LUKE 7
7
Jisu He senapoti Laga Daasi Ke Hustho Kora
1Ketiya manuh khan logot te kotha kua khotom hoise, Tar Capernaum te ahhi jaise. 2Eitu homoi te senapoti ekjon laga nokor, kon ke tar pora besi morom kori thakise eitu bemar hoi kene moribo nisna thakise. 3Ketiya senapoti pora Jisu laga khobor hunise, tar pora Jews laga bridho khan konuba Jisu usor te pathaise, aru ahhi kene tar laga nokor bemar pora bhall kori dibole Jisu ke hudise. 4Aru ketiya taikhan Jisu usor te ahhise, taikhan pora Jisu ke onurudh kori kene koise, “tar nimite apuni eitu kam kori dibole tar jugyo ase, 5kilemane tar pora amar zati khan ke prem kore, aru tar pora he amikhan laga girja ghor bhi bonai dise.” 6Aru Jisu he taikhan logot te jaise. Ketiya tar laga ghor usor te ahhise, senapoti pora saathi khan pathai kene, Tar logot te koise, “Prabhu apuni dukh nakoribi, kilemane moi laga ghor chatai niche te apuni ahhibole moi jugyo nahoi. 7Eitu nimite he moi bhi apunar usor te ahha nai. Kintu kotha tu he koi dibi, aru moi laga nokor ke bhall kori dibi. 8Kilemane moi bhi khyomota thaka manuh ekjon ase, moi laga hukum te sepahi khan ase: aru moi ekjon ke koi, ‘Jabi,’ aru tar jai jai aru dusera ekjon ke koi, ‘ahhibi’ aru tar ahhi jai; aru moi laga nokor ke koi eitu koribi, aru tar pora eitu kore.” 9Ketiya Jisu he eitu kotha hunise Tar asorit paise, aru ghurai kene besi manuh, kon Tar piche piche ahhi thakise taikhan logot te koise, “Tumikhan ke Moi koi ase, Israel te eneka biswas thaka ekjon bhi Moi pua nai.” 10Aru kiman jon pathaise tarkhan ghor te ghurai ahhise, aru daasi tu hustho hoi kene thakise.
Jisu Pora Bidhova Ekjoni lora Jiyai Uthai Diya
11Eitu pasot te loge loge Tar Nain eneka mati thaka sohor te jaise, aru tate Tar logot te chella khan aru genti napara manuh khan sob jaise. 12Aru sohor laga duar usor te pongcha homoi te, sabi, mora manuh ekjon bukhi kene, manuh besi eitu sohor pora ulai ahhise, aru eitu bidhova ekjoni laga khali ekta lora thaka asile. 13Aru ketiya Prabhu pora eitu tiruta ke dekhise, Tar pora morom kori kene tai ke koise, “Nakandibi.” 14Aru ahhe kene Tar pora mora manuh bukha charpai te chuise, aru mora manuh bukhi thaka manuh khan khara korise. Aru Tar pora koise, “Jawan lora, Moi tumi ke koi ase, uthibi.” 15Aru mora manuh he uthi kene bohise, aru kotha patise. Aru Jisu he lora tu tar amaa ke dise. 16Tetiya bhoi pora taikhan sob laga mon bhorta hoise; aru Isor ke mahima di kene koise, “Dangor bhavobadi ekjon amar majot te uthi jaise!” aru “Isor pora nijor zati logot te ahhise!” 17Aru Tar laga khobor tu Judea jaga sob phale jai kene usor te thaka desh sob te pongchi jaise.
Baptisma Diya John Laga Khobor Bukha Manuh
18Aru John laga chella khan pora eitu khan sob John ke koise. Aru John he 19tar laga chella duijon ke mati kene, Prabhu logot te pathai kene, koise, “Ahhibole thaka tu apuni he ase na, nahole dusera ekjon karne amikhan rukhibo lage?” 20Aru ketiya manuh khan tu Jisu usor te ahhise, tarkhan pora koise, “Baptisma diya John pora apuni usor te amikhan ke pathai kene koise, ‘Ahhibole thaka tu apuni ase na, nahole amikhan pora dusera ekjon karne rukhibo lage?’” 21Eitu homoi te Jisu he besi manuh laga kisim kisim bemar hustho kori thakise aru ohusi atma bhi khedai thakise, aru andha manuh khan besi soku khuli di thakise. 22Aru Tar pora tarkhan ke jawab dise, “Tumikhan pora ki dekhi ase aru huni ase eitu jai kene John ke kobi: andha khan pora dekhi ase, lengera khuj karhi ase, kuntho-rugi khan safa hoi ase, kan benga khan pora huni ase, mora manuh khan jinda uthi ase, dukhiya manuh khan nimite bhall khobor prachar kori ase. 23Aru kon pora Moi upor te beya napai eitu manuh ashish.”
