MARK 15
15
Jisu Pilate Logot Te Dise
1Aru phujor homoi hua loge loge prodhan puruhit khan, bridho khan, pondit khan aru sobha manuh khan sob kotha milibole eke logot te jama korise; aru taikhan pora Jisu ke bandhi kene Pilate logot te dibole loi jaise. 2Aru Pilate pora Tar ke hudise, “Tumi Jews laga Raja ase neki?” Aru Tar he jawab di kene koise, “Tumi he eitu ase eneka koi ase.” 3Aru prodhan puruhit khan pora besi kotha loi kene Jisu upor te galti anise. 4Arubhi Pilate pora Jisu ke hudise, “Tumi jawab dibole eku nai neki? Sabi, tumar upor te kiman bhi galti tarkhan pora koi ase.” 5Kintu Jisu he dusera eku jawab diya nai, tetiya Pilate bhi asorit paise.
Pilate Pora Jisu Kros Te Mora Bole Dise
6Aru porokh homoi te bandhi ghor pora manuh ekjon, kon taikhan pora itcha ase, eitu shari dibole tar laga niyom thakise. 7Aru bandhi ghor te dacoit majot te ekjon nam Barabbas thakise, kon he raj dushman kora homoi te manuh morai dise. 8Aru Pilate pora hodai kori diya nisna, genti napara manuh khan ahhi kene taikhan laga itcha ekta kori dibole tar ke hudise, 9Aru Pilate pora taikhan ke jawab di kene koise, “Tumikhan karne moi Jews laga Raja tu shari dibo neki?” 10Kilemane soku jola nimite he prodhan puruhit khan pora Jisu tu dhori kene anise eneka tar pora jani loise. 11Kintu prodhan puruhit khan pora genti napara manuh khan laga mon uthai di kene, taikhan karne Barabbas ke he sharibole koise. 12Arubhi Pilate pora tarkhan ke koise, “Tetiya eitu manuh, kon ke Jews Raja eneka tumikhan pora mate, Tar karne moi ki koribo?” 13Tetiya taikhan dangor awaz di kene koise, “kros te morai dibi.” 14Aru Pilate pora taikhan ke koise, “Kile, Tar pora ki beya kam korise?” Kintu taikhan pora arubhi besi dangor awaz di kene koise, “Kros te morai dibi.” 15Tetiya genti napara manuh khan ke khushi kori dibole, Pilate pora Barabbas shari dise; aru Jisu ke sabuk pora mari kene kros te morai dibole di dise.
Jisu Ke Hangsai Diya
16Aru raja ghor bhitor te he sepahi khan pora Jisu ke loi jaise (eitu rajyopal laga ghor thakise), aru sepahi khan pora battalion manuh khan sob ke matise. 17Aru tarkhan pora Jisu ke bengonia kapoor ekta pindhai dise aru kait laga mukut ekta bonai kene matha te lagai dise. 18Aru tarkhan pora Jisu ke salam di kene koise, “Pornam, Jews laga Raja!” 19Aru tarkhan pora paani gos laga lakhuti ekta loi kene Jisu laga matha te marise aru thuk mari dise aru Tar aage te athukarhi kene sonman korise. 20Aru tarkhan pora eneka hangsai diya pasote, bengonia kapoor tu ulai loise aru Jisu nijor laga kapoor tu lagai dise. Aru kros te morai dibole tarkhan pora Jisu ke loi jaise.
