Luk 13
13
Yɛ Leɛ Yɛ Eebo Bee Ka Yɛ Wɛ
1A saŋ na meŋɛ poɔ la ka noba mine naŋ da be a be da yeli ko a Yeezu lɛnɛɛ Pilato naŋ da ko a Galili noba mine naŋ da maala bagre ka ba zẽẽ ne a donne zẽẽ da pulli taa. 2#Gyn 9:2 Ka a Yeezu soore ba, “Yɛ teɛre ka a Galili noba bama a zubie ŋa naŋ da pɔge da e la yelbe-erebɛ gaŋ a ba Galili taaba zaa be? 3#Yiel 7:12 Ai, maa yeli yɛ, ka yɛnee ba leɛ yɛ eebo, yɛ meŋ zaa na wɛ la aŋa ba naŋ da wɛ lɛ. 4Bee a noba pie ne banii na a Silom dankyin-kpoŋ naŋ da le ko; yɛ teɛre ka ba da e la faa yaga gaŋ a banaŋ zaa naŋ da kpeɛrɛ a Gyeruzɛlɛm poɔ be? 5Ai, maa yeli yɛ, ka yɛnee ba leɛ yɛ eebo, yɛ meŋ zaa na wɛ la aŋa ba naŋ da wɛ lɛ.”
Kaŋkanteɛ Naŋ Ba Wɔnɔ Sekpɔgre
6 #
Mat 21:19
Lɛ la ka a Yeezu da lɔɔ sekpɔgre ŋa, “Dɔɔ kaŋ la sɛle kaŋkanteɛ o dãã teere weɛ poɔ, a pãã da wa boɔrɔ wɔmɔ a teɛ zu kyɛ ba nyɛ wɔne zaa. 7Lɛ la ka o da yeli ko a neɛ na naŋ kaara a dãã teere weɛ zu, ‘Nyɛ! Yuomo ata la ŋaa ka N maŋ wa a na pɔre wɔmɔ a kaŋkanteɛ ŋa zu kyɛ daŋ ba nyɛ wɔne zaa. Kyɛ o lɔɔ bare! Bonso ka o na are pigi zie weɛlɛ.’ 8#2 Pit 3:9; 3:15 Ka a neɛ naŋ kaara a teere zu yeli ko o, ‘Neŋkpoŋ, vɛŋ ka a teɛ naŋ are yuon-yeni, ka N tu gɔlle o, a eŋ kuoluŋ. 9Ka o naŋ wa wɔŋ a yuoni kaŋ, a na soma la, kyɛ ka o naŋ ba wɔŋ, ka fo pãã kyɛ o bare.’ ”
Yeezu Naŋ Saŋ Pɔge Gbɛre Kaŋ
10A Yeezu da kanna la noba a puoruudie kaŋ poɔ a pɛnnoo bebiri daare. 11A lɛ poɔ la ka pɔge kaŋ sefaare naŋ da e ka o gbɛre yuomo pie ne anii da be a be. O eŋɛ da kɔɔ guree la, ka o da kontoɔ̃ dɔle o meŋɛ. 12A Yeezu naŋ da wa nyɛ o, O da boɔle o la ka o wa O zie, ka O yeli ko o, “Pɔge, a fo baaloŋ baarɛɛ la.” 13#Mak 7:32 A Yeezu naŋ da wa de O nuuri pare a pɔge zu la ka a o eŋɛ deɛ dɔle ka o iri are tori o zaa, a piili ire Naaŋmen yuori. 14Kyɛ a puoruudie neŋkpoŋ suuri da iree la yaga ne a Yeezu naŋ da saŋ a pɔge ŋa a pɛnnoo bebiri daare. Ka o da yele korɔ a noba, “Beri ayoɔbo la be a daa gbuli zaa poɔ ka neɛ na toɔ̃ toŋ toma. Azuiŋ, yɛ maŋ wa a bebie ama poɔ ka ba wa saŋ yɛ. Yɛ ta maŋ wa a pɛnnoo bebiri daare.” 15#Luk 14:5 Ka Yeezu yelsɔge o, “Yɛnee bampuori-kombampoɔ mine! Yɛ buo soba la ba maŋ yuo a o naadɛre bee a o boŋɔ ka o yi nyu koɔ̃ a pɛnnoo bebiri daare? 16#Luk 19:9 A ba seŋ ka a Aboraham pɔgeyaa ŋa Setaana naŋ leŋ yuomo pie ne anii ŋa zaa na nyɛ o faabo a pɛnnoo bebiri be?” 17A Yeezu naŋ da wa yeli a ŋaa, vi da kpɛ la a noba na zaa naŋ da kyiiri O, kyɛ ka a noba da kyellɛ ne a nɔmaa toma na zaa O naŋ da tonɔ.