24Ketiya John laga khobor bukha manuh khan jai jaise, Jisu he jama kori thaka manuh khan ke John laga kotha kobole shuru hoise: “Ki sabo nimite tumikhan jungol te jaise? Ekta paani gos laga nol khuti hava pora mari kene hili thaka sabole jaise neki? 25Tenehole ki sabole tumikhan ulai jaise? Norom kapoor pindhi thaka manuh ekjon sabole jaise naki? Sabi, kon he eneka kumol kapoor pindhi kene ase aru aram kori kene thake, eitu khan raja ghor te ase. 26Tenehole ki sabole tumikhan ulai jaise? Bhavobadi ekjon neki? Hoi, Moi tumikhan ke koi ase, bhavobadi pora bhi besi dangor ekjon ase. 27Eitu tar he ase, kon laga eneka likhi ase,
“‘Sabi, tumar aage te moi nijor laga khobor bukha manuh pathai ase,
kon pora tumar aage te raasta jugar kori dibo.’
28Moi tumikhan ke koi ase, tiruta ekjoni pora jonom kora majot te John pora dangor kon bhi nai. Kintu Isor laga rajyo te hole sob pora huru bhi tar pora dangor ase.” 29(Ketiya taikhan pora eitu hunise, manuh khan sob pora aru khajana tula khan pora bhi John laga baptisma te baptisma loi kene Isor laga dharmik hukum mani loise, 30kintu pharisees aru kanoon pondit khan pora nijor bhabna lobo nimite, Isor laga bhabna tiyag kori kene baptisma lua nai.)
31“Ki logot te eitu jugh manuh khan moi tulona kori dekhai dibo, taikhan ki nisna ase? 32Eitu, bacha khan bazar jaga te bohi kene, ekjon pora ekjon ke chillai kene mati thaka nisna ase,
“‘Amikhan pora banhi bajaise, kintu tumikhan pora nach kora nai;
mon dukh laga gana amikhan pora gaise, kintu tumikhan pora kanda nai.’
33Kilemane Baptisma diya John pora roti nakhai kene aru draikhya-roh napi kene ahhise; aru tumikhan pora koise, ‘Tar logote ohusi atma ase.’ 34Aru Manuh laga Putro khai kene aru pi kene ahhise; aru tumikhan pora koise, ‘Sabi, khakua aru sharabi wala, khajana tula khan aru paapi khan laga saathi!’ 35Kintu gyan kotha tu hole tai nijor laga kam pora he janai dibo.”
Paapi Tiruta Ekjoni Ke Khyama Kori Diya
36Pharisees khan majot te ekjon pora tar laga ghor te bhojon koribole Jisu ke hudise, aru Tar eitu Pharisees laga ghor te jai kene mez te khabole bohise. 37Aru sabi, eitu sohor te thaka paapi tiruta ekjoni thakise, ketiya tai pora Jisu ahhi kene pharisees ghor te ase eneka jani loise, tetiya alabaster laga dawai daba ekta anise, 38aru Jisu laga theng usor te khara hoi kene, kandise, tai laga soku paani pora Jisu laga theng tu bhijai di asile, aru eitu tai laga chuli pora mushi dise, aru Jisu laga theng te chumma di thakise, aru eitu dawai pora safa kori thakise. 39Tetiya pharisees kon he Jisu ke matise, tar pora ketiya eitu dekhise, nijor mon te eneka bhabna koise, “Jodi eitu manuh tu bhavobadi ase, tetiya kon he tar logot chui ase, aru eitu keneka tiruta ase, Tar pora janibole asile, kilemane tai tu paapi ekjoni he ase.” 40Aru Jisu he jawab eneka di kene koise, “Simon, Moi tumi ke kiba ekta kobole ase.” Aru tar pora bhi jawab di kene koise, “Eitu ki ase, Guru?”
