Yohana 1
1
Likhuwa yeekhola omubii
1hukhuchaaka Likhuwa yalinjiho, naye likhuwa yalinji naliho halala nende Nyasaye, naye Likhuwa yalinji Nyasaye. 2Omwenoyo yalinjiho khukhuchaaka halala nende Nyasaye. 3Ebindu biosi biakholekha khululwe; naharali ye eshindu shiosi shiosi shishiakholekha ta. 4Muye nimwo omwa obulamu bwali; obulamu nabwo bwalinji obulafu bwabandu. 5Nabwo obulafu bwaakhanga mushiilima; ne eshiilima shishiabuhula ta.
6Omundu yabuukha owa Nyasaye yaruma oweliiralie mbu Yohana. 7Omwenoyo yeetsa khulwa oburumbusi bwobuloli mbu arumbule obuloli khubulafu mbu mana bosi basuubile khululwe. 8Uno shiyali ye obulafu obwo ta, ne yabuukha mbu arumbule obuloli khubulafu. 9Bwalinjiho obulafu bwatoto obulangalilanga buli mundu nibwitsa mushialo. 10Yalinji nali mushialo, eshialo nashio shiakholekha khululwe, nebutswa abeshialo shibamumanya ta. 11Yeetsa ewuwe, nabali abebe nibaramwinjisia ta. 12Ne bosi abamwinjisia, yabaheelesia obunyali okhwikhola abaana baNyasaye, mbu abo abasuubilila eliiralie 13Abeenabo shibeebulwa khumabanga ta, kata shibeebulwa khulwa obwenyi bwomubili, kata obwenyi bwomundu ta, ne beebulwa nende Nyasaye. 14Likhuwa oyo niyeekhola omubili, namenya mwifwe; neefu nikhulola oluyalilwe, noluyali shinga olwomwana omuteelwa waSamwana; niyeetsulamwo obukoosia nende obwatoto.
15Yohana yarumbuule akobuloli khuye, nalanjisia, ari Uno niye owa ndasungakhwo, mbu owitsa inyuraa wanje yeekholile ouranjilila; shichila yali niyaranjilila. 16Shichila ifwe fwesi khwanyoolileKhwo khumwitsulukwe, khandi obukoosia mushilenje shiobukoosia bundi. 17Okhuba amalako kahaanwa muMusa; nobukoosia nende obwatoto bieetsela muYesu Kristo. 18Abulahe owalolakhwo Nyasaye inyanga yosi ta; Omwana omuteelwa, oubeetsangaho khushilifu shiaSamwana, neniye oumufwimbuule.
Oburumbusi bwaYohana Omubatisii
(Mat. 3.1-12; Mk. 1.7-8; Lk. 3.15-17)
19Ne buno nibwo oburumbusi bwaYohana, olwa abaYahudi baruma abakuhani nabaLawi ewuwe okhurula eYerusalemu, okhumureeba mbu Niwe wina? 20Naye niyeebuula, nareeyambakhana ta; niyeebuula, nasunga ari Isie shindi Kristo omwenoyo ta. 21Nibamureeba bari Okhali wina? Eliya noho? Naye ari Shindi nisie ta. Bari Oli omunabii oyo? Nakalusia ari Tawe. 22Kho nibamureeba bari Ne niwe wina? Mbu khukalusilie abakhurumile. Omwene wiboolakhwo orie? 23Naye naboola mbu Endi omwoyo kwa oyo oulanjisia mushitsiimi, ari Mukololosie injila yOmwami, shinga Isaya omunabii olwa yaboola. 24Nabarumwa abo bali nibarulile khuba Farisayo. 25Nibamureeba, nibamusunjila bari Kho obatisinjia mbushiina, noba norali Kristo tsana, kata Eliya, kata omunabii oyo ta? 26Yohana nabakalusia ari Isie embatsinjia nende amatsi; ne oundi asinjiile hakari weenywe owa mwakorwa; 27neniye owitsa inyuma wanje; shingwanile okhuboholola olukhoba Iweshilaaroshie ta. 28Amakhuwa ako keekholela muBetsania injelekha weYorodani, ewa Yohana yali nabatisilinjia.
