JOHN 1
1
Kotha Tu Mangso Hoise
1Shuru te Kotha he thakise, aru Kotha tu Isor logot te thakise, aru Kotha tu Isor nijor he thakise. 2Tar he shuru te Isor logot te thakise. 3Ji konu bostu sob tu Tar pora he bonaise, aru ki ki bonaise eitu Tar nathaki kene eku bona nai. 4Tar logot te jivon thakise, aru eitu jivon tu manuh khan karne puhor thakise. 5Eitu puhor tu andhera te ujala korise, aru andhera pora eitu ke jita nai.
6Hei homoi te Isor pora pathai diya manuh ekjon, tar laga nam tu John thakise. 7Eitu puhor laga sakhi nisna, prachar koribo, aru tar pora manuh khan biswas kori dibole tar ahhise. 8Eitu puhor tu tar nahoi, kintu eitu puhor laga prachar koribole ahhise.
9Hosa puhor, ki puhor pora manuh khan sob notun jivon dibo pare, eitu prithibi te ahhi thakise. 10Tar prithibi te thakise, aru prithibi tu Tar pora he bonaise, kintu prithibi pora Tar ke najani kene thakise. 11Tar nijor manuh logot te ahhise, kintu nijor manuh pora Tar ke lua nai. 12Kintu kon pora Tar ke grohon korise, kon pora Tar laga nam te biswas korise, Isor laga bacha hobole Tar pora odhikar dise, 13kon Isor laga bacha hoise taikhan khoon aru gau-mangso itcha pora hua nai, nahole manuh laga itcha nahoi, kintu Isor laga itcha pora hoise.
14Aru Kotha tu gau-mangso hoi kene amikhan majot te thakise, aru amikhan pora Tar laga mahima dekhise, Pitri pora pathai diya ek-matro Putro mahima, Hosa aru anugrah pora bhorta hoi kene thakise. 15(John pora Tar laga sakhi di kene koi thakise, “Eitu Tar ase, kon laga kotha moi koise, ‘Moi laga piche te kon ahhi ase, Tar moi laga upor te ase, kilemane moi laga aage te Tar thakise.’”) 16Aru Tar pora he, amikhan anugrah upor te anugrah paise. 17Kilemane Moses pora kanoon dise; kintu anugrah aru doya Jisu Khrista pora ahhise. 18Kon pora bhi Isor ke dekha nai; Putro, Kon he Isor ase aru Pitri laga usor te ase, Tar pora he Isor tu janai dise.
Baptisma Diya John Laga Vani
19Aru eitu he John laga vani thakise, Ketiya Jews khan pora puruhit khan aru Levi manuh khan Jerusalem pora pathai kene hudise, “Tumi kon ase?” 20Tar shikar kori kene korise, “Moi Khrista tu nahoi.” 21Tetiya tarkhan pora hudise, “Tetiya ki? Tumi Elijah ase neki?” Tar koise, “Moi nahoi.” “Tumi bhavobadi ase neki?” Aru tar pora koise, “Nahoi.” 22Eitu karne tarkhan pora tar ke koise, “Tumi kon ase? Amikhan pathai diya khan ke jawab dibo lagi ase. Tumi nijor laga ki koi ase?” 23Tar he koise, “Isaiah bhavobadi pora kua nisna, Moi heitu awaz ase, kon he jur pora awaz di kene jungol pora koi ase, ‘Prabhu laga raasta sidha bonai lobi.’”
24(Etiya tarkhan tu Pharisees khan pora pathai diya thakise.) 25Tarkhan pora tar ke hudise, “Tetiya, jodi tumi Khrista nahoi, nahole Elijah bhi nahoi, nahole bhavobadi bhi nahoi, tene hole tumi kile baptisma di ase?” 26John pora tarkhan ke jawab di kene koise, “Moi paani te he baptisma di ase, kintu tumikhan majot te ekjon khara hoi ase, kon tu tumikhan pora najane, 27tar moi laga piche te he ahhile bhi, tar laga juta rosi khulibole moi jugyo nahoi.” 28Eitu khan sob tu Jordan par kori thaka Bethany, kon jaga te John nijor he baptisma di thakise, tate hoise.
