LUKE 6
6
Jisu He Bisram Din Laga Prabhu Ase
1Bisram din ekta te, ketiya Jisu he kheti par kori kene jai thakise, Tar chella khan pora dhan singise aru haat te muli kene khaise. 2Kintu Pharisees khan konuba pora koise, “Kile bisram din te nakoribo laga kam tumikhan pora kori ase?” 3Aru Jisu he jawab di kene koise, “Ketiya bhuk lagise, David aru tar logote thaka manuh khan pora ki korise eitu tumikhan pora porha nai neki: 4Isor laga ghor te tar jai kene, daan diya roti, kon tu hodai thakibo lage, aru khali puruhit khan pora he khabo pare, eitu loi kene khaise aru tar logot te thaka manuh khan ke bhi khabole dise?” 5Aru Tar pora tarkhan ke koise, “Manuh laga Putro he bisram din laga prabhu ase.”
Haat Sukhi Kene Thaka Manuh
6Dusera ekta bisram din te, ketiya Tar girja ghor te jai kene sikhai thakise, tate manuh ekjon tar laga daina haat tu sukhi kene thakise. 7Aru Bisram din te, Jisu pora, eitu manuh ke hustho kori dibo na nai eneka Jisu laga galti dhoribole, pharisees aru pondit khan pora sai thakise. 8Kintu tarkhan laga bhabna tu jani kene, Jisu he eitu manuh, kon laga haat sukhi kene thakise, tar ke koise, “Ahhibi, aru iyate khara koribi.” Aru tar uthi kene tate khara korise. 9Aru Jisu he tarkhan ke koise, “Moi tumikhan ke hudi ase, bisram din te bhall kam koribo na nahole manuh karne dukh kori dibo, manuh laga jivon bachabo na eitu nosto kori dibo?” 10Aru Jisu he tarkhan sob logot te saise, aru eitu manuh ke koise, “Tumi laga haat sidha kori lobi.” Aru tar pora eneka korise, aru tar laga haat tu hustho hoi jaise. 11Kintu khong pora tarkhan mon bhorta hoi kene, Jisu ke ki koribo eitu laga kotha tarkhan majot te alusona korise.
Pasonir Barohjon
12Eitu din te, Tar pahar jaga te prathana koribole jaise; aru raatpur Isor usor te Tar prathana kori thakise. 13Aru ketiya din homoi pongchise, Tar he tar laga chella khan matise, aru tarkhan majot pora barohjon basise, kon ke pasonir eneka matise; 14Simon kon ke Peter eneka matise, aru tar laga bhai Andrew, James aru John, Philip aru Bartholomew, 15Matthew aru Thomas, Alphaeus laga putro James aru Simon, kon ke Zealot eneka mate, 16James laga putro Judas, aru Judas Iscariot kon thogai diya manuh tu hoise.
Besi Manuh Majot Te Jisu He Sikhai Diya
17Ketiya Jisu he tar chella logot te nami ahhi kene bhoyam jaga ekta te khara korise tetiya besi manuh khan kon Judea aru Jerusalem aru samundor kinar phale thaka jaga Tyre aru Sidon laga manuh khan, 18Tar laga kotha hunibole aru taikhan laga kisim kisim bemar Jisu pora hustho kori dibole ahhise; aru Jisu he letra ohusi atma pora dukh kosto di thaka khan bhi hustho hoise. 19Aru jama kori thaka manuh sob pora Tar ke haat pora chubole sesta korise, kilemane Jisu pora hustho kori diya shakti ulaise aru sob ke bhall korise.
Sorgo Anand Kotha
20Aru Jisu he Tar chella khan logot te soku pora sai kene koise:
“Dukhiya manuh, tumikhan ashish, kilemane Isor laga rajyo tumikhan laga ase.
21“Etiya bhuk lage thaka khan ashish, kilemane tumikhan tripti hobo.
“Etiya kandi thaka khan ashish, kilemane tumikhan hangsibo.
