Umak 6
6
Utye-ugie kisọm Unim angwu be ke-e ife ye
(Mat 13:53-58; Luk 4:16-30)
1Ujeso a bo le ha tem gye he kubọng kuma. Bendi-utung bema be ma te utung he ahe. 2Nyọng liti-uwel Ijuus lima be, a gye he ushọm Unim angwu Ijuus i kwu liwu le hwọ bendi biwọm. Bendi gbam abe be ma gyo he, ki ma kwu abe he kuhwo.
Be fel bii le “Ungikye angwun abe le biwọm abin le kung a, ‘Kibang kitaa lishi-abyele angi u yi le ngi, kibang kitaa bikekaa bikwole-kuhwo abi u shi kitaa i? 3U yi ukapenta a ye a? Unwaa Umeri angwu bebwaa-nde be yi Ujems, Ujosef, Ujudas le Usaimọn a ye a? Bebwaa-nde abe bengingye na be yi utung ha abel i ye a?’ ” Be fel he ingyo fe-e.
4Ujeso a kung de be le, “bendi be ka utye-ugie kisọm Unim ife mbee bipi puu, ukpọ kubọng kuma le bebwaa-nde le kikwu-lihwan kima be ka he ife ye.” 5Ujeso a ma tem shi bikwole-kuhwo gbam ha he kubọng kuma ye. A ma kee-kee pwọm bendi-angbam zang a kubwo mbee abe. 6Ki ma kwu Ujeso he kuhwo likọye be fe lityam he ahe ye.
Ujeso a sọm bendi lihwo le be befee gye he igye
(Mat 10:5-15; Luk 9:1-6)
Ujeso a ma gye he abọng angi a yi ha kpee-kpee le hwọ bendi. 7A ko bendi-utung bema abe lihwo le be befee be he kiteng ken. U sọm abe he befee-befee gye he igye. A ke be ikeb le be ndo ikeb ibibi.
8Ashin na a ma de be le be shi, “Ma kung kiwọm kisuso-kisuso gye le shi ha pel ha utyuu ye. Ma kung lizi ye, ma faa ibam ye, ma fe unde he ibam ye. 9Ma fe ikwob he abee. Ma te le aliga afee ye.” 10A mbee de be le, “He kiteng kiyang-yang ma gye, ma kwu he ushọm undi angwu a kpe men kpam ma gbe-gbe le ha he kubọng kumen ana. 11Gbe ma gye he kipi be kpe men ye, be ndọ kutyung gyo amen ye, ma gbe le ha, ma kem kumbul-mbul le he abee amen wu he itang ashi ki naa ushada fe be.”
12Bendi-utung Ujeso be bo le bun de bendi le be bel atyam le he biban bibel. 13Be ndo ikeb ibibi gbam, bendi gbam abe be ma yi gogo ye, be wu abe behwu mbee abe.
Be tang Ujọn angwu u wu bendi umbwo lishi
(Mat 14:1-12; Luk 9:7-9)
14Usu Uherọd a ma gyo gbe le ashin, le bendi be ngye lizen Ujeso mbee bipi. Bendi besuso be de le Ujọn angwu a maa wu bendi umbwo a wum le he lihwu a, kife na ki tan le shi u shi bikwole-kuhwo bimen kitaa i.
15Besuso be de le u yi Elaija a.
Besuso be de le u yi u tye ugie kisọm Unim a, nya ana bitye-ugie kisọm Unim abi le-iti a.
16Ukpọ nyọng Uherọd a gyo ashin, a de le, “Ujọn angwu mi tang lishi, a wum le he lihwu.”
17Uherọd ugyang na a ma ke ikeb le be kwu Ujọn fee ashishi-likaa le fe he igaadye. A ma shi ashin he kuhwo Uherọdias, ungye unwaa-nde Ufilip, angwu a ma kpeb kung. 18Ujọn a maa da Uherọd le, “Uten a bọng le wo kpeb kung ungye unwaa-na ye.” 19Ki ma ban Uherọdias he lityam le Ujọn kaang. A maa fel kee kukwo ahwu u gwu-e, ukpọ ki ma yi pie-pie kee ye. 20Likọye Uherọd a ma shel Ujọn, u bọng le be gwu-e ye, likọye a ma ngye le Ujọn u yi undi ununung a, u shi undi utaa-utaa a. A ma yi le kigyọ le u gyo Ujọn. Ukpọ he kunyọng ahwu a maa gyo he, u maa kwa le ufung awa-ale.
