LUKE 24
24
Ponuruthan
1Kintu hopta te prothom din ekdom phujor homoi te, taikhan pora jugar kora tel aru dawai tu loi kene kobor te jaise. 2Aru taikhan pora koborsthan pathor tu hatai kene paise, 3kintu ketiya taikhan bhitor te jaise, taikhan pora Prabhu Jisu laga gau dekha nai. 4Ketiya taikhan eitu karne ki koribo najana hoise, tetiya sabi, dui jon manuh ujal nisna kapoor lagai kene khara korise. 5Aru bhoi hoi kene, taikhan pora chehera maati phale sai kene athukarhise, tetiya eitu duijon pora taikhan ke koise, “Kile jinda thaka manuh ke mora khan majot te bisari ase? 6Tar iyate nai, kintu jinda uthise. Tar ketiya Galilee te thakise, Tar kua kotha yaad koribi, 7Manuh laga Putro tu paapi manuh khan laga haat te di dibo aru kros te morai dibo, aru tin din pasot te jinda uthibo.” 8Aru taikhan pora bhi eitu kotha yaad hoise, 9aru kobor pora ghurai ahhi kene egharo jon aru sob manuh logot te eitu khobor koise. 10Eitu Mary Magdalene, Joanna, James laga amaa Mary aru dusera tiruta khan thakise, taikhan pora eitu khobor pasonir khan logot te koise, 11kintu eitu kotha tu tarkhan karne bhabna ekta laga khisa kua nisna lagise, aru tarkhan pora biswas kora nai. 12Kintu Peter uthise, aru kobor te polai kene jaise; aru kobor mukh te uthi kene bhitor phale saise, tar pora kumol linen kapoor tu keneka thakise eneka he dekhise; aru ki hoise eitu laga bujibo napari kene tar ghor te ghurai jaise.
Emmaus Te Jua Raasta Te
13Eitu eke din te he, tarkhan majot pora duijon, Emmaus eneka kua bosti, Jerusalem pora sat mile jai kene thaka tate jai thakise, 14Aru ki ki hoise eitu laga kotha tarkhan majot te alusona kori jai thakise. 15Ketiya tarkhan eke logot te eitu kotha alusona kori thakise, Jisu bhi tarkhan usor te ulaise aru eke logot te jaise. 16Kintu tarkhan pora nachinibo karne soku bond kori di kene thakise. 17Aru Tar pora tarkhan ke koise, “Tumikhan alusona kori kene jua, eitu ki laga kotha ase?” Aru tarkhan mon dukh hoi kene, chup-chap khara korise. 18Tetiya tarkhan majot te ekjon, Cleopas pora jawab di koise, “Eitu olop din majot te Jerusalem te ki hoise, eitu najana tu, alohi khan jua majot te khali apuni he hobo neki?” 19Aru Tar pora tarkhan ke koise, “Ki hoise?” Aru tarkhan pora Tar ke koise, “Nazareth laga Jisu, bhavobadi ekjon, kon laga kam aru kotha, Isor aru manuh khan sob aage te mahan thakise, 20aru amikhan laga prodhan puruhit khan aru solaongta khan pora morai dibole hinsa korise aru Kros te morai dise. 21Kintu eitu manuh pora he Israel zati ke udhar dibo eneka amikhan pora akha thakise. Hoi, aru eitu khan sob shari kene, etiya eitu khan hoi kene tin din ase. 22Eitu upor te sabi, amikhan majot te tiruta konuba pora amikhan ke besi asorit kori dise. Taikhan ekdom phujor te kobor te jaise, 23aru ketiya taikhan pora Tar laga gau pua nai, taikhan ghurai ahhise aru taikhan pora dorshan te sorgo dut dekhise, kon pora Jisu jinda hoise eneka koise, eitu khobor dise. 24Aru amikhan majot te thaka konuba bhi jaise aru tiruta khan pora ki koise eneka he paise, kintu Jisu ke tu hole dekha nai.” 25Aru Tar pora tarkhan ke koise, “Hei okora khan, aru bhavobadi khan pora kua biswas koribole mon tan hua khan! 26Eitu khan dukh-kosto sob tu par kori kene he Khrista mahima te jabole dorkar nahoi neki?” 27Aru Moses pora shuru hoi kene bhavobadi khan sob laga hastro kitab pora Khrista laga kotha ulai kene Tar pora tarkhan ke bujai dise.
