Luk 14
14
Yeezu Naŋ Saŋ Dɔɔ Baala Kaŋ
1 #
Luk 6:6-11; 11:37 A Yeezu naŋ da gɛrɛ a Faraziimine neŋkpoŋ kaŋ yiri a pɛnnoo bebiri kaŋ daare ka O te di bondirii, ba da pigre O la a be. 2A lɛ poɔŋ, dɔɔ baala kaŋ eŋɛ naŋ mɔre da be la O niŋesogɔ. 3Ka a Yeezu da soore a bege baŋnema ane a Faraziimine, “Sori bebe la ka ba saŋ baala a pɛnnoo bebiri daare bee sori kyebe?.” 4Kyɛ ba da taŋɛɛ la. Lɛ la ka a Yeezu da de a dɔɔ baala a saŋ o kyɛ e ka o gɛrɛ. 5#Luk 13:15; Mat 12:11 A Yeezu pãã da leɛ soore ba la, “Yɛ buo soba la ka o bie bee o naadɛre na le bulee poɔ a pɛnnoo bebiri daare ka o koŋ page iri o a bulee poɔ?” 6Ba da ba toɔ̃ leɛ yeli yelzaa sɔge O a ama poɔ.
Sigruumilluu Ane Saanoŋ Yɛlɛ
7 #
Mat 23:6
O naŋ da wa nyɛ lɛ a tigri saama naŋ da kaa-iri a nembɛrɛ zenziiri, O da lɔɔ la sekpɔgre ko ba: 8“Ka neɛ kaŋ wa boɔle fo pɔgebeɛloŋ tigri zie, ta gaa te zeŋ a nembɛrɛ zenzie. Kaapɔge o boɔle la neŋkpoŋ kaŋ naŋ gaŋ fo; 9kyɛ a neɛ na naŋ boɔle yɛ zaa, na wa yeli ko fo la, ‘Iri kyɛ ko o a fo zie.’ Fo pãã na iri la ne vi sigi te zeŋ a nembilii zenzie. 10Kyɛ ka ba naŋ wa boɔle fo, gaa te zeŋ a nembilii zie, ka a neɛ naŋ boɔle fo wa wa, kaapɔge o na yeli ko fo la, ‘N ba, iri gaa zusogɔ kyɛ’; a lɛ fo pãã na nyɛ la yuori a fo lanzennemɛ zie. 11#Luk 18:14; Mat 23:12 Azuiŋ, banaŋ zaa naŋ duori bamenne, ba na sigri ba la, ka banaŋ meŋ naŋ sigri bamenne ka ba duori ba.”
12Yeezu da yeli ko la a neɛ na naŋ da boɔle O, “Ka fõõ wa maale tigri a boɔle noba, ta boɔle fo bamine bee fo yɔɔmine bee fo dɔgrebɔ bee fo laŋkpɛtaaba bee a bondaanema. Ka ba tɔɔ wa leɛ boɔle fo ka a yaa taa. 13#Begɛ 14:29 Kyɛ ka fõõ wa maale tigri, boɔle a nandaanema, gbɛrɛɛ, a wɔɔre ane a zɔnne. 14#Gyn 5:29 A lɛ, fo pãã na nyɛ la maaloo, bonso, ba naŋ kontoɔ̃ leɛ boɔle fo ka a yaa taa. Fo pãã na nyɛ la fo san-yɔɔ a saŋ na a nemmenne naŋ na leɛ-iri a kuuni poɔ.”
