Genesis 4
4
Kaini nende Abeli
1Adamu naba nende Hawa omukhasiwe; naye nahela inda, niyeebula Kaini, naboola ari Enyoolile omwana oweshisaatsa khulwa obukhoonyi bwOMWAMI. 2Olunyuma khandi niyeebula Abeli omwana wabwe. Naye Abeli yali omwayi wamakondi, ne Kaini yali omulimi weliloba. 3Ne olunyuma lwetsindaalo Kaini yamala naleerela OMWAMI ebiamo bieliloba khulwa omusango. 4Abeli naye naleera ebimeeme biambeli ebiomurukokwe nende amasinya kabio. OMWAMI nafuchiilila Abeli nende omusangokwe; 5ne shiyafuchiilila Kaini nomusango kukwe tawe. Oburima nibuhamba Kaini muno, mana nakhuunia mumoni. 6OMWAMI nareeba Kaini ari Oburima bukhuhambile mbushi? Khandi olwashiina nokhuuniye mumoni? 7Noba nokhola obulayi, shinofuchiililwe? Ne noba norakhola obulayi ta, kho obwonooni bukhukonesheele hamuliango; obwikombi bwabwo buli khwiwe; ne okhoyile okhubeetsanga nende oburuchi khubwo.
8Kaini naboolela Abeli omwana wabwe ari Chenda khutsie mumukunda. Kho olwa bali mumukunda bosi, Kaini namurulilakhwo Abeli omwana wabwe, namwira. 9OMWAMI nareeba Kaini ari Omwana weenywe Abeli ali heena? Naye namukalusia ari Shimanya tawe; endi omulindi womwana weefwe noho? 10Naboola ari Okholile orie iwe? Omwoyo kwamabanga komwana weenywe kuhaabilanga okhurula khwiloba. 11Kho bulaano oli mushilaamo shiobubii eshikhwahukhasia nende liloba eliasaame omunwa kwalio okhunyoola amabanga komwana weenywe akarulile mumukhonokwo; 12okhurula olwa leelo, olwa olhna liloba, shililakhuheelesinjia amaani kalio tawe; obeetsenje omuboyaboyi notiimatiima khushibala. 13Kaini nasunjila OMWAMI ari Aka ndichemeele namakhongo aka ndaranyala okhwifwila ta. 14Lola, unzilusiye inyanga yino khwiloba; khandi ndalashingungwa okhukhulola; ndalabeetsanga omuboyaboyi nindiimatiima khushibala; khandi kalabeetsanga mbu ounyoola alanzira. 15OMWAMI namuboolela ari Niko akachila oulimwira Kaini, alimalilwakhwo eshikwoli khandi musaafu. OMWAMI naheelesia Kaini eshilolelo, mbu omundu yesi oumunyoola aleshe okhumwira.
16Kaini narula ewa OMWAMI yali, namenya mushialo shiaNodi khulubeka Iwebukwe lwaEdeni. 17Kaini naba nende omukhasiwe; naye nahela inda niyeebula Enoka; mana Kaini niyoombakha olukala, nakulikha olukala olwo mbu Enoka, khuliira liomwanawe. 18Naye Enoka yeebula Iradi; Iradi niyeebula Mehuyaeli; Mehuyaeli niyeebula Metushaeli; Metushaeli niyeebula Lamekhu.
19Naye Lamekhu naleera abakhasi babili; ameera kabwe, mulala mbu Ada, oundi mbu Zila. 20Ada niyeebula Yabali; niye kuuka wa abo abamenya mumaheema, abemiruko. 21Neliira liomusiani wabwe niye Yubali; niye kuuka wabakhupi bobukhana nende lilele bosi. 22Naye Zila yesi niyeebula Tubalikaini, omwibaali wobwiraanyi bwemikasa nende ebibia; khandi omukhaana wabwe Tubalikaini niye Naama.
23Lamekhu naboolela abakhasibe ari ada nende Zila, mumbulile omwoyo kwanje;
inywe abakhasi baLamekhu, murechelesie amarwi khumasungo kanje;
okhuba enzirile omundu khulwa okhufumira,
omusooliili khulwa okhu'khupa emichishila.
24Kaini naba nali okhumalilwa eshikwoli khandi musaafu,
kho Lamekhu khandi amakhumi musaafu namusaafu.
Tsinzibulo tsiaSetsi
25Adamu naba nende omukhasiwe khandi; niyeebula omwana omusiani, namukulikha eliira mbu Setsi; ari Okhuba Nyasaye areelehol khulwanje olwibulo lundi mushilenje shiaAbeli; shichila Kaini yamwira. 26Naye Setsi yesi yeebula omwana omusiani, namukulikha eliira mbu Enoshi; mana abandu nibachaaka okhwikayakaya khuliira liaOMWAMI.
