MARK 14
14
Jisu Morabo Nimite Budhi Kora
1Eitu Par-Hua porokh aru Khomir nahala roti laga bhojon homoi hobole dui din aage te thakise. Aru prodhan puruhit aru pondit khan pora keneka hole manuh khan pora najani kene Jisu ke dhoribo aru Tar ke morai dibo eitu laga budhi bisari thakise; 2kilemane tarkhan pora koise, “Porokh homoi te hole eku nakoribo, nahole manuh khan majot te gondogol ulabo.”
Bethany Te Jisu Ke Abishek Kora
3Aru Bethany te thaka kuntho-rugi manuh Simon laga ghor te ketiya Jisu thakise, Tar khabole mez te bohise, eitu homoi, tiruta ekjoni pora besi dam laga alabaster dawai daba ekta te ekdom safa nard anise, aru tai eitu khuli kene Jisu laga matha uporte sob dhali dise. 4Kintu konuba he nijor mon te eneka khong uthi kene koise, “Eitu nisna dawai tu kile nosto kori ase? 5Kilemane eitu dawai tu tin soh denarii pora bhi besi pora bikiri kori kene dukhiya khan ke dibo pare.” Aru tarkhan pora eitu mahila ke gali dise. 6Kintu Jisu he koise, “Tai ke ene shari dibi; kile tumikhan pora tai ke dukh di ase? Tai pora Moi karne besi sundor kam kori di ase. 7Kilemane dukhiya manuh khan tumar majote hodai thakibo, aru ketiya itcha kore, tumikhan pora taikhan karne bhall kam koribo pare; kintu tumikhan pora Moi ke hodai napabo. 8Tai pora ki pare eitu kam kori ase; tai pora Moi laga gau moidam nimite aage te jugar kori di ase. 9Aru hosa kotha moi tumikhan ke koi ase, prithibi kon jaga te susamachar prachar koribo, eitu jaga sob te tai pora ki kam korise eitu yaad kori kene koi thakibo.”
Judas Pora Jisu Thogai Diya
10Tetiya Judas Iscariot, barohjon chella majote ekjon thakise, tar he Jisu ke thogai dibo nimite prodhan puruhit khan usor te jaise. 11Aru ketiya tarkhan pora eitu hunise tarkhan khushi paise aru tar ke poisa dibole kosom korise. Aru eitu homoi pora Jisu ke thogai dibole Judas Iscariot pora raasta bisarise.
Chella Khan Logot Par-Hua Porokh
12Aru Khomir nahala roti porokh (that is Unleavened Bread) laga prothom din te, ketiya taikhan pora Par-Hua Porokh laga mer bolidaan diya din te, Jisu laga chella khan pora koise, “Eitu Par-Hua porokh khabo karne amikhan pora kot te jugar kori dibole monn ase?” 13Aru Jisu he tar chella majot te duijon pathai kene koise, “Sohor te jabi, aru tate manuh ekjon paani laga kolsi bukhi kene log koribo; tar piche piche jabi, 14aru kon ghor te tar jabo, eitu malik ke kobi, ‘Alohi boha jaga te moi laga chella khan logot Par-Hua porokh khabole jaga kot ase eneka Guru pora hudi ase?’ 15Tetiya tar pora upor te thaka dangor kamra ekta te sob thik thak jugar kori kene dekhai dibo; tate amikhan karne jugar koribi.” 16Aru chella khan ulaise aru sohor te jaise, aru Jisu he kua nisna thik paise; aru tate Par-Hua porokh jugar korise.
17Aru ketiya sham pongchise Tar barohjon chella logot te ahhise. 18Aru tarkhan mez te eke logote kua homoi te, Jisu he koise, “Moi hosa koise ase, tumikhan majot te ekjon, kon he moi logot te khai ase, tar pora moi ke thogai dibo.” 19Tetiya tarkhan sob mon dukh hoise, aru ekjon pasote ekjon pora Jisu logot te hudise, “Eitu moi nahoi na?” 20Tar he tarkhan ke koise, “Tumikhan barohjon majot te ekjon ase, kon he moi logot ekta thali te roti bhijai kene khai ase. 21Kilemane Manuh laga Putro tu Tar karne ki likhi ase eitu hisap te he jai ase, kintu kon pora Manuh laga Putro ke thogai dise ase tar nimite besi dukh ase! Eitu manuh karne tu hole jonom nakora he bhall thakise.”
