Umak 7
7
Ashi ki shi undi u fel le umbe
(Mat 15:1-9)
1Bendi Iferesis le bitisha Iten abe be ma be le he Ujeruselem, be ma gbọng liwu he kipi Ujeso a ma yi. 2Be nde bendi-utung bema be za lizi faale abwo ato-ale he kukwo ahwu bendi Iferesis be hwọ bendi le be shi. 3(Iferesis le Ijuus abe be teng be ndọ itetel angi betiebel be ma ndọ. Be to abwo he kukwo ahwu kpa-kpa na itel ibel i yi ma ukpọng be ha zi lizi. 4Be to abwo be ha zi abi be ndyeb le he kate. Be ndọ itel gbam he ato-ale igba-ala le biki le indọ le biwọm binde he kukwo itel ibel.)
5Kife na Iferesis befe le bitisha Iten be bii Ujeso le, “Kibang ki tan le shi bendi-utung begang be ndọ itel angi betie-tyan be ke li ye? Be zi lizi faale abwo ato-ale.”
6Ujeso a fan abe le, “Azaya a kọng kigyang a, nyọng a ma tye ugie gbe le men bendi bikpe-ashi. Nya ana a fee le,
“ ‘Bendi aben be kam ife he ungwu ufe-ufe a.
Ukpọ atyam abel a yi le kigbe le ha ami.
7Ife angi kitaa i i yi kididing a.
Be hwọ Iten angi bendi-gye a.’#7:7 Azaya 29:13
8Ujeso a de be le, Ma kung Iten Unim ndọ he itang, keb ahwọ-ale Iten angi bendi-gye.”
9Ujeso a mbee de le, “Ma kọng le ma sha kinunung a he kunyọng ahwu ma kung abi Unim a kọng ndọ he itang, ma fel hwọ bendi abi betyamen be kọng a? 10Umosis a ma ke uten le, ‘Fe atia le anaa.’#7:10 Ligye 20:12; Iten lefee 5:16 U mbee ke uten ususo le, ‘Undi angwu a kọng ban atyam ọ, anam ọ, be gwu-e.’#7:10 Ligye 21:17; Iten ashang-ale 20:9 11Ukpọ men ma hwọ bendi le gbe undi u yi le kiwọm ashi hang a kung kpel atyam le anam, gbe a ko ashi he igie Igrik le ukoban, ashi ki ze le kuke Unim, 12ki tem yi le u kung ashi kpel atyam le anam ye. 13He kukwo ahwun ma ban igie Unim gbe he biwọm abi ma hwọ bendi. Ki yi le bisuso abi ma shi gbam kitaa a na.”
14Ujeso a mbee ko bendi abe be yi ha be hwaa le kuhwo-ma de be le, “Men puu ma dang kutyung gyo mi he ashi mi kọng ki nung amen. 15Ki yi le kiwọm ashi ki te le he igye gye he lifung undi na ki ban he ye. Kiwọm ashi ki yi he lityam undi ashi ki be he igye na ki ban he. [ 16Undi angwu u yi le atyung kigyo, u gyo.]”
17Ujeso a bo tyang bendi aben gye he afee ushọm. Bendi-utung bema be bii he likpe ityang anyin. 18Ujeso a bii abe le, “Men ọ titi ma ngye ye a? Ki wa nung amen le kiwọm ashi ki te le he igye gye he lifung undi na ki ban he ye, ye a? 19Ki ban he ye likọye ki gya he lityam a ye, ki gya he lifung a. Undi u ha tem le shi ngye fe he libel abung.” (Ujeso a tyung le lizi liyang-yang li ngbeb azele.)
20Ujeso a mbee de le, “Kiwọm ashi ki be le he lityam undi na ki shi-e u fel le umbe. 21Igim ibibi angi i be le he lityam undi na i shi undi u shi kiban agbele ipel, u zi kazi, u gwu undi, 22u kee ungye ọ ukyeb undi ọ, u ban lityam fe kiwọm undi, u shi kibibi, u lam undi, u shi likpe liketye-liketye, u bung ashi, u kọng bia bendi, u dim idim, u fel shi likpe akpelye akpelye. 23Biwọm bibibi abin puu bi ba le he lityam undi a, bi shi-e u fel le umbe.”
Ujeso a ke abọng-ale ungingye Ufenishia ife
(Mat 15:21-28)
24Ujeso a gbe le ha gye he kigie Utaya. A gye he afee ushọm ken. A kee le bendi be ngye le u yi ha ye. Ukpọ bendi be ngye kpọ-kpọ. 25Nya kukwo-kukwo nya ana a ma gyo gbe le Ujeso, ungingye angwu unwaama a ma sho le ikeb ibibi, a ma be tim anung he kushu Ujeso. 26A ma yi ungingye Igrik a, be ma hwan he he Usyrian Fonishia. A ma tim Ujeso anung le u ndo ikeb ibibi le ha unwaama ungingye.