ទើបបានជ្រើសរើសហើយ៖
Genesis 4: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Genesis 4
4
Kaini nende Abeli
1Adamu naba nende Hawa omukhasiwe; naye nahela inda, niyeebula Kaini, naboola ari Enyoolile omwana oweshisaatsa khulwa obukhoonyi bwOMWAMI. 2Olunyuma khandi niyeebula Abeli omwana wabwe. Naye Abeli yali omwayi wamakondi, ne Kaini yali omulimi weliloba. 3Ne olunyuma lwetsindaalo Kaini yamala naleerela OMWAMI ebiamo bieliloba khulwa omusango. 4Abeli naye naleera ebimeeme biambeli ebiomurukokwe nende amasinya kabio. OMWAMI nafuchiilila Abeli nende omusangokwe; 5ne shiyafuchiilila Kaini nomusango kukwe tawe. Oburima nibuhamba Kaini muno, mana nakhuunia mumoni. 6OMWAMI nareeba Kaini ari Oburima bukhuhambile mbushi? Khandi olwashiina nokhuuniye mumoni? 7Noba nokhola obulayi, shinofuchiililwe? Ne noba norakhola obulayi ta, kho obwonooni bukhukonesheele hamuliango; obwikombi bwabwo buli khwiwe; ne okhoyile okhubeetsanga nende oburuchi khubwo.
8Kaini naboolela Abeli omwana wabwe ari Chenda khutsie mumukunda. Kho olwa bali mumukunda bosi, Kaini namurulilakhwo Abeli omwana wabwe, namwira. 9OMWAMI nareeba Kaini ari Omwana weenywe Abeli ali heena? Naye namukalusia ari Shimanya tawe; endi omulindi womwana weefwe noho? 10Naboola ari Okholile orie iwe? Omwoyo kwamabanga komwana weenywe kuhaabilanga okhurula khwiloba. 11Kho bulaano oli mushilaamo shiobubii eshikhwahukhasia nende liloba eliasaame omunwa kwalio okhunyoola amabanga komwana weenywe akarulile mumukhonokwo; 12okhurula olwa leelo, olwa olhna liloba, shililakhuheelesinjia amaani kalio tawe; obeetsenje omuboyaboyi notiimatiima khushibala. 13Kaini nasunjila OMWAMI ari Aka ndichemeele namakhongo aka ndaranyala okhwifwila ta. 14Lola, unzilusiye inyanga yino khwiloba; khandi ndalashingungwa okhukhulola; ndalabeetsanga omuboyaboyi nindiimatiima khushibala; khandi kalabeetsanga mbu ounyoola alanzira. 15OMWAMI namuboolela ari Niko akachila oulimwira Kaini, alimalilwakhwo eshikwoli khandi musaafu. OMWAMI naheelesia Kaini eshilolelo, mbu omundu yesi oumunyoola aleshe okhumwira.
16Kaini narula ewa OMWAMI yali, namenya mushialo shiaNodi khulubeka Iwebukwe lwaEdeni. 17Kaini naba nende omukhasiwe; naye nahela inda niyeebula Enoka; mana Kaini niyoombakha olukala, nakulikha olukala olwo mbu Enoka, khuliira liomwanawe. 18Naye Enoka yeebula Iradi; Iradi niyeebula Mehuyaeli; Mehuyaeli niyeebula Metushaeli; Metushaeli niyeebula Lamekhu.
19Naye Lamekhu naleera abakhasi babili; ameera kabwe, mulala mbu Ada, oundi mbu Zila. 20Ada niyeebula Yabali; niye kuuka wa abo abamenya mumaheema, abemiruko. 21Neliira liomusiani wabwe niye Yubali; niye kuuka wabakhupi bobukhana nende lilele bosi. 22Naye Zila yesi niyeebula Tubalikaini, omwibaali wobwiraanyi bwemikasa nende ebibia; khandi omukhaana wabwe Tubalikaini niye Naama.
23Lamekhu naboolela abakhasibe ari ada nende Zila, mumbulile omwoyo kwanje;
inywe abakhasi baLamekhu, murechelesie amarwi khumasungo kanje;
okhuba enzirile omundu khulwa okhufumira,
omusooliili khulwa okhu'khupa emichishila.
24Kaini naba nali okhumalilwa eshikwoli khandi musaafu,
kho Lamekhu khandi amakhumi musaafu namusaafu.
Tsinzibulo tsiaSetsi
25Adamu naba nende omukhasiwe khandi; niyeebula omwana omusiani, namukulikha eliira mbu Setsi; ari Okhuba Nyasaye areelehol khulwanje olwibulo lundi mushilenje shiaAbeli; shichila Kaini yamwira. 26Naye Setsi yesi yeebula omwana omusiani, namukulikha eliira mbu Enoshi; mana abandu nibachaaka okhwikayakaya khuliira liaOMWAMI.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975