Luka 19
19
Yesu naZakayo
1Mana niyeenjila muYeriko nachaaka okhubira hakari walio. 2Ne yaliho omundu owalangwa eliira mbu Zakayo; ne yali mulala khubakhulundu babasololi bobushuru, khandi yali omuyinda. 3Ne yakhaaba okhulola mbu Yesu nomundu urie; naranyala ta, khulwa obunji bwabandu; shichila yali omwimbichiti eshiimoshie. 4Kho yatsia imbeli tsimbilo, naniina khumukhuyu mbu amulole; shichila yali nali okhubira khunjila eyo. 5Ne olwa Yesu yoola habundu yaho, yahenga ikulu, namusunjila ari Zakayo, khola bwangu, wishe; okhuba leelo ekhoyile okhuhonga ewuwo. 6Naye niyaanguha, niyeekha, namwinjisia nokhwikhoya. 7Nebutswa olwa balola bario, babuuluula bosi, bari Yeenjiile okhuhuluushila ewomundu omwonooni. 8Mana Zakayo nasinjila, namusunjila Omwami ari Lola, Omwami, inusu eyokhumiandu chianje embakabila abamanani; ne nimba ninuulile ebindu biomundu yesi khulwa okhumuluunyia, emukalusilia okhuula khane. 9Yesu namusunjila ari Leelo luno obuhonia buulile munzu muno; shichila uno yesi nomwana waAburahamu. 10Okhuba Omwana wOmundu yeetsa okhukhaaba nende okhuhonia shieneshio eshiakora.
Oluchelo Iwetsimina ekhumi
11Ne olwa bali nibahulilanga amakhuwa ako, yameeta naboopela oluchelo, shichila yali nali ahambi nende Yerusalemu, khandi shichila bali nibakaalanga mbu obwami bwaNyasaye bwali nibuli okhulolekha nonoho. 12Kho nabasunjila mbu Omukhulundu undi yatsia mushibala shiehale okhulia obwami, nende okhuchelela. 13NaIanga ekhumi abokhubasumbabe, nabaheelesia tsimina ekhumi nababoolela ari Mutsikholelenje inganga okhuula olwa ndilikalukha. 14Ne abandube bali nibamukiya, nibaruma abandu munyumawe, bari Shikhwenya omundu uno akhuruche ta. 15Ne olwa yachelela namalile okhulia obwami, yalaka mbu abasumbabe abo aba yali niyaheelesia amapeesa tsana balangwe mbu amanye eshia bali nibanyoolile mungnnga yabwe. 16Owambeli niyeetsa imbeliwe, naboola mbu Omwami, iminayo yinyoolile tsimina tsindi ekhumi. 17Namusunjila ari Orio, iwe omusumba omulayi; shinga olwa wanyoolekha noli omwisiikwa mumakhuwa amatuutu muno, kho obe noburuchi khumataala ekhumi. 18Owakhabili naye niyeetsa, naboola mbu Omwami, iminayo yinyoolile tsimina tsiraano. 19Namusunjila yesi, ari Nawe obe hekulu khumataala karaano. 20Oundi yesi niyeetsa, naboola mbu Omwami, lola, iminayo njieyino; ndali ndachibiikha mushitambaya, 21okhuba ekhuriile, shichila oli omutinyu; obukulanga ebia oraraho ta, nochesa ebia oraraaka tawe. 22Naye namusunjila ari Mumunwa kukwo omwene ndalakhuyaasia eshiina, iwe omusumba omumayaanu. Wamanya shinga olwa endi omutinyu, nimbukulanga ebia ndararaho ta, ninjesa ebia ndararaaka ta; 23kho nishiina eshiachila norayila amapeesa kanje mwibiishilo liobukhala, mana ninzitsile ndakhakanyoolile halala nende injelesio? 24Mana nasunjila abo abali nibasinjiileho ari Mumurusiekhwo imina eyo, mumuheelesie oyo ouli nende tsimina ekhumi. 25Nabo nibamusunjila bari Omwami; ali nende tsimina ekhumi. 26Emuboolela mbu buli mundu ouli nende ebindu alaheebwa ebindi, ne oyo oubula ebindu, kata eshieneshio eshia ali ninashio shilamurusibwakhwo. 27Ne khumakhuwa kabasuku banje abo, abarachama mbu embaruche ta, mubaleere hano, nimubeerela imbeli wanje.
