Genesis 3
3
Okhukwa khwabandu
1Ne inzokha yali injesichesi okhuyomba shia eshilamu eshiomushitsiimi eshia OMWAMI Nyasaye yali nalonjile. Niyireeba omukhasi yiri Nitoto, mbu Nyasaye yamubooleele mbu shimulaliitsangakhwo khushia omusaala kwosi okwomumukunda, ta? 2Omukhasi nakalusia inzokha ari Khubiamo biemisaala chiomumukunda, khuliitsenjekhwo; 3ne khubiamo biomusaala okuli hakari womukunda, Nyasaye yasunjile ari Murabilia kata okhutiilakhwo tawe; mwakhafwa. 4Inzokha niyiboolela omukhasi yiri Okhufwa shimulafwa tawe; 5okhuba Nyasaye yamanya mbu khunyanga eya mulaliakhwo, tsimoni tsieenywe tsilalaba, nimuba shinga Nyasaye, nimumanya amalayi nende amabii. 6Nolwa omukhasi yalola omusaala nikuli omulayi khulwa ebiliibwa, khandi nikunyonya tsimoni, khandi mbu nomusaala okwenyekha khulwa okhuchesihasia, yabukulakhwo khubiamo biakwo, nalia; naheelesiakhwo omusaatsawe, yesi nalia. 7Mana tsimoni tsiabwe bombi tsialaba, nibamanya shinga olwa bali eshihechenye; nibanaba amasaafu kemikhuyu nibeeboha.
8Nibahulila omwoyo kwOMWAMI Nyasaye nachendanga mumukunda isi niyakhanyirakhwo; Adamu nende omukhasiwe nibeebisila OMWAMI Nyasaye mumisaala echiomumukunda. 9OMWAMI Nyasaye nalanga Adamu, namureeba ari Oli heena? 10Naye nakalusia ari Embuliile omwoyokwo mumukunda, niria, okhuba embeele eshihechenye; mananindibisa. 11Nayenareeba ari Niwina oukhubooleele shinga olwa oli eshihechenye? Oliilekhwo khumusaala okwa ndakhukaania mbu oraliakhwo ta, noho? 12Adamu naye ari Omukhasi owa wambeelesia mbu khumenye ninaye, niye oumbeelesiye khumusaala, mana nindia. 13OMWAMI Nyasaye nareeba omukhasi mbu Nelikhuwa shiina lino elia okholile? Omukhasi naboola ari Inzokha yingaatiye, nindia. 14OMWAMI Nyasaye narumbulila inzokha mbu
Olwa okholile likhuwa lino,
oli mushilaamo shiobubii eshikhwahukhasia nende tsisolo tsiosi,
nende shia eshilamu shiomushitsiimi;
olamoolanga nende indayo,
khandi olaliitsanga olufu tsindaalo tsiosi tsiobulamubwo;
15khandi ndalaraho obusuku hakariwo nende omukhasi,
khandi nende hakari wolwibulolwo nende olwibulolwe;
lwo lulisasaaka omurwekwo,
nawe olimurema eshisiisiloshie.
16Naboolela omukhasi ari
Ndalameeta obunyakhanibwo nende okhuhela inda;
oleebulilanga abaana mukhunyakhana,
khandi obwikombibwo bulabeetsanga khumusaatsawo,
naye alakhurukanga.
17Narumbulila Adamu ari
Okhuba orechelesiye okhusunga khwomukhasiwo,
nolia khumusaala okwa ndakhukaania mbu Oraliakhwo tawe;
kho liloba lili mushilaamo shiobubii khuluIwo;
khulio olaliilanga mumunyakhano tsindaalo tsiosi tsiobulamubwo;
18khandi lilakhumelela tsisasaari nende amarakalu;
nawe olaliitsanga eliani eliomumukunda;
19muluchesi olwokhubwenibwo olaliitsangamwo ebiliibwa okhuula olwa olakalushila liloba;
shichila nilio elia warusibwamwo;
okhuba oli olufu,
khandi olikalushila olufu
20Adamu namukulikha omukhasiwe eliira mbu Hawa, shichila niye nyinabwe bosi abali mwoyo. 21OMWAMI Nyasaye nabakasilia Adamu nende omukhasiwe ebiifwalo biamaseelo nabafwalakhwo.
22OMWAMI Nyasaye nasunga ari Lole, omundu uno yeekholile shinga mulala khwifwe, okhumanya obulayi nende obubii; ne bulaano, mbu aleshe okhunyiila omukhonokwe abukulekhwo nende khumusaala kwobulamu, nalia nayindila obushia nobushia; 23kho OMWAMI Nyasaye yamurusia mumukunda kwaEdeni, mbu alime liloba elia yarusibwamwo. 24Kho yeelusia omundu oyo; naraho abakerubi khulubeka Iwebukwe Iwomukunda kwaEdeni, khandi olumemu Iwomulilo shinga olukanga olushiukhananga tsimbeka tsiosi, okhulinda injila eyitsia hamusaala kwobulamu.
ទើបបានជ្រើសរើសហើយ៖
Genesis 3: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975