Umak 10
10
Libee aban-ale
(Mat 19:1-12; Luk 16:18)
1Ujeso a ma bo le he kiteng ashina le gbe he Ujudia gye he igbindi umbwo Ujọdan. Bendi gbam be ma be hwaa le he. A ma hwọ abe biwọm nya ana u sha shi.
2Bendi besuso le he likwu Iferesis be ma be hwaa le Ujeso be kung he le he kusi. Be ma bii he le, “Iten ityan i bọng le undi u ban libee a?”
3Ujeso a ha bii abe le, “Kibang uten angwu Umosis a ma tye men?”
4Be fan he le Umosis a ma ke ikeb le undi u fee kushia libee aban-ale ke ungye-ma de-e le u ndu gye.
5Ujeso a fan abe be le, “Umosis a ma fee uten angwun ke men le gbe ma teb atyam, ma kpa ashi be hwọ amen ye a. 6Be ma fee he kushia Unim le, ‘Le ha linde-linde he kunyọng ahwu Unim a ma mbe igye anyin, a mbe ungikye le ungingye.#10:6 Ukpi-kikwu 1:27 7He atan-lengi angwun ungikye u tyang atyam le anam ba gwaa ha ungye-ma. 8Bendi bemen befee ana be fel nya ana undi ken a.’#10:8 Ukpi-kikwu 2:24 Be tem yi bendi befee a ye, be fel undi ken a. 9Gbe Unim na a shi abe le be bee, undi-gye u ban abe libee ye.”
10Be ma tem gye he afee ushọm. Bendi-utung Ujeso be ma bii he gbe le likọng libee ana. 11Ujeso a de be le ungikye angwu a ndo ungye-ma le kpeb ungye ususo, ha a shi kiban agbele ipel fe ungye-ma. 12Kitaa kimen gbe ungingye a tyang ukye-ma le bee le ungikye ususo, ha a shi kiban agbele ipel fe ukye-ma.
Ujeso le Inwaa-bwani
(Mat 19:13-15; Luk 18:15-17)
13Bendi besuso be be le bebwaa-abel le Ujeso u pwọm abe abwo. Bendi-utung Ujeso be ma swan ndo abe. 14Ujeso a ma nde ashi bendi-utung bema be shi. Ki ma nyung he he lityam. A kung de be le, “Ma tyang inwaa-bwani i be hwaa le mi. Ma swan ndo abe ye, likọye kiteng kusu Unim ki yi ke abe kitaa i a. 15Mi de men, ki yi faale ifung le undi uyang-yang angwu a kpe kiteng kusu Unim na unwaan a ye, u ha ndu ngwee ha ye.” 16Ujeso a ha kung inwaa-bwani kwu he abwo, u pwọm abe abwo ke be kukwun.
Bendi-kingbeb le kiteng kusu Unim
(Mat 19:16-30; Luk 18:18-30)
17Nya ana Ujeso a ma bo le fel he kukwo, ungikye ususo a buu be hwaa le he, mbu tim anung he itang ke-e, kung bii he le, “Itisha ununung, mi shi na a, mi kwu le likpan kunyọng angi li ngyọ igye kpam?”
18Gyo Ujeso le, “Kibang a, wo ko mi le undi ununung? Ki yi le undi ununung ye, Unim ufe-ufe na u yi ununung. 19Wo ngye Iten angi i de le, ‘Gwu undi ye, gbe ipel ha undi ususo fem ungye-gang tyang ye, zi kazi ye, be uman fe undi ye, shi undi zi ye, fe atia le anaa.’#10:19 Ligye 20:12-16; Iten lefee 5:16-20 ”
20Ungikye angwuna a kung de-e le, “Itisha, mi ndọ Iten anyin kung le ha kisun kigi a.”
21Ki ma nyin Ujeso he lityam kaang le he, a bel ashi nde-e, kung de-e le, “Kiwọm ki teng ken ashi wo shi.” A mbee de-e le, “Te le kung biwọm bigang puu ndyeb zi, kung unde hwọ ke bendi-likaa, ma wo ba kwa le kingbeb he lifung-atabe. Ma wo ha be pwọm mi.”
22A ma gyo ashina gyo-gyo, ki ma ban he lityam likọye a ma mbu kingbeb kaang. A ma gbe ligye kimbwe-kimbwe.
