LUKE 14
14
Bisram Din Te Manuh Ekjon Hustho Kora
1Ekta bisram din te, ketiya Tar solaongta ekjon, kon he pharisees thakise, tar laga ghor te bhojon khabole jaise, tarkhan pora Tar ke bhall pora sai asile. 2Aru sabi, tate gau phuli kene bemar hua manuh ekjon thakise. 3Aru Jisu pora kanoon pondit aru pharisees khan ke koise, “Bisram din te hustho koribole kanoon pora mani ase na nai?” 4Kintu tarkhan chup chap hoise. Tetiya Tar pora heitu manuh ke uthai kene hustho korise, aru tar jabole dise. 5Aru Tar pora tarkhan ke koise, “Tumikhan majot te kon ase, kon pora nijor lora nahole goru ekta kungwa te giri kene thaka, bisram din te hole bhi loge loge uthai nadibo?” 6Aru tarkhan pora eitu jawab dibole para nai.
Saadi Bhojon Laga Dristanto
7Eitu homoi te bhojon te mati kene ahha kiman jon thakise, ketiya taikhan pora sonman pua jaga te bohibole basi loise, Tar pora ekta dristanto taikhan ke koise, 8“Ketiya konuba manuh pora tumikhan saadi laga bhojon khabole mate, tetiya sonman pua jaga te nabohhibi, ki jane tumi pora bhi dangor manuh ekjon tar pora mati kene thakibo pare; 9aru kon pora tumi duijon bhi matise hei jon ahhi kene tumi ke kobo, ‘Eitu manuh ke jaga tu di dibi,’ tetiya tumi niche jaga te bohi bole sorom lagibo. 10Kintu ketiya tumi ke matise, jai kene sob pora niche jaga te bohibi, tetiya kon he tumi ke matise ki jani tar ahhi kene tumi ke kobo, ‘Saathi, upor jaga te jabi’; tetiya tumi logot mez te bohi thaka manuh khan sob majot te tumi sonman pabo. 11Kilemane kon he nijor ke dangor hobole monn ase, huru hobo, aru kon he nijor nomro hoi tai ke uthai dibo.”
Dangor Bhojon Laga Dristanto
12Kon he Tar ke matise tar pora tar ke bhi koise, “Ketiya tumi khua-lua nahole bhoj khabole di ase, tumi laga saathi khan nahole bhai khan nahole khandan khan nahole aspas dhoni manuh khan namatibi, kilemane tarkhan pora bhi tumi ke matibo aru taikhan pora tumi ghurai pabo. 13Kintu ketiya tumi bhoj khilai ase, dukhiya khan, bikhyari khan, lengera khan, soku andha khan, matibi, 14aru tumi ashish hobo, kilemane tarkhan pora tumi ke ghurai kene nadibo. Kintu Dharmik khan ponuruthan din te tumi eitu ghurai pabo.”
15Ketiya Tar logot mez te bohi thaka ekjon pora eitu hunise, tar pora Tar ke koise, “Isor laga rajyo te kiman jon pora roti khabo, taikhan he ashish!” 16Kintu Tar pora hei tu manuh ke koise, “Manuh ekjon pora dangor bhoj ekta di thakise, aru besi manuh ke matise. 17Aru bhoj karne homoi pongcha te Tar laga nokor khan ke pathai kene, kiman jon mati kene thakise tarkhan sob logot te koise, ‘Ahhibi; kilemane etiya sob jugar kori kene ase.’ 18Kintu tarkhan sob pora maaf bisarise. Prothom manuh pora koise, ‘Moi ekta kheti bari kinise, aru moi eitu sabole ulai jabo lage; moi onurudh kori ase, moi ke maaf dibi.’ 19Aru dusera ekjon pora koise, ‘Moi pans jura goru kinise, aru eitu ke sabole moi jabo lage; moi onurudh kori ase, moi ke maaf dibi.’ 20Aru tritiyo ekjon pora koise, ‘Moi ekjon logot te saadi kori loise, eitu karne moi ahhibo naparibo.’ 21Eitu karne nokor tu ahhi kene malik ke khobor tu dise. Tetiya ghor malik pora khong uthi kene nokor ke koise, ‘Joldi ulai kene sohor te ali raasta phale, aru raasta kinar sob te jabi, aru dukhiya khan, bikhyari khan, soku andha khan, lengera khan, matibi.’ 22Aru nokor pora koise, ‘Sahab, apuni ki hukum dise, eitu kori loise, aru etiya bhi jaga ase.’ 23Aru malik pora nokor ke koise, ‘paka bohol raasta phale jabi aru kacha raasta phale bhi jabi, aru manuh khan ahhibole matibi, tetiya moi laga ghor tu bhorta hobo. 24Kilemane Moi tumi khan ke koi ase, kiman jon ke moi mati thakise, tarkhan kon pora bhi bhoj tu khabole nadibo.’ ”