41“Poisa dhaar diya manuh ekjon pora dhaar lua manuh duijon thakise; ekjon laga dhaar pans soh denarii thakise, aru dusera ekjon laga pachas thakise. 42Ketiya tarkhan pora wapas terabole para nai, tar duijon ke bhi maaf kori dise. Etiya duijon majot te kon he tar ke besi prem koribo?” 43Simon he jawab di koise, “Moi hisap te hole, ekjon, kon laga besi maaf korise.” Aru Jisu he jawab di koise, “Tumi thik he bichar koribo parise.” 44Tetiya tiruta phale ghurai kene Simon logot te Jisu he koise, “Tumi eitu tiruta ke dekhi ase ne? Moi tumi laga ghor te ahhise, aru theng safa koribo karne tumi paani bhi diya nai, kintu tai pora hole moi laga theng soku paani pora bhijai dise aru chuli pora safa kori di ase. 45Tumi pora moi ke chumma diya nai, kintu eitu tiruta he moi ahha homoi pora theng te chumma kora ses hua nai. 46Moi laga matha te tumi tel lagai diya nai, kintu tai pora dawai lagai kene moi laga theng safa kori di ase. 47Eitu karne moi tumi ke koi ase, tai laga paap, kiman besi thakise, eitu sob khyama korise, eitu karne tai he besi prem dekhai ase; kintu kon ke olop he khyama korise, eitu pora morom bhi olop he dekhabo.” 48Aru Jisu he tiruta ke koise, “Tumi laga paap sob khyama kori di ase.” 49Tetiya kiman jon tate khabole Tar logot te bohi thakise, tarkhan majot te eneka koi thakise, “Paap khyama kori bole para, eitu kon ase?” 50Aru Jisu he tiruta ke koise, “Tumi laga biswas pora he tumi ke bachaise; shanti te jabi.”
ទើបបានជ្រើសរើសហើយ៖
LUKE 7: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 7
7
Jisu He senapoti Laga Daasi Ke Hustho Kora
1Ketiya manuh khan logot te kotha kua khotom hoise, Tar Capernaum te ahhi jaise. 2Eitu homoi te senapoti ekjon laga nokor, kon ke tar pora besi morom kori thakise eitu bemar hoi kene moribo nisna thakise. 3Ketiya senapoti pora Jisu laga khobor hunise, tar pora Jews laga bridho khan konuba Jisu usor te pathaise, aru ahhi kene tar laga nokor bemar pora bhall kori dibole Jisu ke hudise. 4Aru ketiya taikhan Jisu usor te ahhise, taikhan pora Jisu ke onurudh kori kene koise, “tar nimite apuni eitu kam kori dibole tar jugyo ase, 5kilemane tar pora amar zati khan ke prem kore, aru tar pora he amikhan laga girja ghor bhi bonai dise.” 6Aru Jisu he taikhan logot te jaise. Ketiya tar laga ghor usor te ahhise, senapoti pora saathi khan pathai kene, Tar logot te koise, “Prabhu apuni dukh nakoribi, kilemane moi laga ghor chatai niche te apuni ahhibole moi jugyo nahoi. 7Eitu nimite he moi bhi apunar usor te ahha nai. Kintu kotha tu he koi dibi, aru moi laga nokor ke bhall kori dibi. 8Kilemane moi bhi khyomota thaka manuh ekjon ase, moi laga hukum te sepahi khan ase: aru moi ekjon ke koi, ‘Jabi,’ aru tar jai jai aru dusera ekjon ke koi, ‘ahhibi’ aru tar ahhi jai; aru moi laga nokor ke koi eitu koribi, aru tar pora eitu kore.” 9Ketiya Jisu he eitu kotha hunise Tar asorit paise, aru ghurai kene besi manuh, kon Tar piche piche ahhi thakise taikhan logot te koise, “Tumikhan ke Moi koi ase, Israel te eneka biswas thaka ekjon bhi Moi pua nai.” 10Aru kiman jon pathaise tarkhan ghor te ghurai ahhise, aru daasi tu hustho hoi kene thakise.