Bombi-bile Sekpɔgre
(Matio 13:31-32; Mak 4:30-32)
18A lɛ la ka a Yeezu soore, “Wola ka a Naaŋmen naaloŋ waa? Boŋ ka N na de o manne ne? 19O waa ŋa badog-biri ka neɛ de bore o gaadin poɔ. Ka o baa a te leɛ teɛ ka nuuli wa wuo a kyogri o ulli#13:19Ulli: A Dagaaba mine maŋ boɔle la teɛ ulli ka Danuuri. zu.”
Dããbile Sekpɔgre
(Matio 13:33)
20A Yeezu da la soorɛɛ la, “Boŋ ka N na de manne ne a Naaŋmen naaloŋ? 21O waa ŋa dããbilɛ pɔge naŋ de bu ne zɔŋ ŋmannɔɛ ata ka a zɔŋ zaa iri pi.”
A Dendɔ-fogloo Yɛlɛ
(Matio 7:13-14, 21-23)
22A Yeezu naŋ da gɛrɛ Gyeruzɛlɛm, O da kpɛ la a teŋkponni ane a tembilii poore a kanna a noba gɛrɛ. 23Neɛ kaŋ da soore O la, “Daana, noba belãã la na nyɛ faabo be?” Ka O yeli ko ba: 24#Mat 7:13-14; Fil 3:12 “Yɛ eŋ faŋ ka yɛ tu a dendɔre na naŋ e fogloo kpɛ; bonso, maa yele korɔ yɛ, noba yaga na e la a neɛ ka ba kpɛ kyɛ kontoɔ̃. 25#Mat 25:11-12 Ka a yiri soba wa iri pɔge a dendɔre baare, kyɛ ka yɛ naŋ are a yeŋ poɔ a piili kpaara a pane yele, ‘Daana, yuo a pane ka te kpɛ’, o na yeli ko yɛ la, ‘N ba baŋ zie na yɛ naŋ yi.’ 26#Mat 7:22-23 Yɛ pãã na piili yele la, ‘Te ne fo la da laŋ di kyɛ nyu, kyɛ ka fo kanne a te teŋɛ poɔ.’ 27Kyɛ O na yeli la, ‘N ba baŋ zie na yɛ naŋ yi. Yɛ tage yi be N zie, yɛnee zaa naŋ waa yelbe-erebɛ!’ 28Konni ane nyemɛ nyeroo na bebe la ka yɛnee wa nyɛ Aboraham, Aizik ane Gyekɔb ane a Ŋmen-yelmanneba zaa ka ba be a Naaŋmen naaloŋ poɔ kyɛ ka ba daa yɛnee bare yeŋe poɔ. 29#Luk 14:15 Noba na yi la sapare, saniŋe, sapare nudoloŋ seŋ ane sapare nugɔɔ a wa kpɛ a Naaŋmen naaloŋ poɔ a di boma. 30#Mat 19:30 Serɛzaa, ba mine be la puoriŋ a na wa de weɛ̃ kyɛ ka ba mine meŋ de weɛ̃ kyɛ na leɛ wa be puoriŋ.”