27Ujeso a fan he gbe he ityang le, “Tyang li ke bebwaa-ni lizi ukpọng. Ki ngbeb le be kung lizi bebwaa-ni tyang ibwọ ye.”
28Ungingye ana a kung fan Ujeso le, “Ada, ki yi na. Ibwọ ọ i bung abi bebwaa-ni be zi wu he itang za.”
29Ujeso a de-e le, “He ashi wo kọng nyin, ndu gye. Ikeb ibibi i tyang unwaa-gang abwo ma.”
30A tem gye he usha-ale le nde unwaama u yi nde he agodo. Ikeb ibibi i ma tyang he abwo.
Ujeso a mbee ungikye angwu a ma kwọm atyung le umbel
31Ujeso a ha bo le he kigie Utaya le gbe he Usaidọn le kigie kubọng ashi be ko le Ishokwo lihwo gye he umbwo Ugalili. 32Bendi besuso be be le ungikye angwu a ma kwọm atyung le umbel be hwaa le Ujeso, tim he anung le u kung kubwo kuma pwọm ungikye ugyang.
33Ujeso a kpe-e ufe ututeb gbe le he le ha liwu. A kung kubwo tyọ he he atyung. A sho akung, u kung kubwo tyọ he he kabel. 34Ujeso a nde ashi gye he lifung-atabe kung beb kaang. U de ungikye angwuna he igie ibel le, “Efata,” ashi ki ze le buu! 35Nya kukwo-kukwo atyung ungikye angwuna a buu, kabel kama ka bọ. U fel kọng ngwọng.
36Ujeso a tye be uten le be de undi ashi ye. Ukpọ ma na a ma tye be uten ọ, be kọng gbe le shi kaang. 37Bendi abe be ma gyo ashi, ki ma kwu abe he kuhwo kaang. Be fel kọng le, “Aye! U sha biwọm puu bi ngbeb! U sha bikwọm-atyung bi gyo, u shi bikwọm-umbel bi kọng!”
ទើបបានជ្រើសរើសហើយ៖
Umak 7: KUIL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umak 7
7
Ashi ki shi undi u fel le umbe
(Mat 15:1-9)
1Bendi Iferesis le bitisha Iten abe be ma be le he Ujeruselem, be ma gbọng liwu he kipi Ujeso a ma yi. 2Be nde bendi-utung bema be za lizi faale abwo ato-ale he kukwo ahwu bendi Iferesis be hwọ bendi le be shi. 3(Iferesis le Ijuus abe be teng be ndọ itetel angi betiebel be ma ndọ. Be to abwo he kukwo ahwu kpa-kpa na itel ibel i yi ma ukpọng be ha zi lizi. 4Be to abwo be ha zi abi be ndyeb le he kate. Be ndọ itel gbam he ato-ale igba-ala le biki le indọ le biwọm binde he kukwo itel ibel.)
5Kife na Iferesis befe le bitisha Iten be bii Ujeso le, “Kibang ki tan le shi bendi-utung begang be ndọ itel angi betie-tyan be ke li ye? Be zi lizi faale abwo ato-ale.”
6Ujeso a fan abe le, “Azaya a kọng kigyang a, nyọng a ma tye ugie gbe le men bendi bikpe-ashi. Nya ana a fee le,
“ ‘Bendi aben be kam ife he ungwu ufe-ufe a.
Ukpọ atyam abel a yi le kigbe le ha ami.
7Ife angi kitaa i i yi kididing a.
Be hwọ Iten angi bendi-gye a.’#7:7 Azaya 29:13
8Ujeso a de be le, Ma kung Iten Unim ndọ he itang, keb ahwọ-ale Iten angi bendi-gye.”
9Ujeso a mbee de le, “Ma kọng le ma sha kinunung a he kunyọng ahwu ma kung abi Unim a kọng ndọ he itang, ma fel hwọ bendi abi betyamen be kọng a? 10Umosis a ma ke uten le, ‘Fe atia le anaa.’#7:10 Ligye 20:12; Iten lefee 5:16 U mbee ke uten ususo le, ‘Undi angwu a kọng ban atyam ọ, anam ọ, be gwu-e.’#7:10 Ligye 21:17; Iten ashang-ale 20:9 11Ukpọ men ma hwọ bendi le gbe undi u yi le kiwọm ashi hang a kung kpel atyam le anam, gbe a ko ashi he igie Igrik le ukoban, ashi ki ze le kuke Unim, 12ki tem yi le u kung ashi kpel atyam le anam ye. 13He kukwo ahwun ma ban igie Unim gbe he biwọm abi ma hwọ bendi. Ki yi le bisuso abi ma shi gbam kitaa a na.”
14Ujeso a mbee ko bendi abe be yi ha be hwaa le kuhwo-ma de be le, “Men puu ma dang kutyung gyo mi he ashi mi kọng ki nung amen. 15Ki yi le kiwọm ashi ki te le he igye gye he lifung undi na ki ban he ye. Kiwọm ashi ki yi he lityam undi ashi ki be he igye na ki ban he. [ 16Undi angwu u yi le atyung kigyo, u gyo.]”
17Ujeso a bo tyang bendi aben gye he afee ushọm. Bendi-utung bema be bii he likpe ityang anyin. 18Ujeso a bii abe le, “Men ọ titi ma ngye ye a? Ki wa nung amen le kiwọm ashi ki te le he igye gye he lifung undi na ki ban he ye, ye a? 19Ki ban he ye likọye ki gya he lityam a ye, ki gya he lifung a. Undi u ha tem le shi ngye fe he libel abung.” (Ujeso a tyung le lizi liyang-yang li ngbeb azele.)
20Ujeso a mbee de le, “Kiwọm ashi ki be le he lityam undi na ki shi-e u fel le umbe. 21Igim ibibi angi i be le he lityam undi na i shi undi u shi kiban agbele ipel, u zi kazi, u gwu undi, 22u kee ungye ọ ukyeb undi ọ, u ban lityam fe kiwọm undi, u shi kibibi, u lam undi, u shi likpe liketye-liketye, u bung ashi, u kọng bia bendi, u dim idim, u fel shi likpe akpelye akpelye. 23Biwọm bibibi abin puu bi ba le he lityam undi a, bi shi-e u fel le umbe.”
Ujeso a ke abọng-ale ungingye Ufenishia ife
(Mat 15:21-28)
24Ujeso a gbe le ha gye he kigie Utaya. A gye he afee ushọm ken. A kee le bendi be ngye le u yi ha ye. Ukpọ bendi be ngye kpọ-kpọ. 25Nya kukwo-kukwo nya ana a ma gyo gbe le Ujeso, ungingye angwu unwaama a ma sho le ikeb ibibi, a ma be tim anung he kushu Ujeso. 26A ma yi ungingye Igrik a, be ma hwan he he Usyrian Fonishia. A ma tim Ujeso anung le u ndo ikeb ibibi le ha unwaama ungingye.
27Ujeso a fan he gbe he ityang le, “Tyang li ke bebwaa-ni lizi ukpọng. Ki ngbeb le be kung lizi bebwaa-ni tyang ibwọ ye.”
28Ungingye ana a kung fan Ujeso le, “Ada, ki yi na. Ibwọ ọ i bung abi bebwaa-ni be zi wu he itang za.”
29Ujeso a de-e le, “He ashi wo kọng nyin, ndu gye. Ikeb ibibi i tyang unwaa-gang abwo ma.”
30A tem gye he usha-ale le nde unwaama u yi nde he agodo. Ikeb ibibi i ma tyang he abwo.
Ujeso a mbee ungikye angwu a ma kwọm atyung le umbel
31Ujeso a ha bo le he kigie Utaya le gbe he Usaidọn le kigie kubọng ashi be ko le Ishokwo lihwo gye he umbwo Ugalili. 32Bendi besuso be be le ungikye angwu a ma kwọm atyung le umbel be hwaa le Ujeso, tim he anung le u kung kubwo kuma pwọm ungikye ugyang.
33Ujeso a kpe-e ufe ututeb gbe le he le ha liwu. A kung kubwo tyọ he he atyung. A sho akung, u kung kubwo tyọ he he kabel. 34Ujeso a nde ashi gye he lifung-atabe kung beb kaang. U de ungikye angwuna he igie ibel le, “Efata,” ashi ki ze le buu! 35Nya kukwo-kukwo atyung ungikye angwuna a buu, kabel kama ka bọ. U fel kọng ngwọng.
36Ujeso a tye be uten le be de undi ashi ye. Ukpọ ma na a ma tye be uten ọ, be kọng gbe le shi kaang. 37Bendi abe be ma gyo ashi, ki ma kwu abe he kuhwo kaang. Be fel kọng le, “Aye! U sha biwọm puu bi ngbeb! U sha bikwọm-atyung bi gyo, u shi bikwọm-umbel bi kọng!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.