Jisu Pora Bidhova Ekjoni lora Jiyai Uthai Diya
11Eitu pasot te loge loge Tar Nain eneka mati thaka sohor te jaise, aru tate Tar logot te chella khan aru genti napara manuh khan sob jaise. 12Aru sohor laga duar usor te pongcha homoi te, sabi, mora manuh ekjon bukhi kene, manuh besi eitu sohor pora ulai ahhise, aru eitu bidhova ekjoni laga khali ekta lora thaka asile. 13Aru ketiya Prabhu pora eitu tiruta ke dekhise, Tar pora morom kori kene tai ke koise, “Nakandibi.” 14Aru ahhe kene Tar pora mora manuh bukha charpai te chuise, aru mora manuh bukhi thaka manuh khan khara korise. Aru Tar pora koise, “Jawan lora, Moi tumi ke koi ase, uthibi.” 15Aru mora manuh he uthi kene bohise, aru kotha patise. Aru Jisu he lora tu tar amaa ke dise. 16Tetiya bhoi pora taikhan sob laga mon bhorta hoise; aru Isor ke mahima di kene koise, “Dangor bhavobadi ekjon amar majot te uthi jaise!” aru “Isor pora nijor zati logot te ahhise!” 17Aru Tar laga khobor tu Judea jaga sob phale jai kene usor te thaka desh sob te pongchi jaise.
Baptisma Diya John Laga Khobor Bukha Manuh
18Aru John laga chella khan pora eitu khan sob John ke koise. Aru John he 19tar laga chella duijon ke mati kene, Prabhu logot te pathai kene, koise, “Ahhibole thaka tu apuni he ase na, nahole dusera ekjon karne amikhan rukhibo lage?” 20Aru ketiya manuh khan tu Jisu usor te ahhise, tarkhan pora koise, “Baptisma diya John pora apuni usor te amikhan ke pathai kene koise, ‘Ahhibole thaka tu apuni ase na, nahole amikhan pora dusera ekjon karne rukhibo lage?’” 21Eitu homoi te Jisu he besi manuh laga kisim kisim bemar hustho kori thakise aru ohusi atma bhi khedai thakise, aru andha manuh khan besi soku khuli di thakise. 22Aru Tar pora tarkhan ke jawab dise, “Tumikhan pora ki dekhi ase aru huni ase eitu jai kene John ke kobi: andha khan pora dekhi ase, lengera khuj karhi ase, kuntho-rugi khan safa hoi ase, kan benga khan pora huni ase, mora manuh khan jinda uthi ase, dukhiya manuh khan nimite bhall khobor prachar kori ase. 23Aru kon pora Moi upor te beya napai eitu manuh ashish.”
24Ketiya John laga khobor bukha manuh khan jai jaise, Jisu he jama kori thaka manuh khan ke John laga kotha kobole shuru hoise: “Ki sabo nimite tumikhan jungol te jaise? Ekta paani gos laga nol khuti hava pora mari kene hili thaka sabole jaise neki? 25Tenehole ki sabole tumikhan ulai jaise? Norom kapoor pindhi thaka manuh ekjon sabole jaise naki? Sabi, kon he eneka kumol kapoor pindhi kene ase aru aram kori kene thake, eitu khan raja ghor te ase. 26Tenehole ki sabole tumikhan ulai jaise? Bhavobadi ekjon neki? Hoi, Moi tumikhan ke koi ase, bhavobadi pora bhi besi dangor ekjon ase. 27Eitu tar he ase, kon laga eneka likhi ase,
“‘Sabi, tumar aage te moi nijor laga khobor bukha manuh pathai ase,
kon pora tumar aage te raasta jugar kori dibo.’
28Moi tumikhan ke koi ase, tiruta ekjoni pora jonom kora majot te John pora dangor kon bhi nai. Kintu Isor laga rajyo te hole sob pora huru bhi tar pora dangor ase.” 29(Ketiya taikhan pora eitu hunise, manuh khan sob pora aru khajana tula khan pora bhi John laga baptisma te baptisma loi kene Isor laga dharmik hukum mani loise, 30kintu pharisees aru kanoon pondit khan pora nijor bhabna lobo nimite, Isor laga bhabna tiyag kori kene baptisma lua nai.)