A Tig-kpoŋ Sekpɔgre
(Matio 22:1-10)
15 #
Luk 13:29
A tigri zie saana kaŋ naŋ da woŋ a ŋaa, o da yeli ko la a Yeezu, “Zunoɔ soba la neɛ na zaa naŋ na di diibu a Naaŋmen naaloŋ poɔ!” 16Lɛ la ka a Yeezu leɛ yeli ko o, “Neɛ kaŋ la da maale tig-kpoŋ a boɔle nen-yaga. 17A tigri diibu saŋ naŋ da wa ta, o da toŋ la o gbaŋgbaa ka o te yeli a banaŋ o naŋ boɔle, ‘Yɛ wa, bonso, a boma zaa nare baarɛɛ la.’ 18Kyɛ ka ba zaa piili terɛ gaafera. Ka a danwẽɛ soba yeli ko o, ‘N da la weɛ kaŋ, ka a fere ka N gaa te nyɛ. N sɔrɔ fo la, sage de a N gaafera.’ 19Ka a bayi soba yeli, ‘N da la naada-koɔre anuu, a gɛrɛ ka N te kaa nyɛ. Sɔroo la, sage a N gaafera.’ 20#1 Kor 7:33 Ka kaŋ meŋ yeli, ‘N de la pɔge daare yɛŋyɛŋ ŋa, a lɛ zuiŋ N kontoɔ̃ wa.’ 21Lɛ la ka a gbaŋgbaa leɛ gaa te yeli ko a o daana bonna ba naŋ yeli. A yidaandɔɔ suuri da iree la, ka o da yeli ko a gbaŋgbaa, ‘Yi wieũ zaa, a gaa a yie foɔle ane a sobilii zu a te taa a nandaanema, a gbɛrɛɛ, a zɔnne ane a wɔɔre kpɛ wa ne a kyɛ.’ 22Ka a gbaŋgbaa leɛ wa yeli, ‘Daana, N e la a lɛ fo naŋ yeli ka N e, kyɛ zie naŋ kyɛrɛɛ la.’ 23Lɛ la ka a daana pãã yeli ko a gbaŋgbaa, ‘Yi gaa a sobilii zu ane a foɔle poore a te fere a noba ka ba kpɛ wa ka a N yiri paale. 24Maa yeli ko yɛ, a nemboɔle na kanzaa koŋ lɛnne a N tigri bondirii.’ ”
A Yeezu Puori Tuubu Yɛlɛ
(Matio 10:37-38)
25Noba yaga da tuuro la a Yeezu, ka O da leɛ kyaare ba a yeli: 26#Begɛ 33:9-10; Luk 18:29-30 “Soba na zaa naŋ waana N zie kyɛ ba kyiiri o saa ane o ma, o pɔge ane o biiri, o yɔɔmine ane o yɔɔpuuli, ane o meŋɛ, o soba koŋ baŋ e N potuuro. 27#Luk 9:23 Soba na zaa naŋ ba tuo o dagaraa tuuro ne ma, koŋ baŋ e N potuuro. 28A yɛ buo soba la na boɔrɔ ka o mɛ yiri, a koŋ daŋ zeŋ a peɛre a yiri meɛbo zaa sane a nyɛ, ka o taa la libie naŋ na baŋ mɛ a yiri te baare? 29Ka lɛ naane, ka o naŋ wa biŋ a yiri pare kyɛ ba toɔ̃ mɛ o zaa baare, a noba na zaa naŋ nyɛ lɛ na laara o la, 30a yele, ‘A soba ŋa da piili la ka o mɛ yiri kyɛ ba toɔ̃ mɛ o zaa baare.’ 31Bee, na-buo la na yire tammo ne o na-tɔsoba kaŋ, a koŋ daŋ zeŋ kyɛ kaa nyɛ ka a o zɔɔzɔɔreba tur-pie o naŋ taa na toɔ̃ zɔɔ ne la a naa na zɔɔzɔɔreba turi lezare? 32Ka o naŋ wa nyɛ ka o kontoɔ̃, o na toŋ la noba ka ba gaa te pɔge a naa ŋa naŋ naŋ be tɔɔre zaa, a lɔɔ tampɛloŋ. 33Azuiŋ, yɛ kanzaa koŋ baŋ e N potuuro ka o soba ba bare a boma zaa o naŋ taa.
Nyɛnnoo Yɛlɛ
(Matio 5:13; Mak 9:50)
34 #
Mat 5:13; Mak 9:50 “Nyɛnnoo soma la, kyɛ ka a nyɛnnoo noɔŋ wa yi, wola ka ba na e ka a leɛ noma? 35A koŋ taa tɔnɔ a tɛne poɔ bee a tampuori zu. Ba na de a la lɔɔ bare. Soba na zaa naŋ taa tobo, o kyɛlle woŋ!”
ទើបបានជ្រើសរើសហើយ៖
Luk 14: DGA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Dagaare First Bible © The Bible Society of Ghana, 2025.