Yeezu Naŋ Koŋ A Gyeruzɛlɛm Teŋɛ Yɛlɛ
(Matio 23:37-39)
31A gogo na poɔŋ la ka Faraziimine da wa a Yeezu zie a wa yeli ko O, “Yi a kyɛ gaa ziyuo, bonso, Hɛrɔd boɔrɔ la fo koobo.” 32Ka a Yeezu yeli ko ba, “Yɛ gaa te yeli ko a wɛbaa#13:32 Wɛbaa: A Gyuumine poɔ, a wɛbaa da waa la doŋɔ naŋ nyaa yaga aŋa lɛ badɛre naŋ waa Dagaaba zie ba senselɛ poɔ. na ko ma, ‘N digre la sefaare bara kyɛ saŋ na baalba zenɛ ane bieo, kyɛ a beri ata daare N na baare la N toma. 33Kyɛ zenɛ ne bieo a ferɛɛ la ka N be N sori poɔ gɛrɛ, bonso, ba kontoɔ̃ ko a Ŋmen-yelmanna zie zaa ka a Gyeruzɛlɛm poɔŋ naane.’ 34Gyeruzɛlɛm, Gyeruzɛlɛm, a teŋkpoŋ na naŋ maŋ ko a Ŋmen-yelmanneba kyɛ za a noba na Naaŋmen naŋ toŋ o zie ne kubo! Gbɛre bowola ka N da boɔrɔ ka N laŋ a fo biiri taa, aŋa nɔnyaaŋaa naŋ maŋ laŋ o bilii taa a uuni lɛ, kyɛ ka fo da ba sagra! 35#Yiel 118:26 Nyɛ, ba bare la a fo yiri ko fo. Maa yeli ko fo, fo koŋ la nyɛ ma kyɛ te ta saŋ na fo naŋ na yeli, ‘Zunoɔ soba la neɛ na naŋ waana a Daana yuori eŋɛ.’ ”
ទើបបានជ្រើសរើសហើយ៖
Luk 13: DGA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Dagaare First Bible © The Bible Society of Ghana, 2025.
Luk 13
13
Yɛ Leɛ Yɛ Eebo Bee Ka Yɛ Wɛ
1A saŋ na meŋɛ poɔ la ka noba mine naŋ da be a be da yeli ko a Yeezu lɛnɛɛ Pilato naŋ da ko a Galili noba mine naŋ da maala bagre ka ba zẽẽ ne a donne zẽẽ da pulli taa. 2#Gyn 9:2 Ka a Yeezu soore ba, “Yɛ teɛre ka a Galili noba bama a zubie ŋa naŋ da pɔge da e la yelbe-erebɛ gaŋ a ba Galili taaba zaa be? 3#Yiel 7:12 Ai, maa yeli yɛ, ka yɛnee ba leɛ yɛ eebo, yɛ meŋ zaa na wɛ la aŋa ba naŋ da wɛ lɛ. 4Bee a noba pie ne banii na a Silom dankyin-kpoŋ naŋ da le ko; yɛ teɛre ka ba da e la faa yaga gaŋ a banaŋ zaa naŋ da kpeɛrɛ a Gyeruzɛlɛm poɔ be? 5Ai, maa yeli yɛ, ka yɛnee ba leɛ yɛ eebo, yɛ meŋ zaa na wɛ la aŋa ba naŋ da wɛ lɛ.”