21He umbee-likel Uherodias a ma nde kukwo ahwu u shi he be gwu Ujọn. Ki ma yi he liti angi be ma hwan Uherọd a. Uherọd a ma ko bendi abe be nde gbe le kubọng le bekandi ishogya le bekandi abe he Ugalili shi abe kipam. 22He kunyọng ahwu unwaa Uherọdias angwu ungingye a ma be ngyọ angyọ angi a nyin Uherọd le begaa-ndi bema.
Usu Uherọd a kung de-e le, “Bii mi kiwọm kiyang-yang ashi wo kee, mi ka-a ashi.” 23A tam le, “Kiwọm kiyang-yang ashi wo kee, ma wo de le mi kung kigie kubọng kugi ọ tyuu a, mi tyuu a.”
24A gbe he igye le bii anam le, “mi bii kibang kiwọm a?” Anam a de-e le u le bii lishi Ujọn angwu u maa wu bendi umbwo.
25Unwaa ana a buu tem le hwaa le usu Uherọd de-e le, “Mi kee le wo tang lishi Ujọn angwu u maa wu bendi umbwo fe he uplaya tyuu mi kanaa-anaa i.”
26Usu Uherọd a ma fel le kutọ he lityam kaang, ukpọ a ma swan ye le gbe a ma tam, mbee le he kuhwo begaa-ndi bema. 27Nya kukwo-kukwo Usu a sọm undi ishogya angwu u gwu bendi le u le be le lishi Ujọn. Undi ishogya ana a bo gye he igaadye le tang lishi Ujọn 28fe he uplaya be tyuu unwaa angwuna, a kpe ngi le ke anam. 29Nyọng bendi-utung Ujọn be gyo gbe le shi, be le kung kikem kima le ngi.
Ujeso a ke bendi asi lisi kugbe lihwo le afee le bendi asi lihwo lizi
(Mat 14:13-21; Luk 9:10-17; Jọn 6:1-14)
30Bebwaa-kisọm Ujeso abe a ma sọm gye he igye, be tem be hwaa le he. Be de-e biwọm puu abi be shi, le abi be hwọ bendi. 31Bendi be ma sho ha gbam, ki ma yi wuliya-wuliya-wuliya. Ujeso befe le bendi-utung bema be ma nde kunyọng zi lizi ye. Ujeso a ha kung de be le, “Ma li gye he kipi ashi ki yi kpatia he li le kwu ha bel-agyang ufe-ufe sho kunyọng he kanwaa kunyọng zang.”
32Befe-gyang befe-befe be le ngwee he afee kinọng lishọ gye he kipi ki yi utata-utata le ha bendi. 33He kunyọng ahwu be bo, bendi gbam abe be nde shob abe, be buu gbe he abee le tang ha, ma ukpọng Ujeso befe le bendi-utung bema be ha wu ha. 34He kunyọng ahwu Ujeso a fem le he afee kinọng, be nde bendi be sho ha gbam, beshi be ma shi-e le be kaang, likọye be ma yi nya ana itia angi i yi faale undi angwu u kang angi a. A ma fel hwọ abe biwọm gbam.
35Likwu-lukwu li ma ndu gyeb. Bendi-utung bema be ma be hwaa le he de-e le, “Likwu-lukwu li gyeb ma, bendi be nde he kiteng ashin ye. 36De bendi le be ndu gye, he be le kee lizi ndyeb zi.”
37Ukpọ Ujeso a fan abe le, “Men-agyang ma ke be ashi be zi.”
Be kung de-e le, “Ashina ki kaa kate gba gyọng unde angwu undi u kpe he kigem lize libo! Bel li ba ta la ban kigegang unde kitaa ana he li ndyeb lizi ke be le be zi a?”
38Ujeso a bii abe le, “Ma yi le bikem ibred ha bifung? Ma le shun.” Be le shun nde. Be tem be de-e le be nde bikem ibred bidyọng le ikwan ifee.
39Ujeso a ha de bendi-utung bema le be hwọ bendi abena he akwu-akwu-akwu kwu he bikpam. 40Bendi abena be kwu ugbe-ugbe-ugbe, akwu asuso bendi asi adyọng, asuso bendi asi afee le be lihwo. 41Ujeso a ha kung bikem ibred bidyọng le ikwan ifee ana kwu he kubwo, u kung ashi gye he lifung-atabe pee Unim. A kung ibred bun ibun-ibun kung ke bendi-utung bema le be kpe ke bendi abena. A mbee kung Ikwan ifee hwọ ke be puu. 42Befe puu be ma zi gwul, 43bendi-utung bema be gbọng bigem ibred le ikwan abi be zi bi ma teng, bi sho bitetel lihwo le bi bifee. 44Kugi bengikye abe be ma zi lizi angina, be ma yi bendi asi lisi kugbe lihwo le kugbe kafee le bendi asi lihwo.