Lole, Likondi liaNyasaye
29Mukamba yalola Yesu niyeetsanga ewa yali, nasunga mbu Lole, Likondi liaNyasaye ngwoyo, ouyininjiaho obwonooni bweshialo. 30Uno niye owa ndasungakhwo, mbu Aliho omundu owitsa inyuma wanje, ne nive oweimbeli, shichila yaliho imbeli wanje. 31Nasi shindamumanya ta; ne ndeetsa isie nimbatsinjia nende amatsi mbu ye amanyishile Isiraeli. 32Yohana yarumbula akobuloli, ari Ndaluutsi Roho niyeekha shinga lihuusi okhurula mwikulu, namuyeelakhwo, namenya muye. 33Nasi nindamumanya ta; ne oyo owaruma okhubatisia nende amatsi yamboolela ari Owa witsa okhulola Roho niyeekha namwikhalakhwo, omwenoyo niye oubatisinjia nende Roho Omutakatifu. 34Nasi ndaluutsi, nirumbula akobuloli, mbu uno niye Omwana waNyasaye.
Abeechi abambeli
35Khandi mukamba Yohana yali nasinjiile halala nende abeechibe babili, 36namuhenga Yesu nachendanga, naboola mbu Lole, Likondi liaNyasaye ngwoyo! 37Abeechi abo babili nibahulila naboola, nibamulondakhwo Yesu. 38Yesu nashiukhana, nabalola nibamulondangakhwo, nabareeba ari Mukhaabanga shiina? Nabo nibamusunjila bari Rabi, (elo nilikalulwa ni Omwechesia), omenyile heena? 39Naye nabasunjila ari Mwitse, mulalola. Kho nibatsia, nibalola ewa yamenya; nibahonga ninaye inyanga eyo; yali shinga isaa yekhumi. 40Mulala khubabili abo abamuhulila Yohana nibalondakhwo ni Anderea, omusiani wabwe Simoni Petero. 41Omwenoyo yaranjilila namunyoola Simoni omwana wabwe, namuboolela ari Khumunyoolile Masihi omwenoyo; elo nilikalulwa ni Kristo. 42Yamuleera ewa Yesu yali. Yesu namuhenga, nasunga mbu Niwe Simoni waYohana; olakulikhwa mbu Kefa; obukalulwi bwalio mbu Petero, kata Lichina.
Yesu yalanga Filipo naNatsanaeli
43Mana mukamba yeenya okhusamula okhutsia eGalilaya, namunyoola Filipo; Yesu namubiila ari Nonda. 44Ne Filipo yali omundu weBetsesaida, owomwitookho liabwe Anderea nende Petero. 45Filipo namunyoola Natsanaeli, namuboolela mbu Khwamunyoolile omwenoyo owa Musa yahandiikhakhwo mumalako, khandi nende abanabii, mbu Yesu weNazareti, omwana waYusufu. 46Natsanaeli namusunjila ari Lilayi liosi linyala okhurula eNazareti, noho? Filipo namuboolela ari Yitsa olole. 47Yesu yamulola Natsanaeli niyeetsanga ewa ali, nasunga khuye ari OmuIsiraeli watoto ngwoyo, ouralimwo obukaatii bwosi ta. 48Natsanaeli namureeba ari Wa'manyila heena? Yesu nakalusia, namusunjila mbu Filipo narashiakhulanga ta, olwa wabeele noli mushisina shiomukhuyu, ndakhulola. 49Natsanaeli namukalusiamwo, ari Rabi, niwe Omwana waNyasaye; niwe Omuruchi waIsiraeli. 50Yesu nakalusia, namusunjila mbu Okhuba ekhusunjiile mbu ndakhulola noli mushisina shiomukhuyu, niko akachilile nosuubila? Witsa okhulola amakhongo okhushila kano. 51Namuboolela mbu Toto mwene, emusunjila mbu mulalola likulu niliikuushe, abamalaika baNyasaye nibaniina nibeekha khuMwana wOmundu.
