Luka 24
24
Okhulamukha
(Mat. 28.1-10; Mk. 16.1-8; Yoh. 20.1-10)
1Ne khunyanga yambeli eyomwihonga, mumakhubakhubwe, boola khung'ani nibali nende emisaala chieshing'aari echia bali nibakasiye. 2Nibanyoola lichina nilimalile okhuselenjesibwa nilirulile khung'ani; 3nibeenjilamwo, nibaranyoola omulambo kwOmwami Yesu ta. 4Nikaba mbu olwa bali nibakanakaninjia khumakhuwa ako, lola, abasaatsa babili nibasinjila ahambi ninabo nibeefwalile tsingubo tsing'inang'inu; 5nibaria muno, nibabunamia obweni bwabwe hasi; nabo nibabareeba bari Mbushiina nimukhaaba omulamu mubafu? 6Shiali hano ta, ne alamuushe; yitsulile shinga olwa yasungana nineenywe olwa yali nashili ebuGalilaya, 7namuboolela mbu Omwana wOmundu akhoyile okhuhaanwa mumakhono kabandu aboonooni, nabambwa khumusalaba, nalamukha khunyanga yakhataru. 8Nabo nibeetsulila aka yali niyaboola, 9nibarula khung'ani nibakalukha nibabatoonyela abo ekhumi namulala, nende abandi bosi, amakhuwa ako kosi. 10Nabo bali Mariamu Magadalene nende Yoana, nende Mariamu nyina Yakobo; nabakhasi bandi halala ninabo nibaboolela abarume amakhuwa ako. 11Ne amakhuwa ako nikabaloleshela shinga amasungo akobusanyi butswa, nibarabasuubila ta. 12Nebutswa Petero yarula, natsia tsimbilo khung'ani, niyeenama nahengamwo, nalola tsingubo tsieikitani nitsili tsionyene; niyeenyokha natsia ebunangowe, nachenyela akeenako akali nikeekholile.
Oluchendo lweEmau
(Mk. 16.12-13)
13Ne lola, inyanga yeneyo babili khubo bali nibatsia khwitaala elilangwa mbu Emau, eliali ehalekhwo nende Yerusalemu, oluchendo lwetsimailo tsisasaba. 14Ne bali nibasungananga khumakhuwa ako kosi akali nikeekholeeshe. 15Mana olwa bali nibasungananga nende okhureebana, Yesu omwene yoola ahambi nalondana ninabo. 16Ne tsimoni tsiabwe tsieekalwa, baleshe okhumumanya. 17Naye nabareeba ari Neimbakha shiina eya mukhupanga nimuchenda? Nibeemaho, nibakhuunia mumoni. 18Mulala khubo, owalangwa mbu Kuleopa, nakalusia namusunjila mbu Ne niwe wenyene omucheni muYerusalemu ouramanyile amakhuwa akeekholileyo mundaalo tsino? 19Nabareeba ari Namakhuwa shiina? Nibamuboolela bari Amakhuwa kaYesu omuNazareti, owali omunabii wobunyali mubikhole khandi mumasungo, imbeli waNyasaye nende ewabandu bosi; 20khandi shinga abakuhani abakhulundu nende abaami beefwe olwa bamuhaanayo mushiilwatso shiokhufwa, nibamubamba khumusalaba. 21Neefu khwabeele nikhusuubilanga mbu neniye owakhanunula Isiraeli. Ne bulaano luno lukhola tsindaalo tsitaru amakhuwa ako nikeekholeeshe. 22Khandi abakhasi bandi mwifwe bakhuhuchisiye, olwa bahuunile khung'ani; 23ne olwa baranyoolile omulambokwe ta, beetsile nibakhuboolela mbu baluutsi libisulo liabamalaika, ababoolile mbu aliho mwoyo. 24Nabandi khubo aba khubeele ninabo nibatsia khung'ani, nibanyoola nikali kario shinga abakhasi abo olwa babeele nibaboolile; ne omwene shibamuluutsi ta. 25Mana nabasunjila ari Inywe abasaatsa abasilusilu, abemioyo emisiro echikhaya okhusuubila kosi aka abanabii baboola! 26Shikali nikamukhoyeele Kristo watsana okhwifwila amakhuwa ako kosi, nende okhwinjila muluyalilwe? 27Mana nachaachila khuMusa nende khubanabii bosi, nabarimbululilal mumahandiiko kosi amakhuwa akachooma khuye omwene.
