Genesis 19
19
Wavu utendese wa Sodoma
1Kisingi kiya wadya watumigwa wa kwe mbingu waidi weze wabule Sodoma, Lutu andaga kekala he nk'hili yo mzi. Aaho eze awaone, enukaga no kugenda kuwa hokela. Afunamaga hasi 2niyo agamba, “Wakulu miye ni mndima ywenyu. Mwize kwe nyumba yangu. Hakeni mazi mwe viga mkehumuze ikilo iki aha. Kukacha no mwinuke kilokilo no kugendeela ne nt'hambo yenyu.”
Mna woho wahitulaga, “Bule nekikale aha ho lwazo kilo chose.”
3Mna Lutu awahembelesaga, niyo wazumila kwingilanya nawo kwe nyumba yakwe. Awadamanyilaga nk'hande no kuwokela mikate heigeligwe ugwadu niyo wadya.
4Mna wadya watakwiza umwo wandile wakei kugona, wagosi wa Sodoma, waizungulukaga inyumba. Wagosi wose wo mzi, wabwanga na wadala wandaga aaho. 5Wamwitangaga Lutu kuse na kumuuza, “Wekuhi wadya want'hu wezile kwako kilo iki? Walete kwetu vileke kigende nawo!”
6Lutu awabasaga uko kuse niyo avugala ulwivi kwa kunyuma. 7Niyo Lutu agamba, “Wambuya zangu mse kudamanya wavu enga uno! 8Kauleni nnanao wana kike waidi wali na mazanga. Gojeni niwenk'heni aawo, mwadaha kuwatenda viya mkuunga. Mna awa want'hu mse kuwatenda dyodyose, ni watakwiza mwe nyumba yangu, naungwa niwaamile.”
9Mna niyo wagamba, “Halawe aha, weye umgeni! Weye niwe ani niho ukipangile dyo kudamanya? Halawe aha, nekikutende vihise kujink'ha woho.” Niyo wamsukumizila Lutu kunyuma no kuusogeela ulwivi vileke wauvune. 10Mna wadya want'hu waidi wafosaga kuse niyo wamvuta Lutu kwe nyumba no kuvugala ulwivi. 11Niyo wawatowa wadya want'hu wendile kuse kwa unt'hunt'hu vitendile wasekudaha kuluona ulwivi.
Lutu ahalawa Sodoma
12Wadya watakwiza waidi niyo wamgamba Lutu, “Una yeyose aha, ikanda ni wanao wa kilume hegu wakike hegu wakwezo hegu nduguyo yeyose akwikala mwo mzi uno? Walave aha, 13kwaviya Zumbe keva malongelezo yaihise mwa want'hu awa, naivo kakigala suwe kize kiubanage mzi uno wa Sodoma.”
14Niyo Lutu agenda kuwagambila wadya waungaga wawalombe wanawe no kuwagamba, “Sunguzeni mfose aha, Zumbe aunga ahabanange.” Mna wakweze wamuonaga enga mnt'hu akutanila.
15Kwize kutandazuke wadya watumigwa wa kwe mbingu wamtigizaga Lutu asunguze, Wakamgamba, “Sunguza! Mguhe mkaziyo, na wanawo waidi we kike mhalawe, mnase kwaza ugima wenyu umwo umzi ukabanagwa.” 16Lutu andaga na nk'hangamizi, mna Mnungu amuonelaga mbazi, ivo wadya want'hu waidi wawatozaga Lutu na mkaziwe na wadya wanawe we kike waidi no kuwalava kuse yo mzi. 17Weze wande wamlava kuse yumwenga mwa wadya watumigwa waidi wa kwe mbingu niyo agamba, “Nyiliseni ugima wenyu! Mse kusinya kunyuma naho mse kukimala hohose he dikolongo. Nyilikileni kwo lugulu vileke mse kukomwa.”
18Mna Lutu niyo agamba, “Bule, zumbe. 19Kindedi kunidamanyila uwedi mkulu na kuuhonya ugima wangu. Mna vigulu vitendesa uhale, ubanangi nounibwiile, name nenibanike nikei mpaka kudya. 20Kauleni aha hana mzi mdodo woho wi hagihi vitendese miye ninyilikile uukwo. Hamwenga na kugamba waoneka mdodo vitendese mna miye nenikehonyele ugima wangu.”
21Niyo ahitula, “Nivedi, Hikuzumila ayo ulongile. Heniubanange umzi udya ulongile. 22Mna Kombeka! Henitende dyodyose mpaka aho noubule uko.” Nivo vikuleka mzi uwo wetangagwa Zoali. Zoali nuko kugamba mzi mdodo.
Mizi ya Sodoma na Gomola yabanangwa.
23Zuwa dyandaga ditont'homoke umwo Lutu abulaga Zoali. 24Niyo Zumbe akimp'hula moto wa chola kulawa kwe mbingu kwa Zumbe mwe mizi ya Sodoma na Gomola, 25niyo abananga mizi iyo ne dikolongo dyose hamwenga na want'hu wose na kila kint'hu kikuile mwe isi iyo. 26Mna mkaza Lutu uyo andaga kunyuma ya mgosiwe, ahitukaga kunyuma niyo ahituka sugulu ya munyu.
