Umak 11
11
Ujeso a be he Ujeruselem na Usu
(Mat 21:1-11; Luk 19:28-40; Jọn 12:12-19)
1Ujeso befe le bendi-utung bema be fel kpee-kpee gye he Ujeruselem, be wu he ashi Ujeruselem angi be ko le Ubefeji le Ubetani he liten ukwel angwu be ko le Olif. Ujeso a sọm bendi-utung bema befee, 2a de be le, “Ma gye he kubọng ahwu ku yi he kushu ana. Ma la wa ha, ma nda ushọm kukaa-inyia ahwu undi a wa pwọm ahwu ngye ye tyuu ha. Ma pel ahwu be le hwu. 3Gbe undi a bii amen atan-lengi angwu ma pel kung ahwu, ma de-e le, ‘Ki fọng Ada le hwu. Gbe a mbee, u sọm undi u tem le hwu.’ ”
4Bendi-utung bema bendi befee ana be bo le nde kukaa-inyia tyuu he ungwu-lishi gwaa ha kukwo. Be pel ahwu. 5Bendi besuso abe be yi naa ha, be bii abe le kibang a, ma pel kung kukaa-inyia? 6Bendi-utung Ujeso be fan nya ana Ujeso a ma de be. Be tyang abe. 7Be be le kizaaki ana ke Ujeso. Be waa bihwọm bibel shi ashi he item. Ujeso a bel kwu ha. 8Bendi gbam be kung bihwọm bibel kie he ugba-akwo kpu-ludu-dudu. Besuso be tang akikie le he libeb, be kie ha he kukwo. 9Bendi abe be ma te Ujeso le he kushu le abe le he item, be maa fel gaa kọng le,
“Ma li pee Unim.”
“Kukwun ku yi ke undi angwu u be he lizen Ada Unim.”#11:9 Agyam 118:26
10“Kukwun ku yi ke kiteng kusu atietyan Udebid.”
“Ipee i kwu ke Unim angwu he lifung-atabe.”
11Ujeso a ma wu he Ujeruselem. A ha gbe gye he Ushọm Unim le nde biwọm puu abi bi yi ha. Gbe likwu-lukwu li ma gyeb ma, a gbe le bendi-utung bema tem gye he Ubetani.
Ujeso a buu Ufig atye u mbee tie ushọm Unim
(Mat 21:18-19)
12Ashi a taa, nya ana be maa ndu gbe le ha Ubetani, itung i maa fel ndo Ujeso. 13A kung ashi nde gye he kushu, a nde Ufig a hwaa ashia naa ha. A te he u le nde le a wum agbe a he u gbung ndeb. A le wu ha, a nde-e u yi ashia-ashia, likọye kunyọng ahwu u wum agbe ku wa fel ye. 14Ujeso a kung de ukwan umen ana le u ha tem ba wum agbe le bendi be ndeb a ye kpam. Bendi-utung bema be gyo ashi a kọng.
15Ujeso le bendi-utung bema be be wu he Ujeruselem. Ujeso a gye he afee Ushọm Unim. A nde bendi abe be ndyeb biwọm zi le abe be ndyeb biwọm ha he Ushọm Unim, a ndo abe wu he igye. U nyii kpe itebul bendi abe be gie unde le bidem bendi abe be ndyeb lilulu zi wu le hel. 16Ujeso a maa bọng le undi u tem be ndọ kate he Ushọm Unim ye. 17Nya ana u maa fel hwọ abe, a de le, “Be ma fee ndọ he kushia Unim le Unim a de le, be ba ko Ushọm uma le kiteng ashi bendi abe he abọng puu be be kọng ha Unim.#11:17 Azaya 56:7 Ukpọ men ma shi-e a bel kiteng ashi ma ndyel zi kazi.”#11:17 Ujerimaya 7:11
18Bekandi bishang Unim le bitisha Iten be gyo ashin. Be fel kee kukwo ahwu be gwu-e. Ukpọ be maa shel he likọye ki ma kwu bendi puu he kuhwo gbe le ashi a hwọ abe.
19Likwu-lukwu li ma gyeb, Ujeso befe le bendi-utung bema be gbe le ha Ujeruselem.
20Ashi a taa, Ujeso befe le bendi-utung bema be mbee le gbe he kukwo kumen ana. Be nde ukwan ufig umen ana a hwo le idaa le idaa. 21Ipita a wel ashi Ujeso a ma kọng. A kung de Ujeso le, “Itisha ukandi, nde ukwan ufig angwu wo ma buu he atye a hwo!”