Kaŋkanteɛ Naŋ Ba Wɔnɔ Sekpɔgre
6 #
Mat 21:19
Lɛ la ka a Yeezu da lɔɔ sekpɔgre ŋa, “Dɔɔ kaŋ la sɛle kaŋkanteɛ o dãã teere weɛ poɔ, a pãã da wa boɔrɔ wɔmɔ a teɛ zu kyɛ ba nyɛ wɔne zaa. 7Lɛ la ka o da yeli ko a neɛ na naŋ kaara a dãã teere weɛ zu, ‘Nyɛ! Yuomo ata la ŋaa ka N maŋ wa a na pɔre wɔmɔ a kaŋkanteɛ ŋa zu kyɛ daŋ ba nyɛ wɔne zaa. Kyɛ o lɔɔ bare! Bonso ka o na are pigi zie weɛlɛ.’ 8#2 Pit 3:9; 3:15 Ka a neɛ naŋ kaara a teere zu yeli ko o, ‘Neŋkpoŋ, vɛŋ ka a teɛ naŋ are yuon-yeni, ka N tu gɔlle o, a eŋ kuoluŋ. 9Ka o naŋ wa wɔŋ a yuoni kaŋ, a na soma la, kyɛ ka o naŋ ba wɔŋ, ka fo pãã kyɛ o bare.’ ”
Yeezu Naŋ Saŋ Pɔge Gbɛre Kaŋ
10A Yeezu da kanna la noba a puoruudie kaŋ poɔ a pɛnnoo bebiri daare. 11A lɛ poɔ la ka pɔge kaŋ sefaare naŋ da e ka o gbɛre yuomo pie ne anii da be a be. O eŋɛ da kɔɔ guree la, ka o da kontoɔ̃ dɔle o meŋɛ. 12A Yeezu naŋ da wa nyɛ o, O da boɔle o la ka o wa O zie, ka O yeli ko o, “Pɔge, a fo baaloŋ baarɛɛ la.” 13#Mak 7:32 A Yeezu naŋ da wa de O nuuri pare a pɔge zu la ka a o eŋɛ deɛ dɔle ka o iri are tori o zaa, a piili ire Naaŋmen yuori. 14Kyɛ a puoruudie neŋkpoŋ suuri da iree la yaga ne a Yeezu naŋ da saŋ a pɔge ŋa a pɛnnoo bebiri daare. Ka o da yele korɔ a noba, “Beri ayoɔbo la be a daa gbuli zaa poɔ ka neɛ na toɔ̃ toŋ toma. Azuiŋ, yɛ maŋ wa a bebie ama poɔ ka ba wa saŋ yɛ. Yɛ ta maŋ wa a pɛnnoo bebiri daare.” 15#Luk 14:5 Ka Yeezu yelsɔge o, “Yɛnee bampuori-kombampoɔ mine! Yɛ buo soba la ba maŋ yuo a o naadɛre bee a o boŋɔ ka o yi nyu koɔ̃ a pɛnnoo bebiri daare? 16#Luk 19:9 A ba seŋ ka a Aboraham pɔgeyaa ŋa Setaana naŋ leŋ yuomo pie ne anii ŋa zaa na nyɛ o faabo a pɛnnoo bebiri be?” 17A Yeezu naŋ da wa yeli a ŋaa, vi da kpɛ la a noba na zaa naŋ da kyiiri O, kyɛ ka a noba da kyellɛ ne a nɔmaa toma na zaa O naŋ da tonɔ.
Bombi-bile Sekpɔgre
(Matio 13:31-32; Mak 4:30-32)
18A lɛ la ka a Yeezu soore, “Wola ka a Naaŋmen naaloŋ waa? Boŋ ka N na de o manne ne? 19O waa ŋa badog-biri ka neɛ de bore o gaadin poɔ. Ka o baa a te leɛ teɛ ka nuuli wa wuo a kyogri o ulli#13:19Ulli: A Dagaaba mine maŋ boɔle la teɛ ulli ka Danuuri. zu.”
Dããbile Sekpɔgre
(Matio 13:33)
20A Yeezu da la soorɛɛ la, “Boŋ ka N na de manne ne a Naaŋmen naaloŋ? 21O waa ŋa dããbilɛ pɔge naŋ de bu ne zɔŋ ŋmannɔɛ ata ka a zɔŋ zaa iri pi.”