Prabhu Bhoj Shuru Kora
22Aru ketiya tarkhan khai thakise, Tar pora roti loise aru ashish diya pasote eitu bhangaise aru tarkhan ke di kene koise, “Lobi, eitu moi laga gau ase.” 23Aru cup tu uthai loi kene Jisu he ashish korise aru tarkhan ke dise, aru eitu tarkhan sob pora pi loise. 24Aru Jisu he tarkhan ke koise, “Eitu besi manuh khan karne moi bahai diya khoon laga vachan ase. 25Moi hosa tumikhan ke koi ase, Isor laga rajyo te notun angur phol laga paani napiya tak moi aru eitu napibo.”
Peter He Jisu Ke Oshikar Kora Aage Te Kua
26Aru tarkhan ekta gana gaa pasote Olives laga pahar te jaise. 27Aru Jisu he tarkhan ke koise, “Tumikhan sob giri jabo; kilemane eitu likhi kene ase, ‘Moi mer roikhya ke mari dibo, aru mer sob alag alag te polai jabo.’ 28Kintu moi jinda utha pasote, tumikhan laga aage te Galilee te jai jabo.” 29Tetiya Peter pora koise, “Tarkhan sob giri jalebhi moi tu nagiribo.” 30Aru Jisu he tar ke koise, “Moi hosa tumi ke koi ase, aji raati te he, murga dag duibar nadiya aage te, tumi moi ke tinbar oshikar koribo.” 31Kintu tar pora besi himat loi kene arubhi koise, “Jodi apuni logot te moribole holebhi moi apuni ke oshikar nakoribo.” Aru tarkhan sob pora eneka he koise.
Gethsemane Te Jisu Prathana Kora
32Aru tarkhan Gethsemane eneka kua jaga te jaise. Aru chella khan ke Tar he koise, “Moi prathana kora homoi te Iyate bohibi.” 33Aru Tar logot te Peter, James, aru John loi kene olop aage te jaise, aru mon besi dukh hobole shuru hoise. 34Aru Jisu he tarkhan ke koise, “Moi laga Atma te moribo nisna besi dukh kori ase; hushier koribi aru iyate he thakibi.” 35Aru olop aage te jai kene Tar nijor he maati te athukarhi kene prathana kori koise; jodi parile eitu homoi tu Moi pora hatai dibi. 36Aru Jisu he koise, “Abba Pitri, apuni sob koribo pare. Eitu cup tu moi pora hatai dibi; kintu moi laga itcha nahoi, apuni laga itcha koribi.” 37Aru Jisu ahha homoi te tarkhan sob ghumai thakise, aru Jisu he Peter ke koise, “Simon tumi bhi ghumai ase na? Tumi ek ghonta bhi rukhibo para nai na? 38Hushier koribi, aru tumi porikhya te nagiribole prathana koribi; atma te tu hole hosa bhi itcha ase, kintu gau mangso te komzur ase.” 39Arubhi Jisu jaise, aru prathana korise, aru eke kotha tu koi kene prathana korise. 40Tetiya Jisu he chella khan usor te ghurai ahhise, aru tarkhan sob ghumai thakise, kilemane tarkhan laga soku tu besi bhari hoi thakise; aru tarkhan pora jawab dibole para nai. 41Ketiya Jisu he tin bar ghurai ahhise, tetiya tarkhan logot te koise, “Tumikhan etiya tak ghumai kene aram kori ase neki? Etiya hoise; homoi tu pongchi jaise; Manuh laga Putro tu paapi manuh khan laga haat te thogai di dise. 42Uthi jabi, amikhan jai jabo; sabi moi ke thogai diya manuh iyate ase.”
Jisu Thogai Kene Dhori Lua
43Aru ketiya Jisu he eitu kotha pati thakise, barohjon chella majot te ekjon, Judas, loge loge ahhi pongchise. Aru prodhan puruhit, pondit, aru bridho khan pora tar logot te genti napara manuh konuba taruwal, konuba rosi eneka loi kene, pathaise. 44Tetiya thogai diya manuh jon he tarkhan logot te ekta sign rakhi kene koise, “Moi kon logot te chumma dibo heitu manuh he ase; Tar ke dhori kene thik pora loi jabi.” 45Aru tar ahhi kene loge loge Jisu usor te jaise aru koise, “Rabbi!” Aru tar pora Tar ke chumma dise. 46Tetiya tarkhan pora Jisu ke dhori loise. 47Kintu usor te khara kori thaka majot te ekjon pora tar nijor taruwal ulai kene, mahan puruhit laga nokor ekjon laga kan kati kene girai dise. 48Aru Jisu pora tarkhan ke koise, “Tumikhan dacoit ekjon birudhi ahha nisna, moi ke dhoribole taruwal aru rosi loi kene ahhi ase neki? 49Hodai din girja ghor te moi tumikhan ke sikhai thakise, aru tumikhan pora moi ke dhora nai. Kintu hastro te ki ase eitu hidho hobole dibi.” 50Aru tarkhan sob pora Jisu ke shari kene polai jaise.