Yesu yeenjila muYerusalemu nomwikhoyo
(Mat. 21.1-11; Mk. 11.1-11; Yoh. 12.12-19)
28Ne olwa yali naboolile ario yatsiililila imbeli, natikulukha okhutsia eYerusaiemu.
29Ne olwa yali niyoolile ahambi nende Betsefage nende Betsania, nali enashikulu eshilangwa mbu Eshikulu shiEmitseituni, yaruma babili abokhubeechi abo, 30naboola mbu Mutsie mwitaala elihengaane nineenywe; ne mubwenomwo, nimushiinjilamwo, mulanyoola eshimoosi shieisishili nishiboyilwe, eshia omundu arashianiinakhwo ta; mushiboholole, mwitse ninashio. 31Ne omundu yesi naba namureeba mbu Mushiboholola mbushi? Kho muboole muri Omwami ashienya. 32Nabo abarumwa nibatsia, nibanyoola nikali kario, shinga olwa yali nababooleele. 33Ne olwa bali nibabohololanga eshimoosi, abeeneshio nibabareeba bari Muboholola eshimoosi mbushi? 34Nibakalusia bari Omwami ashienya. 35Nibashileera ewa Yesu yali.
Nibafuuba ebiifwalo biabwe khushimoosi, nibaniiniakhwo Yesu. 36Ne natsiitsanga, nibaala tsingubo tsiabwe khunjila. 37Ne bulaano olwa yali nasita ahambi, hashikholomokho shieshikulu shiEmitseituni, omukanda kwosi kwabeechi nibachaaka okhwikhoya nibamufumia Nyasaye nemioyo emikhongo khulwa ebikhole biobunyali biosi ebia bali nibaluutsi; 38bari Omuruchi owitsa muliira liOmwami yeetsoomibwe; omulembe mwikulu, nende oluyali ikulu mwikulu.
39Ne abandi abokhubaFarisayo abomumukanda nibamusunjila bari Omwechesia obahalabile abeechibo. 40Naye nakalusia, nabasunjila ari Emuboolela mbu bano nibaba nibaholeela, amachina kakhayiiba.
41Mana olwa yasita ahambi, yalola litookho. Nalililila amasika, 42nasunga mbu Bayaye, niwakhamanyile inyanga yino, kata iwe omwene, akakhoyeele omulembe! Ne bulaano kabiswa tsimonitsio. 43Okhuba tsindaalo tsilikhwitsila olwa abasukubo balisira olukaka Iwemisaala okhukhubotokhasia, nibakhufumbila, nibakhwikalila tsimbeka tsiosi, 44nibakhuruulaka hasi, halala nabaanabo mukari mwiwe; shibalalekha mwiwe lichina hekulu khwichina lindi ta; shichila shiwamanya induukho yokhucheniyilwakhwo tawe.
Yesu yeenjila muhekalu
(Mat. 21.12-17; Mk. 11.15-19; Yoh. 2.13-22)
45Mana niyeenjila muhekalu nachaaka okhubarusia abali nibakusilinjiamwo ebindu, 46nababoolela ari Kahandiikwa mbu Ne inzu yanje yakhabeetsenje inzu eyokhusaayilamwo; habula inywe mwachikholile imbinga yabanuuli.
47Ne yali niyeechesinjia muhekalu khatsotselo. 48Ne abakhulundu babakuhani nabahandiichi nende abandu abakali bakhaaba shinga olwa bakhamumalilana; ne shibanyoola eshia bakhakhola ta; okhuba abandu bosi bali nibeebohelesiye khuye, nibarechelesinjia akeke.