22“Ketiya manuh khan pora tumikhan ke ghin koribo, tumikhan ashish; aru ketiya Manuh laga Putro nimite, manuh khan pora tumikhan ke shari dibo aru apoti koribo aru tumi laga nam bodnam kori dibo tetiya tumikhan ashish! 23Eitu din te anand koribi, aru khushi te jap maribi, kilemane sabi, sorgo te tumikhan laga inam dangor ase; kilemane eneka he taikhan laga pitri pora bhi bhavobadi khan logot te korise.
Jisu Pora Bedona Janai Diya
24“Kintu tumi dhoni manuh khan bedona hobo, kilemane tumi anando pai loise.
25“Etiya bhorta hoi thaka khan bedona hobo, kilemane tumi bhuk lagibo.
“Etiya hangsi thaka khan bedona hobo, kilemane tumi mon dukh hobo aru kandibo.
26“Ketiya manuh khan sob pora tumi laga bhall kotha koi, tumi bedona hobo, kilemane teneka he taikhan pitri pora bhi galad bhavobadi laga koise.
Dushman Ke Prem Koribi
27“Kintu kon he huni ase tumikhan ke moi koi ase, tumikhan laga dushman ke prem koribi aru kon he ghin kore, taikhan ke bhall kam koribi, 28tumikhan ke haun diya khan ke ashish dibi, aru tumikhan ke beya kotha kua khan karne prathana koribi. 29Kon he tumar daina gal te thapor mare, dusera phale bhi maribole dibi; aru kon he tumikhan laga upor pindha kapoor loi jai eitu narukhabi, kintu kamis bhi lobole dibi. 30Tumikhan ke kon pora mangi ase, sob ke di dibi; aru kon he tumikhan laga saman loi jai ase, ghurai namangibi. 31Aru keneka dusera manuh pora korile tumikhan pora bhall pai, eneka he tumikhan pora bhi dusera karne koribi.
32“Jodi tumikhan ke prem kora khan ke he prem korile, tumikhan nijor tu ki lab pabo? Kilemane paapi khan pora bhi taikhan ke prem kora khan ke prem kore. 33Aru jodi tumikhan karne bhall kam kora khan ke he tumikhan pora bhall korile, tumikhan karne ki lab ase? Paapi khan pora bhi eneka tu kore. 34Aru jodi tumikhan ghurai pabole akha kora manuh khan ke he dhaar kori di ase, tumikhan karne ki lab ase? Paapi khan pora bhi paapi khan ke besi ghurai pabole dhaar kori di ase. 35Kintu dushman khan ke prem koribi aru ghurai pabole eku bhabna nakori kene bhall kam koribi; aru tumikhan laga inam dangor hobo, aru tumikhan ke mahan laga putro khan eneka matibo; kilemane dhanyabad dibo najana manuh aru paapi khan sob upor te Tar pora doya dekhai di ase. 36Eitu nimite tumar Pitri keneka doyalu ase, eneka he tumikhan bhi doyalu hobi.
Dusera Ke Bichar Kora
37“Dusera ke bichar nakoribi, tetiya tumikhan ke bhi bichar nakoribo; dusera ke ninda nakoribi, tetiya tumikhan ke bhi ninda nakoribo; dusera ke khyama koribi, tetiya tumikhan ke bhi khyama koribo; 38di dibi aru tumikhan ke bhi dibo. Bhall pora dabai kene jukhibi aru bhorta hoi kene dibi, aru eitu nisna madad kora tu tumikhan logot te wapas ahhi jabo. Kilemane keneka tumikhan pora jukhi kene di ase, eitu nisna he tumikhan ke bhi jukhi dibo.”
39Tar he arubhi ekta dristanto loi kene taikhan ke koise: “Soku andha pora soku andha ke loi jabo pare neki? Eneka hole duijon bhi khal te nagiribo naki? 40Chella ekjon tu guru pora dangor nahoi, kintu ketiya taikhan bhi thik pora sikhai lobo, tetiya guru nisna hobo. 41Kile tumar kokai-bhai laga soku te thaka moila he dekhi ase, kintu tumi nijor laga soku te thaka dangor khuri tu hisap bhi nai? 42Keneka hoi kene tumar kokai bhai ke kobo, ‘tumi laga soku te thaka moila tu moi ulai dibo,’ kintu tumi nijor laga soku te tu hole dangor khuri lagai kene ase? Tumi kopotiya khan, pahila tumar nijor soku pora dangor khuri tu phelai dibi, tetiya tumar kokai bhai laga soku te thaka moila tu phelai dibole bhall pora dekhibo.
