Башталганы 21
21
Исаактыҥ туулганы
1Кайракан, Бойыныҥ айтканынча, Сарраны ундубаган: Кайракан айткан сӧзин бӱдӱрген.
2Сарра барланып, карыыр јӧбине јеткен Авраамга Кудайдыҥ айткан ӧйинде уул бала таап берген. 3Авраам Саррадаҥ чыккан уулын Исаак деп адаган. 4Кудайдыҥ јакарганыла сегизинчи кӱнде Исаактыҥ тын-эдине кестиртӱ эткен. 5Исаак чыгарда, Авраам јӱс јашту болгон. 6Сарра айткан:
– Кудай мени каткыртты: мыны уккан кижи менле кожо каткырар. 7– Оноҥ кошкон:
– Сарра бала эмчектеер деп, Авраамга кем айдар эди? Је карыыр јӧбимде мен ого уул бала таап бердим.
Агарь ла Измаилди јӱргӱзӱп ийгени
8Бала чыдап, оны эмчектеҥ айрыган кӱн Авраам јаан јыргал эткен.
9Египет укту Агарьдыҥ Авраамга чыгарып берген уулы Исаакты шоодып турганын Сарра кӧрӱп ийеле, 10Авраамга айткан:
– Бу кул ӱй кижини уулыла кожо сӱрӱп ий! Кулдыҥ уулы мениҥ Исаак уулымла энчи ӱлешпес учурлу.
11Уулы керегинде мындый сӧстӧрди угарга Авраамга ачу болгон, 12је Кудай айткан:
– Уулчак ла кул ӱй кижи учун санааркаба. Сарраныҥ айтканыла эт, нениҥ учун дезе Исаак сениҥ угыҥды улалтар. 13Кулдыҥ уулынаҥ Мен база калык бӱдӱрерим, нениҥ учун дезе ол сениҥ ӱрениҥ.
14Авраам эрте туруп, Агарьга калаш ла суулу борбуй јӱктендирип, уулчагыла экӱни јӱргӱзӱп ийген. Олор барала, Беэр-Шеваныҥ куба чӧлинде аза берген. 15Борбуйдагы суу тӱгенип каларда, Агарь уулын јырааныҥ тӧзине артырып салала, 16бойы, оныҥ ӧлӱп јатканын кӧрбӧскӧ, согоон учум кире јерге ырап, отура тӱжеле, ӧксӧп, ыйлай берген.
17Кудай уулчактыҥ ыйын угуп ийген: Кудайдыҥ ангели теҥеридеҥ Агарьга баштанган:
– Не болды, Агарь? Коркыба! Сениҥ артырып салган балаҥныҥ ӱнин Кудай укты. 18Бар, балаҥды тургус, колынаҥ једин! Мен бу баланаҥ улу калык бӱдӱрерим.
19Кудай Агарьдыҥ кӧзин ачкан, Агарь кутукты кӧрӱп, оноҥ борбуйды суула толтырып, уулчагына ичирген.
20Кудай уулчакты таштабаган. Уулчак куба чӧлдӧ чыдап ӧскӧн, ок-јаачы болуп калган. 21Ол Паран деп куба чӧлдӧ јуртаган, энези ого Египет јеринеҥ кижи алып берген.
Авраам ла Авимелехтиҥ јӧптӧжӱзи
22Ол ӧйдӧ Авимелех бойыныҥ черӱзиниҥ јааны Пихолло кожо келип, Авраамга айткан:
– Нени ле эткеҥде, Кудай сениле кожо. 23Сен мени де, балдарымды да, баркаларымды да тӧгӱндеп, качан да јаман кылык этпезиҥ деп, Кудайдыҥ алдына меге чертен. Мен сеге канайда јакшыны эткем, анайып ок, меге де, сениҥ кӧчӱп келген бу јерге де сениҥ јакшыҥ јетсин.
24Авраам:
– Чертенип јадым, – деген.
25Оноҥ Авимелехтиҥ улузы оныҥ казып алган кутугын блаап алган деп, Авимелехке комудап айткан.
26– Оны кем эткенин билбезим, – Авимелех каруузын јандырган. – Сен де меге айтпадыҥ. Мен ол керегинде јаҥы угуп јадым.
27Авраам Авимелехке оок ло јоон мал сыйлап, оныла јӧптӧжӱ тургускан. 28Оок малдыҥ ӱӱринеҥ јети койды аҥылап берген. 29Авимелех сураган:
– Меге бу јети койды не аҥылап бердиҥ?
30– Бу јети койды сен ал. Бу кутукты мен касканымныҥ керези болзын, – деп, Авраам каруу јандырган.
31Оныҥ учун бу јер Беэр-Шева деп адалган: мында олор экӱ чертенген.
32Беэр-Шевада јӧптӧжӱ тургузала, Авимелех ле оныҥ черӱзиниҥ јааны Пихол филистим јерине кайра бурулгандар. 33Авраам Беэр-Шевада агаш отургузала, Кайраканга, ӱргӱлји Кудайга, бажырган.
34Авраам филистим јеринде узак јуртаган.