Kros Te Mora
21Aru raasta te log kora manuh ekjon, Cyrene manuh Simon, Alexander aru Rufus laga pitri, kon he nagor phale pora ahhi thakise, tar ke Jisu laga kros tu joborjosti bukhibole dise. 22Aru tarkhan pora Jisu ke Golgotha koi kene ekta jaga te loi ahhise (ki laga ortho hoise, Matha laga hardi jaga). 23Aru tarkhan pora myrrhed draikhya-roh, kontu draikhya-roh logote tita dawai milai kene bonai, eitu paani Jisu ke pibole dise; kintu tar he eitu piya nai. 24Aru tate tarkhan pora Jisu kros te morai dise, aru tarkhan majot te Jisu laga kapoor bhag kori kene kon pora ki pabo eitu nimite shithi-khel khelise. 25Aru noh baji homoi te tarkhan pora Jisu kros te morai dise. 26Aru Tar ke janibole likhi diya eneka thakise, “Jews laga Raja.” 27Aru Jisu logot te duijon dacoit, ekjon daina phale aru dusera ekjon banya phale eneka kros te morai dise.#15:27 based text te v. 28 tu likha nai 29Aru ahha jua manuh khan pora Tar ke ninda kori kene, aru matha hili hili kene koise, “Ahha! Tumi girja ghor bhangai kene tin din te bonabo para manuh, 30tumi nijor ke bachai lobi, aru kros pora nami ahhibi!” 31Eitu nisna he prodhan puruhit khan aru pondit khan pora bhi ninda kori kene koise, “Tar he dusera ke tu bachai kene; nijor ke tu bachabo napare. 32Etiya Khrista, Israel laga Raja tu kros pora nami ahhibole dibi, tetiya amikhan pora bhi dekhibo, aru biswas koribo.” Aru kon tar logot kros te morai dise, tarkhan pora bhi ninda kori kene kotha koise.
Jisu Mora Laga
33Aru ketiya soi ghonta homoi#15:33 12 noon pongchise, andhera ahhi kene noh ghonta#15:33 3 Pm tak jaga sob tu bond hoise. 34Aru noh ghonta homoi te Jisu he dangor awaz di kene koise, “Elo-i, Elo-i, lema sabach-thani?” ki ortho hoise, “Moi laga Isor, Moi laga Isor, kile apuni moi ke shari di ase?” 35Aru usor te khara kori thaka konuba manuh khan pora eitu huni kene koise, “Sabi, Tar pora Elijah mati ase.” 36Aru ekjon polai kene, sponge ekta te tenga paani bhorta korise, aru paani gos laga nol ekta te uthai kene pibole dise, aru koise, “Rukhi kene sabi, jodi Elijah nami ahhi kene bachabo na nai amikhan pora sai thakibo.” 37Aru Jisu he dangor awaz di kene hekh sans loise. 38Aru girja ghor te thaka porda, ekdom upor pora niche tak duita hoi kene phati jaise. 39Aru kros laga aage te khara kori thaka senapoti pora Jisu keneka morise eitu dekhise, tar he koise, “Hosa bhi eitu manuh tu Isor laga Putro thakise!”
40Tate aru mahila khan bhi khara kori kene dur pora sai thakise, taikhan majot te Mary Magdalene, aru huru bhai James aru Joses laga amaa Mary, aru Salome, 41kon he Jisu Galilee te thaka homoi te Tar laga piche te jai kene madad kori thakise; aru taikhan logot te, dusera mahila khan kon he Jisu laga piche te ahhi kene Jerusalem te thakise taikhan bhi thakise.
Jisu Moidam Diya
42Aru ketiya sham homoi ahhi jaise, eitu bisram din karne jugar kora din hua nimite, 43Joseph koi kene Arimathea laga manuh ekjon, kon he sobha majot te sonman kori thaka manuh ekjon asile, kon he nijor karne sorgo rajyo tu bisari thakise, tar he mon dangor hoi kene Pilate usor te jaise, aru Jisu laga gau tu mangise. 44Aru Pilate pora Jisu morise eneka huni kene asorit paise. Aru senapoti mati kene hosa bhi Jisu tu morise neki eneka hudise. 45Aru ketiya tar he senapoti pora Jisu tu morise eneka jani loise, tar pora Jisu laga gau tu Joseph ke di dise. 46Aru Joseph pora patla norom kapoor anikene Jisu laga gau tu namai kene bandhise aru pathor te chenda kori kene bonai lua kobor notun ekta te rakhi dise; aru kobor laga mukh te obor pathor dangor ekta pora bond kori rakhi dise. 47Aru Mary Magdalene aru Joses laga amaa Mary pora Jisu tu kot rakhise eitu dekhise.