Chella Hobole Dam Ase
25Etiya genti napara manuh khan tar logot te thakise; aru Tar ghurai kene tarkhan ki koise, 26“Jodi konuba Moi logot te ahhe, kintu nijor amaa baba ke he besi morom kore, nahole nijor patni aru bacha khan ke he besi morom kore, nahole nijor bhai bhoni ke he besi morom kore, hoi, nijor jivon ke he morom kore, tetiya tar moi laga chella hobo napare. 27Kon kon pora nijor kros bukhi kene Moi laga piche te nahhe, Moi laga chella hobo napare. 28Kilemane minar ekta bonabo monn kora ekjon he aage te bohi kene eitu khotom koribole khorcha kiman hobo eitu hisap nakora manuh, tumikhan majot te kon ase? 29Nahole eitu bhetimul bonai kene shuru hua pasote khotom hobo naparile, kiman jon pora eitu dekhibo taikhan pora tar ke hangsai kene kobo, 30‘Eitu manuh pora bonabole shuru hoise, aru khotom hobole para nai.’ 31Nahole raja ekjon, dusera raja ekjon logot larai te jabo karne, aage te bohi kene jodi tar logot te dos hazar manuh pora bis hazar loi ahha raja ke juji bole paribo na nai eitu bhall pora alusona nakore neki? 32Aru jodi napare, tetiya eitu raja tu dur te ahhi thaka homoi te, tar laga manuh pathai kene shanti laga raasta bonai loi. 33Eitu nisna kon pora nijor ki ase eitu sob tiyag nakorile moi laga chella hobo napare.
Swad Nathaka Nimok
34“Nimok bhall ase; kintu jodi nimok tu nijor laga swad harai jai, keneka hoi kene aru eitu laga swad tu ghurai anibo paribo? 35Eitu cholabole nahole mul nahole gobor bonabole bhi napare; eitu phelai dibole he ase. Kon logot hunibole kan ase, tar he huni lobi.”
ទើបបានជ្រើសរើសហើយ៖
LUKE 14: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 14
14
Bisram Din Te Manuh Ekjon Hustho Kora
1Ekta bisram din te, ketiya Tar solaongta ekjon, kon he pharisees thakise, tar laga ghor te bhojon khabole jaise, tarkhan pora Tar ke bhall pora sai asile. 2Aru sabi, tate gau phuli kene bemar hua manuh ekjon thakise. 3Aru Jisu pora kanoon pondit aru pharisees khan ke koise, “Bisram din te hustho koribole kanoon pora mani ase na nai?” 4Kintu tarkhan chup chap hoise. Tetiya Tar pora heitu manuh ke uthai kene hustho korise, aru tar jabole dise. 5Aru Tar pora tarkhan ke koise, “Tumikhan majot te kon ase, kon pora nijor lora nahole goru ekta kungwa te giri kene thaka, bisram din te hole bhi loge loge uthai nadibo?” 6Aru tarkhan pora eitu jawab dibole para nai.
Saadi Bhojon Laga Dristanto
7Eitu homoi te bhojon te mati kene ahha kiman jon thakise, ketiya taikhan pora sonman pua jaga te bohibole basi loise, Tar pora ekta dristanto taikhan ke koise, 8“Ketiya konuba manuh pora tumikhan saadi laga bhojon khabole mate, tetiya sonman pua jaga te nabohhibi, ki jane tumi pora bhi dangor manuh ekjon tar pora mati kene thakibo pare; 9aru kon pora tumi duijon bhi matise hei jon ahhi kene tumi ke kobo, ‘Eitu manuh ke jaga tu di dibi,’ tetiya tumi niche jaga te bohi bole sorom lagibo. 10Kintu ketiya tumi ke matise, jai kene sob pora niche jaga te bohibi, tetiya kon he tumi ke matise ki jani tar ahhi kene tumi ke kobo, ‘Saathi, upor jaga te jabi’; tetiya tumi logot mez te bohi thaka manuh khan sob majot te tumi sonman pabo. 11Kilemane kon he nijor ke dangor hobole monn ase, huru hobo, aru kon he nijor nomro hoi tai ke uthai dibo.”