28Niboola ahambi khwitaala ewa bali nibatsia naye niyeenga shinga owenya okhutsiililila imbeli. 29Nabo nibamunichilisia, bari Yikhalakhwo nineefwe; shichila bulaano bwakheela, eshialo shiilukhana. Naye niyeenjila okhwikhala ninabo. 30Ne olwa yali niyeekhaale ninabo habiliibwa, yabukula omukaate, nakusabila ikhabi, nakusonyola, nabaheelesia. 31Mana nibalaba tsimoni nibamumanya; naye nabakhamakhwo. 32Nibaboolelana bari Emioyo chieefwe shichiashilenje mubilifu bieefwe mukari olwa yasungaane nineefwe nikhuli khunjila, nakhurimbululila akamahandiiko? 33Nibarula habwene nahabwene, nibakalukha eYerusalemu, nibanyoola abo Ekhuminamulala nibakhung'aaniile halala, nende abo aba bali ninabo, 34nibaboolanga bari Omwami alamuushe toto, ulolesheele Simoni. 35Nabo nibabatoonyela amakhuwa akali nikeekholile khunjila, khandi shinga olwa abamanyishiile khukhusonyola omukaate.
Yesu yaloleshela abeechi
(Mat. 28.16-20; Mk. 16.14-18; Yoh. 20.19-23)
36Ne olwa bali nibaboolanga khumakhuwa ako, ye omwene yafutukha hakari mubo, nabasunjila ari Mulembe kube khwinywe. 37Nabo nibaliibwa ling'ang'a, oburii nibubatiila, nibakaala mbu baluutsi eshinabandu. 38Mana nabasunjila ari Mwiyememinjia mbushi? Kata nishiina eshichila obukanakanii nibwitsula burio mumioyo chieenywe? 39Mundole amakhono kanje nende ebilenje bianje, mbu nisie omwene; mundiilekhwo, mulole; shichila eshinabandu shishilikhwo nende omubili namakumba shinga olwa munduutsi nindi ninabio, tawe. 40Ne olwa yali nasunjile ario, yabamanyia amakhonoke nebilenjebie. 41Ne olwa bali nibarashiasuubila ta khulwa okhwikhoya, nibachenyanga, yabareeba ari Mulikhwo nende eshiokhulia? 42Nibamuheelesia eshitonye shieinyeeni isambe. 43Naye nabukula, nalia nibalola.
44Mana nabasunjila ari Kano niko amakhuwa kanje aka ndamuboolela, olwa ndali nishiliho nineenywe, shinga amakhuwa kosi akahandiikwa mumumalako kaMusa nende mubanabii nende mutsitsabuli, akali khwisie, olwa kakhoyeele mbu koosibwe. 45Mana nalabia tsimoni etsiomumioyo chiabwe, mbu batiile khushisina shiamahandiiko; 46nabasunjila mbu Kahandiikwa kari nanwa, mbu kamukhoyela Kristo watsana okhusaalila, nende okhulamukha okhurula mubafu khunyanga yakhataru; 47khandi mbu akobwikalukhasii nende obuleshelwi bwebionoono keelwatsilwe amahanga kosi muliiralie, okhuchaachila eYerusalemu. 48Neenyu ninywe abarumbusi bobuloli khumakhuwa kano. 49Ne lole emurumila obusuubisie bwaPapa; nebutswa mulinde mbeli mwitookho okhuula olwa mulaba nimufwalilwekhwo obunyali okhurula mwikulu.
Okhukulukha
(Mk. 16.19-20)
50Mana nabeemilila okhuula olwa bali nibahengaane nende Betsania; mana nachinguula amakhono, nabasabila ikhabi. 51Ne olwa yali nashibasabila ikhabi yakabukhana ninabo nakulusibwa nayilwa mwikulu. 52Nabo nibamwinamila, nibakalukha eYerusalemu nibeekhoya muno; 53obushia nobushia bahonganga muhekalu, nibamwitsoominjia Nyasaye.