23Ujeso a bel ashi nde bendi-utung bema, u de be le, ki ba kwa le kingie kaang ka bendi-kingbeb le be ngwee he kiteng kusu Unim.
24Kiwọm ashi Ujeso a kọng, ki kwu bendi-utung bema he kuhwo. Ujeso a mbee de be le, “Bebwaagi, ki nya yi le kingie na a ke undi le u ngwee he kiteng kusu Unim. 25Ki yi pie-pie ke kizaaki le ki gbe he ligia uwo hwo ashi le undi-kingbeb u ngwee he kiteng kusu Unim.”
26Ashina ki ma kwu bendi-utung bema he kuhwo kaang. Be fel bii bende le, “Fe ayang u ha be kwu le likpan kunyọng?”
27Ujeso a bel ashi nde be kpọ, kung de be le, “Ke undi-gye, ashin ki yi pie-pie ye, ukpọ ke Unim biwọm puu bi yi pie-pie.”
28Ipita a ha kung kọng le, “li gbe tyang biwọm puu, li pwọm a.”
29Ujeso a kung fan abe le, “Mi de men kigyang-kigyang, ki yi le undi angwu a gbe tyang ushu ọ, bebwaa ọ, bebwaa-nam ọ, atyam ọ, anam ọ, utia ọ, he kuhwo kugi le kisọm kinunung ashin 30ngwu u ha ndu mọ lifem akpele kugbe asi adyọng hwo abi a gyan he igye anyin, ma ki yi ushu ọ, bebwaa-nde ọ, anam ọ, bebwaa ọ, itia ọ, bingie ọ, pel le likpan kunyọng angi li ngyọ igye he igye angi i be be ye. 31Bendi gbam abe be yi ukpi-kikwu kanaa-anaa i nyin, be ba fel umbee-likel, abe be yi umbee-likel kanaa-anaa i, be be fel ukpi-kikwu.”
Ujeso a kọng gbe le lihwu lima kugbe ahwu lekie
(Mat 20:17-19; Luk 18:31-34)
32Ujeso befe le bendi-utung bema be maa gya he Ujeruselem, Ujeso u maa gya abe le he kushu, ki kwu bendi-utung bema he kuhwo kaang. Bendi abe be ma pwọm abe, be fel he kushel. Ujeso a ko bendi-utung bema abe lihwo le be befee gye he ufaa, kung de be ashi ki be shi fe-e. 33A de be le, “Ma gyo, li gya he Ujeruselem he kipi ashi undi u be kung mi Unwaa undi-gye, ke bekandi bishang Unim le bitisha Iten. Be ba ka ikeb le be gwu-m. Be ba kung mi ka bendi abe be yi Ijuus a ye. 34Bendi bemen i be ba nyan mi, be sho akung wu-m, be kpam mi ikwun, be ha gwu-m. Ukpọ he liti angi lekie mi ba tem wum le he lihwu.”
Ashi Ujems le Ujọn be bii
(Mat 20:20-28)
35Ujems befe le Ujọn, bebwaa Uzebedi, be le hwaa le Ujeso, ko he le, “Itisha, li kee le wo shi kiwọm kiyang-yang ashi li kee ke li.”
36Ujeso a kung bii abe le, “Kibang ma kee le mi shi ke men?”
37Be fan he le, “Li kee le wo ke li ikeb le undi ken u be kwa-a le he kubwo lizen, angwu ken u kwa-a le he kubwo limbel he ifem igang.”
38Ujeso a kung de be le, “Ma ngye ashi ma bii ye. Men ma nya ngwa le he ugba-ala kingie na mi ndu ngwo i nyin mbee a?”
39Be bọng de-e le “li ngwa mbee.”
Ujeso a de be le “Ma ba ngwa le he ugba-ala kingie angwu mi ngwo i nyin mbee. 40Ukpọ mi yi le ikeb le mi waa undi angwu u be kwu-m le he kubwo lizen ọ, nyọng limbel ọ ye. Unim u ba kung biteng bimen i ka bendi abe a shi abi ndọ abe a.”
