Luka 20
20
Yesu yareebwa khukobunyali obwa yaheebwa
(Mat. 21.23-27; Mk. 11.27-33)
1Khunyanga yindi mundaalo etsio olwa yali niyeechesinjia abandu muhekalu, niyee wstsanga injiili, abakhulundu bsbakuhani nende abahandiichi halala nende abakofu nibamunyoolelesia; 2nibaboola, nibamureeba bari Okhuboolele, mbu nobunyali shiina obuchilanga nokhola amakhuwa kano? Kata owakhuheelesia obunyali buno niye wina? 3Naye nabakalusia, naboola ari Nasi emureeba inywe likhuwa, mumboolele; 4mbu obubatisii bwaYohana, bwarula mwikulu nohomba mubandu? 5Nabo nibaboolelana abeene nabeene, bari Nikhuba nikhusunga mbu bwarula mwikulu, alareeba mbu Ne mbushiina nimuramusuubila ta? 6Ne nikhuba nikhusunga mbu bwarula mubandu, abandu bosi balakhulasa namachina; shichila bamanya mbu Yohana nomunabii. 7Nibakalusia mbu Shikhumanyile ewa bwarula ta. 8Yesu naye nabasunjila mbu Kata siesi shimuboolela mbu nobunyali shiina obuchilanga nikhola amakhuwa kano tawe.
Oluchelo lwabalimili bemitsabibu
(Mat. 21.33-46; Mk. 2.1-12)
9Mana nachaaka okhuupila abandu omenelo luno; mbu Omundu undi yaraaka omukunda kwemitsabibu, nakuhosia abalimili, natsia mushialo shindi, namenyayo tsindaalo tsinyinji. 10Ne olwa induukho yoola, yaruma omusumba undi khubalimili abo mbu bamuheelesie khubiamo ebiomumukunda kwemitsabibu; ne abalimili abo nibamunywekha, nibamwilusia amakhono amakhaya. 11Mana naruma omusumba undi khandi, naye yesi nibamunywekha, nibamuhambia tsisoni, nibamwilusia amakhono amakhaya. 12Naruma owakhataru khandi; naye yesi nibamufumira, nibamusukuna elwanyi. 13Omwami omwene mukunda kwemitsabibu naboola ari Nekhole endie? Ndalaruma omwana wanje omuheelwa; haundi ye balamuria, 14Ne olwa abalimili abo bamulola, baboolelana abeene nabeene, bari Uno niye owobulaame; khumwire, mbu mana obulaame bube obweefwe. 15Nibamuyinia mumukunda kwemitsabibu, nibamwira. Kho bulaano omwami omwene mukunda alabakholela shiina? 16Mbula, aleetsa namalilana abalimili abo, naheelesia abandi omukunda okwo. Ne olwa bahulila, baboola bari 'A, kaleshe okhuba kario ta.
17Naye nabahenga, nasunga mbu Kho kali karie akahandiikwa, mbu
Lichina elia aboombashi baloba,
lienelo liakholwa elikhulundu eliomukoona?
18Buli mundu oukwa khwichina elo alarabukha ebitonye ebitonye; ne omundu yesi owa lilakwakhwo, lilamutubulila elala.
19Ne abahandiichi nende abakhulundu babakuhani bakhaaba okhumuhamba khushise shieneshio; ne bali nibariitsanga abandu; shichila balola shinga olwa yali nakhupile oluchelo olwo khubo.
