaha vakevo vakakunongesa hamo na vantu vove vaje vali mu vivumbe viove, kuvakaseze cipue livue limo mu muhela ualio, muomu yove kuuazivukile ntsimbu ije omo Njambi uezile nakukuovola.”
Yesu Aya ku Njivo ya Njambi
(Mateu21:12-17; Mako11:15-19; Yiuano2:13-22)
45Ambahoni Yesu uakovelele mu njivo ya Njambi, na kuputuka kushekamo voshe vaje vakele nakulandesa, 46uahandekele kuli vakevo nguendi, “Vanasoneka mu visoneka nguavo, ‘Njivo yange ikapua njivo ya malombelo’, vuno honi yeni muayipuisa cihela ca vezi!”
47Yesu uakele nakulongesa mu njivo ya Njambi ha litangua na litangua. Vakuluntu va vasasendote na valongisi va mezi a Lishiko lia Mosesa na vantuama va vantu vatondele kumutsiha, 48vuno honi kuvauanene ngila yaku cilingila, muomu vantu voshe vakele naku muvuilila ngeci keti vasezeho cipue lizi limo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល