ᒫᑎᐅᓯᐅᑉ ᐊᒡᓚᖏᑦ 1
1
ᔩᓱᓯ ᙭ᔅᑑᓯᐅᑉ ᓯᕗᓕᕕᓂᖏᑦ
ᓘᑲᓯ 3:23-38
1ᐅᑯᐊ ᓇᓗᓁᕐᓯᕗᑦ ᔩᓱᓯ ᙭ᔅᑑᓯᐅᑉ ᓯᕗᓕᕕᓂᖏᓐᓂᒃ, ᑖᓐᓇ ᑍᕕᑎᐅᑉ ᑭᖑᕚᕆᓚᐅᑕᖓ, ᐂᑉᕋᕼᐋᒻᓗ ᑭᖑᕚᕆᓪᓗᓂᐅᒃ.
2ᐂᑉᕋᕼᐋᒻ ᐃᕐᓂᕐᑖᕆᕚ ᐂᓴᑭ, ᐂᓴᑭ ᐃᕐᓂᕐᑖᕐᐳᖅ ᔧᑯᒥᒃ, ᔧᑯᑉ ᐃᕐᓂᕐᑖᐳᖅ ᔫᑕᒥᒃ ᖃᑕᓐᖑᑎᖏᓐᓂᓪᓗ. 3ᔫᑕ ᐃᕐᓂᕐᑖᕐᐳᖅ ᐱᕆᓯ ᔩᕋᓗ ᐊᓈᓇᖃᕐᑑᒃ ᑕᒫᕆᒥᒃ, ᐱᕆᓯ ᐃᕐᓂᕐᑖᐳᖅ ᕼᐃᔅᕋᓐ, ᕼᐃᔅᕋᓐ ᐃᕐᓂᕐᑖᕆᕚ ᕌᒻ, 4ᕌᒥᐅᓪᓗ ᐃᕐᓂᕐᑖᕆᕚ ᐊᒥᓇᑕᑉ, ᐊᒥᓇᑕᐅᓪᓗ ᐃᕐᓂᕐᑖᕆᕚ ᓁᓴᓇ, ᓁᓴᓇᐅᓪᓗ ᐃᕐᓂᕐᑖᕆᕚ ᓵᓪᒪᓐ, 5ᓵᓪᒪᓇᐅᓪᓗ ᐃᕐᓂᕐᑖᕆᕚ ᐳᐊᓯ ᕅᕼᐋᐱᒥᑦ, ᐳᐊᓯᐅᓪᓗ ᐃᕐᓂᕐᑖᕆᕚ ᐅᐱᑎ ᕉᑎᒥᑦ, ᐅᐱᑎᐅᓪᓗ ᐃᕐᓂᕐᑖᕆᕚ ᔨᓯ, 6#ᐊᑕᓃᑦ ᐂᑉᐸᖏᑦ 24:14,15; ᑯᕉᓂᑲ ᐂᑉᐸᖏᑦ 36:10; ᔨᕆᒤᐊ 27:20.ᔨᓯᐅᓪᓗ ᐃᕐᓂᕐᑖᕆᕚ ᐊᖓᔪᖅᑳᕐᔪᐊᖅ ᑍᕕᑎ.
