Genesis 17
17
Iagano dyo kuvinilwa
1Umwo Ibulamu andaga na miaka milongo kenda na kenda, Zumbe amlailaga niyo agamba, “Ni miye Mnungu ywo udahi. Unitegeleze miye naho udamanye yakwelela mazuwa yose. 2Naika lagano dyangu na weye, naho nohongelese welekwa wako.” 3Ibulamu niyo afunamila hasi, akadumika kihanga mwe sanga, niyo Mnungu agamba, 4“Naika lagano idi na weye, nakugamba nounde tate ywa want'hu wengi wa si nyingi. 5Howitangwe naho Ibulamu, nowitangwe Ibulahimu, kwaviya hikutenda tate ywa want'hu wengi wa si nyingi”. 6Nohwink'he welekwa wengi, nenidamanye si kulawa mwako na maseuta nawalawe kwako.
7“Neni didime dilagano dyangu kwako na kwa welekwa wako kwe cheleko kikwiza kunda lagano hediina uheelo. Neninde Mnungu ywako naho neninde Mnungu ywa welekwa wako. 8Nohwink'he weye na vyeleko vako isi ino mkwikala haluse enga watakwiza. Isi ino yose ya Kanani inde yenyu mazuwa yose, miye name neninde Mnungu ywawe.”
9Niyo Mnungu amgamba Ibulahimu, “Weye waungwa kuditoza dilagano dyangu, weye na welekwa wako ne vyeleko vako vikwiza. 10Idi nidyo dilagano dyangu kwako weye na welekwa wako wakukutimila, lagano ukuungwa kuditoza. Kila mgosi mwa nyuwe vaungwa avinilwe. 11Nomvinilwe, naho nicho nekinde kilagiso che dilagano mwa miye na nyuwe. 12Kila mwana wa kigosi ywa mazuwa mnane vaungwa avinilwe, hamwenga na watumwa welekwe mwe kaya zenyu, hegu watile kugulwa kwa matundu yenyu kulawa kwa watakwiza wadya hiyo welekwa wako. 13Kila elekwe mwe nyumba yako hata aguligwe kwa matundu aungwa avinilwe. Icho nekinde kilagio mwo mwili wako che dilagano dyangu dya mazuwa yose. 14Mgosi yeyose heevinilwe naapagulwe kulawa mwa want'hu wakwe, kwaviya haditozile dilagano na miye.”
15Mnungu niyo agendeela kumgamba Ibulahimu, “Homwitange naho mkaziyo, Salai, kukongela ivi haluse noumwitange mkaziyo, Sala. 16Neni mvikile naho naakwelekele mwana kilume. Neni mvikile Sala mkaziyo, naande mwelesi ywa si nyingi, naho maseuta nawelekwe kwakwe.”
17Ibulahimu afunamilaga hasi, kihanga chakwe kika sila mwe sanga, mna andaga akaseka uku akafanyanya akagamba, “ Ivo vadahika mt'hu kweleka mwana akanda mdala ywa miaka gana? Vadahika Sala mta miaka milongo kenda eleke mwana?” 18Ibulahim amuuzaga Mnungu, “Nii Ishumaeli asekunda mkipe ywangu?”
19Niyo Mnungu amgamba, “Bule. Mkaziyo Sala naakwelekele mwana kilume naho noumwink'he zina niye Isaka.” Neniike Ndagano yangu na Isaka hamwenga na welekwa wakwe, Ndagano ya mazuwa yose. 20Hikwiva mwe mbuli ya Ishumaeli, Neni mvikile no kumwink'ha wana na welekwa wengi. Neeleke watemi mlongo na waidi naho neni mtende si nk'hulu. 21“Lagano dyangu nedikint'he kwa mwanao Isaka akuunga elekwe ni mkazio Sala lupisi enga ulu mwaka ukwiza.” 22Mnungu eze ibinde kulonga na Ibulahimu niyo ahalawa.
23Mwe dizuwa idiya Ibulahimu amguhaga Ishumaeli mwanawe na wose welekwe mwe nyumba yakwe na wadya watilwe kuguligwa, wagosi wose mwe nyumba yakwe niyo awavinila enga ivo Mnungu amgambile. 24Ibulahimu avinilagwa umwo andaga na miaka milongo kenda na kenda, 25mwo lupisi ulo mwanawe Ishumaeli naye andaga na miaka mlongo na mitatu umwo avinilagwa. 26Ibulahimu na mwanawe wavinilagwa wose mwe dizuwa iidyo dimwenga. 27Naho kila mgosi mwe nyumba ya Ibulahimu ikanda ni hamwenga na wose welekwe mwe nyumba yakwe hegu watile kuguligwa kwa watakwiza, wose wavinilagwa hamwenga naye.