ទើបបានជ្រើសរើសហើយ៖
Luka 19: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Luka 19
19
Yesu naZakayo
1Mana niyeenjila muYeriko nachaaka okhubira hakari walio. 2Ne yaliho omundu owalangwa eliira mbu Zakayo; ne yali mulala khubakhulundu babasololi bobushuru, khandi yali omuyinda. 3Ne yakhaaba okhulola mbu Yesu nomundu urie; naranyala ta, khulwa obunji bwabandu; shichila yali omwimbichiti eshiimoshie. 4Kho yatsia imbeli tsimbilo, naniina khumukhuyu mbu amulole; shichila yali nali okhubira khunjila eyo. 5Ne olwa Yesu yoola habundu yaho, yahenga ikulu, namusunjila ari Zakayo, khola bwangu, wishe; okhuba leelo ekhoyile okhuhonga ewuwo. 6Naye niyaanguha, niyeekha, namwinjisia nokhwikhoya. 7Nebutswa olwa balola bario, babuuluula bosi, bari Yeenjiile okhuhuluushila ewomundu omwonooni. 8Mana Zakayo nasinjila, namusunjila Omwami ari Lola, Omwami, inusu eyokhumiandu chianje embakabila abamanani; ne nimba ninuulile ebindu biomundu yesi khulwa okhumuluunyia, emukalusilia okhuula khane. 9Yesu namusunjila ari Leelo luno obuhonia buulile munzu muno; shichila uno yesi nomwana waAburahamu. 10Okhuba Omwana wOmundu yeetsa okhukhaaba nende okhuhonia shieneshio eshiakora.
Oluchelo Iwetsimina ekhumi
11Ne olwa bali nibahulilanga amakhuwa ako, yameeta naboopela oluchelo, shichila yali nali ahambi nende Yerusalemu, khandi shichila bali nibakaalanga mbu obwami bwaNyasaye bwali nibuli okhulolekha nonoho. 12Kho nabasunjila mbu Omukhulundu undi yatsia mushibala shiehale okhulia obwami, nende okhuchelela. 13NaIanga ekhumi abokhubasumbabe, nabaheelesia tsimina ekhumi nababoolela ari Mutsikholelenje inganga okhuula olwa ndilikalukha. 14Ne abandube bali nibamukiya, nibaruma abandu munyumawe, bari Shikhwenya omundu uno akhuruche ta. 15Ne olwa yachelela namalile okhulia obwami, yalaka mbu abasumbabe abo aba yali niyaheelesia amapeesa tsana balangwe mbu amanye eshia bali nibanyoolile mungnnga yabwe. 16Owambeli niyeetsa imbeliwe, naboola mbu Omwami, iminayo yinyoolile tsimina tsindi ekhumi. 17Namusunjila ari Orio, iwe omusumba omulayi; shinga olwa wanyoolekha noli omwisiikwa mumakhuwa amatuutu muno, kho obe noburuchi khumataala ekhumi. 18Owakhabili naye niyeetsa, naboola mbu Omwami, iminayo yinyoolile tsimina tsiraano. 19Namusunjila yesi, ari Nawe obe hekulu khumataala karaano. 20Oundi yesi niyeetsa, naboola mbu Omwami, lola, iminayo njieyino; ndali ndachibiikha mushitambaya, 21okhuba ekhuriile, shichila oli omutinyu; obukulanga ebia oraraho ta, nochesa ebia oraraaka tawe. 22Naye namusunjila ari Mumunwa kukwo omwene ndalakhuyaasia eshiina, iwe omusumba omumayaanu. Wamanya shinga olwa endi omutinyu, nimbukulanga ebia ndararaho ta, ninjesa ebia ndararaaka ta; 23kho nishiina eshiachila norayila amapeesa kanje mwibiishilo liobukhala, mana ninzitsile ndakhakanyoolile halala nende injelesio? 24Mana nasunjila abo abali nibasinjiileho ari Mumurusiekhwo imina eyo, mumuheelesie oyo ouli nende tsimina ekhumi. 25Nabo nibamusunjila bari Omwami; ali nende tsimina ekhumi. 26Emuboolela mbu buli mundu ouli nende ebindu alaheebwa ebindi, ne oyo oubula ebindu, kata eshieneshio eshia ali ninashio shilamurusibwakhwo. 27Ne khumakhuwa kabasuku banje abo, abarachama mbu embaruche ta, mubaleere hano, nimubeerela imbeli wanje.