Ekta Gos aru Eitu Laga Phol
43“Kilemane bhall gos te beya phol nadhoribo, nahole beya gos te bhall phol nadhore, 44Kilemane ekta gos tu eitu laga phol pora janibo. Kilemane katta gos pora dimoru phol napai, nahole jungol laga ghans pora angur phol napai. 45Bhall manuh he tar laga bhall mon pora bhall bostu ulai diye, aru beya manuh he tar mon te bhorta kori thaka beya pora beya bostu ulai diye; kilemane ki pora mon bhorta ase, eitu he mukh pora ulai diye.
Pathor Upor Te Ghor Bonabi
46“Kile Moi ke, ‘prabhu, prabhu,’ eneka mate, aru moi kua kotha tu namane? 47Kon manuh he moi logot te ahhe aru moi laga kotha huni kene eitu kam kore, tar tu keneka ase moi dekhai dibo: 48tar he ekjon manuh pora ghor bona nisna ase, kon pora maati doha kori khundise, aru pathor upor te ghor laga bhetimul khara korise; aru ban paani uthise, aru ban paani ahhi kene eitu ghor te marise, kintu hila nai, kilemane eitu pathor upor te bonaise. 49Kintu kon pora kotha tu hunise aru eitu palon nakore, eitu ekjon, kon he bhetimul nabonai kene ballu upor te ghor bonaise eitu nisna he ase; ketiya paani uthise aru eitu ghor te lagise, loge loge eitu giri jaise, aru eitu ghor gira tu dangor nosto thakise.”
ទើបបានជ្រើសរើសហើយ៖
LUKE 6: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 6
6
Jisu He Bisram Din Laga Prabhu Ase
1Bisram din ekta te, ketiya Jisu he kheti par kori kene jai thakise, Tar chella khan pora dhan singise aru haat te muli kene khaise. 2Kintu Pharisees khan konuba pora koise, “Kile bisram din te nakoribo laga kam tumikhan pora kori ase?” 3Aru Jisu he jawab di kene koise, “Ketiya bhuk lagise, David aru tar logote thaka manuh khan pora ki korise eitu tumikhan pora porha nai neki: 4Isor laga ghor te tar jai kene, daan diya roti, kon tu hodai thakibo lage, aru khali puruhit khan pora he khabo pare, eitu loi kene khaise aru tar logot te thaka manuh khan ke bhi khabole dise?” 5Aru Tar pora tarkhan ke koise, “Manuh laga Putro he bisram din laga prabhu ase.”
Haat Sukhi Kene Thaka Manuh
6Dusera ekta bisram din te, ketiya Tar girja ghor te jai kene sikhai thakise, tate manuh ekjon tar laga daina haat tu sukhi kene thakise. 7Aru Bisram din te, Jisu pora, eitu manuh ke hustho kori dibo na nai eneka Jisu laga galti dhoribole, pharisees aru pondit khan pora sai thakise. 8Kintu tarkhan laga bhabna tu jani kene, Jisu he eitu manuh, kon laga haat sukhi kene thakise, tar ke koise, “Ahhibi, aru iyate khara koribi.” Aru tar uthi kene tate khara korise. 9Aru Jisu he tarkhan ke koise, “Moi tumikhan ke hudi ase, bisram din te bhall kam koribo na nahole manuh karne dukh kori dibo, manuh laga jivon bachabo na eitu nosto kori dibo?” 10Aru Jisu he tarkhan sob logot te saise, aru eitu manuh ke koise, “Tumi laga haat sidha kori lobi.” Aru tar pora eneka korise, aru tar laga haat tu hustho hoi jaise. 11Kintu khong pora tarkhan mon bhorta hoi kene, Jisu ke ki koribo eitu laga kotha tarkhan majot te alusona korise.