ទើបបានជ្រើសរើសហើយ៖
Luka 24: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Luka 24
24
Okhulamukha
(Mat. 28.1-10; Mk. 16.1-8; Yoh. 20.1-10)
1Ne khunyanga yambeli eyomwihonga, mumakhubakhubwe, boola khung'ani nibali nende emisaala chieshing'aari echia bali nibakasiye. 2Nibanyoola lichina nilimalile okhuselenjesibwa nilirulile khung'ani; 3nibeenjilamwo, nibaranyoola omulambo kwOmwami Yesu ta. 4Nikaba mbu olwa bali nibakanakaninjia khumakhuwa ako, lola, abasaatsa babili nibasinjila ahambi ninabo nibeefwalile tsingubo tsing'inang'inu; 5nibaria muno, nibabunamia obweni bwabwe hasi; nabo nibabareeba bari Mbushiina nimukhaaba omulamu mubafu? 6Shiali hano ta, ne alamuushe; yitsulile shinga olwa yasungana nineenywe olwa yali nashili ebuGalilaya, 7namuboolela mbu Omwana wOmundu akhoyile okhuhaanwa mumakhono kabandu aboonooni, nabambwa khumusalaba, nalamukha khunyanga yakhataru. 8Nabo nibeetsulila aka yali niyaboola, 9nibarula khung'ani nibakalukha nibabatoonyela abo ekhumi namulala, nende abandi bosi, amakhuwa ako kosi. 10Nabo bali Mariamu Magadalene nende Yoana, nende Mariamu nyina Yakobo; nabakhasi bandi halala ninabo nibaboolela abarume amakhuwa ako. 11Ne amakhuwa ako nikabaloleshela shinga amasungo akobusanyi butswa, nibarabasuubila ta. 12Nebutswa Petero yarula, natsia tsimbilo khung'ani, niyeenama nahengamwo, nalola tsingubo tsieikitani nitsili tsionyene; niyeenyokha natsia ebunangowe, nachenyela akeenako akali nikeekholile.
Oluchendo lweEmau
(Mk. 16.12-13)
13Ne lola, inyanga yeneyo babili khubo bali nibatsia khwitaala elilangwa mbu Emau, eliali ehalekhwo nende Yerusalemu, oluchendo lwetsimailo tsisasaba. 14Ne bali nibasungananga khumakhuwa ako kosi akali nikeekholeeshe. 15Mana olwa bali nibasungananga nende okhureebana, Yesu omwene yoola ahambi nalondana ninabo. 16Ne tsimoni tsiabwe tsieekalwa, baleshe okhumumanya. 17Naye nabareeba ari Neimbakha shiina eya mukhupanga nimuchenda? Nibeemaho, nibakhuunia mumoni. 18Mulala khubo, owalangwa mbu Kuleopa, nakalusia namusunjila mbu Ne niwe wenyene omucheni muYerusalemu ouramanyile amakhuwa akeekholileyo mundaalo tsino? 19Nabareeba ari Namakhuwa shiina? Nibamuboolela bari Amakhuwa kaYesu omuNazareti, owali omunabii wobunyali mubikhole khandi mumasungo, imbeli waNyasaye nende ewabandu bosi; 20khandi shinga abakuhani abakhulundu nende abaami beefwe olwa bamuhaanayo mushiilwatso shiokhufwa, nibamubamba khumusalaba. 21Neefu khwabeele nikhusuubilanga mbu neniye owakhanunula Isiraeli. Ne bulaano luno lukhola tsindaalo tsitaru amakhuwa ako nikeekholeeshe. 22Khandi abakhasi bandi mwifwe bakhuhuchisiye, olwa bahuunile khung'ani; 23ne olwa baranyoolile omulambokwe ta, beetsile nibakhuboolela mbu baluutsi libisulo liabamalaika, ababoolile mbu aliho mwoyo. 24Nabandi khubo aba khubeele ninabo nibatsia khung'ani, nibanyoola nikali kario shinga abakhasi abo olwa babeele nibaboolile; ne omwene shibamuluutsi ta. 25Mana nabasunjila ari Inywe abasaatsa abasilusilu, abemioyo emisiro echikhaya okhusuubila kosi aka abanabii baboola! 26Shikali nikamukhoyeele Kristo watsana okhwifwila amakhuwa ako kosi, nende okhwinjila muluyalilwe? 27Mana nachaachila khuMusa nende khubanabii bosi, nabarimbululilal mumahandiiko kosi amakhuwa akachooma khuye omwene.