ᑍᕕᑎᒥᑦ ᐱᒋᐊᕐᓗᒋᑦ ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖏᓐᓄᑦ ᑎᑭᓪᓗᒋᑦ, ᑖᒃᑯᐊ ᑭᖑᕚᕆᑦ ᑎᑎᕋᕐᓯᒪᒋᕗᑦ; ᑍᕕᑎᐅᑉ ᐃᕐᓂᕐᑖᕆᕚ ᓲᓗᒨᓂ ᔪᕅᐊᑉ ᓄᓕᐊᕆᓚᐅᕐᑕᖓᓂᑦ. 7ᓲᓗᒨᓂᐅᑉ ᐃᕐᓂᕐᑖᕆᕚ ᕆᕼᐅᐳᐊᒻ, ᕆᕼᐅᐳᐊᒻ ᐃᕐᓂᕐᑖᕆᕚ ᐊᐰᔭ, ᐊᐰᔭᐅᑉ ᐃᕐᓂᕐᑖᕆᕚ ᐂᓴ, 8ᐂᓴᐅᑉ ᐃᕐᓂᕐᑖᕆᕚ ᔨᕼᐆᓴᐸᑦ, ᔨᕼᐆᓴᐸᑦ ᐃᕐᓂᕐᑖᕆᕚ ᔪᕌᒻ, ᔪᕌᒥᐅᑉ ᐃᕐᓂᕐᑖᕆᕚ ᐅᓮᐊ, 9ᐅᓮᐊᐅᑉ ᐃᕐᓂᕐᑖᕆᕚ ᔫᑕᒻ, ᔫᑕᒥᐅᑉ ᐃᕐᓂᕐᑖᕆᕚ ᐂᕼᐊᔅ, ᐂᕼᐊᓯᐅᑉ ᐃᕐᓂᕐᑖᕆᕚ ᕼᐃᓯᑬᐊ, 10ᕼᐃᓯᑬᐊᐅᑉ ᐃᕐᓂᕐᑖᕆᕚ ᒪᓇᓯ, ᒪᓇᓯᐅᑉ ᐃᕐᓂᕐᑖᕆᕚ ᐂᒨᓯ, ᐂᒨᓯᐅᑉ ᐃᕐᓂᕐᑖᕆᕙ ᔪᓮᐊ, 11ᔪᓮᐊᐅᑉ ᐃᕐᓂᕐᑖᕆᕚ ᔨᑯᓁᐊ ᖃᑕᓐᖑᑎᖏᓪᓗ, ᑕᕝᕙᓂ ᐹᐱᓘᓂᒧᑦ ᐊᐅᓪᓚᕈᑦᔭᐅᓕᓚᐅᕐᐳᑦ.
12ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖓᓂᑦ ᑭᖑᕚᕇᑦ ᑎᑎᕋᕐᓯᒪᒋᕗᑦ; ᔨᑯᓁᐊᐅᑉ ᐃᕐᓂᕐᑖᕆᕚ ᓯᐊᓪᑎᐅᓪ, ᓯᐊᓪᑎᐅᓕᐅᑉ ᐃᕐᓂᕐᑖᕆᕚ ᔨᕈᐸᐱᐅᓪ, 13ᔨᕈᐸᐱᐅᓕᐅᑉ ᐃᕐᓂᕐᑖᕆᕚ ᐊᐱᐅᑦ, ᐊᐱᐅᑎᐅᑉ ᐃᕐᓂᕐᑖᕆᕚ ᐃᓕᐊᑭᒻ, ᐃᓕᐊᑭᒥᐅᑉ ᐃᕐᓂᕐᑖᕆᕚ ᐊᓱᕆ, 14ᐊᓱᕆᐅᑉ ᐃᕐᓂᕐᑖᕆᕚ ᓴᑑᒃ, ᓴᑑᑭᐅᑉ ᐃᕐᓂᕐᑖᕆᕚ ᐊᑭᒻ, ᐊᑭᒥᐅᑉ ᐃᕐᓂᕐᑖᕆᕚ ᐃᓕᐅᑦ, 15ᐃᓕᐅᑎᐅᑉ ᐃᕐᓂᕐᑖᕆᕚ ᐃᓕᐊᓴ, ᐃᓕᐊᓴᐅᑉ ᐃᕐᓂᕐᑖᕆᕚ ᒫᑕᓇ, ᒫᑕᓇᐅᑉ ᐃᕐᓂᕐᑖᕆᕚ ᔧᑯ, 16ᔧᑰᑉ ᐃᕐᓂᕐᑖᕆᕚ ᔫᓯᐱ ᒥᐊᕆᐅᑉ ᐅᐃᖓ, ᑖᑦᓱᒪ ᐃᕐᓂᕐᑖᕆᕚ ᔩᓱᓯ, ᑖᓐᓇ ᙭ᔅᑑᓯᒥᒃ ᑍᔭᐅᔪᖅ.