Luk 14
14
Yeezu Naŋ Saŋ Dɔɔ Baala Kaŋ
1 #
Luk 6:6-11; 11:37 A Yeezu naŋ da gɛrɛ a Faraziimine neŋkpoŋ kaŋ yiri a pɛnnoo bebiri kaŋ daare ka O te di bondirii, ba da pigre O la a be. 2A lɛ poɔŋ, dɔɔ baala kaŋ eŋɛ naŋ mɔre da be la O niŋesogɔ. 3Ka a Yeezu da soore a bege baŋnema ane a Faraziimine, “Sori bebe la ka ba saŋ baala a pɛnnoo bebiri daare bee sori kyebe?.” 4Kyɛ ba da taŋɛɛ la. Lɛ la ka a Yeezu da de a dɔɔ baala a saŋ o kyɛ e ka o gɛrɛ. 5#Luk 13:15; Mat 12:11 A Yeezu pãã da leɛ soore ba la, “Yɛ buo soba la ka o bie bee o naadɛre na le bulee poɔ a pɛnnoo bebiri daare ka o koŋ page iri o a bulee poɔ?” 6Ba da ba toɔ̃ leɛ yeli yelzaa sɔge O a ama poɔ.
Sigruumilluu Ane Saanoŋ Yɛlɛ
7 #
Mat 23:6
O naŋ da wa nyɛ lɛ a tigri saama naŋ da kaa-iri a nembɛrɛ zenziiri, O da lɔɔ la sekpɔgre ko ba: 8“Ka neɛ kaŋ wa boɔle fo pɔgebeɛloŋ tigri zie, ta gaa te zeŋ a nembɛrɛ zenzie. Kaapɔge o boɔle la neŋkpoŋ kaŋ naŋ gaŋ fo; 9kyɛ a neɛ na naŋ boɔle yɛ zaa, na wa yeli ko fo la, ‘Iri kyɛ ko o a fo zie.’ Fo pãã na iri la ne vi sigi te zeŋ a nembilii zenzie. 10Kyɛ ka ba naŋ wa boɔle fo, gaa te zeŋ a nembilii zie, ka a neɛ naŋ boɔle fo wa wa, kaapɔge o na yeli ko fo la, ‘N ba, iri gaa zusogɔ kyɛ’; a lɛ fo pãã na nyɛ la yuori a fo lanzennemɛ zie. 11#Luk 18:14; Mat 23:12 Azuiŋ, banaŋ zaa naŋ duori bamenne, ba na sigri ba la, ka banaŋ meŋ naŋ sigri bamenne ka ba duori ba.”
12Yeezu da yeli ko la a neɛ na naŋ da boɔle O, “Ka fõõ wa maale tigri a boɔle noba, ta boɔle fo bamine bee fo yɔɔmine bee fo dɔgrebɔ bee fo laŋkpɛtaaba bee a bondaanema. Ka ba tɔɔ wa leɛ boɔle fo ka a yaa taa. 13#Begɛ 14:29 Kyɛ ka fõõ wa maale tigri, boɔle a nandaanema, gbɛrɛɛ, a wɔɔre ane a zɔnne. 14#Gyn 5:29 A lɛ, fo pãã na nyɛ la maaloo, bonso, ba naŋ kontoɔ̃ leɛ boɔle fo ka a yaa taa. Fo pãã na nyɛ la fo san-yɔɔ a saŋ na a nemmenne naŋ na leɛ-iri a kuuni poɔ.”