Dangor Bhojon Laga Dristanto
12Kon he Tar ke matise tar pora tar ke bhi koise, “Ketiya tumi khua-lua nahole bhoj khabole di ase, tumi laga saathi khan nahole bhai khan nahole khandan khan nahole aspas dhoni manuh khan namatibi, kilemane tarkhan pora bhi tumi ke matibo aru taikhan pora tumi ghurai pabo. 13Kintu ketiya tumi bhoj khilai ase, dukhiya khan, bikhyari khan, lengera khan, soku andha khan, matibi, 14aru tumi ashish hobo, kilemane tarkhan pora tumi ke ghurai kene nadibo. Kintu Dharmik khan ponuruthan din te tumi eitu ghurai pabo.”
15Ketiya Tar logot mez te bohi thaka ekjon pora eitu hunise, tar pora Tar ke koise, “Isor laga rajyo te kiman jon pora roti khabo, taikhan he ashish!” 16Kintu Tar pora hei tu manuh ke koise, “Manuh ekjon pora dangor bhoj ekta di thakise, aru besi manuh ke matise. 17Aru bhoj karne homoi pongcha te Tar laga nokor khan ke pathai kene, kiman jon mati kene thakise tarkhan sob logot te koise, ‘Ahhibi; kilemane etiya sob jugar kori kene ase.’ 18Kintu tarkhan sob pora maaf bisarise. Prothom manuh pora koise, ‘Moi ekta kheti bari kinise, aru moi eitu sabole ulai jabo lage; moi onurudh kori ase, moi ke maaf dibi.’ 19Aru dusera ekjon pora koise, ‘Moi pans jura goru kinise, aru eitu ke sabole moi jabo lage; moi onurudh kori ase, moi ke maaf dibi.’ 20Aru tritiyo ekjon pora koise, ‘Moi ekjon logot te saadi kori loise, eitu karne moi ahhibo naparibo.’ 21Eitu karne nokor tu ahhi kene malik ke khobor tu dise. Tetiya ghor malik pora khong uthi kene nokor ke koise, ‘Joldi ulai kene sohor te ali raasta phale, aru raasta kinar sob te jabi, aru dukhiya khan, bikhyari khan, soku andha khan, lengera khan, matibi.’ 22Aru nokor pora koise, ‘Sahab, apuni ki hukum dise, eitu kori loise, aru etiya bhi jaga ase.’ 23Aru malik pora nokor ke koise, ‘paka bohol raasta phale jabi aru kacha raasta phale bhi jabi, aru manuh khan ahhibole matibi, tetiya moi laga ghor tu bhorta hobo. 24Kilemane Moi tumi khan ke koi ase, kiman jon ke moi mati thakise, tarkhan kon pora bhi bhoj tu khabole nadibo.’ ”
Chella Hobole Dam Ase
25Etiya genti napara manuh khan tar logot te thakise; aru Tar ghurai kene tarkhan ki koise, 26“Jodi konuba Moi logot te ahhe, kintu nijor amaa baba ke he besi morom kore, nahole nijor patni aru bacha khan ke he besi morom kore, nahole nijor bhai bhoni ke he besi morom kore, hoi, nijor jivon ke he morom kore, tetiya tar moi laga chella hobo napare. 27Kon kon pora nijor kros bukhi kene Moi laga piche te nahhe, Moi laga chella hobo napare. 28Kilemane minar ekta bonabo monn kora ekjon he aage te bohi kene eitu khotom koribole khorcha kiman hobo eitu hisap nakora manuh, tumikhan majot te kon ase? 29Nahole eitu bhetimul bonai kene shuru hua pasote khotom hobo naparile, kiman jon pora eitu dekhibo taikhan pora tar ke hangsai kene kobo, 30‘Eitu manuh pora bonabole shuru hoise, aru khotom hobole para nai.’ 31Nahole raja ekjon, dusera raja ekjon logot larai te jabo karne, aage te bohi kene jodi tar logot te dos hazar manuh pora bis hazar loi ahha raja ke juji bole paribo na nai eitu bhall pora alusona nakore neki? 32Aru jodi napare, tetiya eitu raja tu dur te ahhi thaka homoi te, tar laga manuh pathai kene shanti laga raasta bonai loi. 33Eitu nisna kon pora nijor ki ase eitu sob tiyag nakorile moi laga chella hobo napare.
Swad Nathaka Nimok
34“Nimok bhall ase; kintu jodi nimok tu nijor laga swad harai jai, keneka hoi kene aru eitu laga swad tu ghurai anibo paribo? 35Eitu cholabole nahole mul nahole gobor bonabole bhi napare; eitu phelai dibole he ase. Kon logot hunibole kan ase, tar he huni lobi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.