LUKE 13
13
Mon Ghurabi Nahole Harai Jabo
1Eitu thik homoi te tate konuba thakise, tarkhan pora Jisu ke koise, Galilee manuh konuba bolidaan di thaka homoi te Pilate pora taikhan girai kene morai dise aru bolidaan logot te taikhan khoon milai dise. 2Aru tar he taikhan ke koise, “Eitu Galilee manuh khan eneka dukh te mora tu dusera Galilee manuh khan sob pora beya paapi manuh thakise eneka tumikhan pora bhabna kori ase neki? 3Moi tumi khan ke koi ase, nahoi; kintu mon ghurai nahhile tumikhan bhi sob eneka he harai jabo. 4Nahole Siloam te thaka minar giri kene atharo jon morai diya tu bhi, Jerusalem te thaka manuh khan sob pora taikhan he beya thakise eneka tumikhan pora bhabna kori ase neki? 5Moi tumikhan ke koi ase, nahoi; kintu mon ghurai nahhile tumikhan bhi sob eneka he harai jabo.”
Phol Nadhora Dimoru Gos Laga Dristanto
6Aru Jisu he eitu dristanto koise, “Manuh ekjon pora tar laga angur bari te dimoru gos ekta lagai di dise; aru tate phol bisari kene ahhise, kintu eku pua nai. 7Aru tar pora angur bari safa kora manuh ke koise, ‘Sabi, tin saal tak moi eitu dimoru gos te phol bisari kene ahhi ase, aru eku bhi pua nai. Kati kene girai dibi ki nimite eitu gos rakhi kene mul he khotom hobole dibo?’ 8Aru bari safa kora manuh he malik ke jawab di koise, ‘Sahab, moi maati khundi kene niche te mul nahala tak, eitu saal bhi eneka he thaki bole dibi. 9Aru jodi ahha saal eitu phol dhorile besi bhall hobo; kintu jodi guttiphol nadhorile apuni kati kene girai dibi.’”
Tiruta Ekjoni Durbol Atma Thaka
10Ei homoi bisram din te, Tar girja ghor ekta te sikhai thakise. 11Aru tate tiruta ekjoni, atharo saal tak bemar atma ekta thakise; eitu bemar pora tai komor tera hoi kene thik pora sidha koribole napari kene thakise. 12Aru ketiya Jisu he tai ke dekhise, Jisu he tai ke mati kene koise, “Tiruta, tumi laga bemar pora mukti pai lobi.” 13Aru Tar laga haat pora tai upor te shuise, aru loge loge tai sidha kori loise, aru Isor ke stuti korise. 14Kintu girja ghor laga solaongta pora beya paise, kilemane Jisu pora bisram din te hustho kori dise, aru manuh khan ke koise, “Ki kam koribo lage eitu karne soi din ase; eitu din te ahhi kene hustho kori dibi, kintu bisram din te nakoribi.” 15Tetiya Prabhu he jawab di koise, “Tumi, kopotiya khan! Bisram din te hole bhi tumikhan pora nijor laga goru nahole gadho paani khabole ghor pora shari kene loi najai neki? 16Aru eitu tiruta, Abraham laga putri, kon atharo saal tak saitan pora bandhi kene thaka bisram din te hole bhi khuli kene nasharibo neki?” 17Tar pora kua kotha te birudhi khan sob ke sorom khilai dise; kintu manuh khan sob he Tar pora ki mahan kam korise tate khushi paise.
Sorso Bijon Aru Khomir
18Eitu karne Tar pora koise, “Isor laga rajyo ki nisna ase? Aru Moi eitu ki logot te tulona kori dekhai dibo? 19Eitu sorso laga gutti nisna he ase, kon tu manuh ekjon pora loise aru tar laga bari te hisai dise; aru eitu uthi kene gos ekta hoise, aru akash laga chiriya khan eitu laga daal te bah bonaise.”
20Arubhi Tar he koise, “Isor laga rajyo tu Moi ki logot te tulona koribo? 21Eitu khomir nisna ase, kon tu tiruta ekjoni loise, aru atta tinta bhag te milai kene eitu naphula tak lukai rakha nisna ase.”