ទើបបានជ្រើសរើសហើយ៖
Башталганы 21: АЛТ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Российское Библейское Общество, 2025
© Институт перевода Библии, 2025
Башталганы 21
21
Исаактыҥ туулганы
1Кайракан, Бойыныҥ айтканынча, Сарраны ундубаган: Кайракан айткан сӧзин бӱдӱрген.
2Сарра барланып, карыыр јӧбине јеткен Авраамга Кудайдыҥ айткан ӧйинде уул бала таап берген. 3Авраам Саррадаҥ чыккан уулын Исаак деп адаган. 4Кудайдыҥ јакарганыла сегизинчи кӱнде Исаактыҥ тын-эдине кестиртӱ эткен. 5Исаак чыгарда, Авраам јӱс јашту болгон. 6Сарра айткан:
– Кудай мени каткыртты: мыны уккан кижи менле кожо каткырар. 7– Оноҥ кошкон:
– Сарра бала эмчектеер деп, Авраамга кем айдар эди? Је карыыр јӧбимде мен ого уул бала таап бердим.
Агарь ла Измаилди јӱргӱзӱп ийгени
8Бала чыдап, оны эмчектеҥ айрыган кӱн Авраам јаан јыргал эткен.
9Египет укту Агарьдыҥ Авраамга чыгарып берген уулы Исаакты шоодып турганын Сарра кӧрӱп ийеле, 10Авраамга айткан:
– Бу кул ӱй кижини уулыла кожо сӱрӱп ий! Кулдыҥ уулы мениҥ Исаак уулымла энчи ӱлешпес учурлу.
11Уулы керегинде мындый сӧстӧрди угарга Авраамга ачу болгон, 12је Кудай айткан:
– Уулчак ла кул ӱй кижи учун санааркаба. Сарраныҥ айтканыла эт, нениҥ учун дезе Исаак сениҥ угыҥды улалтар. 13Кулдыҥ уулынаҥ Мен база калык бӱдӱрерим, нениҥ учун дезе ол сениҥ ӱрениҥ.
14Авраам эрте туруп, Агарьга калаш ла суулу борбуй јӱктендирип, уулчагыла экӱни јӱргӱзӱп ийген. Олор барала, Беэр-Шеваныҥ куба чӧлинде аза берген. 15Борбуйдагы суу тӱгенип каларда, Агарь уулын јырааныҥ тӧзине артырып салала, 16бойы, оныҥ ӧлӱп јатканын кӧрбӧскӧ, согоон учум кире јерге ырап, отура тӱжеле, ӧксӧп, ыйлай берген.
17Кудай уулчактыҥ ыйын угуп ийген: Кудайдыҥ ангели теҥеридеҥ Агарьга баштанган:
– Не болды, Агарь? Коркыба! Сениҥ артырып салган балаҥныҥ ӱнин Кудай укты. 18Бар, балаҥды тургус, колынаҥ једин! Мен бу баланаҥ улу калык бӱдӱрерим.
19Кудай Агарьдыҥ кӧзин ачкан, Агарь кутукты кӧрӱп, оноҥ борбуйды суула толтырып, уулчагына ичирген.
20Кудай уулчакты таштабаган. Уулчак куба чӧлдӧ чыдап ӧскӧн, ок-јаачы болуп калган. 21Ол Паран деп куба чӧлдӧ јуртаган, энези ого Египет јеринеҥ кижи алып берген.
Авраам ла Авимелехтиҥ јӧптӧжӱзи
22Ол ӧйдӧ Авимелех бойыныҥ черӱзиниҥ јааны Пихолло кожо келип, Авраамга айткан:
– Нени ле эткеҥде, Кудай сениле кожо. 23Сен мени де, балдарымды да, баркаларымды да тӧгӱндеп, качан да јаман кылык этпезиҥ деп, Кудайдыҥ алдына меге чертен. Мен сеге канайда јакшыны эткем, анайып ок, меге де, сениҥ кӧчӱп келген бу јерге де сениҥ јакшыҥ јетсин.
24Авраам:
– Чертенип јадым, – деген.
25Оноҥ Авимелехтиҥ улузы оныҥ казып алган кутугын блаап алган деп, Авимелехке комудап айткан.
26– Оны кем эткенин билбезим, – Авимелех каруузын јандырган. – Сен де меге айтпадыҥ. Мен ол керегинде јаҥы угуп јадым.
27Авраам Авимелехке оок ло јоон мал сыйлап, оныла јӧптӧжӱ тургускан. 28Оок малдыҥ ӱӱринеҥ јети койды аҥылап берген. 29Авимелех сураган:
– Меге бу јети койды не аҥылап бердиҥ?
30– Бу јети койды сен ал. Бу кутукты мен касканымныҥ керези болзын, – деп, Авраам каруу јандырган.
31Оныҥ учун бу јер Беэр-Шева деп адалган: мында олор экӱ чертенген.
32Беэр-Шевада јӧптӧжӱ тургузала, Авимелех ле оныҥ черӱзиниҥ јааны Пихол филистим јерине кайра бурулгандар. 33Авраам Беэр-Шевада агаш отургузала, Кайраканга, ӱргӱлји Кудайга, бажырган.
34Авраам филистим јеринде узак јуртаган.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Российское Библейское Общество, 2025
© Институт перевода Библии, 2025