Isor Laga Mer Puali Sabi
29Dusera din te Jisu tar usor te ahha dekhi kene John he koise, “Isor laga mer puali sabi, kon he prithibi laga paap sob loi jai ase! 30Eitu tar ase, kon laga moi koise, ‘Moi laga piche te ekjon ahhi ase, tar he moi laga upor te ase, kilemane tar moi laga aage te thakise.’ 31Moi nijor pora bhi Tar ke najane kene thakise, kintu Israel zati majot te Tar prokahit kori janai dibole eitu udeshyo nimite te he moi paani te baptisma di kene ahhise.” 32Aru John pora sakhi dise: “Moi sorgo pora Atma, kopo chiriya nisna nami ahha dekhise, aru eitu Tar logot te thaki jaise. 33Moi nijor pora Tar ke najane kene thakise, kintu kon pora paani te baptisma dibole moi ke pathaise, hei jon pora koise, ‘Kon logot te Atma nami ahhi kene thaki jua tumi dekhibo, eitu tar ase, kon pora Pobitro Atma te baptisma dibo.’ 34Aru moi dekhi kene sakhi di ase, tar he Isor laga Putro ase.”
Jisu Pora Prothom Chella Ke Mati Lua
35Aage din te arubhi John he tar chella duijon logot te khara kori thakise, 36aru par kori jua homoi te John pora Jisu ke sai kene koise, “Isor laga mer puali ke sabi!” 37Duijon chella pora tar eitu kotha kua hunise, aru tarkhan pora Jisu laga piche te jaise. 38Jisu he ghurai kene tarkhan piche te ahha dekhise, aru tarkhan ke koise, “Tumikhan ki bisari ase?” Aru tarkhan pora koise, “Rabbi” (ki ortho hoise Guruji), “Apuni kot thake?” 39Tar he koise, “Ahhibi aru tumikhan pora dekhibo.” Eitu karne tarkhan ahhise aru tar kot thaki eitu dekhi loise, aru eitu din te tarkhan Tar logot thakise, kilemane eitu ekgharo baji homoi nisna thakise. 40John pora kua kotha huni kene Jisu piche te jua majot te ekjon tu Andrew, Simon Peter laga bhai thakise. 41Tar pora nijor bhai ke pahila log kori kene koise, “Amikhan pora Messiah (Ki ortho hoise Khrista) Tar ke dekhise.” 42Tar pora tar Jisu usor ke anise. Jisu pora tar ke sai kene koise, “Tumi John laga putro Simon ase? Tumi ke Cephas eneka matibo” (eitu matlab hoise Peter).
Jisu He Philip Aru Nathanael Ke Matise
43Dusera din te Jisu he Galilee te jabole bhabna kori loise. Tar pora Philip ke dekhi kene koise, “Moi laga piche te ahhibi.” 44Etiya Andrew aru Peter nisna Philip bhi Bethsaida te thakise. 45Philip pora Nathanael ke dekhise aru tar ke koise, “Moses laga Kanoon te aru bhavobadi khan pora kon laga likhise, Nazareth laga Jisu, Joseph laga putro, amikhan pora dekhi paise.” 46Nathanael pora tar ke koise, “Nazareth pora kiba bhall ekta ulabo pare neki?” Philip pora tar ke koise, “Ahhibi aru sabi.” 47Jisu he Nathanael Tar usor te ahha dekhi kene, tar ke koise, “Sabi, hosa Israel manuh, kon logot te thogai diya mon nai!” 48Nathanael pora Tar ke koise, “Apuni keneka moi ke janise?” Jisu he uttar di kene koise, “Philip pora namata aage, ketiya tumi dimoru gos niche te thakise, tetiya moi tumi ke dekhise.” 49Nathanael pora jawab di koise, “Rabbi, Apuni he Isor laga Putro ase! Apuni he Israel laga Raja ase!” 50Jisu he tar ke uttar di koise, “Moi tumi ke ‘dimoru gos niche te dekhise,’ eneka kua karne tumi biswas kori ase na? Tumi eitu pora bhi besi dangor jinis dekhibo.” 51Aru Tar pora tar ke koise, “Hosa bhi moi tumikhan ke koi ase, tumikhan pora sorgo khuli kene dekhibo, aru Isor laga dut khan Manuh laga Putro upor te namibo aru uthibo eneka dekhibo.”