Huru Dorja
22Tar Jerusalem phale jatra jua homoi te nijor laga raasta te thaka sohor aru bosti sob te sikhai di kene jaise. 23Aru konuba pora Tar ke koise, “Prabhu, poritran pua manuh khan tu olop he hobo neki?” Aru Tar pora tarkhan ke koise, 24“Huru dorja te jabole besi koshish koribi, kilemane, Moi koi ase, Besi manuh he tate jabole bisaribo, kintu naparibo. 25Ketiya ghor malik tu uthi jabo aru dorja bond kori dibo, tumikhan bahar te khara kori kene dorja te tukurai kene kobo lagibo, aru kobo, ‘Prabhu amikhan ke bhi khuli dibi.’ Tar pora jawab dibo, ‘Tumikhan kot pora ahhise, Moi najane.’ 26Tetiya tumikhan pora kobo, ‘Amikhan pora apuni logot te khaise aru pise, aru ali raasta te amikhan ke apuni sikhai dise.’ 27Kintu Tar pora kobo, ‘Moi tumikhan ke koi ase, tumikhan kot pora ahhise, Moi najani; tumikhan odharmik kam kora khan sob, Moi pora jai jabi!’ 28Ketiya tumikhan pora Abraham, Isaac, Jacob aru Isor rajyo laga bhavobadi khan sob dekhibo, kintu tumikhan nijor pora bahar te thakibo, tate tumikhan kandibo aru dant korosin koribo. 29Manuh khan purab aru pachim, utar aru dokshin sob pora ahhibo, aru Isor laga rajyo mez te bohibo. 30Aru sabi, piche te thaka khan konuba aage te hoi jabo, aru aage te thaka khan piche te hobo.”
Jerusalem Karne Mon Dukh Hoi Kanda
31Eitu homoi thik te pharisees khan konuba ahhise, aru Tar ke koise, “Iyate pora jai jabi, kilemane Herod raja pora Apuni ke morai dibole monn ase.” 32Aru Tar pora taikhan ke koise, “Jabi aru heitu shiyal ke kobi, ‘Sabi aji Moi ohusi atma khedai ase aru hustho kora kam kori ase aru ahha kali aru porsung Moi laga kam khotom hobo. 33Eneka hole bhi aji Moi laga raasta te ji hole bhi jabo lage aru kali aru porsung; kilemane Jerusalem te nahole, bhavobadi ekjon harai jabo napare.’ 34Hei Jerusalem, Jerusalem, bhavobadi khan morai diya, aru tumi karne pathai diya khan sob pathor pora mari diya sohor! Murgi amaa pora bacha khan pakhi bhitor te jama kora nisna, Moi Kiman bar tumi laga bacha khan ke jama koribole monn hoise, kintu tumi mana nai! 35Sabi, tumikhan laga ghor tiyag kori loise. Aru Moi tumikhan ke koi ase, ‘Prabhu laga nam te kon ahhi ase Tar ke ashish’ eneka tumikhan pora nakua tak Moi ke nadekhibo!”
ទើបបានជ្រើសរើសហើយ៖
LUKE 13: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 13
13
Mon Ghurabi Nahole Harai Jabo
1Eitu thik homoi te tate konuba thakise, tarkhan pora Jisu ke koise, Galilee manuh konuba bolidaan di thaka homoi te Pilate pora taikhan girai kene morai dise aru bolidaan logot te taikhan khoon milai dise. 2Aru tar he taikhan ke koise, “Eitu Galilee manuh khan eneka dukh te mora tu dusera Galilee manuh khan sob pora beya paapi manuh thakise eneka tumikhan pora bhabna kori ase neki? 3Moi tumi khan ke koi ase, nahoi; kintu mon ghurai nahhile tumikhan bhi sob eneka he harai jabo. 4Nahole Siloam te thaka minar giri kene atharo jon morai diya tu bhi, Jerusalem te thaka manuh khan sob pora taikhan he beya thakise eneka tumikhan pora bhabna kori ase neki? 5Moi tumikhan ke koi ase, nahoi; kintu mon ghurai nahhile tumikhan bhi sob eneka he harai jabo.”
Phol Nadhora Dimoru Gos Laga Dristanto
6Aru Jisu he eitu dristanto koise, “Manuh ekjon pora tar laga angur bari te dimoru gos ekta lagai di dise; aru tate phol bisari kene ahhise, kintu eku pua nai. 7Aru tar pora angur bari safa kora manuh ke koise, ‘Sabi, tin saal tak moi eitu dimoru gos te phol bisari kene ahhi ase, aru eku bhi pua nai. Kati kene girai dibi ki nimite eitu gos rakhi kene mul he khotom hobole dibo?’ 8Aru bari safa kora manuh he malik ke jawab di koise, ‘Sahab, moi maati khundi kene niche te mul nahala tak, eitu saal bhi eneka he thaki bole dibi. 9Aru jodi ahha saal eitu phol dhorile besi bhall hobo; kintu jodi guttiphol nadhorile apuni kati kene girai dibi.’”