ទើបបានជ្រើសរើសហើយ៖
MARK 15: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
MARK 15
15
Jisu Pilate Logot Te Dise
1Aru phujor homoi hua loge loge prodhan puruhit khan, bridho khan, pondit khan aru sobha manuh khan sob kotha milibole eke logot te jama korise; aru taikhan pora Jisu ke bandhi kene Pilate logot te dibole loi jaise. 2Aru Pilate pora Tar ke hudise, “Tumi Jews laga Raja ase neki?” Aru Tar he jawab di kene koise, “Tumi he eitu ase eneka koi ase.” 3Aru prodhan puruhit khan pora besi kotha loi kene Jisu upor te galti anise. 4Arubhi Pilate pora Jisu ke hudise, “Tumi jawab dibole eku nai neki? Sabi, tumar upor te kiman bhi galti tarkhan pora koi ase.” 5Kintu Jisu he dusera eku jawab diya nai, tetiya Pilate bhi asorit paise.
Pilate Pora Jisu Kros Te Mora Bole Dise
6Aru porokh homoi te bandhi ghor pora manuh ekjon, kon taikhan pora itcha ase, eitu shari dibole tar laga niyom thakise. 7Aru bandhi ghor te dacoit majot te ekjon nam Barabbas thakise, kon he raj dushman kora homoi te manuh morai dise. 8Aru Pilate pora hodai kori diya nisna, genti napara manuh khan ahhi kene taikhan laga itcha ekta kori dibole tar ke hudise, 9Aru Pilate pora taikhan ke jawab di kene koise, “Tumikhan karne moi Jews laga Raja tu shari dibo neki?” 10Kilemane soku jola nimite he prodhan puruhit khan pora Jisu tu dhori kene anise eneka tar pora jani loise. 11Kintu prodhan puruhit khan pora genti napara manuh khan laga mon uthai di kene, taikhan karne Barabbas ke he sharibole koise. 12Arubhi Pilate pora tarkhan ke koise, “Tetiya eitu manuh, kon ke Jews Raja eneka tumikhan pora mate, Tar karne moi ki koribo?” 13Tetiya taikhan dangor awaz di kene koise, “kros te morai dibi.” 14Aru Pilate pora taikhan ke koise, “Kile, Tar pora ki beya kam korise?” Kintu taikhan pora arubhi besi dangor awaz di kene koise, “Kros te morai dibi.” 15Tetiya genti napara manuh khan ke khushi kori dibole, Pilate pora Barabbas shari dise; aru Jisu ke sabuk pora mari kene kros te morai dibole di dise.
Jisu Ke Hangsai Diya
16Aru raja ghor bhitor te he sepahi khan pora Jisu ke loi jaise (eitu rajyopal laga ghor thakise), aru sepahi khan pora battalion manuh khan sob ke matise. 17Aru tarkhan pora Jisu ke bengonia kapoor ekta pindhai dise aru kait laga mukut ekta bonai kene matha te lagai dise. 18Aru tarkhan pora Jisu ke salam di kene koise, “Pornam, Jews laga Raja!” 19Aru tarkhan pora paani gos laga lakhuti ekta loi kene Jisu laga matha te marise aru thuk mari dise aru Tar aage te athukarhi kene sonman korise. 20Aru tarkhan pora eneka hangsai diya pasote, bengonia kapoor tu ulai loise aru Jisu nijor laga kapoor tu lagai dise. Aru kros te morai dibole tarkhan pora Jisu ke loi jaise.
