Башталганы 20
20
Авраам ла Авимелех. Авраам Сарраны сыйнызы деп тӧгӱнденгени
1Авраам јаткан јеринеҥ тӱштӱк јаар барып, Кадеш ле Шурдыҥ ортозында Негевте токтоп јуртаган, оноҥ Герарга кӧчӱп алган. 2Ол бойыныҥ ӱйин, Сарраны: «Бу мениҥ сыйным», – деп айткан. Мыныҥ учун Герардыҥ кааны Авимелех Саррага улузын ийип, оны бойына экелип алган. 3Тӱнде Кудай Авимелехтиҥ тӱш јеринде келип, ого мынайда айткан:
– Сен бу экелип алган ӱй кижи учун ӧлӧриҥ. Ол ӧбӧӧндӱ.
4Авимелех дезе Саррага јууктагалак болгон.
– Мениҥ Кайраканым! – деп, ол айткан. – Сен ак-чек калыкты кырып саларга ба? 5Ол кижи оны сыйным деп, меге бойы айткан. Ӱй кижи бойы да оны акам деген. Менде буру јок, санаам да, колдорым да ару.
6– Эйе, – Кудай ого тӱш јеринде каруузын јандырган, – Сенде буру јок – Мен билерим. Оныҥ да учун сени бу ӱй кижиге тийдиртпегем, Мениҥ алдыма кинчек эттиртпегем. 7Эмди дезе оны ӧбӧӧнине јандыр. Оныҥ ӧбӧӧни јарлыкчы, ол сени тирӱ артсын деп мӱргӱӱр. Јандырбазаҥ, сен бойыҥ да, ончо улузыҥ да ӧлӱп каларыгар, оны билип јӱр.
8Эртен тура Авимелех јуук улузын јууп, олорго бу сӧстӧрди айдып берерде, олор сӱрекей коркыган. 9Оноҥ Авимелех Авраамды бойына кычырып, айткан:
– Сен бисле не анайда кылындыҥ? Мени де, каандыгымды да јаан кинчекке кийдирерге, мен сеге кандый јаман эттим? Анайда кылынарга јарабас. 10Не керектӱ анайда эттиҥ?
11Авраам каруузын јандырган:
– Бу јерде Кудайдаҥ коркыыр бир де кижи јок. Ӱйим учун мени ӧлтӱргӱлеп те салар деп санангам. 12Ол, чындап та, мениҥ сыйным: адабыс јаҥыс, энелерис башка. Ол мениҥ ӱйим болуп калган. 13Адамныҥ айлын арттыргызып, јол-јорыкта јӱрзин деп, Кудай меге јакарарда, мен ӱйимди: «Кандый ла јерге келзебис, мени акам деп айдып тур», – деп сурагам.
14Авимелех Авраамга оок ло јоон мал-аш, эр ле ӱй кул улус сыйлаган, оныҥ ӱйин, Сарраны, кайра јандырган. 15Оноҥ мынайда айткан:
– Мениҥ ончо јерим сениҥ кӧзиҥниҥ алдында: јараган јерде јурта.
16Саррага дезе айткан:
– Сениҥ акаҥа бир муҥ мӧҥӱн акча бескелеп берип јадым. Бу јуук улузыҥныҥ алдында сениҥ ару болгоныҥды кӧргӱскен темдек. Сенде буру јок деп, ончозы билзин.
17Авраам Кудайга мӱргӱп бажырарда, Кудай Авимелехти, оныҥ ӱйин ле јалчы ӱй улузын јазып салган, олор ойто бала табар боло берген 18(мынаҥ озо Кайракан Авраамныҥ ӱйи Саррадаҥ улам Авимелехтиҥ айлындагы ончо ӱй улусты бала таппас эдип салган болгон).
ទើបបានជ្រើសរើសហើយ៖
Башталганы 20: АЛТ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Российское Библейское Общество, 2025
© Институт перевода Библии, 2025
Башталганы 20
20
Авраам ла Авимелех. Авраам Сарраны сыйнызы деп тӧгӱнденгени
1Авраам јаткан јеринеҥ тӱштӱк јаар барып, Кадеш ле Шурдыҥ ортозында Негевте токтоп јуртаган, оноҥ Герарга кӧчӱп алган. 2Ол бойыныҥ ӱйин, Сарраны: «Бу мениҥ сыйным», – деп айткан. Мыныҥ учун Герардыҥ кааны Авимелех Саррага улузын ийип, оны бойына экелип алган. 3Тӱнде Кудай Авимелехтиҥ тӱш јеринде келип, ого мынайда айткан:
– Сен бу экелип алган ӱй кижи учун ӧлӧриҥ. Ол ӧбӧӧндӱ.
4Авимелех дезе Саррага јууктагалак болгон.
– Мениҥ Кайраканым! – деп, ол айткан. – Сен ак-чек калыкты кырып саларга ба? 5Ол кижи оны сыйным деп, меге бойы айткан. Ӱй кижи бойы да оны акам деген. Менде буру јок, санаам да, колдорым да ару.
6– Эйе, – Кудай ого тӱш јеринде каруузын јандырган, – Сенде буру јок – Мен билерим. Оныҥ да учун сени бу ӱй кижиге тийдиртпегем, Мениҥ алдыма кинчек эттиртпегем. 7Эмди дезе оны ӧбӧӧнине јандыр. Оныҥ ӧбӧӧни јарлыкчы, ол сени тирӱ артсын деп мӱргӱӱр. Јандырбазаҥ, сен бойыҥ да, ончо улузыҥ да ӧлӱп каларыгар, оны билип јӱр.
8Эртен тура Авимелех јуук улузын јууп, олорго бу сӧстӧрди айдып берерде, олор сӱрекей коркыган. 9Оноҥ Авимелех Авраамды бойына кычырып, айткан:
– Сен бисле не анайда кылындыҥ? Мени де, каандыгымды да јаан кинчекке кийдирерге, мен сеге кандый јаман эттим? Анайда кылынарга јарабас. 10Не керектӱ анайда эттиҥ?
11Авраам каруузын јандырган:
– Бу јерде Кудайдаҥ коркыыр бир де кижи јок. Ӱйим учун мени ӧлтӱргӱлеп те салар деп санангам. 12Ол, чындап та, мениҥ сыйным: адабыс јаҥыс, энелерис башка. Ол мениҥ ӱйим болуп калган. 13Адамныҥ айлын арттыргызып, јол-јорыкта јӱрзин деп, Кудай меге јакарарда, мен ӱйимди: «Кандый ла јерге келзебис, мени акам деп айдып тур», – деп сурагам.
14Авимелех Авраамга оок ло јоон мал-аш, эр ле ӱй кул улус сыйлаган, оныҥ ӱйин, Сарраны, кайра јандырган. 15Оноҥ мынайда айткан:
– Мениҥ ончо јерим сениҥ кӧзиҥниҥ алдында: јараган јерде јурта.
16Саррага дезе айткан:
– Сениҥ акаҥа бир муҥ мӧҥӱн акча бескелеп берип јадым. Бу јуук улузыҥныҥ алдында сениҥ ару болгоныҥды кӧргӱскен темдек. Сенде буру јок деп, ончозы билзин.
17Авраам Кудайга мӱргӱп бажырарда, Кудай Авимелехти, оныҥ ӱйин ле јалчы ӱй улузын јазып салган, олор ойто бала табар боло берген 18(мынаҥ озо Кайракан Авраамныҥ ӱйи Саррадаҥ улам Авимелехтиҥ айлындагы ончо ӱй улусты бала таппас эдип салган болгон).
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Российское Библейское Общество, 2025
© Институт перевода Библии, 2025