MATTHEW 7
7
Dusera Ke Bichar Kora
1“Bichar nakoribi, tetiya hole tumikhan ke bhi bichar nakoribo. 2Kilemane keneka tumikhan pora bichar kori ase, eneka he tumikhan ke bhi bichar koribo, aru ki palah pora tumikhan he jukhi ase eitu pora he tumikhan ke bhi jukhi dibo. 3Kile tumikhan nijor kokai-bhai laga soku te moila thaka tu he sai thake, kintu tumikhan nijor laga soku te dangor khuri tu hisap bhi nai? 4Nahole keneka tumi laga kokai-bhai ke kobo, ‘tumi laga soku pora moi moila tu phelai dibo,’ kintu tumi nijor soku te tu hole dangor khuri ase? 5Tumi kopoti, aage te tumar nijor laga soku pora dangor khuri tu phelai dibi, aru eitu pasote he tumar kokai-bhai laga soku pora moila ulai dibole bhall pora dekhibo.
6“Kuta ke pobitro bostu nadibi; aru gahuri aage te moti naphelabi, nahole taikhan theng pora chapai dibo aru gahuri ahhi kene tumi ke bhi kamuri kene mihin koribo.
Hudibi, Aru Eitu Di Dibo
7“Mangibi, aru eitu tumikhan ke di dibo; bisaribi, aru tumikhan pabo; tukurabi, aru tumikhan karne khuli dibo. 8Kilemane kon he mange, taikhan pabo, aru kon he bisare, taikhan pabo, aru kon he tukurai ase, khuli dibo. 9Nahole Tumikhan majote konuba ase neki, jodi tumar lora pora roti, mangile pathor dibo? 10Nahole jodi tar pora maas mangile, sanp dibo? 11Tetiya, jodi tumikhan beya holebhi, nijor bacha khan ke bhall upohar dibole jane, kiman bhi bhall tumar sorgot te thaka Pitri pora Tar ke manga khan ke nadibo!
Sona dam Laga Niyom
12“Ji konu kam sob te dusera pora keneka korile tumikhan bhall pai teneka tumikhan pora bhi dusera karne koribi; kilemane eitu he kanoon aru bhavobadi khan laga kotha ase.
13“Huru raasta te he jabi; kilemane kontu dangor aru khula raasta ase, aru sosta ase heitu raasta tu nosto kori diya raasta ase, aru besi manuh he eitu raasta te jai. 14Kilemane kontu raasta huru ase eitu kosto raasta ase aru heitu raasta te jivon ase, aru olop manuh he eitu raasta te jai.
Gos Aru Eitu Laga Phol
15“Galad bhavobadi khan nimite hushier hobi, kon he tumar usor te mer nisna pindhi kene ahhe, kintu asol tu hole rang-kukur khan ase. 16Taikhan laga phol pora taikhan tu kon ase eitu jani lobo. Katta gos pora angur phol pabo neki, nahole katta thaka ghans pora dimoru phol pabo neki? 17Eitu nisna, bhall gos sob pora bhall phol dhore, kintu beya gos pora beya phol dhore. 18Bhall gos te beya phol dhoribo napare, nahole beya gos pora bhall phol dhoribo napare. 19Ki gos pora bhall phol nadhore, eitu kati kene jui te jolai dibo. 20Eitu nisna taikhan laga phol pora taikhan kon ase eitu janibo.
Moi Tumikhan Ketiya Bhi Najane
21“Moi ke ‘Prabhu, Prabhu,’ kua manuh sob tu sorgo rajyo te jabole naparibo, kintu kon pora sorgote thaka Pitri itcha kore, tar he jabo. 22Heitu din te besi manuh pora moi ke kobo, ‘Prabhu, Prabhu, amikhan pora tumar nam te bhavobani diya nai neki, aru tumar nam te ohusi atma khedai diya nai neki, aru tumar nam te mahan kam besi kora nai neki?’ 23Aru tetiya moi taikhan ke janai dibo, ‘moi tumikhan ketiya bhi najane; moi pora jai jabi, tumikhan paap kam kora khan.’
Pathor Upor Te Tumi Ghor Bonabi
24“Etiya kon manuh pora moi laga kotha huni ase aru eitu khan palon kori kene cholai ase, eitu manuh tu pathor upor te ghor bona gyani manuh nisna hobo; 25aru borukhun girise, aru ban-paani ahhise, aru hava marise aru eitu ghor te jur pora lagise, kintu eitu ghor gira nai, kilemane eitu laga bhetimul pathor upor te bonaise. 26Aru kon manuh pora moi laga kotha eitu khan huni ase aru palon nakore, eitu okora manuh ekjon, kon he ballu uporte ghor bonaise, eitu nisna hobo. 27Aru borukhun girise, aru ban-paani ahhise, aru hava marise aru eitu ghor te jur pora lagise, aru eitu giri jaise, aru eitu giri jua tu pura nosto hoise!”
Jisu Laga Odhikar
28Aru ketiya Jisu he eitu kotha khan kua ses hoise, jama kori thaka manuh khan pora Tar kua kotha te asorit lagise, 29kilemane taikhan laga pondit khan nisna nahoi, kintu odhikar thaka manuh ekjon nisna sikhai dise.
ទើបបានជ្រើសរើសហើយ៖
MATTHEW 7: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