22Ujeso a ma kung de be puu le, “Ma fe lityam ha Unim. 23Mi de men kigyang-kigyang le, gbe undi uyang-yang angwu a de ukwel le u kwuo le wu he umbwo ukandi, u yi faale atyang-ale he ahe lityam, u bọng le ashi a kọng ana ki sha, Unim u sha ashi ka he. 24He ashin, ma ngye dang le, he kunyọng ahwu ma kọng ha Unim, gbe ma bii he biwọm, ma bọng le ma kpe bi ma, Unim u ka amen abi puu. 25He kunyọng ahwu undi u kọng ha Unim, u tyang ke undi angwu a shi kibibi he ahe, he Atyam angwu he lifung-atabe u tyang biban bima ke-e ufe ọ titi. [26Gbe undi a tyang ke bendi ye, Atyam angwu he lifung-atabe ọ u tyang ka he ye.]”
Be bii Ujeso angwu a ke-e ikeb
(Mat 21:23-27; Luk 20:1-8)
27Be ma tem be he Ujeruselem. Be gbe gye he Ushọm Unim. Nya ana Ujeso a maa tan ha he Ushọm Unim, bekandi bishang Unim le bitisha Iten le bekandi kubọng be be hwaa le he. 28Be bii he le, “Le he kung wo be le ikeb angi wo shi biwọm bimen i? Ayang a ka-a ikeb le wo shi biwọm bimen i?”
29Ujeso a ma fan abe le, “Mi bii amen kibibi ken. Gbe ma fan ashi, mi da amen undi angwu a ke-m ikeb angi mi shi biwọm bimen i. 30Ayang a ma ke Ujọn ikeb angi a maa wu bendi umbwo? Unim na a ma ke-e a, ha bendi-gye a? Ma fan mi.”
31Be maa fel tyang le bende le, “Li ha fan le ana? Gbe li fan he le Ujọn a maa wa bendi umbwo he ikeb Unim a, u bii li le, fe kibang ki tan le shi li bọng ha Ujọn ye? 32Ukpọ li nya de le Ujọn a maa wa bendi umbwo he ikeb angi undi-gye a?” Be maa shel likọye bendi puu be bọng le Ujọn a ma yi utye-ugie kisọm Unim a na afọng.
33Be ha kung fan Ujeso le be ngye ye.
Ujeso a de be le ufe ọ u da abe undi angwu a ke-e ikeb angi u shi biwọm bimen i ye.
ទើបបានជ្រើសរើសហើយ៖
Umak 11: KUIL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umak 11
11
Ujeso a be he Ujeruselem na Usu
(Mat 21:1-11; Luk 19:28-40; Jọn 12:12-19)
1Ujeso befe le bendi-utung bema be fel kpee-kpee gye he Ujeruselem, be wu he ashi Ujeruselem angi be ko le Ubefeji le Ubetani he liten ukwel angwu be ko le Olif. Ujeso a sọm bendi-utung bema befee, 2a de be le, “Ma gye he kubọng ahwu ku yi he kushu ana. Ma la wa ha, ma nda ushọm kukaa-inyia ahwu undi a wa pwọm ahwu ngye ye tyuu ha. Ma pel ahwu be le hwu. 3Gbe undi a bii amen atan-lengi angwu ma pel kung ahwu, ma de-e le, ‘Ki fọng Ada le hwu. Gbe a mbee, u sọm undi u tem le hwu.’ ”
4Bendi-utung bema bendi befee ana be bo le nde kukaa-inyia tyuu he ungwu-lishi gwaa ha kukwo. Be pel ahwu. 5Bendi besuso abe be yi naa ha, be bii abe le kibang a, ma pel kung kukaa-inyia? 6Bendi-utung Ujeso be fan nya ana Ujeso a ma de be. Be tyang abe. 7Be be le kizaaki ana ke Ujeso. Be waa bihwọm bibel shi ashi he item. Ujeso a bel kwu ha. 8Bendi gbam be kung bihwọm bibel kie he ugba-akwo kpu-ludu-dudu. Besuso be tang akikie le he libeb, be kie ha he kukwo. 9Bendi abe be ma te Ujeso le he kushu le abe le he item, be maa fel gaa kọng le,
“Ma li pee Unim.”
“Kukwun ku yi ke undi angwu u be he lizen Ada Unim.”#11:9 Agyam 118:26
10“Kukwun ku yi ke kiteng kusu atietyan Udebid.”
“Ipee i kwu ke Unim angwu he lifung-atabe.”
11Ujeso a ma wu he Ujeruselem. A ha gbe gye he Ushọm Unim le nde biwọm puu abi bi yi ha. Gbe likwu-lukwu li ma gyeb ma, a gbe le bendi-utung bema tem gye he Ubetani.