Jawan Chokra Ekjon Pola
51Aru jawan chokra ekjon Jisu piche te khali patla norom kapoor ekta lagai kene jaise; aru tarkhan pora tar ke dhori loise, 52kintu tar pora patla norom kapoor tu shari kene lengta polai jaise.
Sobha Aage Te Jisu
53Aru tarkhan pora mahan puruhit usor te Jisu ke loi jaise. Aru prodhan puruhit khan, bridho khan, aru pondit khan sob bhi jama kori thakise. 54Aru Peter he dur pora Jisu piche piche te ahhi kene mahan puruhit laga ghor bahar tak pongchise; aru jui usor roikhya manuh khan majot te nijor bhi gorom kori thakise. 55Tetiya prodhan puruhit khan aru sobha manuh sob pora Jisu ke morai dibole Tar birudh te alag alag sakhi bisarise; kintu eku bhi pua nai. 56Kilemane besi manuh pora Jisu birudh te misa sakhi anise, kintu taikhan laga sakhi tu mila nai. 57Aru taikhan majot te konuba khara kori kene, Jisu birudh te misa sakhi di kene koise, 58“‘Haat pora bona eitu girja ghor tu bhangai dibo, aru haat pora nabona dusera ekta, tin din majot te Moi bonabo paribo.’ Eneka Tar pora kua amikhan pora hunise,” 59Eneka kolebhi tarkhan laga sakhi tu mila nai. 60Aru tarkhan majot te mahan puruhit khara korise, aru Jisu ke hudise, “Tumi jawab dibole eku napare neki? Manuh khan pora tumi ke birudh kori kene kotha kua tu ki ase?” 61Kintu Jisu he chup chap thakise aru eku jawab diya nai. Arubhi mahan puruhit pora hudise, “Tumi Ashish-Ekjon laga Putro, Khrista tu ase neki?” 62Tetiya Jisu he koise, “Moi ase; aru Manuh laga Putro tu Mahan Shakti laga daina haat te bohi thaka, aru sorgo megh te ahha tumi dekhibo.” 63Tetiya mahan puruhit pora nijor kapoor phatai kene koise, “Etiya amikhan dusera sakhi ki lage? 64Tar pora Isor ke ninda kora kotha tumikhan pora hunise. Tumikhan pora ki faisla kore?” Tetiya tarkhan sob pora koise Tar morai dibole jugyo ase. 65Aru konuba pora thuk mari dise, aru kapoor pora Tar chehera bond kori di kene tar ke marise, aru koise, “Bhavobani dibi!” Aru roikhya khan pora bhi mari kene uthai loise.
Peter He Jisu Ke Oshikar Kora
66Aru ketiya Peter ghor bahar te thakise, mahan puruhit laga nokorani majot te ekjoni ahhise; 67aru Peter he jui usor te gorom kori kene bohi thaka dekhi kene koise, “Tumi bhi Nazarene Jisu logote thakise.” 68Kintu tar pora oshikar kori kene koise, “Tumi ki koi ase eitu moi najane nahole nabuji.” Aru tar ghor dorja phale jaise tetiya murga dag dise. 69Aru eitu nokorani pora Peter ke arubhi dekhi kene usor te khara kori thaka manuh khan ke koise, “Eitu manuh bhi tarkhan majot te ekjon thakise.” 70Kintu tar he arubhi oshikar korise. Aru olop pasot te khara kori thaka manuh khan pora Peter ke koise, “Hosa, tumi bhi tarkhan majot te ekjon ase; kilemane tumi Galilee manuh he ase.” 71Kintu tar nijor he kosom khai kene arubhi oshikar kori kene koise, “Tumikhan pora kon laga kotha koi ase, eitu manuh tu moi najane.” 72Aru loge loge murga pora duibar dag dise. Tetiya Jisu he ki koi didise, eitu Peter pora yaad ahhise, “Murga pora duibar dag nadiya aage te, tumi moi ke tin bar oshikar koribo.” Tetiya besi mon dukh hoi kene tar kandise.