ទើបបានជ្រើសរើសហើយ៖
JOHN 1: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 1
1
Kotha Tu Mangso Hoise
1Shuru te Kotha he thakise, aru Kotha tu Isor logot te thakise, aru Kotha tu Isor nijor he thakise. 2Tar he shuru te Isor logot te thakise. 3Ji konu bostu sob tu Tar pora he bonaise, aru ki ki bonaise eitu Tar nathaki kene eku bona nai. 4Tar logot te jivon thakise, aru eitu jivon tu manuh khan karne puhor thakise. 5Eitu puhor tu andhera te ujala korise, aru andhera pora eitu ke jita nai.
6Hei homoi te Isor pora pathai diya manuh ekjon, tar laga nam tu John thakise. 7Eitu puhor laga sakhi nisna, prachar koribo, aru tar pora manuh khan biswas kori dibole tar ahhise. 8Eitu puhor tu tar nahoi, kintu eitu puhor laga prachar koribole ahhise.
9Hosa puhor, ki puhor pora manuh khan sob notun jivon dibo pare, eitu prithibi te ahhi thakise. 10Tar prithibi te thakise, aru prithibi tu Tar pora he bonaise, kintu prithibi pora Tar ke najani kene thakise. 11Tar nijor manuh logot te ahhise, kintu nijor manuh pora Tar ke lua nai. 12Kintu kon pora Tar ke grohon korise, kon pora Tar laga nam te biswas korise, Isor laga bacha hobole Tar pora odhikar dise, 13kon Isor laga bacha hoise taikhan khoon aru gau-mangso itcha pora hua nai, nahole manuh laga itcha nahoi, kintu Isor laga itcha pora hoise.
14Aru Kotha tu gau-mangso hoi kene amikhan majot te thakise, aru amikhan pora Tar laga mahima dekhise, Pitri pora pathai diya ek-matro Putro mahima, Hosa aru anugrah pora bhorta hoi kene thakise. 15(John pora Tar laga sakhi di kene koi thakise, “Eitu Tar ase, kon laga kotha moi koise, ‘Moi laga piche te kon ahhi ase, Tar moi laga upor te ase, kilemane moi laga aage te Tar thakise.’”) 16Aru Tar pora he, amikhan anugrah upor te anugrah paise. 17Kilemane Moses pora kanoon dise; kintu anugrah aru doya Jisu Khrista pora ahhise. 18Kon pora bhi Isor ke dekha nai; Putro, Kon he Isor ase aru Pitri laga usor te ase, Tar pora he Isor tu janai dise.
Baptisma Diya John Laga Vani
19Aru eitu he John laga vani thakise, Ketiya Jews khan pora puruhit khan aru Levi manuh khan Jerusalem pora pathai kene hudise, “Tumi kon ase?” 20Tar shikar kori kene korise, “Moi Khrista tu nahoi.” 21Tetiya tarkhan pora hudise, “Tetiya ki? Tumi Elijah ase neki?” Tar koise, “Moi nahoi.” “Tumi bhavobadi ase neki?” Aru tar pora koise, “Nahoi.” 22Eitu karne tarkhan pora tar ke koise, “Tumi kon ase? Amikhan pathai diya khan ke jawab dibo lagi ase. Tumi nijor laga ki koi ase?” 23Tar he koise, “Isaiah bhavobadi pora kua nisna, Moi heitu awaz ase, kon he jur pora awaz di kene jungol pora koi ase, ‘Prabhu laga raasta sidha bonai lobi.’”
24(Etiya tarkhan tu Pharisees khan pora pathai diya thakise.) 25Tarkhan pora tar ke hudise, “Tetiya, jodi tumi Khrista nahoi, nahole Elijah bhi nahoi, nahole bhavobadi bhi nahoi, tene hole tumi kile baptisma di ase?” 26John pora tarkhan ke jawab di kene koise, “Moi paani te he baptisma di ase, kintu tumikhan majot te ekjon khara hoi ase, kon tu tumikhan pora najane, 27tar moi laga piche te he ahhile bhi, tar laga juta rosi khulibole moi jugyo nahoi.” 28Eitu khan sob tu Jordan par kori thaka Bethany, kon jaga te John nijor he baptisma di thakise, tate hoise.
