Genesis 15
15
Nyasaye yalakana indakano nende Aburamu
1Inyuma wamakhuwa ako likhuwa liOMWAMI liamwitsila Aburamu mwibisulo; liri Oraria ta, Aburamu; nisie ingaboyo, khandi nende amataniko amakhongo muno. 2Aburamu naboola ari E Omwami NYASAYE, umba shiina, olwa endi butswa nimbula omwana, noyo oulilia obulaame mwitaala lianje niye Eliezeri omuDamasiko? 3Aburamu naboola mbu Iwe shiwayambeelesia olwibulo tawe; ne uno oweebulilwa mwitaala lianje niye owobulaame bwanje. 4Khandi lola, likhuwa liOMWAMI liamwitsila, liri Omundu uno shialaba owobulaamebwo tawe; ne omwenoyo oulirula munda yiyo omwene aliba owobulaame. 5Mana namurusia ebulafu, nasunga mbu Hengakhwo mwikulu obasie tsinyininyini, noba nonyala okhutsibasia; namusunjila ari Nolwa olwibulolwo luliba lurio. 6Naye nasuubilila muMWAMI; naye OMWAMI namubalila elienelo okhuba obulunjishi.
7Namuboolela mbu Nisie OMWAMI owakhurusia muUru liabaKalidayo mbu ekhuhe eshibala shino, shibe obulaamebwo. 8Naye nasunga ari E Omwami NYASAYE, emanyile khuli shiina shinga olwa shilaba obulaame bwanje? 9Namusunjila mbu Mbukulila imoosi yemiyika chitaru, nende imbusi inyafusi yemiyika chitaru, nende likondi limiiku liemiyika chitaru, nende lihuusi, nende omusosole kwelikuukuu. 10Liho yamubukulila ebio biosi, nabiarasia hakari, mana nabianza buli shitonye okhulekhasia nende eshindi; habula amanyonyi shiyakaarasia ta. 11Tsingosia nitsiishila khunyama, Aburamu natsiilusia.
12Mana olwa eliuba liali niliyeelanga, tsindoolo tsinyinji nitsimuyila Aburamune lola, oburii nibumuhamba, nende eshiilima eshikhongo. 13OMWAMI namuboolela Aburamu ari. Manya toto mbu olwibulolwo luliba olucheni mushialo eshirali shiabwe ta, nibabasiobela; nabo balibasandia emiyika ebikhumi bine; 14khandi lihanga elo elia balisiobela, ndilibayaasia; nolunyuma balirulamwo nende emiandu eminji. 15Nawe olilonda abakuukabo mumulembe; oliyabilwa mubuyindifu obulayi. 16Ne mulwibulo lwakhane balichelela hano khandi; shichila obumayaanu bwabaAmori kata bulaano bushili okhuusibwa.
17Nikaba mbu olwa eliuba liayeela, nishiikhola eshiilima, lola, oluchio olutuuma omwosi ndwolwo, nende eshichienga shiomulilo nishibiranga hakari webirundu ebio. 18Khunyanga eyo OMWAMI nakhola indakano nende Aburamu, nasunga mbu Emalile okhuheelesia olwibulolwo eshibala shino, okhurula khumwalo kweMisiri okhuula khumwalo omukali, nikwo omwalo kwaEufurate; 19abaKeni, nabaKenizi, nabaKadamoni, 20nabaHiti, nabaPerizi, nabaRefai 21nabaAmori, nabaKanaani, nabaGirigashi, nabaYebusi.
ទើបបានជ្រើសរើសហើយ៖
Genesis 15: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Genesis 15
15
Nyasaye yalakana indakano nende Aburamu
1Inyuma wamakhuwa ako likhuwa liOMWAMI liamwitsila Aburamu mwibisulo; liri Oraria ta, Aburamu; nisie ingaboyo, khandi nende amataniko amakhongo muno. 2Aburamu naboola ari E Omwami NYASAYE, umba shiina, olwa endi butswa nimbula omwana, noyo oulilia obulaame mwitaala lianje niye Eliezeri omuDamasiko? 3Aburamu naboola mbu Iwe shiwayambeelesia olwibulo tawe; ne uno oweebulilwa mwitaala lianje niye owobulaame bwanje. 4Khandi lola, likhuwa liOMWAMI liamwitsila, liri Omundu uno shialaba owobulaamebwo tawe; ne omwenoyo oulirula munda yiyo omwene aliba owobulaame. 5Mana namurusia ebulafu, nasunga mbu Hengakhwo mwikulu obasie tsinyininyini, noba nonyala okhutsibasia; namusunjila ari Nolwa olwibulolwo luliba lurio. 6Naye nasuubilila muMWAMI; naye OMWAMI namubalila elienelo okhuba obulunjishi.
7Namuboolela mbu Nisie OMWAMI owakhurusia muUru liabaKalidayo mbu ekhuhe eshibala shino, shibe obulaamebwo. 8Naye nasunga ari E Omwami NYASAYE, emanyile khuli shiina shinga olwa shilaba obulaame bwanje? 9Namusunjila mbu Mbukulila imoosi yemiyika chitaru, nende imbusi inyafusi yemiyika chitaru, nende likondi limiiku liemiyika chitaru, nende lihuusi, nende omusosole kwelikuukuu. 10Liho yamubukulila ebio biosi, nabiarasia hakari, mana nabianza buli shitonye okhulekhasia nende eshindi; habula amanyonyi shiyakaarasia ta. 11Tsingosia nitsiishila khunyama, Aburamu natsiilusia.
12Mana olwa eliuba liali niliyeelanga, tsindoolo tsinyinji nitsimuyila Aburamune lola, oburii nibumuhamba, nende eshiilima eshikhongo. 13OMWAMI namuboolela Aburamu ari. Manya toto mbu olwibulolwo luliba olucheni mushialo eshirali shiabwe ta, nibabasiobela; nabo balibasandia emiyika ebikhumi bine; 14khandi lihanga elo elia balisiobela, ndilibayaasia; nolunyuma balirulamwo nende emiandu eminji. 15Nawe olilonda abakuukabo mumulembe; oliyabilwa mubuyindifu obulayi. 16Ne mulwibulo lwakhane balichelela hano khandi; shichila obumayaanu bwabaAmori kata bulaano bushili okhuusibwa.
17Nikaba mbu olwa eliuba liayeela, nishiikhola eshiilima, lola, oluchio olutuuma omwosi ndwolwo, nende eshichienga shiomulilo nishibiranga hakari webirundu ebio. 18Khunyanga eyo OMWAMI nakhola indakano nende Aburamu, nasunga mbu Emalile okhuheelesia olwibulolwo eshibala shino, okhurula khumwalo kweMisiri okhuula khumwalo omukali, nikwo omwalo kwaEufurate; 19abaKeni, nabaKenizi, nabaKadamoni, 20nabaHiti, nabaPerizi, nabaRefai 21nabaAmori, nabaKanaani, nabaGirigashi, nabaYebusi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975