27Mtondo Ibulahimu aitaga hadya hant'hu akimalaga hameso ha Zumbe, 28Akaulaga mwondwaisi uko Gomola na Sodoma, ne dikolongo dyose, niyo aona mosi ukufunk'ha mwe isi enga mosi wa moto mkulu. 29Mna umwo Mnungu aibanangaga imizi ya mwe dokolongo, amkumbukilaga Ibulahimu kwa mlava Lutu mwe mizi iyo vileke ase kubanagwa pele hamwenga nayo.
Chotoko cha Wamoabu na Waamoni
30Lutu ogohaga kwikala Zoali ivo niyo asama mzi uwo yehe hamwenga na wanawe waidi we kivele, niyo wagenda kwikala kwe mp'hanga ukwo kwo vigulu. 31Wakanda ukwo zuwa dimwenga mwana mkulu niyo amgamba mvunawe, “Haluse tate kadalahala, naho hahali mgosi yeyose mwe isi yose akuunga akilombe suwe enga ivo vili kwa want'hu wose vileke kipate wana. 32Elo, nekimnywese tate divai nk'hali vileke kigone naye kimwiikile”. 33Wamwink'haga divai nk'hali ikilo ikiya niyo akolwa, aho yudya umkulu agonaga na ise, mna ise akolesagwa ivo valekaga asekumanya kint'hu.
34Zuwa ditimile yudya mkulu niyo amgamba nduguye, “Kilo kiya miye higona na tate, nekimnywese divai nk'hali akolwe vileke ukagone naye. Niho nekinde na cheleko na tati yetu.” 35Ivo kilo icho naho niyo wamtenda akolwe, yudya mdodo niyo akugona na ise. Aho iviya iviya andaga hamanyize kint'hu kwaviya andaga kakolwa. 36Kwa ivi wana kike wa Lutu wose waidi wapataga ubovu kulawa mwa tati yawe. 37Yudya mwana umkulu ywe kike elekaga mwana kilume, niyo amwink'ha zina niye Moabu, niye umkale ywa Wamoabu hata dielo. Kwa Kiibulania, Moabu nuko kugamba “Kulawa kwa tate”. 38Yudya mwanakike umdodo naye niyo eleka mwana kilume, amwink'haga zina niye Ben Ami. Uyo niye mkale ywa Waamoni hata dielo. Kwa Kiibulania, Ben Ami nuko kugamba “Mwana kilume kulawa kwetu.”
ទើបបានជ្រើសរើសហើយ៖
Genesis 19: OTNguuBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.
Genesis 19
19
Wavu utendese wa Sodoma
1Kisingi kiya wadya watumigwa wa kwe mbingu waidi weze wabule Sodoma, Lutu andaga kekala he nk'hili yo mzi. Aaho eze awaone, enukaga no kugenda kuwa hokela. Afunamaga hasi 2niyo agamba, “Wakulu miye ni mndima ywenyu. Mwize kwe nyumba yangu. Hakeni mazi mwe viga mkehumuze ikilo iki aha. Kukacha no mwinuke kilokilo no kugendeela ne nt'hambo yenyu.”
Mna woho wahitulaga, “Bule nekikale aha ho lwazo kilo chose.”
3Mna Lutu awahembelesaga, niyo wazumila kwingilanya nawo kwe nyumba yakwe. Awadamanyilaga nk'hande no kuwokela mikate heigeligwe ugwadu niyo wadya.
4Mna wadya watakwiza umwo wandile wakei kugona, wagosi wa Sodoma, waizungulukaga inyumba. Wagosi wose wo mzi, wabwanga na wadala wandaga aaho. 5Wamwitangaga Lutu kuse na kumuuza, “Wekuhi wadya want'hu wezile kwako kilo iki? Walete kwetu vileke kigende nawo!”
6Lutu awabasaga uko kuse niyo avugala ulwivi kwa kunyuma. 7Niyo Lutu agamba, “Wambuya zangu mse kudamanya wavu enga uno! 8Kauleni nnanao wana kike waidi wali na mazanga. Gojeni niwenk'heni aawo, mwadaha kuwatenda viya mkuunga. Mna awa want'hu mse kuwatenda dyodyose, ni watakwiza mwe nyumba yangu, naungwa niwaamile.”
9Mna niyo wagamba, “Halawe aha, weye umgeni! Weye niwe ani niho ukipangile dyo kudamanya? Halawe aha, nekikutende vihise kujink'ha woho.” Niyo wamsukumizila Lutu kunyuma no kuusogeela ulwivi vileke wauvune. 10Mna wadya want'hu waidi wafosaga kuse niyo wamvuta Lutu kwe nyumba no kuvugala ulwivi. 11Niyo wawatowa wadya want'hu wendile kuse kwa unt'hunt'hu vitendile wasekudaha kuluona ulwivi.
Lutu ahalawa Sodoma
12Wadya watakwiza waidi niyo wamgamba Lutu, “Una yeyose aha, ikanda ni wanao wa kilume hegu wakike hegu wakwezo hegu nduguyo yeyose akwikala mwo mzi uno? Walave aha, 13kwaviya Zumbe keva malongelezo yaihise mwa want'hu awa, naivo kakigala suwe kize kiubanage mzi uno wa Sodoma.”