ទើបបានជ្រើសរើសហើយ៖
Genesis 17: OTNguuBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.
Genesis 17
17
Iagano dyo kuvinilwa
1Umwo Ibulamu andaga na miaka milongo kenda na kenda, Zumbe amlailaga niyo agamba, “Ni miye Mnungu ywo udahi. Unitegeleze miye naho udamanye yakwelela mazuwa yose. 2Naika lagano dyangu na weye, naho nohongelese welekwa wako.” 3Ibulamu niyo afunamila hasi, akadumika kihanga mwe sanga, niyo Mnungu agamba, 4“Naika lagano idi na weye, nakugamba nounde tate ywa want'hu wengi wa si nyingi. 5Howitangwe naho Ibulamu, nowitangwe Ibulahimu, kwaviya hikutenda tate ywa want'hu wengi wa si nyingi”. 6Nohwink'he welekwa wengi, nenidamanye si kulawa mwako na maseuta nawalawe kwako.
7“Neni didime dilagano dyangu kwako na kwa welekwa wako kwe cheleko kikwiza kunda lagano hediina uheelo. Neninde Mnungu ywako naho neninde Mnungu ywa welekwa wako. 8Nohwink'he weye na vyeleko vako isi ino mkwikala haluse enga watakwiza. Isi ino yose ya Kanani inde yenyu mazuwa yose, miye name neninde Mnungu ywawe.”
9Niyo Mnungu amgamba Ibulahimu, “Weye waungwa kuditoza dilagano dyangu, weye na welekwa wako ne vyeleko vako vikwiza. 10Idi nidyo dilagano dyangu kwako weye na welekwa wako wakukutimila, lagano ukuungwa kuditoza. Kila mgosi mwa nyuwe vaungwa avinilwe. 11Nomvinilwe, naho nicho nekinde kilagiso che dilagano mwa miye na nyuwe. 12Kila mwana wa kigosi ywa mazuwa mnane vaungwa avinilwe, hamwenga na watumwa welekwe mwe kaya zenyu, hegu watile kugulwa kwa matundu yenyu kulawa kwa watakwiza wadya hiyo welekwa wako. 13Kila elekwe mwe nyumba yako hata aguligwe kwa matundu aungwa avinilwe. Icho nekinde kilagio mwo mwili wako che dilagano dyangu dya mazuwa yose. 14Mgosi yeyose heevinilwe naapagulwe kulawa mwa want'hu wakwe, kwaviya haditozile dilagano na miye.”
15Mnungu niyo agendeela kumgamba Ibulahimu, “Homwitange naho mkaziyo, Salai, kukongela ivi haluse noumwitange mkaziyo, Sala. 16Neni mvikile naho naakwelekele mwana kilume. Neni mvikile Sala mkaziyo, naande mwelesi ywa si nyingi, naho maseuta nawelekwe kwakwe.”
17Ibulahimu afunamilaga hasi, kihanga chakwe kika sila mwe sanga, mna andaga akaseka uku akafanyanya akagamba, “ Ivo vadahika mt'hu kweleka mwana akanda mdala ywa miaka gana? Vadahika Sala mta miaka milongo kenda eleke mwana?” 18Ibulahim amuuzaga Mnungu, “Nii Ishumaeli asekunda mkipe ywangu?”
19Niyo Mnungu amgamba, “Bule. Mkaziyo Sala naakwelekele mwana kilume naho noumwink'he zina niye Isaka.” Neniike Ndagano yangu na Isaka hamwenga na welekwa wakwe, Ndagano ya mazuwa yose. 20Hikwiva mwe mbuli ya Ishumaeli, Neni mvikile no kumwink'ha wana na welekwa wengi. Neeleke watemi mlongo na waidi naho neni mtende si nk'hulu. 21“Lagano dyangu nedikint'he kwa mwanao Isaka akuunga elekwe ni mkazio Sala lupisi enga ulu mwaka ukwiza.” 22Mnungu eze ibinde kulonga na Ibulahimu niyo ahalawa.
23Mwe dizuwa idiya Ibulahimu amguhaga Ishumaeli mwanawe na wose welekwe mwe nyumba yakwe na wadya watilwe kuguligwa, wagosi wose mwe nyumba yakwe niyo awavinila enga ivo Mnungu amgambile. 24Ibulahimu avinilagwa umwo andaga na miaka milongo kenda na kenda, 25mwo lupisi ulo mwanawe Ishumaeli naye andaga na miaka mlongo na mitatu umwo avinilagwa. 26Ibulahimu na mwanawe wavinilagwa wose mwe dizuwa iidyo dimwenga. 27Naho kila mgosi mwe nyumba ya Ibulahimu ikanda ni hamwenga na wose welekwe mwe nyumba yakwe hegu watile kuguligwa kwa watakwiza, wose wavinilagwa hamwenga naye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.