ទើបបានជ្រើសរើសហើយ៖
Yohana 1: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Yohana 1
1
Likhuwa yeekhola omubii
1hukhuchaaka Likhuwa yalinjiho, naye likhuwa yalinji naliho halala nende Nyasaye, naye Likhuwa yalinji Nyasaye. 2Omwenoyo yalinjiho khukhuchaaka halala nende Nyasaye. 3Ebindu biosi biakholekha khululwe; naharali ye eshindu shiosi shiosi shishiakholekha ta. 4Muye nimwo omwa obulamu bwali; obulamu nabwo bwalinji obulafu bwabandu. 5Nabwo obulafu bwaakhanga mushiilima; ne eshiilima shishiabuhula ta.
6Omundu yabuukha owa Nyasaye yaruma oweliiralie mbu Yohana. 7Omwenoyo yeetsa khulwa oburumbusi bwobuloli mbu arumbule obuloli khubulafu mbu mana bosi basuubile khululwe. 8Uno shiyali ye obulafu obwo ta, ne yabuukha mbu arumbule obuloli khubulafu. 9Bwalinjiho obulafu bwatoto obulangalilanga buli mundu nibwitsa mushialo. 10Yalinji nali mushialo, eshialo nashio shiakholekha khululwe, nebutswa abeshialo shibamumanya ta. 11Yeetsa ewuwe, nabali abebe nibaramwinjisia ta. 12Ne bosi abamwinjisia, yabaheelesia obunyali okhwikhola abaana baNyasaye, mbu abo abasuubilila eliiralie 13Abeenabo shibeebulwa khumabanga ta, kata shibeebulwa khulwa obwenyi bwomubili, kata obwenyi bwomundu ta, ne beebulwa nende Nyasaye. 14Likhuwa oyo niyeekhola omubili, namenya mwifwe; neefu nikhulola oluyalilwe, noluyali shinga olwomwana omuteelwa waSamwana; niyeetsulamwo obukoosia nende obwatoto.
15Yohana yarumbuule akobuloli khuye, nalanjisia, ari Uno niye owa ndasungakhwo, mbu owitsa inyuraa wanje yeekholile ouranjilila; shichila yali niyaranjilila. 16Shichila ifwe fwesi khwanyoolileKhwo khumwitsulukwe, khandi obukoosia mushilenje shiobukoosia bundi. 17Okhuba amalako kahaanwa muMusa; nobukoosia nende obwatoto bieetsela muYesu Kristo. 18Abulahe owalolakhwo Nyasaye inyanga yosi ta; Omwana omuteelwa, oubeetsangaho khushilifu shiaSamwana, neniye oumufwimbuule.
Oburumbusi bwaYohana Omubatisii
(Mat. 3.1-12; Mk. 1.7-8; Lk. 3.15-17)
19Ne buno nibwo oburumbusi bwaYohana, olwa abaYahudi baruma abakuhani nabaLawi ewuwe okhurula eYerusalemu, okhumureeba mbu Niwe wina? 20Naye niyeebuula, nareeyambakhana ta; niyeebuula, nasunga ari Isie shindi Kristo omwenoyo ta. 21Nibamureeba bari Okhali wina? Eliya noho? Naye ari Shindi nisie ta. Bari Oli omunabii oyo? Nakalusia ari Tawe. 22Kho nibamureeba bari Ne niwe wina? Mbu khukalusilie abakhurumile. Omwene wiboolakhwo orie? 23Naye naboola mbu Endi omwoyo kwa oyo oulanjisia mushitsiimi, ari Mukololosie injila yOmwami, shinga Isaya omunabii olwa yaboola. 24Nabarumwa abo bali nibarulile khuba Farisayo. 25Nibamureeba, nibamusunjila bari Kho obatisinjia mbushiina, noba norali Kristo tsana, kata Eliya, kata omunabii oyo ta? 26Yohana nabakalusia ari Isie embatsinjia nende amatsi; ne oundi asinjiile hakari weenywe owa mwakorwa; 27neniye owitsa inyuma wanje; shingwanile okhuboholola olukhoba Iweshilaaroshie ta. 28Amakhuwa ako keekholela muBetsania injelekha weYorodani, ewa Yohana yali nabatisilinjia.