ទើបបានជ្រើសរើសហើយ៖
MARK 14: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
MARK 14
14
Jisu Morabo Nimite Budhi Kora
1Eitu Par-Hua porokh aru Khomir nahala roti laga bhojon homoi hobole dui din aage te thakise. Aru prodhan puruhit aru pondit khan pora keneka hole manuh khan pora najani kene Jisu ke dhoribo aru Tar ke morai dibo eitu laga budhi bisari thakise; 2kilemane tarkhan pora koise, “Porokh homoi te hole eku nakoribo, nahole manuh khan majot te gondogol ulabo.”
Bethany Te Jisu Ke Abishek Kora
3Aru Bethany te thaka kuntho-rugi manuh Simon laga ghor te ketiya Jisu thakise, Tar khabole mez te bohise, eitu homoi, tiruta ekjoni pora besi dam laga alabaster dawai daba ekta te ekdom safa nard anise, aru tai eitu khuli kene Jisu laga matha uporte sob dhali dise. 4Kintu konuba he nijor mon te eneka khong uthi kene koise, “Eitu nisna dawai tu kile nosto kori ase? 5Kilemane eitu dawai tu tin soh denarii pora bhi besi pora bikiri kori kene dukhiya khan ke dibo pare.” Aru tarkhan pora eitu mahila ke gali dise. 6Kintu Jisu he koise, “Tai ke ene shari dibi; kile tumikhan pora tai ke dukh di ase? Tai pora Moi karne besi sundor kam kori di ase. 7Kilemane dukhiya manuh khan tumar majote hodai thakibo, aru ketiya itcha kore, tumikhan pora taikhan karne bhall kam koribo pare; kintu tumikhan pora Moi ke hodai napabo. 8Tai pora ki pare eitu kam kori ase; tai pora Moi laga gau moidam nimite aage te jugar kori di ase. 9Aru hosa kotha moi tumikhan ke koi ase, prithibi kon jaga te susamachar prachar koribo, eitu jaga sob te tai pora ki kam korise eitu yaad kori kene koi thakibo.”
Judas Pora Jisu Thogai Diya
10Tetiya Judas Iscariot, barohjon chella majote ekjon thakise, tar he Jisu ke thogai dibo nimite prodhan puruhit khan usor te jaise. 11Aru ketiya tarkhan pora eitu hunise tarkhan khushi paise aru tar ke poisa dibole kosom korise. Aru eitu homoi pora Jisu ke thogai dibole Judas Iscariot pora raasta bisarise.
Chella Khan Logot Par-Hua Porokh
12Aru Khomir nahala roti porokh (that is Unleavened Bread) laga prothom din te, ketiya taikhan pora Par-Hua Porokh laga mer bolidaan diya din te, Jisu laga chella khan pora koise, “Eitu Par-Hua porokh khabo karne amikhan pora kot te jugar kori dibole monn ase?” 13Aru Jisu he tar chella majot te duijon pathai kene koise, “Sohor te jabi, aru tate manuh ekjon paani laga kolsi bukhi kene log koribo; tar piche piche jabi, 14aru kon ghor te tar jabo, eitu malik ke kobi, ‘Alohi boha jaga te moi laga chella khan logot Par-Hua porokh khabole jaga kot ase eneka Guru pora hudi ase?’ 15Tetiya tar pora upor te thaka dangor kamra ekta te sob thik thak jugar kori kene dekhai dibo; tate amikhan karne jugar koribi.” 16Aru chella khan ulaise aru sohor te jaise, aru Jisu he kua nisna thik paise; aru tate Par-Hua porokh jugar korise.
17Aru ketiya sham pongchise Tar barohjon chella logot te ahhise. 18Aru tarkhan mez te eke logote kua homoi te, Jisu he koise, “Moi hosa koise ase, tumikhan majot te ekjon, kon he moi logot te khai ase, tar pora moi ke thogai dibo.” 19Tetiya tarkhan sob mon dukh hoise, aru ekjon pasote ekjon pora Jisu logot te hudise, “Eitu moi nahoi na?” 20Tar he tarkhan ke koise, “Tumikhan barohjon majot te ekjon ase, kon he moi logot ekta thali te roti bhijai kene khai ase. 21Kilemane Manuh laga Putro tu Tar karne ki likhi ase eitu hisap te he jai ase, kintu kon pora Manuh laga Putro ke thogai dise ase tar nimite besi dukh ase! Eitu manuh karne tu hole jonom nakora he bhall thakise.”