Tiruta Ekjoni Durbol Atma Thaka
10Ei homoi bisram din te, Tar girja ghor ekta te sikhai thakise. 11Aru tate tiruta ekjoni, atharo saal tak bemar atma ekta thakise; eitu bemar pora tai komor tera hoi kene thik pora sidha koribole napari kene thakise. 12Aru ketiya Jisu he tai ke dekhise, Jisu he tai ke mati kene koise, “Tiruta, tumi laga bemar pora mukti pai lobi.” 13Aru Tar laga haat pora tai upor te shuise, aru loge loge tai sidha kori loise, aru Isor ke stuti korise. 14Kintu girja ghor laga solaongta pora beya paise, kilemane Jisu pora bisram din te hustho kori dise, aru manuh khan ke koise, “Ki kam koribo lage eitu karne soi din ase; eitu din te ahhi kene hustho kori dibi, kintu bisram din te nakoribi.” 15Tetiya Prabhu he jawab di koise, “Tumi, kopotiya khan! Bisram din te hole bhi tumikhan pora nijor laga goru nahole gadho paani khabole ghor pora shari kene loi najai neki? 16Aru eitu tiruta, Abraham laga putri, kon atharo saal tak saitan pora bandhi kene thaka bisram din te hole bhi khuli kene nasharibo neki?” 17Tar pora kua kotha te birudhi khan sob ke sorom khilai dise; kintu manuh khan sob he Tar pora ki mahan kam korise tate khushi paise.
Sorso Bijon Aru Khomir
18Eitu karne Tar pora koise, “Isor laga rajyo ki nisna ase? Aru Moi eitu ki logot te tulona kori dekhai dibo? 19Eitu sorso laga gutti nisna he ase, kon tu manuh ekjon pora loise aru tar laga bari te hisai dise; aru eitu uthi kene gos ekta hoise, aru akash laga chiriya khan eitu laga daal te bah bonaise.”
20Arubhi Tar he koise, “Isor laga rajyo tu Moi ki logot te tulona koribo? 21Eitu khomir nisna ase, kon tu tiruta ekjoni loise, aru atta tinta bhag te milai kene eitu naphula tak lukai rakha nisna ase.”
Huru Dorja
22Tar Jerusalem phale jatra jua homoi te nijor laga raasta te thaka sohor aru bosti sob te sikhai di kene jaise. 23Aru konuba pora Tar ke koise, “Prabhu, poritran pua manuh khan tu olop he hobo neki?” Aru Tar pora tarkhan ke koise, 24“Huru dorja te jabole besi koshish koribi, kilemane, Moi koi ase, Besi manuh he tate jabole bisaribo, kintu naparibo. 25Ketiya ghor malik tu uthi jabo aru dorja bond kori dibo, tumikhan bahar te khara kori kene dorja te tukurai kene kobo lagibo, aru kobo, ‘Prabhu amikhan ke bhi khuli dibi.’ Tar pora jawab dibo, ‘Tumikhan kot pora ahhise, Moi najane.’ 26Tetiya tumikhan pora kobo, ‘Amikhan pora apuni logot te khaise aru pise, aru ali raasta te amikhan ke apuni sikhai dise.’ 27Kintu Tar pora kobo, ‘Moi tumikhan ke koi ase, tumikhan kot pora ahhise, Moi najani; tumikhan odharmik kam kora khan sob, Moi pora jai jabi!’ 28Ketiya tumikhan pora Abraham, Isaac, Jacob aru Isor rajyo laga bhavobadi khan sob dekhibo, kintu tumikhan nijor pora bahar te thakibo, tate tumikhan kandibo aru dant korosin koribo. 29Manuh khan purab aru pachim, utar aru dokshin sob pora ahhibo, aru Isor laga rajyo mez te bohibo. 30Aru sabi, piche te thaka khan konuba aage te hoi jabo, aru aage te thaka khan piche te hobo.”
Jerusalem Karne Mon Dukh Hoi Kanda
31Eitu homoi thik te pharisees khan konuba ahhise, aru Tar ke koise, “Iyate pora jai jabi, kilemane Herod raja pora Apuni ke morai dibole monn ase.” 32Aru Tar pora taikhan ke koise, “Jabi aru heitu shiyal ke kobi, ‘Sabi aji Moi ohusi atma khedai ase aru hustho kora kam kori ase aru ahha kali aru porsung Moi laga kam khotom hobo. 33Eneka hole bhi aji Moi laga raasta te ji hole bhi jabo lage aru kali aru porsung; kilemane Jerusalem te nahole, bhavobadi ekjon harai jabo napare.’ 34Hei Jerusalem, Jerusalem, bhavobadi khan morai diya, aru tumi karne pathai diya khan sob pathor pora mari diya sohor! Murgi amaa pora bacha khan pakhi bhitor te jama kora nisna, Moi Kiman bar tumi laga bacha khan ke jama koribole monn hoise, kintu tumi mana nai! 35Sabi, tumikhan laga ghor tiyag kori loise. Aru Moi tumikhan ke koi ase, ‘Prabhu laga nam te kon ahhi ase Tar ke ashish’ eneka tumikhan pora nakua tak Moi ke nadekhibo!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.