Akokhurunga obushuru bwaKaisari
(Mat. 22.15-22; Mk. 12.13-17)
20Nibamuyichila, nibaruma abaluuri abeefwayafwayia okhuba shinga abalunjishi, mbu batiile okhuboolakhwe, mana bamuhaane khuburuchi nende khubunyali bwaKafuna. 21Nibamureeba bari Omwechesia, khumanyile shinga olwa oboolanga nende okhwibaala habwene, norafuchiilila eshiimo shiomundu yesi ta, ne mbu wibaalanga injila yaNyasaye mubwatoto; 22kho ifwe okhurunga obushuru khuKaisari nomusilo nohomba? 23Ne yalola obuchesichesi bwabwe, nababoolela mbu 24Manyiekhwo itinari. Yili nobukondo bwawina nelihandiiko liawina? Nibakalusia mbu NebiaKaisari. 25Nababoolela mbu Kho ebili ebiaKaisari, mumurunjenje Kaisari; nebili ebiaNyasaye, mumurunjenje Nyasaye. 26Nabo nibakhaywa okhutiila okhuboolakhwe okhwo imbeli wabandu; nibahuka muno khwikalusiolie; nibaholeela butswa.
Lireebo eliokhubulamushi
(Mat. 22.23-33; Mk. 12.18-27)
27Abandi abokhubaSadukayo nibeetsa, abo ababoolanga mbu bubulaho obulamushi; nibamureeba 28bari Omwechesia, Musa yakhuhandiichila ari Omusiani wabwe omundu naba nafwa, ne nali nomukhasi, ne nabula abaana, omusiani wabwe akhoyile okhukalusia omukhasi oyo, amubuusilie omwana wabwe omurwe. 29Kho bali nibaliho abasiani musaafu abomunzu ndala; owambeli yaleera omukhasi, ne nafwa, nabula abaana; 30mana owakhabili; 31mana owakhataru namukalusia; kata abo bosi musaafu bario shibalekhakhwo abaana ta, ne nibafwa. 32Nolunyumakhwo omukhasi yesi nafwa. 33Kho mukhulamukha aliba omukhasi wawina khubo? Shichila bosi musaafu bali nibamuteeshia. 34Naye Yesu nabasunjila mbu Abaana abomushialo shino bateeshinjia nibateeshibwa; 35nebutswa abo abanyoolekha nibakwanile okhuula mushibala shilia, nende khubulamushi bwokhurula mukhufwa, shibateeshinjia kata okhuteeshibwa ta; 36kata shibanyala okhufwa khandi ta; shichila baleng'aasibwa nende abamalaika, nibaba abaana baNyasaye, okhuba nabaana bobulamushi. 37Ne likhuwa liabafu okhulamusibwa, kata Musa yamanyia haShitsakha, olwa yakulikha Omwami mbu Nyasaye waAburahamu, khandi Nyasaye waIsaka, khandi Ngasaye waYakobo. 38Kho bulaano shiali ye Nyasaye wabafu ta, habula wabali mwoyo; shichila bosi babeetsanga mwoyo khuye.
39Abandi khubahandiichi nibamukalusia bari Omwechesia, oboolile bulayi. 40Kata shibatsaalikha okhumureeba lireebo lindi khandi ta.
Lireebo eliokhuMwana waDaudi
(Mat. 22.41-46; Mk. 12.35-37)
41Naye nabareeba ari Baboolanga barie mbu Kristo watsana nomwana waDaudi? 42Shichila Daudi omwene yaboola mushitabo shieTsitsabuli, ari
Omwami yasunjila Omwami wanje, ari
Yikhala khumukhono kwanje musaatsa
43okhuula olwa emba nikholile abasukubo babe aba olambisiakhwo ebilenje.
44Kho Daudi amulanganga mbu Omwami; ne yakhaba arie omwanawe?
Yesu yafukula Abahandiichi
(Mat. 23.1-36; Mk. 12.38-40; Lk. 11.37-54)
45Mana yaboolela abeechibe, abandu bosi nibahulila. Ari 46Mwirecheshe khulwa abahandiichi abachamanga okhuchendachenda nibeefwalile ebiifwalo ebirambi, nibaheela okhushiesibwa muluyia, nebifumbi ebiambeli mutsisinagogi, nobwikhalo obukhulundu mumasabo; 47abaliitsanga tsinzu tsiabakhasi abalekhwa, ne khulwa obukaati basaaya amasaayo amarambi; abeenabo nibo aba eshiina shilifwila eshikhongo.