Pasonir Barohjon
12Eitu din te, Tar pahar jaga te prathana koribole jaise; aru raatpur Isor usor te Tar prathana kori thakise. 13Aru ketiya din homoi pongchise, Tar he tar laga chella khan matise, aru tarkhan majot pora barohjon basise, kon ke pasonir eneka matise; 14Simon kon ke Peter eneka matise, aru tar laga bhai Andrew, James aru John, Philip aru Bartholomew, 15Matthew aru Thomas, Alphaeus laga putro James aru Simon, kon ke Zealot eneka mate, 16James laga putro Judas, aru Judas Iscariot kon thogai diya manuh tu hoise.
Besi Manuh Majot Te Jisu He Sikhai Diya
17Ketiya Jisu he tar chella logot te nami ahhi kene bhoyam jaga ekta te khara korise tetiya besi manuh khan kon Judea aru Jerusalem aru samundor kinar phale thaka jaga Tyre aru Sidon laga manuh khan, 18Tar laga kotha hunibole aru taikhan laga kisim kisim bemar Jisu pora hustho kori dibole ahhise; aru Jisu he letra ohusi atma pora dukh kosto di thaka khan bhi hustho hoise. 19Aru jama kori thaka manuh sob pora Tar ke haat pora chubole sesta korise, kilemane Jisu pora hustho kori diya shakti ulaise aru sob ke bhall korise.
Sorgo Anand Kotha
20Aru Jisu he Tar chella khan logot te soku pora sai kene koise:
“Dukhiya manuh, tumikhan ashish, kilemane Isor laga rajyo tumikhan laga ase.
21“Etiya bhuk lage thaka khan ashish, kilemane tumikhan tripti hobo.
“Etiya kandi thaka khan ashish, kilemane tumikhan hangsibo.
22“Ketiya manuh khan pora tumikhan ke ghin koribo, tumikhan ashish; aru ketiya Manuh laga Putro nimite, manuh khan pora tumikhan ke shari dibo aru apoti koribo aru tumi laga nam bodnam kori dibo tetiya tumikhan ashish! 23Eitu din te anand koribi, aru khushi te jap maribi, kilemane sabi, sorgo te tumikhan laga inam dangor ase; kilemane eneka he taikhan laga pitri pora bhi bhavobadi khan logot te korise.
Jisu Pora Bedona Janai Diya
24“Kintu tumi dhoni manuh khan bedona hobo, kilemane tumi anando pai loise.
25“Etiya bhorta hoi thaka khan bedona hobo, kilemane tumi bhuk lagibo.
“Etiya hangsi thaka khan bedona hobo, kilemane tumi mon dukh hobo aru kandibo.
26“Ketiya manuh khan sob pora tumi laga bhall kotha koi, tumi bedona hobo, kilemane teneka he taikhan pitri pora bhi galad bhavobadi laga koise.
Dushman Ke Prem Koribi
27“Kintu kon he huni ase tumikhan ke moi koi ase, tumikhan laga dushman ke prem koribi aru kon he ghin kore, taikhan ke bhall kam koribi, 28tumikhan ke haun diya khan ke ashish dibi, aru tumikhan ke beya kotha kua khan karne prathana koribi. 29Kon he tumar daina gal te thapor mare, dusera phale bhi maribole dibi; aru kon he tumikhan laga upor pindha kapoor loi jai eitu narukhabi, kintu kamis bhi lobole dibi. 30Tumikhan ke kon pora mangi ase, sob ke di dibi; aru kon he tumikhan laga saman loi jai ase, ghurai namangibi. 31Aru keneka dusera manuh pora korile tumikhan pora bhall pai, eneka he tumikhan pora bhi dusera karne koribi.
