Genesis 5
5
Tsinzibulo tsiaAdamu
(1 Akets. 1.1-4)
1Kano niko amahandiiko ketsinzibulo tsiaAdamu. Khunyanga eyo eya Nyasaye yalonjelamwo omundu, khwikondo liaNyasaye nilio eliaya mukholelamwo; 2omusaatsa nende omukhasi, nabalonga; nabaheelesia ikhabi, nabakulikha eliira liabwe mbu Adamu, khunyanga eya balonjelwamwo.
3Adamu nayindila emiyika eshikhumi nende amakhumi kataru, niyeebula omwana khwikondo lilie omwene, khukhufwanakhwe; namukulikha eliira mbu Setsi; 4netsindaalo tsiaAdamu niyeebuule Setsi chiali emiyika ebikhumi munaane; niyeebula abaana abasiani nende abakhaana. 5Netsindaalo tsiosi etsia Adamu yayindila tsiahela emiyika ebikhumi shienda nende amakhumi kataru; mana nafwa.
6Naye Setsi yayindila emiyika eshikhumi nende chiraano, niyeebula Enoshi; 7Setsi niyeebuule Enoshi, yayindila emiyika ebikhumi munaane nende musaafu, niyeebula abaana abasiani nende abakhaana. 8Netsindaalo tsiosi tsiaSetsi tsiahela emiyika ebikhumi shienda nende ekhumi nachibili; mana nafwa.
9Naye Enoshi yayindila emiyika amakhumi shienda, niyeebula Kenani; 10Enoshi niyeebuule Kenani yayindila emiyika ebikhumi munaane nende ekhumi nachiraano, niyeebula abaana abasiani nende abakhaana. 11Netsindaalo tsiosi tsiaEnoshi tsiahela emiyika ebikhumi shienda nachiraano; mana nafwa.
12Naye Kenani yayindila emiyika amakhumi musaafu, niyeebula Mahalaleli; 13Kenani niyeebuule Mahalaleli yayindila emiyika ebikhumi munaane nende amakhumi kane; niyeebula abaana abasiani nende abakhaana; 14netsindaalo tsiosi tsiaKenani tsiahela emiyika ebikhumi shienda nende likhumi; mana nafwa.
15Naye Mahalaleli yayindila emiyika amakhumi kasasaba nachiraano, niyeebula Yaredi; 16Mahalaleli niyeebuule Yaredi yayindila emiyika ebikhumi munaane nende aunakhumi kataru, niyeebula abaana abasiani nende abakhaana; 17netsindaalo tsiosi tsiaMahalaleli tsiahela emiyika ebikhumi munaane nende amakhumi shienda nachiraano; mana nafwa.
18Naye Yaredi yayindila emiyika eshikhumi nende amakhumi kasasaba nachibili, niyeebula Enoka; 19Yaredi niyeebuule Enoka yayindila emiyika ebikhumi munaane, niyeebula abaana abasiani nende abakhaana; 20netsindaalo tsiosi tsiaYaredi tsiahela emiyika ebikhumi shienda nende amakhumi kasasaba nachibili; mana nafwa.
21Naye Enoka yayindila emiyika amakhumi kasasaba nachiraano, niyeebula Metsusela; 22Enoka niyeebuule Metsusela yachendela halala nende Nyasaye emiyika ebikhumi bitaru, niyeebula abaana abasiani nende abakhaana. 23Netsindaalo tsiosi tsiaEnoka tsiahela emiyika ebikhumi bitaru nende amakhumi kasasaba nachiraano; 24Enoka yachendanga halala nende Nyasaye; mana shiyamala nabaho ta; okhuba Nyasaye yamubukula.
25Naye Metsusela yayindila emiyika eshikhumi nende amakhumi munaane namusaafu niyeebula Lamekhu; 26Metsusela niyeebuule Lamekhu yayindila emiyika ebikhumi musaafu nende amakhumi munaane nachibili, niyeebula abaana abasiani nende abakhaana; 27netsindaalo tsiosi tsiaMetsusela tsiahela emiyika ebikhumi shienda nende amakhumi kasasaba nashienda; mana nafwa.
28Naye Lamekhu yayindila emiyika eshikhumi nende amakhumi munaane nachibili, niyeebula omwana omusiani. 29Namukulikha eliiralie mbu Noa, naboola ari Niye oulakhuleminjia emioyo khulwa emilimo chieefwe khandi khulwa okhunyakhana khwemikhono chieefwe, khulwa liloba lino elia OMWAMI yarumbula mbu lili mushilaamo shiobubii. 30Lamekhu niyeebuule Noa yayindila emiyika ebikhumi biraano nende amakhumi shienda nende chiraano, niyeebula abaana abasiani nende abakhaana; 31netsindaalo tsiosi tsiaLamekhu tsiahela emiyika ebikhumi musaafu nende amakhumi musaafu nende musaafu; mana nafwa.
32Noa naye yali owemiyika ebikhumi biraano; mana Noa niyeebula Shemu, nende Hamu, nende Yafetsi.