ទើបបានជ្រើសរើសហើយ៖
Luka 20: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Luka 20
20
Yesu yareebwa khukobunyali obwa yaheebwa
(Mat. 21.23-27; Mk. 11.27-33)
1Khunyanga yindi mundaalo etsio olwa yali niyeechesinjia abandu muhekalu, niyee wstsanga injiili, abakhulundu bsbakuhani nende abahandiichi halala nende abakofu nibamunyoolelesia; 2nibaboola, nibamureeba bari Okhuboolele, mbu nobunyali shiina obuchilanga nokhola amakhuwa kano? Kata owakhuheelesia obunyali buno niye wina? 3Naye nabakalusia, naboola ari Nasi emureeba inywe likhuwa, mumboolele; 4mbu obubatisii bwaYohana, bwarula mwikulu nohomba mubandu? 5Nabo nibaboolelana abeene nabeene, bari Nikhuba nikhusunga mbu bwarula mwikulu, alareeba mbu Ne mbushiina nimuramusuubila ta? 6Ne nikhuba nikhusunga mbu bwarula mubandu, abandu bosi balakhulasa namachina; shichila bamanya mbu Yohana nomunabii. 7Nibakalusia mbu Shikhumanyile ewa bwarula ta. 8Yesu naye nabasunjila mbu Kata siesi shimuboolela mbu nobunyali shiina obuchilanga nikhola amakhuwa kano tawe.
Oluchelo lwabalimili bemitsabibu
(Mat. 21.33-46; Mk. 2.1-12)
9Mana nachaaka okhuupila abandu omenelo luno; mbu Omundu undi yaraaka omukunda kwemitsabibu, nakuhosia abalimili, natsia mushialo shindi, namenyayo tsindaalo tsinyinji. 10Ne olwa induukho yoola, yaruma omusumba undi khubalimili abo mbu bamuheelesie khubiamo ebiomumukunda kwemitsabibu; ne abalimili abo nibamunywekha, nibamwilusia amakhono amakhaya. 11Mana naruma omusumba undi khandi, naye yesi nibamunywekha, nibamuhambia tsisoni, nibamwilusia amakhono amakhaya. 12Naruma owakhataru khandi; naye yesi nibamufumira, nibamusukuna elwanyi. 13Omwami omwene mukunda kwemitsabibu naboola ari Nekhole endie? Ndalaruma omwana wanje omuheelwa; haundi ye balamuria, 14Ne olwa abalimili abo bamulola, baboolelana abeene nabeene, bari Uno niye owobulaame; khumwire, mbu mana obulaame bube obweefwe. 15Nibamuyinia mumukunda kwemitsabibu, nibamwira. Kho bulaano omwami omwene mukunda alabakholela shiina? 16Mbula, aleetsa namalilana abalimili abo, naheelesia abandi omukunda okwo. Ne olwa bahulila, baboola bari 'A, kaleshe okhuba kario ta.
17Naye nabahenga, nasunga mbu Kho kali karie akahandiikwa, mbu
Lichina elia aboombashi baloba,
lienelo liakholwa elikhulundu eliomukoona?
18Buli mundu oukwa khwichina elo alarabukha ebitonye ebitonye; ne omundu yesi owa lilakwakhwo, lilamutubulila elala.
19Ne abahandiichi nende abakhulundu babakuhani bakhaaba okhumuhamba khushise shieneshio; ne bali nibariitsanga abandu; shichila balola shinga olwa yali nakhupile oluchelo olwo khubo.