32“Jodi tumikhan ke prem kora khan ke he prem korile, tumikhan nijor tu ki lab pabo? Kilemane paapi khan pora bhi taikhan ke prem kora khan ke prem kore. 33Aru jodi tumikhan karne bhall kam kora khan ke he tumikhan pora bhall korile, tumikhan karne ki lab ase? Paapi khan pora bhi eneka tu kore. 34Aru jodi tumikhan ghurai pabole akha kora manuh khan ke he dhaar kori di ase, tumikhan karne ki lab ase? Paapi khan pora bhi paapi khan ke besi ghurai pabole dhaar kori di ase. 35Kintu dushman khan ke prem koribi aru ghurai pabole eku bhabna nakori kene bhall kam koribi; aru tumikhan laga inam dangor hobo, aru tumikhan ke mahan laga putro khan eneka matibo; kilemane dhanyabad dibo najana manuh aru paapi khan sob upor te Tar pora doya dekhai di ase. 36Eitu nimite tumar Pitri keneka doyalu ase, eneka he tumikhan bhi doyalu hobi.
Dusera Ke Bichar Kora
37“Dusera ke bichar nakoribi, tetiya tumikhan ke bhi bichar nakoribo; dusera ke ninda nakoribi, tetiya tumikhan ke bhi ninda nakoribo; dusera ke khyama koribi, tetiya tumikhan ke bhi khyama koribo; 38di dibi aru tumikhan ke bhi dibo. Bhall pora dabai kene jukhibi aru bhorta hoi kene dibi, aru eitu nisna madad kora tu tumikhan logot te wapas ahhi jabo. Kilemane keneka tumikhan pora jukhi kene di ase, eitu nisna he tumikhan ke bhi jukhi dibo.”
39Tar he arubhi ekta dristanto loi kene taikhan ke koise: “Soku andha pora soku andha ke loi jabo pare neki? Eneka hole duijon bhi khal te nagiribo naki? 40Chella ekjon tu guru pora dangor nahoi, kintu ketiya taikhan bhi thik pora sikhai lobo, tetiya guru nisna hobo. 41Kile tumar kokai-bhai laga soku te thaka moila he dekhi ase, kintu tumi nijor laga soku te thaka dangor khuri tu hisap bhi nai? 42Keneka hoi kene tumar kokai bhai ke kobo, ‘tumi laga soku te thaka moila tu moi ulai dibo,’ kintu tumi nijor laga soku te tu hole dangor khuri lagai kene ase? Tumi kopotiya khan, pahila tumar nijor soku pora dangor khuri tu phelai dibi, tetiya tumar kokai bhai laga soku te thaka moila tu phelai dibole bhall pora dekhibo.
Ekta Gos aru Eitu Laga Phol
43“Kilemane bhall gos te beya phol nadhoribo, nahole beya gos te bhall phol nadhore, 44Kilemane ekta gos tu eitu laga phol pora janibo. Kilemane katta gos pora dimoru phol napai, nahole jungol laga ghans pora angur phol napai. 45Bhall manuh he tar laga bhall mon pora bhall bostu ulai diye, aru beya manuh he tar mon te bhorta kori thaka beya pora beya bostu ulai diye; kilemane ki pora mon bhorta ase, eitu he mukh pora ulai diye.
Pathor Upor Te Ghor Bonabi
46“Kile Moi ke, ‘prabhu, prabhu,’ eneka mate, aru moi kua kotha tu namane? 47Kon manuh he moi logot te ahhe aru moi laga kotha huni kene eitu kam kore, tar tu keneka ase moi dekhai dibo: 48tar he ekjon manuh pora ghor bona nisna ase, kon pora maati doha kori khundise, aru pathor upor te ghor laga bhetimul khara korise; aru ban paani uthise, aru ban paani ahhi kene eitu ghor te marise, kintu hila nai, kilemane eitu pathor upor te bonaise. 49Kintu kon pora kotha tu hunise aru eitu palon nakore, eitu ekjon, kon he bhetimul nabonai kene ballu upor te ghor bonaise eitu nisna he ase; ketiya paani uthise aru eitu ghor te lagise, loge loge eitu giri jaise, aru eitu ghor gira tu dangor nosto thakise.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.