A Tig-kpoŋ Sekpɔgre
(Matio 22:1-10)
15 #
Luk 13:29
A tigri zie saana kaŋ naŋ da woŋ a ŋaa, o da yeli ko la a Yeezu, “Zunoɔ soba la neɛ na zaa naŋ na di diibu a Naaŋmen naaloŋ poɔ!” 16Lɛ la ka a Yeezu leɛ yeli ko o, “Neɛ kaŋ la da maale tig-kpoŋ a boɔle nen-yaga. 17A tigri diibu saŋ naŋ da wa ta, o da toŋ la o gbaŋgbaa ka o te yeli a banaŋ o naŋ boɔle, ‘Yɛ wa, bonso, a boma zaa nare baarɛɛ la.’ 18Kyɛ ka ba zaa piili terɛ gaafera. Ka a danwẽɛ soba yeli ko o, ‘N da la weɛ kaŋ, ka a fere ka N gaa te nyɛ. N sɔrɔ fo la, sage de a N gaafera.’ 19Ka a bayi soba yeli, ‘N da la naada-koɔre anuu, a gɛrɛ ka N te kaa nyɛ. Sɔroo la, sage a N gaafera.’ 20#1 Kor 7:33 Ka kaŋ meŋ yeli, ‘N de la pɔge daare yɛŋyɛŋ ŋa, a lɛ zuiŋ N kontoɔ̃ wa.’ 21Lɛ la ka a gbaŋgbaa leɛ gaa te yeli ko a o daana bonna ba naŋ yeli. A yidaandɔɔ suuri da iree la, ka o da yeli ko a gbaŋgbaa, ‘Yi wieũ zaa, a gaa a yie foɔle ane a sobilii zu a te taa a nandaanema, a gbɛrɛɛ, a zɔnne ane a wɔɔre kpɛ wa ne a kyɛ.’ 22Ka a gbaŋgbaa leɛ wa yeli, ‘Daana, N e la a lɛ fo naŋ yeli ka N e, kyɛ zie naŋ kyɛrɛɛ la.’ 23Lɛ la ka a daana pãã yeli ko a gbaŋgbaa, ‘Yi gaa a sobilii zu ane a foɔle poore a te fere a noba ka ba kpɛ wa ka a N yiri paale. 24Maa yeli ko yɛ, a nemboɔle na kanzaa koŋ lɛnne a N tigri bondirii.’ ”
A Yeezu Puori Tuubu Yɛlɛ
(Matio 10:37-38)
25Noba yaga da tuuro la a Yeezu, ka O da leɛ kyaare ba a yeli: 26#Begɛ 33:9-10; Luk 18:29-30 “Soba na zaa naŋ waana N zie kyɛ ba kyiiri o saa ane o ma, o pɔge ane o biiri, o yɔɔmine ane o yɔɔpuuli, ane o meŋɛ, o soba koŋ baŋ e N potuuro. 27#Luk 9:23 Soba na zaa naŋ ba tuo o dagaraa tuuro ne ma, koŋ baŋ e N potuuro. 28A yɛ buo soba la na boɔrɔ ka o mɛ yiri, a koŋ daŋ zeŋ a peɛre a yiri meɛbo zaa sane a nyɛ, ka o taa la libie naŋ na baŋ mɛ a yiri te baare? 29Ka lɛ naane, ka o naŋ wa biŋ a yiri pare kyɛ ba toɔ̃ mɛ o zaa baare, a noba na zaa naŋ nyɛ lɛ na laara o la, 30a yele, ‘A soba ŋa da piili la ka o mɛ yiri kyɛ ba toɔ̃ mɛ o zaa baare.’ 31Bee, na-buo la na yire tammo ne o na-tɔsoba kaŋ, a koŋ daŋ zeŋ kyɛ kaa nyɛ ka a o zɔɔzɔɔreba tur-pie o naŋ taa na toɔ̃ zɔɔ ne la a naa na zɔɔzɔɔreba turi lezare? 32Ka o naŋ wa nyɛ ka o kontoɔ̃, o na toŋ la noba ka ba gaa te pɔge a naa ŋa naŋ naŋ be tɔɔre zaa, a lɔɔ tampɛloŋ. 33Azuiŋ, yɛ kanzaa koŋ baŋ e N potuuro ka o soba ba bare a boma zaa o naŋ taa.
Nyɛnnoo Yɛlɛ
(Matio 5:13; Mak 9:50)
34 #
Mat 5:13; Mak 9:50 “Nyɛnnoo soma la, kyɛ ka a nyɛnnoo noɔŋ wa yi, wola ka ba na e ka a leɛ noma? 35A koŋ taa tɔnɔ a tɛne poɔ bee a tampuori zu. Ba na de a la lɔɔ bare. Soba na zaa naŋ taa tobo, o kyɛlle woŋ!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Dagaare First Bible © The Bible Society of Ghana, 2025.