Lole, Likondi liaNyasaye
29Mukamba yalola Yesu niyeetsanga ewa yali, nasunga mbu Lole, Likondi liaNyasaye ngwoyo, ouyininjiaho obwonooni bweshialo. 30Uno niye owa ndasungakhwo, mbu Aliho omundu owitsa inyuma wanje, ne nive oweimbeli, shichila yaliho imbeli wanje. 31Nasi shindamumanya ta; ne ndeetsa isie nimbatsinjia nende amatsi mbu ye amanyishile Isiraeli. 32Yohana yarumbula akobuloli, ari Ndaluutsi Roho niyeekha shinga lihuusi okhurula mwikulu, namuyeelakhwo, namenya muye. 33Nasi nindamumanya ta; ne oyo owaruma okhubatisia nende amatsi yamboolela ari Owa witsa okhulola Roho niyeekha namwikhalakhwo, omwenoyo niye oubatisinjia nende Roho Omutakatifu. 34Nasi ndaluutsi, nirumbula akobuloli, mbu uno niye Omwana waNyasaye.
Abeechi abambeli
35Khandi mukamba Yohana yali nasinjiile halala nende abeechibe babili, 36namuhenga Yesu nachendanga, naboola mbu Lole, Likondi liaNyasaye ngwoyo! 37Abeechi abo babili nibahulila naboola, nibamulondakhwo Yesu. 38Yesu nashiukhana, nabalola nibamulondangakhwo, nabareeba ari Mukhaabanga shiina? Nabo nibamusunjila bari Rabi, (elo nilikalulwa ni Omwechesia), omenyile heena? 39Naye nabasunjila ari Mwitse, mulalola. Kho nibatsia, nibalola ewa yamenya; nibahonga ninaye inyanga eyo; yali shinga isaa yekhumi. 40Mulala khubabili abo abamuhulila Yohana nibalondakhwo ni Anderea, omusiani wabwe Simoni Petero. 41Omwenoyo yaranjilila namunyoola Simoni omwana wabwe, namuboolela ari Khumunyoolile Masihi omwenoyo; elo nilikalulwa ni Kristo. 42Yamuleera ewa Yesu yali. Yesu namuhenga, nasunga mbu Niwe Simoni waYohana; olakulikhwa mbu Kefa; obukalulwi bwalio mbu Petero, kata Lichina.
Yesu yalanga Filipo naNatsanaeli
43Mana mukamba yeenya okhusamula okhutsia eGalilaya, namunyoola Filipo; Yesu namubiila ari Nonda. 44Ne Filipo yali omundu weBetsesaida, owomwitookho liabwe Anderea nende Petero. 45Filipo namunyoola Natsanaeli, namuboolela mbu Khwamunyoolile omwenoyo owa Musa yahandiikhakhwo mumalako, khandi nende abanabii, mbu Yesu weNazareti, omwana waYusufu. 46Natsanaeli namusunjila ari Lilayi liosi linyala okhurula eNazareti, noho? Filipo namuboolela ari Yitsa olole. 47Yesu yamulola Natsanaeli niyeetsanga ewa ali, nasunga khuye ari OmuIsiraeli watoto ngwoyo, ouralimwo obukaatii bwosi ta. 48Natsanaeli namureeba ari Wa'manyila heena? Yesu nakalusia, namusunjila mbu Filipo narashiakhulanga ta, olwa wabeele noli mushisina shiomukhuyu, ndakhulola. 49Natsanaeli namukalusiamwo, ari Rabi, niwe Omwana waNyasaye; niwe Omuruchi waIsiraeli. 50Yesu nakalusia, namusunjila mbu Okhuba ekhusunjiile mbu ndakhulola noli mushisina shiomukhuyu, niko akachilile nosuubila? Witsa okhulola amakhongo okhushila kano. 51Namuboolela mbu Toto mwene, emusunjila mbu mulalola likulu niliikuushe, abamalaika baNyasaye nibaniina nibeekha khuMwana wOmundu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975