Ujeso a buu Ufig atye u mbee tie ushọm Unim
(Mat 21:18-19)
12Ashi a taa, nya ana be maa ndu gbe le ha Ubetani, itung i maa fel ndo Ujeso. 13A kung ashi nde gye he kushu, a nde Ufig a hwaa ashia naa ha. A te he u le nde le a wum agbe a he u gbung ndeb. A le wu ha, a nde-e u yi ashia-ashia, likọye kunyọng ahwu u wum agbe ku wa fel ye. 14Ujeso a kung de ukwan umen ana le u ha tem ba wum agbe le bendi be ndeb a ye kpam. Bendi-utung bema be gyo ashi a kọng.
15Ujeso le bendi-utung bema be be wu he Ujeruselem. Ujeso a gye he afee Ushọm Unim. A nde bendi abe be ndyeb biwọm zi le abe be ndyeb biwọm ha he Ushọm Unim, a ndo abe wu he igye. U nyii kpe itebul bendi abe be gie unde le bidem bendi abe be ndyeb lilulu zi wu le hel. 16Ujeso a maa bọng le undi u tem be ndọ kate he Ushọm Unim ye. 17Nya ana u maa fel hwọ abe, a de le, “Be ma fee ndọ he kushia Unim le Unim a de le, be ba ko Ushọm uma le kiteng ashi bendi abe he abọng puu be be kọng ha Unim.#11:17 Azaya 56:7 Ukpọ men ma shi-e a bel kiteng ashi ma ndyel zi kazi.”#11:17 Ujerimaya 7:11
18Bekandi bishang Unim le bitisha Iten be gyo ashin. Be fel kee kukwo ahwu be gwu-e. Ukpọ be maa shel he likọye ki ma kwu bendi puu he kuhwo gbe le ashi a hwọ abe.
19Likwu-lukwu li ma gyeb, Ujeso befe le bendi-utung bema be gbe le ha Ujeruselem.
20Ashi a taa, Ujeso befe le bendi-utung bema be mbee le gbe he kukwo kumen ana. Be nde ukwan ufig umen ana a hwo le idaa le idaa. 21Ipita a wel ashi Ujeso a ma kọng. A kung de Ujeso le, “Itisha ukandi, nde ukwan ufig angwu wo ma buu he atye a hwo!”
22Ujeso a ma kung de be puu le, “Ma fe lityam ha Unim. 23Mi de men kigyang-kigyang le, gbe undi uyang-yang angwu a de ukwel le u kwuo le wu he umbwo ukandi, u yi faale atyang-ale he ahe lityam, u bọng le ashi a kọng ana ki sha, Unim u sha ashi ka he. 24He ashin, ma ngye dang le, he kunyọng ahwu ma kọng ha Unim, gbe ma bii he biwọm, ma bọng le ma kpe bi ma, Unim u ka amen abi puu. 25He kunyọng ahwu undi u kọng ha Unim, u tyang ke undi angwu a shi kibibi he ahe, he Atyam angwu he lifung-atabe u tyang biban bima ke-e ufe ọ titi. [26Gbe undi a tyang ke bendi ye, Atyam angwu he lifung-atabe ọ u tyang ka he ye.]”
Be bii Ujeso angwu a ke-e ikeb
(Mat 21:23-27; Luk 20:1-8)
27Be ma tem be he Ujeruselem. Be gbe gye he Ushọm Unim. Nya ana Ujeso a maa tan ha he Ushọm Unim, bekandi bishang Unim le bitisha Iten le bekandi kubọng be be hwaa le he. 28Be bii he le, “Le he kung wo be le ikeb angi wo shi biwọm bimen i? Ayang a ka-a ikeb le wo shi biwọm bimen i?”
29Ujeso a ma fan abe le, “Mi bii amen kibibi ken. Gbe ma fan ashi, mi da amen undi angwu a ke-m ikeb angi mi shi biwọm bimen i. 30Ayang a ma ke Ujọn ikeb angi a maa wu bendi umbwo? Unim na a ma ke-e a, ha bendi-gye a? Ma fan mi.”
31Be maa fel tyang le bende le, “Li ha fan le ana? Gbe li fan he le Ujọn a maa wa bendi umbwo he ikeb Unim a, u bii li le, fe kibang ki tan le shi li bọng ha Ujọn ye? 32Ukpọ li nya de le Ujọn a maa wa bendi umbwo he ikeb angi undi-gye a?” Be maa shel likọye bendi puu be bọng le Ujọn a ma yi utye-ugie kisọm Unim a na afọng.
33Be ha kung fan Ujeso le be ngye ye.
Ujeso a de be le ufe ọ u da abe undi angwu a ke-e ikeb angi u shi biwọm bimen i ye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.