Ujeso a tan he likwu umbwo
(Mat 14:22-33; Jọn 6:15-21)
45Nya kukwo-kukwo Ujeso a de bendi-utung bema le be ngwee he kinọng lishọ ha le nyọng he he Ubesaida, he u fe u wee bendi le be ndu gye. 46He kunyọng ahwu a gbe tyang abe, agbe gye he ukwel he u le kọng ha Unim.
47Le kusu kinọng ki ma fel he kudyan kidyeshọ, u fe u shi uteteb le he ugoigye. 48A nde le kufem ku sha, be kpa kingie he kinọng anaa-ale. He ashi liti a ma tan he likwu umbwo le hwaa le be. A maa ndu ba gba abe. 49Nyọng be nde-e u tan he likwu umbwo, Be fel shel kaang likọye be maa kọng le uhwu-tang a, be fel kung, 50Likọye puu ubel be ma nde-e, be ma fel he kushel.
Nya kukwo-kukwo a kung kọng he abe le, “Ma kwu le kingie! Ki yi-m mi a, ma shel ye.” 51A ha le kwu he kinọng kushu-kwan utung ha abe, kufem ku kung kwun. Ki ma kwu abe he kuhwo kaang, 52kikwole-kuhwo bikem ibred abi Ujeso a bun ke bendi ana, ki ma waa nung abe ye.
53He kunyọng be gyọng tang igbindi, be le wu he kiteng ashi be ko le Ugenesaret. Be tyang kinọng kibel tyuu he ungwu kibam. 54Nya ana be fem le he afee kinọng kushu-kwan fem-fem, bendi be nde shob Ujeso. 55Be buu gye mbee bipi puu ha abe kubọng le be le bendi-angbam he igaa be hwaa le Ujeso he kiteng kiyang-yang ashi be ma gyo le a ma yi. 56He kiteng kiyang-yang ashi Ujeso a ma gye, be ta le bendi-angbam la tang he ushokwo kate. Be tim he anung le u tyang abe be tyọ he kubwo he ungwu aliga afe-afe ọ. Bendi puu abe be ma tyọ angi be ma mbee.
ទើបបានជ្រើសរើសហើយ៖
Umak 6: KUIL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umak 6
6
Utye-ugie kisọm Unim angwu be ke-e ife ye
(Mat 13:53-58; Luk 4:16-30)
1Ujeso a bo le ha tem gye he kubọng kuma. Bendi-utung bema be ma te utung he ahe. 2Nyọng liti-uwel Ijuus lima be, a gye he ushọm Unim angwu Ijuus i kwu liwu le hwọ bendi biwọm. Bendi gbam abe be ma gyo he, ki ma kwu abe he kuhwo.
Be fel bii le “Ungikye angwun abe le biwọm abin le kung a, ‘Kibang kitaa lishi-abyele angi u yi le ngi, kibang kitaa bikekaa bikwole-kuhwo abi u shi kitaa i? 3U yi ukapenta a ye a? Unwaa Umeri angwu bebwaa-nde be yi Ujems, Ujosef, Ujudas le Usaimọn a ye a? Bebwaa-nde abe bengingye na be yi utung ha abel i ye a?’ ” Be fel he ingyo fe-e.
4Ujeso a kung de be le, “bendi be ka utye-ugie kisọm Unim ife mbee bipi puu, ukpọ kubọng kuma le bebwaa-nde le kikwu-lihwan kima be ka he ife ye.” 5Ujeso a ma tem shi bikwole-kuhwo gbam ha he kubọng kuma ye. A ma kee-kee pwọm bendi-angbam zang a kubwo mbee abe. 6Ki ma kwu Ujeso he kuhwo likọye be fe lityam he ahe ye.
Ujeso a sọm bendi lihwo le be befee gye he igye
(Mat 10:5-15; Luk 9:1-6)
Ujeso a ma gye he abọng angi a yi ha kpee-kpee le hwọ bendi. 7A ko bendi-utung bema abe lihwo le be befee be he kiteng ken. U sọm abe he befee-befee gye he igye. A ke be ikeb le be ndo ikeb ibibi.
8Ashin na a ma de be le be shi, “Ma kung kiwọm kisuso-kisuso gye le shi ha pel ha utyuu ye. Ma kung lizi ye, ma faa ibam ye, ma fe unde he ibam ye. 9Ma fe ikwob he abee. Ma te le aliga afee ye.” 10A mbee de be le, “He kiteng kiyang-yang ma gye, ma kwu he ushọm undi angwu a kpe men kpam ma gbe-gbe le ha he kubọng kumen ana. 11Gbe ma gye he kipi be kpe men ye, be ndọ kutyung gyo amen ye, ma gbe le ha, ma kem kumbul-mbul le he abee amen wu he itang ashi ki naa ushada fe be.”