28Etiya tarkhan kon tu bosti te jai thakise, eitu usor te ahhise. Kintu Tar aru aage phale jabo nisna dekhaise, 29kintu tarkhan pora Tar ke besi onurudh kori, koise, “Amikhan logot te thakibi, kilemane sham hoise, aru etiya din tu jai jaise.” eitu karne tarkhan logot te thakibole Tar jaise. 30Tar ketiya tarkhan logot mez te bohise, Tar pora roti loi kene dhanyabad dise aru bhangai kene tarkhan ke dise. 31Aru tetiya tarkhan laga soku khulise, aru tarkhan pora chinise. Aru tarkhan majot pora Tar nathaka hoi jaise. 32Tarkhan pora ekjon ekjon ke koise, “Raasta te Tar pora ketiya Hastro kotha amikhan ke bujai dise, tetiya amikhan laga mon jola nai neki?” 33Aru eitu homoi te he tarkhan uthise aru Jerusalem te ghurai ahhise. Aru tarkhan pora ekgharo jon logot te kiman jon thakise tarkhan log korise, 34aru koise, “Prabhu hosa bhi jinda hoise, aru ulai kene Simon logot bhi dekhaise!” 35Tetiya raasta ke ki hoise eitu khan sob koise, aru roti bhanga homoi te tar khan soku khuli di kene Tar ke janibole diya koise.
Jisu He Tar Laga Chella Khan Ke Dekhaise
36Tarkhan eitu kotha pati thaka homoi te, Jisu nijor pora tarkhan majot te khara korise, aru tarkhan ke koise, “Tumikhan logot te anando thakibi!” 37Kintu tarkhan bhoi lagise aru manuh laga atma ekta dekhise eneka bhabna korise. 38Aru Tar pora tarkhan ke koise, “Kile tumikhan dukh kori ase, aru kile tumikhan laga mon te hondeh hoi ase? 39Sabi, Moi laga haat aru theng, eitu Moi he ase. Moi ke chui kene sabi kilemane atma tu hole mangso aru hardi nai, kintu tumikhan pora dekhi ase, Moi tu ase.” 40Aru ketiya Tar pora eitu koise, Tar pora haat aru theng dekhai dise. 41Aru tarkhan etiya bhi khushi aru asorit sob pora biswas koribo napari kene thaka homoi, Tar pora koise, “Tumikhan iyate kiba khabole ase na nai?” 42Tetiya taikhan pora bakai kene rakha maas ekta dise, 43aru Tar pora eitu taikhan sob aage te khaise.
44Tetiya Tar pora tarkhan ke koise, “Ketiya Moi tumikhan logot te thakise, tetiya Moi eitu kotha khan koi dise, Moses aru Bhavobadi khan aru Geetmala kitab sob te ki kanoon Moi karne likhi kene ase, eitu sob hidho hobo lage.” 45Tetiya Hastro kotha bujibole taikhan laga mon khuli dise, 46aru tarkhan ke koise, “Eneka likhi kene ase, Khrista tu dukh-kosto hobo aru tin din te jinda uthi jabo, 47aru Jerusalem pora shuru hoi kene, prithibi sob jaga te Tar laga nam te mon ghurai ahha aru paap khyama kora janai dibo. 48Aru tumikhan eitu laga sakhi ase. 49Aru sabi, Pitri laga protigya ki ase, eitu Moi tumikhan upor te pathai dibo. Kintu sorgo laga shakti pora tumikhan bhorta nahua tak, eitu sohor te he rukhibi.”
Sorgo Te Uthi Jua
50Tetiya Tar pora loi kene Bethany te jaise, aru Tar laga haat uthai kene tarkhan upor te ashish dise. 51Ketiya tarkhan ke ashish dise, tetiya Tar alag hoi kene sorgo te uthi jaise. 52Aru tarkhan pora Tar ke aradhana korise, aru dangor khushi te Jerusalem te ghurai ahhise, 53aru girja ghor nashari kene Isor ke stuti kori thakise.