Prabhu Bhoj Shuru Kora
22Aru ketiya tarkhan khai thakise, Tar pora roti loise aru ashish diya pasote eitu bhangaise aru tarkhan ke di kene koise, “Lobi, eitu moi laga gau ase.” 23Aru cup tu uthai loi kene Jisu he ashish korise aru tarkhan ke dise, aru eitu tarkhan sob pora pi loise. 24Aru Jisu he tarkhan ke koise, “Eitu besi manuh khan karne moi bahai diya khoon laga vachan ase. 25Moi hosa tumikhan ke koi ase, Isor laga rajyo te notun angur phol laga paani napiya tak moi aru eitu napibo.”
Peter He Jisu Ke Oshikar Kora Aage Te Kua
26Aru tarkhan ekta gana gaa pasote Olives laga pahar te jaise. 27Aru Jisu he tarkhan ke koise, “Tumikhan sob giri jabo; kilemane eitu likhi kene ase, ‘Moi mer roikhya ke mari dibo, aru mer sob alag alag te polai jabo.’ 28Kintu moi jinda utha pasote, tumikhan laga aage te Galilee te jai jabo.” 29Tetiya Peter pora koise, “Tarkhan sob giri jalebhi moi tu nagiribo.” 30Aru Jisu he tar ke koise, “Moi hosa tumi ke koi ase, aji raati te he, murga dag duibar nadiya aage te, tumi moi ke tinbar oshikar koribo.” 31Kintu tar pora besi himat loi kene arubhi koise, “Jodi apuni logot te moribole holebhi moi apuni ke oshikar nakoribo.” Aru tarkhan sob pora eneka he koise.
Gethsemane Te Jisu Prathana Kora
32Aru tarkhan Gethsemane eneka kua jaga te jaise. Aru chella khan ke Tar he koise, “Moi prathana kora homoi te Iyate bohibi.” 33Aru Tar logot te Peter, James, aru John loi kene olop aage te jaise, aru mon besi dukh hobole shuru hoise. 34Aru Jisu he tarkhan ke koise, “Moi laga Atma te moribo nisna besi dukh kori ase; hushier koribi aru iyate he thakibi.” 35Aru olop aage te jai kene Tar nijor he maati te athukarhi kene prathana kori koise; jodi parile eitu homoi tu Moi pora hatai dibi. 36Aru Jisu he koise, “Abba Pitri, apuni sob koribo pare. Eitu cup tu moi pora hatai dibi; kintu moi laga itcha nahoi, apuni laga itcha koribi.” 37Aru Jisu ahha homoi te tarkhan sob ghumai thakise, aru Jisu he Peter ke koise, “Simon tumi bhi ghumai ase na? Tumi ek ghonta bhi rukhibo para nai na? 38Hushier koribi, aru tumi porikhya te nagiribole prathana koribi; atma te tu hole hosa bhi itcha ase, kintu gau mangso te komzur ase.” 39Arubhi Jisu jaise, aru prathana korise, aru eke kotha tu koi kene prathana korise. 40Tetiya Jisu he chella khan usor te ghurai ahhise, aru tarkhan sob ghumai thakise, kilemane tarkhan laga soku tu besi bhari hoi thakise; aru tarkhan pora jawab dibole para nai. 41Ketiya Jisu he tin bar ghurai ahhise, tetiya tarkhan logot te koise, “Tumikhan etiya tak ghumai kene aram kori ase neki? Etiya hoise; homoi tu pongchi jaise; Manuh laga Putro tu paapi manuh khan laga haat te thogai di dise. 42Uthi jabi, amikhan jai jabo; sabi moi ke thogai diya manuh iyate ase.”
Jisu Thogai Kene Dhori Lua
43Aru ketiya Jisu he eitu kotha pati thakise, barohjon chella majot te ekjon, Judas, loge loge ahhi pongchise. Aru prodhan puruhit, pondit, aru bridho khan pora tar logot te genti napara manuh konuba taruwal, konuba rosi eneka loi kene, pathaise. 44Tetiya thogai diya manuh jon he tarkhan logot te ekta sign rakhi kene koise, “Moi kon logot te chumma dibo heitu manuh he ase; Tar ke dhori kene thik pora loi jabi.” 45Aru tar ahhi kene loge loge Jisu usor te jaise aru koise, “Rabbi!” Aru tar pora Tar ke chumma dise. 46Tetiya tarkhan pora Jisu ke dhori loise. 47Kintu usor te khara kori thaka majot te ekjon pora tar nijor taruwal ulai kene, mahan puruhit laga nokor ekjon laga kan kati kene girai dise. 48Aru Jisu pora tarkhan ke koise, “Tumikhan dacoit ekjon birudhi ahha nisna, moi ke dhoribole taruwal aru rosi loi kene ahhi ase neki? 49Hodai din girja ghor te moi tumikhan ke sikhai thakise, aru tumikhan pora moi ke dhora nai. Kintu hastro te ki ase eitu hidho hobole dibi.” 50Aru tarkhan sob pora Jisu ke shari kene polai jaise.