A Dendɔ-fogloo Yɛlɛ
(Matio 7:13-14, 21-23)
22A Yeezu naŋ da gɛrɛ Gyeruzɛlɛm, O da kpɛ la a teŋkponni ane a tembilii poore a kanna a noba gɛrɛ. 23Neɛ kaŋ da soore O la, “Daana, noba belãã la na nyɛ faabo be?” Ka O yeli ko ba: 24#Mat 7:13-14; Fil 3:12 “Yɛ eŋ faŋ ka yɛ tu a dendɔre na naŋ e fogloo kpɛ; bonso, maa yele korɔ yɛ, noba yaga na e la a neɛ ka ba kpɛ kyɛ kontoɔ̃. 25#Mat 25:11-12 Ka a yiri soba wa iri pɔge a dendɔre baare, kyɛ ka yɛ naŋ are a yeŋ poɔ a piili kpaara a pane yele, ‘Daana, yuo a pane ka te kpɛ’, o na yeli ko yɛ la, ‘N ba baŋ zie na yɛ naŋ yi.’ 26#Mat 7:22-23 Yɛ pãã na piili yele la, ‘Te ne fo la da laŋ di kyɛ nyu, kyɛ ka fo kanne a te teŋɛ poɔ.’ 27Kyɛ O na yeli la, ‘N ba baŋ zie na yɛ naŋ yi. Yɛ tage yi be N zie, yɛnee zaa naŋ waa yelbe-erebɛ!’ 28Konni ane nyemɛ nyeroo na bebe la ka yɛnee wa nyɛ Aboraham, Aizik ane Gyekɔb ane a Ŋmen-yelmanneba zaa ka ba be a Naaŋmen naaloŋ poɔ kyɛ ka ba daa yɛnee bare yeŋe poɔ. 29#Luk 14:15 Noba na yi la sapare, saniŋe, sapare nudoloŋ seŋ ane sapare nugɔɔ a wa kpɛ a Naaŋmen naaloŋ poɔ a di boma. 30#Mat 19:30 Serɛzaa, ba mine be la puoriŋ a na wa de weɛ̃ kyɛ ka ba mine meŋ de weɛ̃ kyɛ na leɛ wa be puoriŋ.”
Yeezu Naŋ Koŋ A Gyeruzɛlɛm Teŋɛ Yɛlɛ
(Matio 23:37-39)
31A gogo na poɔŋ la ka Faraziimine da wa a Yeezu zie a wa yeli ko O, “Yi a kyɛ gaa ziyuo, bonso, Hɛrɔd boɔrɔ la fo koobo.” 32Ka a Yeezu yeli ko ba, “Yɛ gaa te yeli ko a wɛbaa#13:32 Wɛbaa: A Gyuumine poɔ, a wɛbaa da waa la doŋɔ naŋ nyaa yaga aŋa lɛ badɛre naŋ waa Dagaaba zie ba senselɛ poɔ. na ko ma, ‘N digre la sefaare bara kyɛ saŋ na baalba zenɛ ane bieo, kyɛ a beri ata daare N na baare la N toma. 33Kyɛ zenɛ ne bieo a ferɛɛ la ka N be N sori poɔ gɛrɛ, bonso, ba kontoɔ̃ ko a Ŋmen-yelmanna zie zaa ka a Gyeruzɛlɛm poɔŋ naane.’ 34Gyeruzɛlɛm, Gyeruzɛlɛm, a teŋkpoŋ na naŋ maŋ ko a Ŋmen-yelmanneba kyɛ za a noba na Naaŋmen naŋ toŋ o zie ne kubo! Gbɛre bowola ka N da boɔrɔ ka N laŋ a fo biiri taa, aŋa nɔnyaaŋaa naŋ maŋ laŋ o bilii taa a uuni lɛ, kyɛ ka fo da ba sagra! 35#Yiel 118:26 Nyɛ, ba bare la a fo yiri ko fo. Maa yeli ko fo, fo koŋ la nyɛ ma kyɛ te ta saŋ na fo naŋ na yeli, ‘Zunoɔ soba la neɛ na naŋ waana a Daana yuori eŋɛ.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Dagaare First Bible © The Bible Society of Ghana, 2025.