41Nyọng bendi-utung bema abe be teng lihwo be gyo kiwọm ashina, be fel he ingyo fe Ujems befe le Ujọn. 42Ujeso a ko abe befe puu be he kiteng ken, kung de be le, “Ma ngye na bendi abe be yi bekandi le abe be teng likwu bendi abe be yi Ijuus a ye be tyung ikeb ibel ha abe. 43Ukpọ men ma shi na ye. Undi he liwu limen angwu a kee le u kwa ukandi, u bel fel ubọyi bendi abe be teng. 44Undi uyang-yang angwu a kee le u kwa atie-lishi bendi, u keb kuhwo-ma fel ufee bendi puu. 45Mi Unwaa undi-gye ọ, mi be le he bendi be kwu ibọyi igi a ye, mi be le mi kwu ubọyi bendi a, mi mbee kung kuhwo-gi ke pọng bendi gbam.”
Ubatimayus angwu a ma hwọ atọng-shi u fel nda
(Mat 20:29-34; Luk 18:35-43)
46Ujeso befe le bendi-utung bema be ma gye he Ujeriko, he kunyọng ahwu be ma ndu gbe le ha, bendi gbam be ma tye kwuo pwọm abe. He kunyọng kumen ana, uhwọ-ashi ken angwu be maa ko le Ubatimayus, unwaa Utimayus, a ma yi kwu he kukwo u nyọng kinyọng. 47A gyo le Ujeso angwu Unazaret u ba le ha, u fel gaa le, “Ujeso, unwaa Udebid, kwu le beshi ha ami!”
48Bendi gbam be gaa fee le u naa le kihwee. A ha mbee kung gaa kaang le, “Unwaa Udebid, kwu le beshi ha ami!”
49Ujeso a ha naa, sọm ko he.
Be ko he de-e le “kwu le igọ, bo kinaa, Ujeso u ko-a” 50Uhwọ-ashi ana a tie bo kinaa, kung bigbọ bima pel wu he itang gbe le hwaa le Ujeso.
51Ujeso a bii he le, “Kibang wo kee le mi shi ka-a?”
Uhwọ-ashi ana a fan he le, “Itisha ukandi, mi kee le mi fel nda.”
52Ujeso a de-e le, “ndu gye abọng-ale agang a mbee a.” Nya kukwo-kukwo ungikye angwuna u fel nda. A gbe utung ha Ujeso.
ទើបបានជ្រើសរើសហើយ៖
Umak 10: KUIL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umak 10
10
Libee aban-ale
(Mat 19:1-12; Luk 16:18)
1Ujeso a ma bo le he kiteng ashina le gbe he Ujudia gye he igbindi umbwo Ujọdan. Bendi gbam be ma be hwaa le he. A ma hwọ abe biwọm nya ana u sha shi.
2Bendi besuso le he likwu Iferesis be ma be hwaa le Ujeso be kung he le he kusi. Be ma bii he le, “Iten ityan i bọng le undi u ban libee a?”
3Ujeso a ha bii abe le, “Kibang uten angwu Umosis a ma tye men?”
4Be fan he le Umosis a ma ke ikeb le undi u fee kushia libee aban-ale ke ungye-ma de-e le u ndu gye.
5Ujeso a fan abe be le, “Umosis a ma fee uten angwun ke men le gbe ma teb atyam, ma kpa ashi be hwọ amen ye a. 6Be ma fee he kushia Unim le, ‘Le ha linde-linde he kunyọng ahwu Unim a ma mbe igye anyin, a mbe ungikye le ungingye.#10:6 Ukpi-kikwu 1:27 7He atan-lengi angwun ungikye u tyang atyam le anam ba gwaa ha ungye-ma. 8Bendi bemen befee ana be fel nya ana undi ken a.’#10:8 Ukpi-kikwu 2:24 Be tem yi bendi befee a ye, be fel undi ken a. 9Gbe Unim na a shi abe le be bee, undi-gye u ban abe libee ye.”
10Be ma tem gye he afee ushọm. Bendi-utung Ujeso be ma bii he gbe le likọng libee ana. 11Ujeso a de be le ungikye angwu a ndo ungye-ma le kpeb ungye ususo, ha a shi kiban agbele ipel fe ungye-ma. 12Kitaa kimen gbe ungingye a tyang ukye-ma le bee le ungikye ususo, ha a shi kiban agbele ipel fe ukye-ma.