ទើបបានជ្រើសរើសហើយ៖
LUKE 24: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 24
24
Ponuruthan
1Kintu hopta te prothom din ekdom phujor homoi te, taikhan pora jugar kora tel aru dawai tu loi kene kobor te jaise. 2Aru taikhan pora koborsthan pathor tu hatai kene paise, 3kintu ketiya taikhan bhitor te jaise, taikhan pora Prabhu Jisu laga gau dekha nai. 4Ketiya taikhan eitu karne ki koribo najana hoise, tetiya sabi, dui jon manuh ujal nisna kapoor lagai kene khara korise. 5Aru bhoi hoi kene, taikhan pora chehera maati phale sai kene athukarhise, tetiya eitu duijon pora taikhan ke koise, “Kile jinda thaka manuh ke mora khan majot te bisari ase? 6Tar iyate nai, kintu jinda uthise. Tar ketiya Galilee te thakise, Tar kua kotha yaad koribi, 7Manuh laga Putro tu paapi manuh khan laga haat te di dibo aru kros te morai dibo, aru tin din pasot te jinda uthibo.” 8Aru taikhan pora bhi eitu kotha yaad hoise, 9aru kobor pora ghurai ahhi kene egharo jon aru sob manuh logot te eitu khobor koise. 10Eitu Mary Magdalene, Joanna, James laga amaa Mary aru dusera tiruta khan thakise, taikhan pora eitu khobor pasonir khan logot te koise, 11kintu eitu kotha tu tarkhan karne bhabna ekta laga khisa kua nisna lagise, aru tarkhan pora biswas kora nai. 12Kintu Peter uthise, aru kobor te polai kene jaise; aru kobor mukh te uthi kene bhitor phale saise, tar pora kumol linen kapoor tu keneka thakise eneka he dekhise; aru ki hoise eitu laga bujibo napari kene tar ghor te ghurai jaise.
Emmaus Te Jua Raasta Te
13Eitu eke din te he, tarkhan majot pora duijon, Emmaus eneka kua bosti, Jerusalem pora sat mile jai kene thaka tate jai thakise, 14Aru ki ki hoise eitu laga kotha tarkhan majot te alusona kori jai thakise. 15Ketiya tarkhan eke logot te eitu kotha alusona kori thakise, Jisu bhi tarkhan usor te ulaise aru eke logot te jaise. 16Kintu tarkhan pora nachinibo karne soku bond kori di kene thakise. 17Aru Tar pora tarkhan ke koise, “Tumikhan alusona kori kene jua, eitu ki laga kotha ase?” Aru tarkhan mon dukh hoi kene, chup-chap khara korise. 18Tetiya tarkhan majot te ekjon, Cleopas pora jawab di koise, “Eitu olop din majot te Jerusalem te ki hoise, eitu najana tu, alohi khan jua majot te khali apuni he hobo neki?” 19Aru Tar pora tarkhan ke koise, “Ki hoise?” Aru tarkhan pora Tar ke koise, “Nazareth laga Jisu, bhavobadi ekjon, kon laga kam aru kotha, Isor aru manuh khan sob aage te mahan thakise, 20aru amikhan laga prodhan puruhit khan aru solaongta khan pora morai dibole hinsa korise aru Kros te morai dise. 21Kintu eitu manuh pora he Israel zati ke udhar dibo eneka amikhan pora akha thakise. Hoi, aru eitu khan sob shari kene, etiya eitu khan hoi kene tin din ase. 22Eitu upor te sabi, amikhan majot te tiruta konuba pora amikhan ke besi asorit kori dise. Taikhan ekdom phujor te kobor te jaise, 23aru ketiya taikhan pora Tar laga gau pua nai, taikhan ghurai ahhise aru taikhan pora dorshan te sorgo dut dekhise, kon pora Jisu jinda hoise eneka koise, eitu khobor dise. 24Aru amikhan majot te thaka konuba bhi jaise aru tiruta khan pora ki koise eneka he paise, kintu Jisu ke tu hole dekha nai.” 25Aru Tar pora tarkhan ke koise, “Hei okora khan, aru bhavobadi khan pora kua biswas koribole mon tan hua khan! 26Eitu khan dukh-kosto sob tu par kori kene he Khrista mahima te jabole dorkar nahoi neki?” 27Aru Moses pora shuru hoi kene bhavobadi khan sob laga hastro kitab pora Khrista laga kotha ulai kene Tar pora tarkhan ke bujai dise.