Yesu yeenjila muYerusalemu nomwikhoyo
(Mat. 21.1-11; Mk. 11.1-11; Yoh. 12.12-19)
28Ne olwa yali naboolile ario yatsiililila imbeli, natikulukha okhutsia eYerusaiemu.
29Ne olwa yali niyoolile ahambi nende Betsefage nende Betsania, nali enashikulu eshilangwa mbu Eshikulu shiEmitseituni, yaruma babili abokhubeechi abo, 30naboola mbu Mutsie mwitaala elihengaane nineenywe; ne mubwenomwo, nimushiinjilamwo, mulanyoola eshimoosi shieisishili nishiboyilwe, eshia omundu arashianiinakhwo ta; mushiboholole, mwitse ninashio. 31Ne omundu yesi naba namureeba mbu Mushiboholola mbushi? Kho muboole muri Omwami ashienya. 32Nabo abarumwa nibatsia, nibanyoola nikali kario, shinga olwa yali nababooleele. 33Ne olwa bali nibabohololanga eshimoosi, abeeneshio nibabareeba bari Muboholola eshimoosi mbushi? 34Nibakalusia bari Omwami ashienya. 35Nibashileera ewa Yesu yali.
Nibafuuba ebiifwalo biabwe khushimoosi, nibaniiniakhwo Yesu. 36Ne natsiitsanga, nibaala tsingubo tsiabwe khunjila. 37Ne bulaano olwa yali nasita ahambi, hashikholomokho shieshikulu shiEmitseituni, omukanda kwosi kwabeechi nibachaaka okhwikhoya nibamufumia Nyasaye nemioyo emikhongo khulwa ebikhole biobunyali biosi ebia bali nibaluutsi; 38bari Omuruchi owitsa muliira liOmwami yeetsoomibwe; omulembe mwikulu, nende oluyali ikulu mwikulu.
39Ne abandi abokhubaFarisayo abomumukanda nibamusunjila bari Omwechesia obahalabile abeechibo. 40Naye nakalusia, nabasunjila ari Emuboolela mbu bano nibaba nibaholeela, amachina kakhayiiba.
41Mana olwa yasita ahambi, yalola litookho. Nalililila amasika, 42nasunga mbu Bayaye, niwakhamanyile inyanga yino, kata iwe omwene, akakhoyeele omulembe! Ne bulaano kabiswa tsimonitsio. 43Okhuba tsindaalo tsilikhwitsila olwa abasukubo balisira olukaka Iwemisaala okhukhubotokhasia, nibakhufumbila, nibakhwikalila tsimbeka tsiosi, 44nibakhuruulaka hasi, halala nabaanabo mukari mwiwe; shibalalekha mwiwe lichina hekulu khwichina lindi ta; shichila shiwamanya induukho yokhucheniyilwakhwo tawe.
Yesu yeenjila muhekalu
(Mat. 21.12-17; Mk. 11.15-19; Yoh. 2.13-22)
45Mana niyeenjila muhekalu nachaaka okhubarusia abali nibakusilinjiamwo ebindu, 46nababoolela ari Kahandiikwa mbu Ne inzu yanje yakhabeetsenje inzu eyokhusaayilamwo; habula inywe mwachikholile imbinga yabanuuli.
47Ne yali niyeechesinjia muhekalu khatsotselo. 48Ne abakhulundu babakuhani nabahandiichi nende abandu abakali bakhaaba shinga olwa bakhamumalilana; ne shibanyoola eshia bakhakhola ta; okhuba abandu bosi bali nibeebohelesiye khuye, nibarechelesinjia akeke.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975