Ujeso le Inwaa-bwani
(Mat 19:13-15; Luk 18:15-17)
13Bendi besuso be be le bebwaa-abel le Ujeso u pwọm abe abwo. Bendi-utung Ujeso be ma swan ndo abe. 14Ujeso a ma nde ashi bendi-utung bema be shi. Ki ma nyung he he lityam. A kung de be le, “Ma tyang inwaa-bwani i be hwaa le mi. Ma swan ndo abe ye, likọye kiteng kusu Unim ki yi ke abe kitaa i a. 15Mi de men, ki yi faale ifung le undi uyang-yang angwu a kpe kiteng kusu Unim na unwaan a ye, u ha ndu ngwee ha ye.” 16Ujeso a ha kung inwaa-bwani kwu he abwo, u pwọm abe abwo ke be kukwun.
Bendi-kingbeb le kiteng kusu Unim
(Mat 19:16-30; Luk 18:18-30)
17Nya ana Ujeso a ma bo le fel he kukwo, ungikye ususo a buu be hwaa le he, mbu tim anung he itang ke-e, kung bii he le, “Itisha ununung, mi shi na a, mi kwu le likpan kunyọng angi li ngyọ igye kpam?”
18Gyo Ujeso le, “Kibang a, wo ko mi le undi ununung? Ki yi le undi ununung ye, Unim ufe-ufe na u yi ununung. 19Wo ngye Iten angi i de le, ‘Gwu undi ye, gbe ipel ha undi ususo fem ungye-gang tyang ye, zi kazi ye, be uman fe undi ye, shi undi zi ye, fe atia le anaa.’#10:19 Ligye 20:12-16; Iten lefee 5:16-20 ”
20Ungikye angwuna a kung de-e le, “Itisha, mi ndọ Iten anyin kung le ha kisun kigi a.”
21Ki ma nyin Ujeso he lityam kaang le he, a bel ashi nde-e, kung de-e le, “Kiwọm ki teng ken ashi wo shi.” A mbee de-e le, “Te le kung biwọm bigang puu ndyeb zi, kung unde hwọ ke bendi-likaa, ma wo ba kwa le kingbeb he lifung-atabe. Ma wo ha be pwọm mi.”
22A ma gyo ashina gyo-gyo, ki ma ban he lityam likọye a ma mbu kingbeb kaang. A ma gbe ligye kimbwe-kimbwe.
23Ujeso a bel ashi nde bendi-utung bema, u de be le, ki ba kwa le kingie kaang ka bendi-kingbeb le be ngwee he kiteng kusu Unim.
24Kiwọm ashi Ujeso a kọng, ki kwu bendi-utung bema he kuhwo. Ujeso a mbee de be le, “Bebwaagi, ki nya yi le kingie na a ke undi le u ngwee he kiteng kusu Unim. 25Ki yi pie-pie ke kizaaki le ki gbe he ligia uwo hwo ashi le undi-kingbeb u ngwee he kiteng kusu Unim.”
26Ashina ki ma kwu bendi-utung bema he kuhwo kaang. Be fel bii bende le, “Fe ayang u ha be kwu le likpan kunyọng?”
27Ujeso a bel ashi nde be kpọ, kung de be le, “Ke undi-gye, ashin ki yi pie-pie ye, ukpọ ke Unim biwọm puu bi yi pie-pie.”
28Ipita a ha kung kọng le, “li gbe tyang biwọm puu, li pwọm a.”
29Ujeso a kung fan abe le, “Mi de men kigyang-kigyang, ki yi le undi angwu a gbe tyang ushu ọ, bebwaa ọ, bebwaa-nam ọ, atyam ọ, anam ọ, utia ọ, he kuhwo kugi le kisọm kinunung ashin 30ngwu u ha ndu mọ lifem akpele kugbe asi adyọng hwo abi a gyan he igye anyin, ma ki yi ushu ọ, bebwaa-nde ọ, anam ọ, bebwaa ọ, itia ọ, bingie ọ, pel le likpan kunyọng angi li ngyọ igye he igye angi i be be ye. 31Bendi gbam abe be yi ukpi-kikwu kanaa-anaa i nyin, be ba fel umbee-likel, abe be yi umbee-likel kanaa-anaa i, be be fel ukpi-kikwu.”