12Bendi-utung Ujeso be bo le bun de bendi le be bel atyam le he biban bibel. 13Be ndo ikeb ibibi gbam, bendi gbam abe be ma yi gogo ye, be wu abe behwu mbee abe.
Be tang Ujọn angwu u wu bendi umbwo lishi
(Mat 14:1-12; Luk 9:7-9)
14Usu Uherọd a ma gyo gbe le ashin, le bendi be ngye lizen Ujeso mbee bipi. Bendi besuso be de le Ujọn angwu a maa wu bendi umbwo a wum le he lihwu a, kife na ki tan le shi u shi bikwole-kuhwo bimen kitaa i.
15Besuso be de le u yi Elaija a.
Besuso be de le u yi u tye ugie kisọm Unim a, nya ana bitye-ugie kisọm Unim abi le-iti a.
16Ukpọ nyọng Uherọd a gyo ashin, a de le, “Ujọn angwu mi tang lishi, a wum le he lihwu.”
17Uherọd ugyang na a ma ke ikeb le be kwu Ujọn fee ashishi-likaa le fe he igaadye. A ma shi ashin he kuhwo Uherọdias, ungye unwaa-nde Ufilip, angwu a ma kpeb kung. 18Ujọn a maa da Uherọd le, “Uten a bọng le wo kpeb kung ungye unwaa-na ye.” 19Ki ma ban Uherọdias he lityam le Ujọn kaang. A maa fel kee kukwo ahwu u gwu-e, ukpọ ki ma yi pie-pie kee ye. 20Likọye Uherọd a ma shel Ujọn, u bọng le be gwu-e ye, likọye a ma ngye le Ujọn u yi undi ununung a, u shi undi utaa-utaa a. A ma yi le kigyọ le u gyo Ujọn. Ukpọ he kunyọng ahwu a maa gyo he, u maa kwa le ufung awa-ale.
21He umbee-likel Uherodias a ma nde kukwo ahwu u shi he be gwu Ujọn. Ki ma yi he liti angi be ma hwan Uherọd a. Uherọd a ma ko bendi abe be nde gbe le kubọng le bekandi ishogya le bekandi abe he Ugalili shi abe kipam. 22He kunyọng ahwu unwaa Uherọdias angwu ungingye a ma be ngyọ angyọ angi a nyin Uherọd le begaa-ndi bema.
Usu Uherọd a kung de-e le, “Bii mi kiwọm kiyang-yang ashi wo kee, mi ka-a ashi.” 23A tam le, “Kiwọm kiyang-yang ashi wo kee, ma wo de le mi kung kigie kubọng kugi ọ tyuu a, mi tyuu a.”
24A gbe he igye le bii anam le, “mi bii kibang kiwọm a?” Anam a de-e le u le bii lishi Ujọn angwu u maa wu bendi umbwo.
25Unwaa ana a buu tem le hwaa le usu Uherọd de-e le, “Mi kee le wo tang lishi Ujọn angwu u maa wu bendi umbwo fe he uplaya tyuu mi kanaa-anaa i.”
26Usu Uherọd a ma fel le kutọ he lityam kaang, ukpọ a ma swan ye le gbe a ma tam, mbee le he kuhwo begaa-ndi bema. 27Nya kukwo-kukwo Usu a sọm undi ishogya angwu u gwu bendi le u le be le lishi Ujọn. Undi ishogya ana a bo gye he igaadye le tang lishi Ujọn 28fe he uplaya be tyuu unwaa angwuna, a kpe ngi le ke anam. 29Nyọng bendi-utung Ujọn be gyo gbe le shi, be le kung kikem kima le ngi.
Ujeso a ke bendi asi lisi kugbe lihwo le afee le bendi asi lihwo lizi
(Mat 14:13-21; Luk 9:10-17; Jọn 6:1-14)
30Bebwaa-kisọm Ujeso abe a ma sọm gye he igye, be tem be hwaa le he. Be de-e biwọm puu abi be shi, le abi be hwọ bendi. 31Bendi be ma sho ha gbam, ki ma yi wuliya-wuliya-wuliya. Ujeso befe le bendi-utung bema be ma nde kunyọng zi lizi ye. Ujeso a ha kung de be le, “Ma li gye he kipi ashi ki yi kpatia he li le kwu ha bel-agyang ufe-ufe sho kunyọng he kanwaa kunyọng zang.”
