Piiluu A GANE KYƐYUOBU
A GANE KYƐYUOBU
A Gyɛnɛses tɛgɛ la “piiluu”. A gane ŋa manne la lɛ Naaŋmen naŋ iri a sazu ane a teŋɛ, a wuli nensaala piiluu, lɛ yelbieri naŋ piili ane lɛ dɔgɛɛ naŋ tu kpɛ a tendaa, ane sori na Naaŋmen naŋ maŋ tu kyɛ taa nensaala. A Piiluu gane na toɔ̃ poŋ eŋ la ziiri ayi:
1. Ganzuri 1—11 kyaare ne la lɛ Naaŋmen naŋ iri a sazu ane teŋɛ ane nensaala piiluu yɛlɛ. A lambori ŋa mannɛɛ Adama ane Hawa yɛlɛ, Keein ane Abɛl yɛlɛ, Nowa ane a kɔmpiiri yɛlɛ ane a Baabilɔn Kyoglokolo yɛlɛ.
2. Ganzuri 12—50 kyaare ne la a Izerayɛl biiri sããkompare yɛlɛ. A sããkom-dɛndɛŋ soba la Aboraham. Ona la ka o yeldeebo ane Naaŋmen noɔre sagebo da e ka o leɛ nen-yuori. A lɛ puoriŋ la ka Aboraham bidɔɔ Aizik ane Aboraham yaŋaa Gyekɔb (o yuori kaŋ da la Izerayɛl) ane a Gyekɔb bidɔbɔ pie ne bayi naŋ da e a Izerayɛl biiri pare boorɔ yie pie ne ayi sããkommine meŋ yɛlɛ pãã da tu. A zie ŋa meŋ yele la a Gyekɔb bidɔbɔ na kaŋ ba naŋ da boɔlɔ Gyosɛf yɛlɛ ane lɛ naŋ da e ka a Gyekɔb ne o bidɔbɔ banaŋ naŋ da kyɛre ne ba yideme da wa kpeɛrɛ a Igyipiti teŋɛ poɔ.
Aneazaa ka a gane yele la yɛlɛ kyaare ne nensaalba, kyɛ a gane yelnimizeɛ la yɛlɛ Naaŋmen naŋ e. A gane piili ne la Naaŋmen naŋ iri a sazu ane teŋɛ, kyɛ te baare ne a noɔre O naŋ eŋ ka O na taa la nensaalba yɛlɛ. A gane poɔ yɛlɛ zaa wuli ka Naaŋmen la a yɛlɛ zaa nenzu. Ona la maŋ di a banaŋ naŋ tonɔ tonfaare sɛrɛɛ kyɛ dɔgre ba, a maŋ de O noba niŋe kyɛ soŋnɔ ba, a maala ba teŋkoreŋ yɛlɛ eŋnɛ.
A Gane Poɔ Yɛlɛ Pontutaa
1. A Sazu, Teŋɛ Ane Nensaalba Iruu Yɛlɛ 1:1—2:25
2. Yelbieri Ane Dɔgɛɛ Piiluu Yɛlɛ 3:1-24
3. A Yi Adama Te Tɔ A Nowa Saŋ 4:1—5:32
4. Nowa Ane A Kɔmpiiri Yɛlɛ 6:1—10:32
5. A Baabilɔn Kyoglokolo Yɛlɛ 11:1-9
6. A Yi Sɛmm Te Tɔ A Aboram Saŋ 11:10-32
7. A Sããkommine: Aboraham, Aizik Ane Gyekɔb 12:1—35:29
8. A Esɔ Boorɔ Yɛlɛ 36:1-43
9. A Gyosɛf Ane O Yɔɔmine 37:1—45:28
10. A Izerayɛl Biiri Naŋ Da Be A Igyipiti Teŋɛ Poɔ 46:1—50:26
ទើបបានជ្រើសរើសហើយ៖
Piiluu A GANE KYƐYUOBU: DGA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Dagaare First Bible © The Bible Society of Ghana, 2025.