Akokhurunga obushuru bwaKaisari
(Mat. 22.15-22; Mk. 12.13-17)
20Nibamuyichila, nibaruma abaluuri abeefwayafwayia okhuba shinga abalunjishi, mbu batiile okhuboolakhwe, mana bamuhaane khuburuchi nende khubunyali bwaKafuna. 21Nibamureeba bari Omwechesia, khumanyile shinga olwa oboolanga nende okhwibaala habwene, norafuchiilila eshiimo shiomundu yesi ta, ne mbu wibaalanga injila yaNyasaye mubwatoto; 22kho ifwe okhurunga obushuru khuKaisari nomusilo nohomba? 23Ne yalola obuchesichesi bwabwe, nababoolela mbu 24Manyiekhwo itinari. Yili nobukondo bwawina nelihandiiko liawina? Nibakalusia mbu NebiaKaisari. 25Nababoolela mbu Kho ebili ebiaKaisari, mumurunjenje Kaisari; nebili ebiaNyasaye, mumurunjenje Nyasaye. 26Nabo nibakhaywa okhutiila okhuboolakhwe okhwo imbeli wabandu; nibahuka muno khwikalusiolie; nibaholeela butswa.
Lireebo eliokhubulamushi
(Mat. 22.23-33; Mk. 12.18-27)
27Abandi abokhubaSadukayo nibeetsa, abo ababoolanga mbu bubulaho obulamushi; nibamureeba 28bari Omwechesia, Musa yakhuhandiichila ari Omusiani wabwe omundu naba nafwa, ne nali nomukhasi, ne nabula abaana, omusiani wabwe akhoyile okhukalusia omukhasi oyo, amubuusilie omwana wabwe omurwe. 29Kho bali nibaliho abasiani musaafu abomunzu ndala; owambeli yaleera omukhasi, ne nafwa, nabula abaana; 30mana owakhabili; 31mana owakhataru namukalusia; kata abo bosi musaafu bario shibalekhakhwo abaana ta, ne nibafwa. 32Nolunyumakhwo omukhasi yesi nafwa. 33Kho mukhulamukha aliba omukhasi wawina khubo? Shichila bosi musaafu bali nibamuteeshia. 34Naye Yesu nabasunjila mbu Abaana abomushialo shino bateeshinjia nibateeshibwa; 35nebutswa abo abanyoolekha nibakwanile okhuula mushibala shilia, nende khubulamushi bwokhurula mukhufwa, shibateeshinjia kata okhuteeshibwa ta; 36kata shibanyala okhufwa khandi ta; shichila baleng'aasibwa nende abamalaika, nibaba abaana baNyasaye, okhuba nabaana bobulamushi. 37Ne likhuwa liabafu okhulamusibwa, kata Musa yamanyia haShitsakha, olwa yakulikha Omwami mbu Nyasaye waAburahamu, khandi Nyasaye waIsaka, khandi Ngasaye waYakobo. 38Kho bulaano shiali ye Nyasaye wabafu ta, habula wabali mwoyo; shichila bosi babeetsanga mwoyo khuye.
39Abandi khubahandiichi nibamukalusia bari Omwechesia, oboolile bulayi. 40Kata shibatsaalikha okhumureeba lireebo lindi khandi ta.
Lireebo eliokhuMwana waDaudi
(Mat. 22.41-46; Mk. 12.35-37)
41Naye nabareeba ari Baboolanga barie mbu Kristo watsana nomwana waDaudi? 42Shichila Daudi omwene yaboola mushitabo shieTsitsabuli, ari
Omwami yasunjila Omwami wanje, ari
Yikhala khumukhono kwanje musaatsa
43okhuula olwa emba nikholile abasukubo babe aba olambisiakhwo ebilenje.
44Kho Daudi amulanganga mbu Omwami; ne yakhaba arie omwanawe?
Yesu yafukula Abahandiichi
(Mat. 23.1-36; Mk. 12.38-40; Lk. 11.37-54)
45Mana yaboolela abeechibe, abandu bosi nibahulila. Ari 46Mwirecheshe khulwa abahandiichi abachamanga okhuchendachenda nibeefwalile ebiifwalo ebirambi, nibaheela okhushiesibwa muluyia, nebifumbi ebiambeli mutsisinagogi, nobwikhalo obukhulundu mumasabo; 47abaliitsanga tsinzu tsiabakhasi abalekhwa, ne khulwa obukaati basaaya amasaayo amarambi; abeenabo nibo aba eshiina shilifwila eshikhongo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975