31“Ki logot te eitu jugh manuh khan moi tulona kori dekhai dibo, taikhan ki nisna ase? 32Eitu, bacha khan bazar jaga te bohi kene, ekjon pora ekjon ke chillai kene mati thaka nisna ase,
“‘Amikhan pora banhi bajaise, kintu tumikhan pora nach kora nai;
mon dukh laga gana amikhan pora gaise, kintu tumikhan pora kanda nai.’
33Kilemane Baptisma diya John pora roti nakhai kene aru draikhya-roh napi kene ahhise; aru tumikhan pora koise, ‘Tar logote ohusi atma ase.’ 34Aru Manuh laga Putro khai kene aru pi kene ahhise; aru tumikhan pora koise, ‘Sabi, khakua aru sharabi wala, khajana tula khan aru paapi khan laga saathi!’ 35Kintu gyan kotha tu hole tai nijor laga kam pora he janai dibo.”
Paapi Tiruta Ekjoni Ke Khyama Kori Diya
36Pharisees khan majot te ekjon pora tar laga ghor te bhojon koribole Jisu ke hudise, aru Tar eitu Pharisees laga ghor te jai kene mez te khabole bohise. 37Aru sabi, eitu sohor te thaka paapi tiruta ekjoni thakise, ketiya tai pora Jisu ahhi kene pharisees ghor te ase eneka jani loise, tetiya alabaster laga dawai daba ekta anise, 38aru Jisu laga theng usor te khara hoi kene, kandise, tai laga soku paani pora Jisu laga theng tu bhijai di asile, aru eitu tai laga chuli pora mushi dise, aru Jisu laga theng te chumma di thakise, aru eitu dawai pora safa kori thakise. 39Tetiya pharisees kon he Jisu ke matise, tar pora ketiya eitu dekhise, nijor mon te eneka bhabna koise, “Jodi eitu manuh tu bhavobadi ase, tetiya kon he tar logot chui ase, aru eitu keneka tiruta ase, Tar pora janibole asile, kilemane tai tu paapi ekjoni he ase.” 40Aru Jisu he jawab eneka di kene koise, “Simon, Moi tumi ke kiba ekta kobole ase.” Aru tar pora bhi jawab di kene koise, “Eitu ki ase, Guru?”
41“Poisa dhaar diya manuh ekjon pora dhaar lua manuh duijon thakise; ekjon laga dhaar pans soh denarii thakise, aru dusera ekjon laga pachas thakise. 42Ketiya tarkhan pora wapas terabole para nai, tar duijon ke bhi maaf kori dise. Etiya duijon majot te kon he tar ke besi prem koribo?” 43Simon he jawab di koise, “Moi hisap te hole, ekjon, kon laga besi maaf korise.” Aru Jisu he jawab di koise, “Tumi thik he bichar koribo parise.” 44Tetiya tiruta phale ghurai kene Simon logot te Jisu he koise, “Tumi eitu tiruta ke dekhi ase ne? Moi tumi laga ghor te ahhise, aru theng safa koribo karne tumi paani bhi diya nai, kintu tai pora hole moi laga theng soku paani pora bhijai dise aru chuli pora safa kori di ase. 45Tumi pora moi ke chumma diya nai, kintu eitu tiruta he moi ahha homoi pora theng te chumma kora ses hua nai. 46Moi laga matha te tumi tel lagai diya nai, kintu tai pora dawai lagai kene moi laga theng safa kori di ase. 47Eitu karne moi tumi ke koi ase, tai laga paap, kiman besi thakise, eitu sob khyama korise, eitu karne tai he besi prem dekhai ase; kintu kon ke olop he khyama korise, eitu pora morom bhi olop he dekhabo.” 48Aru Jisu he tiruta ke koise, “Tumi laga paap sob khyama kori di ase.” 49Tetiya kiman jon tate khabole Tar logot te bohi thakise, tarkhan majot te eneka koi thakise, “Paap khyama kori bole para, eitu kon ase?” 50Aru Jisu he tiruta ke koise, “Tumi laga biswas pora he tumi ke bachaise; shanti te jabi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.