28Etiya tarkhan kon tu bosti te jai thakise, eitu usor te ahhise. Kintu Tar aru aage phale jabo nisna dekhaise, 29kintu tarkhan pora Tar ke besi onurudh kori, koise, “Amikhan logot te thakibi, kilemane sham hoise, aru etiya din tu jai jaise.” eitu karne tarkhan logot te thakibole Tar jaise. 30Tar ketiya tarkhan logot mez te bohise, Tar pora roti loi kene dhanyabad dise aru bhangai kene tarkhan ke dise. 31Aru tetiya tarkhan laga soku khulise, aru tarkhan pora chinise. Aru tarkhan majot pora Tar nathaka hoi jaise. 32Tarkhan pora ekjon ekjon ke koise, “Raasta te Tar pora ketiya Hastro kotha amikhan ke bujai dise, tetiya amikhan laga mon jola nai neki?” 33Aru eitu homoi te he tarkhan uthise aru Jerusalem te ghurai ahhise. Aru tarkhan pora ekgharo jon logot te kiman jon thakise tarkhan log korise, 34aru koise, “Prabhu hosa bhi jinda hoise, aru ulai kene Simon logot bhi dekhaise!” 35Tetiya raasta ke ki hoise eitu khan sob koise, aru roti bhanga homoi te tar khan soku khuli di kene Tar ke janibole diya koise.
Jisu He Tar Laga Chella Khan Ke Dekhaise
36Tarkhan eitu kotha pati thaka homoi te, Jisu nijor pora tarkhan majot te khara korise, aru tarkhan ke koise, “Tumikhan logot te anando thakibi!” 37Kintu tarkhan bhoi lagise aru manuh laga atma ekta dekhise eneka bhabna korise. 38Aru Tar pora tarkhan ke koise, “Kile tumikhan dukh kori ase, aru kile tumikhan laga mon te hondeh hoi ase? 39Sabi, Moi laga haat aru theng, eitu Moi he ase. Moi ke chui kene sabi kilemane atma tu hole mangso aru hardi nai, kintu tumikhan pora dekhi ase, Moi tu ase.” 40Aru ketiya Tar pora eitu koise, Tar pora haat aru theng dekhai dise. 41Aru tarkhan etiya bhi khushi aru asorit sob pora biswas koribo napari kene thaka homoi, Tar pora koise, “Tumikhan iyate kiba khabole ase na nai?” 42Tetiya taikhan pora bakai kene rakha maas ekta dise, 43aru Tar pora eitu taikhan sob aage te khaise.
44Tetiya Tar pora tarkhan ke koise, “Ketiya Moi tumikhan logot te thakise, tetiya Moi eitu kotha khan koi dise, Moses aru Bhavobadi khan aru Geetmala kitab sob te ki kanoon Moi karne likhi kene ase, eitu sob hidho hobo lage.” 45Tetiya Hastro kotha bujibole taikhan laga mon khuli dise, 46aru tarkhan ke koise, “Eneka likhi kene ase, Khrista tu dukh-kosto hobo aru tin din te jinda uthi jabo, 47aru Jerusalem pora shuru hoi kene, prithibi sob jaga te Tar laga nam te mon ghurai ahha aru paap khyama kora janai dibo. 48Aru tumikhan eitu laga sakhi ase. 49Aru sabi, Pitri laga protigya ki ase, eitu Moi tumikhan upor te pathai dibo. Kintu sorgo laga shakti pora tumikhan bhorta nahua tak, eitu sohor te he rukhibi.”
Sorgo Te Uthi Jua
50Tetiya Tar pora loi kene Bethany te jaise, aru Tar laga haat uthai kene tarkhan upor te ashish dise. 51Ketiya tarkhan ke ashish dise, tetiya Tar alag hoi kene sorgo te uthi jaise. 52Aru tarkhan pora Tar ke aradhana korise, aru dangor khushi te Jerusalem te ghurai ahhise, 53aru girja ghor nashari kene Isor ke stuti kori thakise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.