Jawan Chokra Ekjon Pola
51Aru jawan chokra ekjon Jisu piche te khali patla norom kapoor ekta lagai kene jaise; aru tarkhan pora tar ke dhori loise, 52kintu tar pora patla norom kapoor tu shari kene lengta polai jaise.
Sobha Aage Te Jisu
53Aru tarkhan pora mahan puruhit usor te Jisu ke loi jaise. Aru prodhan puruhit khan, bridho khan, aru pondit khan sob bhi jama kori thakise. 54Aru Peter he dur pora Jisu piche piche te ahhi kene mahan puruhit laga ghor bahar tak pongchise; aru jui usor roikhya manuh khan majot te nijor bhi gorom kori thakise. 55Tetiya prodhan puruhit khan aru sobha manuh sob pora Jisu ke morai dibole Tar birudh te alag alag sakhi bisarise; kintu eku bhi pua nai. 56Kilemane besi manuh pora Jisu birudh te misa sakhi anise, kintu taikhan laga sakhi tu mila nai. 57Aru taikhan majot te konuba khara kori kene, Jisu birudh te misa sakhi di kene koise, 58“‘Haat pora bona eitu girja ghor tu bhangai dibo, aru haat pora nabona dusera ekta, tin din majot te Moi bonabo paribo.’ Eneka Tar pora kua amikhan pora hunise,” 59Eneka kolebhi tarkhan laga sakhi tu mila nai. 60Aru tarkhan majot te mahan puruhit khara korise, aru Jisu ke hudise, “Tumi jawab dibole eku napare neki? Manuh khan pora tumi ke birudh kori kene kotha kua tu ki ase?” 61Kintu Jisu he chup chap thakise aru eku jawab diya nai. Arubhi mahan puruhit pora hudise, “Tumi Ashish-Ekjon laga Putro, Khrista tu ase neki?” 62Tetiya Jisu he koise, “Moi ase; aru Manuh laga Putro tu Mahan Shakti laga daina haat te bohi thaka, aru sorgo megh te ahha tumi dekhibo.” 63Tetiya mahan puruhit pora nijor kapoor phatai kene koise, “Etiya amikhan dusera sakhi ki lage? 64Tar pora Isor ke ninda kora kotha tumikhan pora hunise. Tumikhan pora ki faisla kore?” Tetiya tarkhan sob pora koise Tar morai dibole jugyo ase. 65Aru konuba pora thuk mari dise, aru kapoor pora Tar chehera bond kori di kene tar ke marise, aru koise, “Bhavobani dibi!” Aru roikhya khan pora bhi mari kene uthai loise.
Peter He Jisu Ke Oshikar Kora
66Aru ketiya Peter ghor bahar te thakise, mahan puruhit laga nokorani majot te ekjoni ahhise; 67aru Peter he jui usor te gorom kori kene bohi thaka dekhi kene koise, “Tumi bhi Nazarene Jisu logote thakise.” 68Kintu tar pora oshikar kori kene koise, “Tumi ki koi ase eitu moi najane nahole nabuji.” Aru tar ghor dorja phale jaise tetiya murga dag dise. 69Aru eitu nokorani pora Peter ke arubhi dekhi kene usor te khara kori thaka manuh khan ke koise, “Eitu manuh bhi tarkhan majot te ekjon thakise.” 70Kintu tar he arubhi oshikar korise. Aru olop pasot te khara kori thaka manuh khan pora Peter ke koise, “Hosa, tumi bhi tarkhan majot te ekjon ase; kilemane tumi Galilee manuh he ase.” 71Kintu tar nijor he kosom khai kene arubhi oshikar kori kene koise, “Tumikhan pora kon laga kotha koi ase, eitu manuh tu moi najane.” 72Aru loge loge murga pora duibar dag dise. Tetiya Jisu he ki koi didise, eitu Peter pora yaad ahhise, “Murga pora duibar dag nadiya aage te, tumi moi ke tin bar oshikar koribo.” Tetiya besi mon dukh hoi kene tar kandise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.