32Befe-gyang befe-befe be le ngwee he afee kinọng lishọ gye he kipi ki yi utata-utata le ha bendi. 33He kunyọng ahwu be bo, bendi gbam abe be nde shob abe, be buu gbe he abee le tang ha, ma ukpọng Ujeso befe le bendi-utung bema be ha wu ha. 34He kunyọng ahwu Ujeso a fem le he afee kinọng, be nde bendi be sho ha gbam, beshi be ma shi-e le be kaang, likọye be ma yi nya ana itia angi i yi faale undi angwu u kang angi a. A ma fel hwọ abe biwọm gbam.
35Likwu-lukwu li ma ndu gyeb. Bendi-utung bema be ma be hwaa le he de-e le, “Likwu-lukwu li gyeb ma, bendi be nde he kiteng ashin ye. 36De bendi le be ndu gye, he be le kee lizi ndyeb zi.”
37Ukpọ Ujeso a fan abe le, “Men-agyang ma ke be ashi be zi.”
Be kung de-e le, “Ashina ki kaa kate gba gyọng unde angwu undi u kpe he kigem lize libo! Bel li ba ta la ban kigegang unde kitaa ana he li ndyeb lizi ke be le be zi a?”
38Ujeso a bii abe le, “Ma yi le bikem ibred ha bifung? Ma le shun.” Be le shun nde. Be tem be de-e le be nde bikem ibred bidyọng le ikwan ifee.
39Ujeso a ha de bendi-utung bema le be hwọ bendi abena he akwu-akwu-akwu kwu he bikpam. 40Bendi abena be kwu ugbe-ugbe-ugbe, akwu asuso bendi asi adyọng, asuso bendi asi afee le be lihwo. 41Ujeso a ha kung bikem ibred bidyọng le ikwan ifee ana kwu he kubwo, u kung ashi gye he lifung-atabe pee Unim. A kung ibred bun ibun-ibun kung ke bendi-utung bema le be kpe ke bendi abena. A mbee kung Ikwan ifee hwọ ke be puu. 42Befe puu be ma zi gwul, 43bendi-utung bema be gbọng bigem ibred le ikwan abi be zi bi ma teng, bi sho bitetel lihwo le bi bifee. 44Kugi bengikye abe be ma zi lizi angina, be ma yi bendi asi lisi kugbe lihwo le kugbe kafee le bendi asi lihwo.
Ujeso a tan he likwu umbwo
(Mat 14:22-33; Jọn 6:15-21)
45Nya kukwo-kukwo Ujeso a de bendi-utung bema le be ngwee he kinọng lishọ ha le nyọng he he Ubesaida, he u fe u wee bendi le be ndu gye. 46He kunyọng ahwu a gbe tyang abe, agbe gye he ukwel he u le kọng ha Unim.
47Le kusu kinọng ki ma fel he kudyan kidyeshọ, u fe u shi uteteb le he ugoigye. 48A nde le kufem ku sha, be kpa kingie he kinọng anaa-ale. He ashi liti a ma tan he likwu umbwo le hwaa le be. A maa ndu ba gba abe. 49Nyọng be nde-e u tan he likwu umbwo, Be fel shel kaang likọye be maa kọng le uhwu-tang a, be fel kung, 50Likọye puu ubel be ma nde-e, be ma fel he kushel.
Nya kukwo-kukwo a kung kọng he abe le, “Ma kwu le kingie! Ki yi-m mi a, ma shel ye.” 51A ha le kwu he kinọng kushu-kwan utung ha abe, kufem ku kung kwun. Ki ma kwu abe he kuhwo kaang, 52kikwole-kuhwo bikem ibred abi Ujeso a bun ke bendi ana, ki ma waa nung abe ye.
53He kunyọng be gyọng tang igbindi, be le wu he kiteng ashi be ko le Ugenesaret. Be tyang kinọng kibel tyuu he ungwu kibam. 54Nya ana be fem le he afee kinọng kushu-kwan fem-fem, bendi be nde shob Ujeso. 55Be buu gye mbee bipi puu ha abe kubọng le be le bendi-angbam he igaa be hwaa le Ujeso he kiteng kiyang-yang ashi be ma gyo le a ma yi. 56He kiteng kiyang-yang ashi Ujeso a ma gye, be ta le bendi-angbam la tang he ushokwo kate. Be tim he anung le u tyang abe be tyọ he kubwo he ungwu aliga afe-afe ọ. Bendi puu abe be ma tyọ angi be ma mbee.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.