ទើបបានជ្រើសរើសហើយ៖
Genesis 5: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Genesis 5
5
Tsinzibulo tsiaAdamu
(1 Akets. 1.1-4)
1Kano niko amahandiiko ketsinzibulo tsiaAdamu. Khunyanga eyo eya Nyasaye yalonjelamwo omundu, khwikondo liaNyasaye nilio eliaya mukholelamwo; 2omusaatsa nende omukhasi, nabalonga; nabaheelesia ikhabi, nabakulikha eliira liabwe mbu Adamu, khunyanga eya balonjelwamwo.
3Adamu nayindila emiyika eshikhumi nende amakhumi kataru, niyeebula omwana khwikondo lilie omwene, khukhufwanakhwe; namukulikha eliira mbu Setsi; 4netsindaalo tsiaAdamu niyeebuule Setsi chiali emiyika ebikhumi munaane; niyeebula abaana abasiani nende abakhaana. 5Netsindaalo tsiosi etsia Adamu yayindila tsiahela emiyika ebikhumi shienda nende amakhumi kataru; mana nafwa.
6Naye Setsi yayindila emiyika eshikhumi nende chiraano, niyeebula Enoshi; 7Setsi niyeebuule Enoshi, yayindila emiyika ebikhumi munaane nende musaafu, niyeebula abaana abasiani nende abakhaana. 8Netsindaalo tsiosi tsiaSetsi tsiahela emiyika ebikhumi shienda nende ekhumi nachibili; mana nafwa.
9Naye Enoshi yayindila emiyika amakhumi shienda, niyeebula Kenani; 10Enoshi niyeebuule Kenani yayindila emiyika ebikhumi munaane nende ekhumi nachiraano, niyeebula abaana abasiani nende abakhaana. 11Netsindaalo tsiosi tsiaEnoshi tsiahela emiyika ebikhumi shienda nachiraano; mana nafwa.
12Naye Kenani yayindila emiyika amakhumi musaafu, niyeebula Mahalaleli; 13Kenani niyeebuule Mahalaleli yayindila emiyika ebikhumi munaane nende amakhumi kane; niyeebula abaana abasiani nende abakhaana; 14netsindaalo tsiosi tsiaKenani tsiahela emiyika ebikhumi shienda nende likhumi; mana nafwa.
15Naye Mahalaleli yayindila emiyika amakhumi kasasaba nachiraano, niyeebula Yaredi; 16Mahalaleli niyeebuule Yaredi yayindila emiyika ebikhumi munaane nende aunakhumi kataru, niyeebula abaana abasiani nende abakhaana; 17netsindaalo tsiosi tsiaMahalaleli tsiahela emiyika ebikhumi munaane nende amakhumi shienda nachiraano; mana nafwa.
18Naye Yaredi yayindila emiyika eshikhumi nende amakhumi kasasaba nachibili, niyeebula Enoka; 19Yaredi niyeebuule Enoka yayindila emiyika ebikhumi munaane, niyeebula abaana abasiani nende abakhaana; 20netsindaalo tsiosi tsiaYaredi tsiahela emiyika ebikhumi shienda nende amakhumi kasasaba nachibili; mana nafwa.
21Naye Enoka yayindila emiyika amakhumi kasasaba nachiraano, niyeebula Metsusela; 22Enoka niyeebuule Metsusela yachendela halala nende Nyasaye emiyika ebikhumi bitaru, niyeebula abaana abasiani nende abakhaana. 23Netsindaalo tsiosi tsiaEnoka tsiahela emiyika ebikhumi bitaru nende amakhumi kasasaba nachiraano; 24Enoka yachendanga halala nende Nyasaye; mana shiyamala nabaho ta; okhuba Nyasaye yamubukula.
25Naye Metsusela yayindila emiyika eshikhumi nende amakhumi munaane namusaafu niyeebula Lamekhu; 26Metsusela niyeebuule Lamekhu yayindila emiyika ebikhumi musaafu nende amakhumi munaane nachibili, niyeebula abaana abasiani nende abakhaana; 27netsindaalo tsiosi tsiaMetsusela tsiahela emiyika ebikhumi shienda nende amakhumi kasasaba nashienda; mana nafwa.
28Naye Lamekhu yayindila emiyika eshikhumi nende amakhumi munaane nachibili, niyeebula omwana omusiani. 29Namukulikha eliiralie mbu Noa, naboola ari Niye oulakhuleminjia emioyo khulwa emilimo chieefwe khandi khulwa okhunyakhana khwemikhono chieefwe, khulwa liloba lino elia OMWAMI yarumbula mbu lili mushilaamo shiobubii. 30Lamekhu niyeebuule Noa yayindila emiyika ebikhumi biraano nende amakhumi shienda nende chiraano, niyeebula abaana abasiani nende abakhaana; 31netsindaalo tsiosi tsiaLamekhu tsiahela emiyika ebikhumi musaafu nende amakhumi musaafu nende musaafu; mana nafwa.
32Noa naye yali owemiyika ebikhumi biraano; mana Noa niyeebula Shemu, nende Hamu, nende Yafetsi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975