17ᑕᕝᕙ ᐂᑉᕋᕼᐋᒻᒥᑦ ᑍᕕᑎ ᑎᑭᓪᓗᒍ ᐃᕐᓂᕇᑦ 14ᖑᕗᑦ, ᑍᕕᑎᒥᓪᓗ ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖓᓐᓄᑦ ᑎᑭᓪᓗᒍ ᐃᕐᓂᕇᑦ 14ᖑᒋᕗᑦ, ᐹᐱᓘᓂᒧᓪᓗ ᐊᐅᓪᓚᕈᑦᔭᐅᓂᖓᓂᑦ ᙭ᔅᑑᓯᐅᑉ ᐃᕐᓂᐊᖑᓂᖓ ᑎᑭᓪᓗᒍ ᐃᕐᓂᕇᑦ 14ᖑᒋᕗᑦ.
ᔩᓱᓯ ᙭ᔅᑑᓯᐅᑉ ᐃᕐᓂᐊᖑᓂᖓ
ᓘᑲᓯ 2:1-7
18 #
ᓘᑲᓯ 1:27. ᔩᓱᓯ ᙭ᔅᑑᓯᐅᑉ ᐃᕐᓂᐊᖑᓂᖓ ᐃᒫᒃ ᐱᓚᐅᕐᐳᖅ. ᐊᓈᓇᖓ ᒥᐊᕆ ᐅᐃᒃᓴᖃᓚᐅᕐᒪᑦ ᔫᓯᐱᒥᒃ, ᑲᑎᓚᐅᕋᑎᒡᓕ ᒥᐊᕆ ᖃᐅᔨᔭᐅᕗᖅ ᓄᑕᕋᒃᓴᖃᓕᕐᑐᖅ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᔪᒥᒃ; 19ᐅᐃᒃᓴᖓ ᔫᓯᐱ, ᐱᖁᔭᓂᒃ ᒪᓕᑦᓯᐊᕋᒥ ᑲᓐᖑᓱᒃᑎᑦᓯᔪᒪᓚᐅᓐᖏᓚᖅ ᒥᐊᕆᒥᒃ, ᐃᓱᒪᖃᓕᕐᐳᖅ ᖃᐅᔨᑎᑦᓯᖏᓪᓗᓂ ᐊᕕᑦᓱᒪᓪᓗᓂᐅᒃ. 20ᑕᒪᑐᒥᖓ ᐃᓱᒪᖃᓕᕐᑎᓪᓗᒍ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᔫᓯᐲ, ᑍᕕᑎᐅᑉ ᐃᕐᓂᖓ, ᓯᕘᕋᓂᐊᕐᓇᒃ ᒥᐊᕆᒥᒃ ᓄᓕᐊᕐᑖᕆᐊᒃᓴᖅ, ᓄᑕᕋᒃᓴᖓ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᖕᒪᑦ. 21#ᓘᑲᓯ 1:31.ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”
22ᑕᒪᓐᓇ ᑍᒤᓚᐅᕐᐳᖅ ᐊᑕᓂᐅᑉ ᐅᖃᐅᓯᖏᑦ ᓇᓚᐅᑍᔪᑯᑦ ᓇᓚᐅᑦᓯᓕᖁᓪᓗᒋᑦ, ᐃᒤᓕᔪᑦ: 23#ᐂᓮᐊᓯ 7:14.“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.
24ᔫᓯᐱ ᓯᓂᖕᒥᓂᑦ ᑐᐸᑲᒥ, ᐊᑕᓂᐅᑉ ᐂᖏᓕᖓᑕ ᐅᖃᐅᓯᖏᑦ ᒪᓕᒡᓗᒋᑦ ᐱᓇᓱᐊᓚᐅᕐᐳᖅ; ᓄᓕᐊᒃᓴᓂ ᒥᐊᕆ ᓄᓕᐊᕐᑖᕆᕚ. 25#ᓘᑲᓯ 2:21.ᑲᑎᒪᑐᐃᓐᓇᓚᐅᕐᐹᓕ, ᐊᒃᑐᓚᐅᕐᓇᒍ, ᐃᕐᓂᕐᒥᒃ ᐃᕐᓂᓚᐅᖅᑳᕐᑎᓐᓇᒍ; ᐃᓅᖕᒪᓪᓗ ᐊᑎᕐᑖᕐᑎᑉᐹ ᔩᓱᓯᒥᒃ.
ទើបបានជ្រើសរើសហើយ៖
ᒫᑎᐅᓯᐅᑉ ᐊᒡᓚᖏᑦ 1: EAIB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Eastern Arctic Inuktitut Bible © Canadian Bible Society, 2012, 2021-2023.