28Niboola ahambi khwitaala ewa bali nibatsia naye niyeenga shinga owenya okhutsiililila imbeli. 29Nabo nibamunichilisia, bari Yikhalakhwo nineefwe; shichila bulaano bwakheela, eshialo shiilukhana. Naye niyeenjila okhwikhala ninabo. 30Ne olwa yali niyeekhaale ninabo habiliibwa, yabukula omukaate, nakusabila ikhabi, nakusonyola, nabaheelesia. 31Mana nibalaba tsimoni nibamumanya; naye nabakhamakhwo. 32Nibaboolelana bari Emioyo chieefwe shichiashilenje mubilifu bieefwe mukari olwa yasungaane nineefwe nikhuli khunjila, nakhurimbululila akamahandiiko? 33Nibarula habwene nahabwene, nibakalukha eYerusalemu, nibanyoola abo Ekhuminamulala nibakhung'aaniile halala, nende abo aba bali ninabo, 34nibaboolanga bari Omwami alamuushe toto, ulolesheele Simoni. 35Nabo nibabatoonyela amakhuwa akali nikeekholile khunjila, khandi shinga olwa abamanyishiile khukhusonyola omukaate.
Yesu yaloleshela abeechi
(Mat. 28.16-20; Mk. 16.14-18; Yoh. 20.19-23)
36Ne olwa bali nibaboolanga khumakhuwa ako, ye omwene yafutukha hakari mubo, nabasunjila ari Mulembe kube khwinywe. 37Nabo nibaliibwa ling'ang'a, oburii nibubatiila, nibakaala mbu baluutsi eshinabandu. 38Mana nabasunjila ari Mwiyememinjia mbushi? Kata nishiina eshichila obukanakanii nibwitsula burio mumioyo chieenywe? 39Mundole amakhono kanje nende ebilenje bianje, mbu nisie omwene; mundiilekhwo, mulole; shichila eshinabandu shishilikhwo nende omubili namakumba shinga olwa munduutsi nindi ninabio, tawe. 40Ne olwa yali nasunjile ario, yabamanyia amakhonoke nebilenjebie. 41Ne olwa bali nibarashiasuubila ta khulwa okhwikhoya, nibachenyanga, yabareeba ari Mulikhwo nende eshiokhulia? 42Nibamuheelesia eshitonye shieinyeeni isambe. 43Naye nabukula, nalia nibalola.
44Mana nabasunjila ari Kano niko amakhuwa kanje aka ndamuboolela, olwa ndali nishiliho nineenywe, shinga amakhuwa kosi akahandiikwa mumumalako kaMusa nende mubanabii nende mutsitsabuli, akali khwisie, olwa kakhoyeele mbu koosibwe. 45Mana nalabia tsimoni etsiomumioyo chiabwe, mbu batiile khushisina shiamahandiiko; 46nabasunjila mbu Kahandiikwa kari nanwa, mbu kamukhoyela Kristo watsana okhusaalila, nende okhulamukha okhurula mubafu khunyanga yakhataru; 47khandi mbu akobwikalukhasii nende obuleshelwi bwebionoono keelwatsilwe amahanga kosi muliiralie, okhuchaachila eYerusalemu. 48Neenyu ninywe abarumbusi bobuloli khumakhuwa kano. 49Ne lole emurumila obusuubisie bwaPapa; nebutswa mulinde mbeli mwitookho okhuula olwa mulaba nimufwalilwekhwo obunyali okhurula mwikulu.
Okhukulukha
(Mk. 16.19-20)
50Mana nabeemilila okhuula olwa bali nibahengaane nende Betsania; mana nachinguula amakhono, nabasabila ikhabi. 51Ne olwa yali nashibasabila ikhabi yakabukhana ninabo nakulusibwa nayilwa mwikulu. 52Nabo nibamwinamila, nibakalukha eYerusalemu nibeekhoya muno; 53obushia nobushia bahonganga muhekalu, nibamwitsoominjia Nyasaye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975