Kros Te Mora
21Aru raasta te log kora manuh ekjon, Cyrene manuh Simon, Alexander aru Rufus laga pitri, kon he nagor phale pora ahhi thakise, tar ke Jisu laga kros tu joborjosti bukhibole dise. 22Aru tarkhan pora Jisu ke Golgotha koi kene ekta jaga te loi ahhise (ki laga ortho hoise, Matha laga hardi jaga). 23Aru tarkhan pora myrrhed draikhya-roh, kontu draikhya-roh logote tita dawai milai kene bonai, eitu paani Jisu ke pibole dise; kintu tar he eitu piya nai. 24Aru tate tarkhan pora Jisu kros te morai dise, aru tarkhan majot te Jisu laga kapoor bhag kori kene kon pora ki pabo eitu nimite shithi-khel khelise. 25Aru noh baji homoi te tarkhan pora Jisu kros te morai dise. 26Aru Tar ke janibole likhi diya eneka thakise, “Jews laga Raja.” 27Aru Jisu logot te duijon dacoit, ekjon daina phale aru dusera ekjon banya phale eneka kros te morai dise.#15:27 based text te v. 28 tu likha nai 29Aru ahha jua manuh khan pora Tar ke ninda kori kene, aru matha hili hili kene koise, “Ahha! Tumi girja ghor bhangai kene tin din te bonabo para manuh, 30tumi nijor ke bachai lobi, aru kros pora nami ahhibi!” 31Eitu nisna he prodhan puruhit khan aru pondit khan pora bhi ninda kori kene koise, “Tar he dusera ke tu bachai kene; nijor ke tu bachabo napare. 32Etiya Khrista, Israel laga Raja tu kros pora nami ahhibole dibi, tetiya amikhan pora bhi dekhibo, aru biswas koribo.” Aru kon tar logot kros te morai dise, tarkhan pora bhi ninda kori kene kotha koise.
Jisu Mora Laga
33Aru ketiya soi ghonta homoi#15:33 12 noon pongchise, andhera ahhi kene noh ghonta#15:33 3 Pm tak jaga sob tu bond hoise. 34Aru noh ghonta homoi te Jisu he dangor awaz di kene koise, “Elo-i, Elo-i, lema sabach-thani?” ki ortho hoise, “Moi laga Isor, Moi laga Isor, kile apuni moi ke shari di ase?” 35Aru usor te khara kori thaka konuba manuh khan pora eitu huni kene koise, “Sabi, Tar pora Elijah mati ase.” 36Aru ekjon polai kene, sponge ekta te tenga paani bhorta korise, aru paani gos laga nol ekta te uthai kene pibole dise, aru koise, “Rukhi kene sabi, jodi Elijah nami ahhi kene bachabo na nai amikhan pora sai thakibo.” 37Aru Jisu he dangor awaz di kene hekh sans loise. 38Aru girja ghor te thaka porda, ekdom upor pora niche tak duita hoi kene phati jaise. 39Aru kros laga aage te khara kori thaka senapoti pora Jisu keneka morise eitu dekhise, tar he koise, “Hosa bhi eitu manuh tu Isor laga Putro thakise!”
40Tate aru mahila khan bhi khara kori kene dur pora sai thakise, taikhan majot te Mary Magdalene, aru huru bhai James aru Joses laga amaa Mary, aru Salome, 41kon he Jisu Galilee te thaka homoi te Tar laga piche te jai kene madad kori thakise; aru taikhan logot te, dusera mahila khan kon he Jisu laga piche te ahhi kene Jerusalem te thakise taikhan bhi thakise.
Jisu Moidam Diya
42Aru ketiya sham homoi ahhi jaise, eitu bisram din karne jugar kora din hua nimite, 43Joseph koi kene Arimathea laga manuh ekjon, kon he sobha majot te sonman kori thaka manuh ekjon asile, kon he nijor karne sorgo rajyo tu bisari thakise, tar he mon dangor hoi kene Pilate usor te jaise, aru Jisu laga gau tu mangise. 44Aru Pilate pora Jisu morise eneka huni kene asorit paise. Aru senapoti mati kene hosa bhi Jisu tu morise neki eneka hudise. 45Aru ketiya tar he senapoti pora Jisu tu morise eneka jani loise, tar pora Jisu laga gau tu Joseph ke di dise. 46Aru Joseph pora patla norom kapoor anikene Jisu laga gau tu namai kene bandhise aru pathor te chenda kori kene bonai lua kobor notun ekta te rakhi dise; aru kobor laga mukh te obor pathor dangor ekta pora bond kori rakhi dise. 47Aru Mary Magdalene aru Joses laga amaa Mary pora Jisu tu kot rakhise eitu dekhise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.