Genesis 14
14
Aburamu yamuhonia Loti
1Haho mundaalo tsiaAmurafeli omuruchi waShinari, Ariokho omuruchi waElasari, Khedorolaoma omuruchi waElamu, nende Tidali omuruchi WaGOimu, 2baseerana lihe nende Bera, omuruchi waSodomu, khandi nende Birisha omuruchi waGomora, Shinabu omuruchi waAdama, Shemeberi omuruchi waZeboimu, nende omuruchi waBela, nilio Zoari.
3Bano bosi nibahambana halala mwibanda liaSidimu, ne niyo Inyanza yOmuunyu. 4Bamusiobela Khedorolaoma emiyika ekhumi nachibili, mana mumuyika kwelikhumi nakhataru nibakhola induli. 5Mumuyika kwelikhumi nakhane Khedorolaoma natsia, nende abaruchi aba yali ninabo, nibabakhupa abaRefai eAshaterotsi Karanaimu, nende abaZuzi muHamu, nende abaEmi muShawe-kiriatsaimu, 6nende abaHori mushikulu shiabwe eSeiri, okhuula khuEleparani, eyili ahambi nende eshitsiimi. 7Kho nibakalukha niboola eEnemishipati, niyo Kadeshi; nibakhupa eshialo shiosi shiabaAmaleki, khandi nende eshiabaAmori, abamenya eHazazoni-tamari.
8Mana omuruchi waSodomu yarula, nomuruchi waGomora, nomuruchi waAdama, nomuruchi waZeboimu, nende omuruchi waBela, nilio Zoari; nibaanza amahe okhuseerana ninabo mwibandaa lieSidimu; 9okhuseerana nende Khedorolaoma omuruchi waElamu, naTidali omuruchi waGoimu, naAmurafeli omuruchi waShinari, nende Ariokho omuruchi waElasari; abaruchi bane nibaseerana nende baraano. 10Ne libanda lieSidimu lialimwo amatikho amanji keilami; abaruchi baSodomu nende Gomora nabo nibeelukha, nibakwayo, abatong'a nabo nibeelushila mushikulu. 11Mana nibayaaya emiandu chiosi chieSodomu nende Gomora, nende ebiokhulia biabwe, nibatsia. 12Nibamuhamba Loti, omwana womusiani wabwe Aburamu, owamenya eSodomu, nende emianduchie, nibeenyokha.
13Mana oundi niyeetsa owali niyeehonokooshe, namuboolela Aburamu omuHeburania; ne yali niyamenya ahambi nende emiruba chiaMamure omwAmori, omwana wabwe Eshekoli, khandi omwana wabwe Aneri; nabo bali nibalia omuuma nende Aburamu. 14Nolwa Aburamu yahulila amakhuwa mbu omwanawe yali nahambilwe, mana narusia abasumbabe, aba yeechesia, abeebulilwa mwitaalalie, ebikhumi bitaru nende ekhumi namunaane, nabalondachilila okhuula eDani. 15Ne mushilo yakabula abandube khu abo, ye omwene nende abasumbabe, kho nabakhupa muno, nabalondachilila okhuula eHoba, khulubeka lwomukhono mukhasi waDamasiko. 16Mana nakalusia emiandu chiosi, khandi namukalusia nende omwanawe Loti, nende emiandu chichie, nende abakhasi, nende abandu.
Melekisedeku yamusabila Aburamu ikhabi
17Ne omuruchi waSodomu narula okhumubukaanila olwa yali nacheleele narulile okhubeera Khedorolaoma nende abaruchi aba yali ninabo mwibanda lieShawe, nilio Libanda liOmuruchi. 18Naye Melekisedeku omuruchi waSalemu narusia omukaate nende idivai; ne niye omukuhani waNyasaye Ouli Ikulu Muno. 19Naye namusabila ikhabi, nasunga mbu
Aburamu aheebwe ikhabi yaNyasaye Ouli Ikulu Muno,
omwene likulu nende eshialo;
20ne Nyasaye Ouli Ikulu Muno yeetsoomibwe,
ouhaanile abasukubo mumukhonokwo.
Aburamu namuheelesia eshitonye shielikhumi mubiosi. 21Omuruchi waSodomu namuboolela Aburamu ari Umbeelesie abandu, nawe omwene obukule emiandu. 22Aburamu namusunjila omuruchi waSodomu mbu Isie emuchinguuliile omukhono kwanje OMWAMI, Nyasaye Ouli Ikulu Muno, omwene likulu nende eshibala, 23mbu shinyala okhubukulakhwo kata oluusi kata olutsaha Iweshilaaro kata shiosi shiosi eshili eshishio, kachile osunjenje mbu Emuyindihasiye Aburamu, tawe; 24habula ebio ebia abasooliili baliile, nende omukabo kwabandu aba ndatsiile ninabo; mbu Aneri nende Eshikoli nende Mamure, nabo babukule emikabo chiabwe.