Ujeso a kọng gbe le lihwu lima kugbe ahwu lekie
(Mat 20:17-19; Luk 18:31-34)
32Ujeso befe le bendi-utung bema be maa gya he Ujeruselem, Ujeso u maa gya abe le he kushu, ki kwu bendi-utung bema he kuhwo kaang. Bendi abe be ma pwọm abe, be fel he kushel. Ujeso a ko bendi-utung bema abe lihwo le be befee gye he ufaa, kung de be ashi ki be shi fe-e. 33A de be le, “Ma gyo, li gya he Ujeruselem he kipi ashi undi u be kung mi Unwaa undi-gye, ke bekandi bishang Unim le bitisha Iten. Be ba ka ikeb le be gwu-m. Be ba kung mi ka bendi abe be yi Ijuus a ye. 34Bendi bemen i be ba nyan mi, be sho akung wu-m, be kpam mi ikwun, be ha gwu-m. Ukpọ he liti angi lekie mi ba tem wum le he lihwu.”
Ashi Ujems le Ujọn be bii
(Mat 20:20-28)
35Ujems befe le Ujọn, bebwaa Uzebedi, be le hwaa le Ujeso, ko he le, “Itisha, li kee le wo shi kiwọm kiyang-yang ashi li kee ke li.”
36Ujeso a kung bii abe le, “Kibang ma kee le mi shi ke men?”
37Be fan he le, “Li kee le wo ke li ikeb le undi ken u be kwa-a le he kubwo lizen, angwu ken u kwa-a le he kubwo limbel he ifem igang.”
38Ujeso a kung de be le, “Ma ngye ashi ma bii ye. Men ma nya ngwa le he ugba-ala kingie na mi ndu ngwo i nyin mbee a?”
39Be bọng de-e le “li ngwa mbee.”
Ujeso a de be le “Ma ba ngwa le he ugba-ala kingie angwu mi ngwo i nyin mbee. 40Ukpọ mi yi le ikeb le mi waa undi angwu u be kwu-m le he kubwo lizen ọ, nyọng limbel ọ ye. Unim u ba kung biteng bimen i ka bendi abe a shi abi ndọ abe a.”
41Nyọng bendi-utung bema abe be teng lihwo be gyo kiwọm ashina, be fel he ingyo fe Ujems befe le Ujọn. 42Ujeso a ko abe befe puu be he kiteng ken, kung de be le, “Ma ngye na bendi abe be yi bekandi le abe be teng likwu bendi abe be yi Ijuus a ye be tyung ikeb ibel ha abe. 43Ukpọ men ma shi na ye. Undi he liwu limen angwu a kee le u kwa ukandi, u bel fel ubọyi bendi abe be teng. 44Undi uyang-yang angwu a kee le u kwa atie-lishi bendi, u keb kuhwo-ma fel ufee bendi puu. 45Mi Unwaa undi-gye ọ, mi be le he bendi be kwu ibọyi igi a ye, mi be le mi kwu ubọyi bendi a, mi mbee kung kuhwo-gi ke pọng bendi gbam.”
Ubatimayus angwu a ma hwọ atọng-shi u fel nda
(Mat 20:29-34; Luk 18:35-43)
46Ujeso befe le bendi-utung bema be ma gye he Ujeriko, he kunyọng ahwu be ma ndu gbe le ha, bendi gbam be ma tye kwuo pwọm abe. He kunyọng kumen ana, uhwọ-ashi ken angwu be maa ko le Ubatimayus, unwaa Utimayus, a ma yi kwu he kukwo u nyọng kinyọng. 47A gyo le Ujeso angwu Unazaret u ba le ha, u fel gaa le, “Ujeso, unwaa Udebid, kwu le beshi ha ami!”
48Bendi gbam be gaa fee le u naa le kihwee. A ha mbee kung gaa kaang le, “Unwaa Udebid, kwu le beshi ha ami!”
49Ujeso a ha naa, sọm ko he.
Be ko he de-e le “kwu le igọ, bo kinaa, Ujeso u ko-a” 50Uhwọ-ashi ana a tie bo kinaa, kung bigbọ bima pel wu he itang gbe le hwaa le Ujeso.
51Ujeso a bii he le, “Kibang wo kee le mi shi ka-a?”
Uhwọ-ashi ana a fan he le, “Itisha ukandi, mi kee le mi fel nda.”
52Ujeso a de-e le, “ndu gye abọng-ale agang a mbee a.” Nya kukwo-kukwo ungikye angwuna u fel nda. A gbe utung ha Ujeso.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.