Isor Laga Mer Puali Sabi
29Dusera din te Jisu tar usor te ahha dekhi kene John he koise, “Isor laga mer puali sabi, kon he prithibi laga paap sob loi jai ase! 30Eitu tar ase, kon laga moi koise, ‘Moi laga piche te ekjon ahhi ase, tar he moi laga upor te ase, kilemane tar moi laga aage te thakise.’ 31Moi nijor pora bhi Tar ke najane kene thakise, kintu Israel zati majot te Tar prokahit kori janai dibole eitu udeshyo nimite te he moi paani te baptisma di kene ahhise.” 32Aru John pora sakhi dise: “Moi sorgo pora Atma, kopo chiriya nisna nami ahha dekhise, aru eitu Tar logot te thaki jaise. 33Moi nijor pora Tar ke najane kene thakise, kintu kon pora paani te baptisma dibole moi ke pathaise, hei jon pora koise, ‘Kon logot te Atma nami ahhi kene thaki jua tumi dekhibo, eitu tar ase, kon pora Pobitro Atma te baptisma dibo.’ 34Aru moi dekhi kene sakhi di ase, tar he Isor laga Putro ase.”
Jisu Pora Prothom Chella Ke Mati Lua
35Aage din te arubhi John he tar chella duijon logot te khara kori thakise, 36aru par kori jua homoi te John pora Jisu ke sai kene koise, “Isor laga mer puali ke sabi!” 37Duijon chella pora tar eitu kotha kua hunise, aru tarkhan pora Jisu laga piche te jaise. 38Jisu he ghurai kene tarkhan piche te ahha dekhise, aru tarkhan ke koise, “Tumikhan ki bisari ase?” Aru tarkhan pora koise, “Rabbi” (ki ortho hoise Guruji), “Apuni kot thake?” 39Tar he koise, “Ahhibi aru tumikhan pora dekhibo.” Eitu karne tarkhan ahhise aru tar kot thaki eitu dekhi loise, aru eitu din te tarkhan Tar logot thakise, kilemane eitu ekgharo baji homoi nisna thakise. 40John pora kua kotha huni kene Jisu piche te jua majot te ekjon tu Andrew, Simon Peter laga bhai thakise. 41Tar pora nijor bhai ke pahila log kori kene koise, “Amikhan pora Messiah (Ki ortho hoise Khrista) Tar ke dekhise.” 42Tar pora tar Jisu usor ke anise. Jisu pora tar ke sai kene koise, “Tumi John laga putro Simon ase? Tumi ke Cephas eneka matibo” (eitu matlab hoise Peter).
Jisu He Philip Aru Nathanael Ke Matise
43Dusera din te Jisu he Galilee te jabole bhabna kori loise. Tar pora Philip ke dekhi kene koise, “Moi laga piche te ahhibi.” 44Etiya Andrew aru Peter nisna Philip bhi Bethsaida te thakise. 45Philip pora Nathanael ke dekhise aru tar ke koise, “Moses laga Kanoon te aru bhavobadi khan pora kon laga likhise, Nazareth laga Jisu, Joseph laga putro, amikhan pora dekhi paise.” 46Nathanael pora tar ke koise, “Nazareth pora kiba bhall ekta ulabo pare neki?” Philip pora tar ke koise, “Ahhibi aru sabi.” 47Jisu he Nathanael Tar usor te ahha dekhi kene, tar ke koise, “Sabi, hosa Israel manuh, kon logot te thogai diya mon nai!” 48Nathanael pora Tar ke koise, “Apuni keneka moi ke janise?” Jisu he uttar di kene koise, “Philip pora namata aage, ketiya tumi dimoru gos niche te thakise, tetiya moi tumi ke dekhise.” 49Nathanael pora jawab di koise, “Rabbi, Apuni he Isor laga Putro ase! Apuni he Israel laga Raja ase!” 50Jisu he tar ke uttar di koise, “Moi tumi ke ‘dimoru gos niche te dekhise,’ eneka kua karne tumi biswas kori ase na? Tumi eitu pora bhi besi dangor jinis dekhibo.” 51Aru Tar pora tar ke koise, “Hosa bhi moi tumikhan ke koi ase, tumikhan pora sorgo khuli kene dekhibo, aru Isor laga dut khan Manuh laga Putro upor te namibo aru uthibo eneka dekhibo.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.