ទើបបានជ្រើសរើសហើយ៖
Genesis 14: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Genesis 14
14
Aburamu yamuhonia Loti
1Haho mundaalo tsiaAmurafeli omuruchi waShinari, Ariokho omuruchi waElasari, Khedorolaoma omuruchi waElamu, nende Tidali omuruchi WaGOimu, 2baseerana lihe nende Bera, omuruchi waSodomu, khandi nende Birisha omuruchi waGomora, Shinabu omuruchi waAdama, Shemeberi omuruchi waZeboimu, nende omuruchi waBela, nilio Zoari.
3Bano bosi nibahambana halala mwibanda liaSidimu, ne niyo Inyanza yOmuunyu. 4Bamusiobela Khedorolaoma emiyika ekhumi nachibili, mana mumuyika kwelikhumi nakhataru nibakhola induli. 5Mumuyika kwelikhumi nakhane Khedorolaoma natsia, nende abaruchi aba yali ninabo, nibabakhupa abaRefai eAshaterotsi Karanaimu, nende abaZuzi muHamu, nende abaEmi muShawe-kiriatsaimu, 6nende abaHori mushikulu shiabwe eSeiri, okhuula khuEleparani, eyili ahambi nende eshitsiimi. 7Kho nibakalukha niboola eEnemishipati, niyo Kadeshi; nibakhupa eshialo shiosi shiabaAmaleki, khandi nende eshiabaAmori, abamenya eHazazoni-tamari.
8Mana omuruchi waSodomu yarula, nomuruchi waGomora, nomuruchi waAdama, nomuruchi waZeboimu, nende omuruchi waBela, nilio Zoari; nibaanza amahe okhuseerana ninabo mwibandaa lieSidimu; 9okhuseerana nende Khedorolaoma omuruchi waElamu, naTidali omuruchi waGoimu, naAmurafeli omuruchi waShinari, nende Ariokho omuruchi waElasari; abaruchi bane nibaseerana nende baraano. 10Ne libanda lieSidimu lialimwo amatikho amanji keilami; abaruchi baSodomu nende Gomora nabo nibeelukha, nibakwayo, abatong'a nabo nibeelushila mushikulu. 11Mana nibayaaya emiandu chiosi chieSodomu nende Gomora, nende ebiokhulia biabwe, nibatsia. 12Nibamuhamba Loti, omwana womusiani wabwe Aburamu, owamenya eSodomu, nende emianduchie, nibeenyokha.
13Mana oundi niyeetsa owali niyeehonokooshe, namuboolela Aburamu omuHeburania; ne yali niyamenya ahambi nende emiruba chiaMamure omwAmori, omwana wabwe Eshekoli, khandi omwana wabwe Aneri; nabo bali nibalia omuuma nende Aburamu. 14Nolwa Aburamu yahulila amakhuwa mbu omwanawe yali nahambilwe, mana narusia abasumbabe, aba yeechesia, abeebulilwa mwitaalalie, ebikhumi bitaru nende ekhumi namunaane, nabalondachilila okhuula eDani. 15Ne mushilo yakabula abandube khu abo, ye omwene nende abasumbabe, kho nabakhupa muno, nabalondachilila okhuula eHoba, khulubeka lwomukhono mukhasi waDamasiko. 16Mana nakalusia emiandu chiosi, khandi namukalusia nende omwanawe Loti, nende emiandu chichie, nende abakhasi, nende abandu.
Melekisedeku yamusabila Aburamu ikhabi
17Ne omuruchi waSodomu narula okhumubukaanila olwa yali nacheleele narulile okhubeera Khedorolaoma nende abaruchi aba yali ninabo mwibanda lieShawe, nilio Libanda liOmuruchi. 18Naye Melekisedeku omuruchi waSalemu narusia omukaate nende idivai; ne niye omukuhani waNyasaye Ouli Ikulu Muno. 19Naye namusabila ikhabi, nasunga mbu
Aburamu aheebwe ikhabi yaNyasaye Ouli Ikulu Muno,
omwene likulu nende eshialo;
20ne Nyasaye Ouli Ikulu Muno yeetsoomibwe,
ouhaanile abasukubo mumukhonokwo.
Aburamu namuheelesia eshitonye shielikhumi mubiosi. 21Omuruchi waSodomu namuboolela Aburamu ari Umbeelesie abandu, nawe omwene obukule emiandu. 22Aburamu namusunjila omuruchi waSodomu mbu Isie emuchinguuliile omukhono kwanje OMWAMI, Nyasaye Ouli Ikulu Muno, omwene likulu nende eshibala, 23mbu shinyala okhubukulakhwo kata oluusi kata olutsaha Iweshilaaro kata shiosi shiosi eshili eshishio, kachile osunjenje mbu Emuyindihasiye Aburamu, tawe; 24habula ebio ebia abasooliili baliile, nende omukabo kwabandu aba ndatsiile ninabo; mbu Aneri nende Eshikoli nende Mamure, nabo babukule emikabo chiabwe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975