14Niyo Lutu agenda kuwagambila wadya waungaga wawalombe wanawe no kuwagamba, “Sunguzeni mfose aha, Zumbe aunga ahabanange.” Mna wakweze wamuonaga enga mnt'hu akutanila.
15Kwize kutandazuke wadya watumigwa wa kwe mbingu wamtigizaga Lutu asunguze, Wakamgamba, “Sunguza! Mguhe mkaziyo, na wanawo waidi we kike mhalawe, mnase kwaza ugima wenyu umwo umzi ukabanagwa.” 16Lutu andaga na nk'hangamizi, mna Mnungu amuonelaga mbazi, ivo wadya want'hu waidi wawatozaga Lutu na mkaziwe na wadya wanawe we kike waidi no kuwalava kuse yo mzi. 17Weze wande wamlava kuse yumwenga mwa wadya watumigwa waidi wa kwe mbingu niyo agamba, “Nyiliseni ugima wenyu! Mse kusinya kunyuma naho mse kukimala hohose he dikolongo. Nyilikileni kwo lugulu vileke mse kukomwa.”
18Mna Lutu niyo agamba, “Bule, zumbe. 19Kindedi kunidamanyila uwedi mkulu na kuuhonya ugima wangu. Mna vigulu vitendesa uhale, ubanangi nounibwiile, name nenibanike nikei mpaka kudya. 20Kauleni aha hana mzi mdodo woho wi hagihi vitendese miye ninyilikile uukwo. Hamwenga na kugamba waoneka mdodo vitendese mna miye nenikehonyele ugima wangu.”
21Niyo ahitula, “Nivedi, Hikuzumila ayo ulongile. Heniubanange umzi udya ulongile. 22Mna Kombeka! Henitende dyodyose mpaka aho noubule uko.” Nivo vikuleka mzi uwo wetangagwa Zoali. Zoali nuko kugamba mzi mdodo.
Mizi ya Sodoma na Gomola yabanangwa.
23Zuwa dyandaga ditont'homoke umwo Lutu abulaga Zoali. 24Niyo Zumbe akimp'hula moto wa chola kulawa kwe mbingu kwa Zumbe mwe mizi ya Sodoma na Gomola, 25niyo abananga mizi iyo ne dikolongo dyose hamwenga na want'hu wose na kila kint'hu kikuile mwe isi iyo. 26Mna mkaza Lutu uyo andaga kunyuma ya mgosiwe, ahitukaga kunyuma niyo ahituka sugulu ya munyu.
27Mtondo Ibulahimu aitaga hadya hant'hu akimalaga hameso ha Zumbe, 28Akaulaga mwondwaisi uko Gomola na Sodoma, ne dikolongo dyose, niyo aona mosi ukufunk'ha mwe isi enga mosi wa moto mkulu. 29Mna umwo Mnungu aibanangaga imizi ya mwe dokolongo, amkumbukilaga Ibulahimu kwa mlava Lutu mwe mizi iyo vileke ase kubanagwa pele hamwenga nayo.
Chotoko cha Wamoabu na Waamoni
30Lutu ogohaga kwikala Zoali ivo niyo asama mzi uwo yehe hamwenga na wanawe waidi we kivele, niyo wagenda kwikala kwe mp'hanga ukwo kwo vigulu. 31Wakanda ukwo zuwa dimwenga mwana mkulu niyo amgamba mvunawe, “Haluse tate kadalahala, naho hahali mgosi yeyose mwe isi yose akuunga akilombe suwe enga ivo vili kwa want'hu wose vileke kipate wana. 32Elo, nekimnywese tate divai nk'hali vileke kigone naye kimwiikile”. 33Wamwink'haga divai nk'hali ikilo ikiya niyo akolwa, aho yudya umkulu agonaga na ise, mna ise akolesagwa ivo valekaga asekumanya kint'hu.
34Zuwa ditimile yudya mkulu niyo amgamba nduguye, “Kilo kiya miye higona na tate, nekimnywese divai nk'hali akolwe vileke ukagone naye. Niho nekinde na cheleko na tati yetu.” 35Ivo kilo icho naho niyo wamtenda akolwe, yudya mdodo niyo akugona na ise. Aho iviya iviya andaga hamanyize kint'hu kwaviya andaga kakolwa. 36Kwa ivi wana kike wa Lutu wose waidi wapataga ubovu kulawa mwa tati yawe. 37Yudya mwana umkulu ywe kike elekaga mwana kilume, niyo amwink'ha zina niye Moabu, niye umkale ywa Wamoabu hata dielo. Kwa Kiibulania, Moabu nuko kugamba “Kulawa kwa tate”. 38Yudya mwanakike umdodo naye niyo eleka mwana kilume, amwink'haga zina niye Ben Ami. Uyo niye mkale ywa Waamoni hata dielo. Kwa Kiibulania, Ben Ami nuko kugamba “Mwana kilume kulawa kwetu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.