Genesis 16
16
Hajili no mwanawe Ishumaeli
1Salai mkaza Ibulamu, hamwelekele mgosiwe mwana yeyose. Mna andaga na mvele mtumwa akulawa misili etangagwa Hajili, 2naivo Salai niyo amgamba Ibulamu mgosiwe, “Mnungu haungile kunink'ha mwana haluse gona na uyo mtumwa ywangu Hajili mafani adaha kunelekela mwana.” Ibulamu azumilaga yadya alongile mkaziwe Salai. 3Ivo Salai niyo amwigala Hajili mtumwa ywakwe andile Mmisili kwa Ibulamu vileke ande mkaziwe. Aya yalailaga miaka mlongo umwo Ibulamu andaga kekela Kanani. 4Ibulamu agonaga na Hajili niyo Hajili apata ubovu. Hajili eze aone kapata ubovu, aketogolaga no kumbela Salai.
5Salai amgambaga Ibulamu, “Noukalalizwe weye kwo lubezo akunitendela Hajili. Miye nehikwink'ha mtumwa ywangu, mna eze aone kugamba kapata ubovu niyo anibela. Mnungu alamule mwa miye na weye.”
6Ibulamu niyo ahitula, “Nivedi, Hajili mtumwa ywako naho ehasi yako, Mdamanyile viya ukuunga.” Ivo Salai amtendelaga Hajili ukwank'walu vilekile Hajili kanyilika.
7Mtumigwa ywa kwembingu ambwiilaga Hajili he n'choko ya mazi mwe dijangwa, mwe sila ikwiita Shulu, 8niyo mtumigwa ywa kwembingu amuuza, “Hajili mtumwa ywa Salai, walawanahi, naho waitanahi?”
Hajili niyo amhitula, “Miye namnyilika mkulu uyo Salai.”
9Mtumigwa ywa kwembingu niyo amgamba, “Uya kwa mkuluwo Salai ukande naho mtumwa ywakwe.” 10Yudya mtumigwa wa kwembingu ongezaga kugamba, “Miye nohwink'he welekwa wabindile ingi heweekuwazika. 11Noweleke mwana kilume naho noumwink'he zina niye Ishumaeli. Zina idyo kwa kiibulania nuko kugamba, Zumbe eva. Kwaviya Zumbe eva indilo ya makunt'ho yako. 12Mna mwanao neekale enga mp'hunda ya kwe mbago, naaihiane na kila mnt'hu, na kila mtu naande mwiihi wakwe. Neekale hale na wanduguze.”
13Hajili niyo akelongela mwenye, kindedi hibunk'hula kugamba Mnungu aniona. Amwink'haga zina uyo Zumbe alongaga naye kugamba, “Niwe Mnungu ukuniona.” 14Nivo vikuleka want'hu wakitanga kisima kiya kihagati ya Kadeshi na Baledi, “Beeli Lahai Loi.” “Kisima cha Mta Ugima Akuniona.”
15Hajili amwelekelaga Ibulamu mwana kilume niyo Ibulamu amwink'ha zina umwana niye Ishumaeli. 16Ibulamu, andaga na miyaka milongo mnane na mtandatu umwo Hajili akamweleka Ishumaeli.
ទើបបានជ្រើសរើសហើយ៖
Genesis 16: OTNguuBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.
Genesis 16
16
Hajili no mwanawe Ishumaeli
1Salai mkaza Ibulamu, hamwelekele mgosiwe mwana yeyose. Mna andaga na mvele mtumwa akulawa misili etangagwa Hajili, 2naivo Salai niyo amgamba Ibulamu mgosiwe, “Mnungu haungile kunink'ha mwana haluse gona na uyo mtumwa ywangu Hajili mafani adaha kunelekela mwana.” Ibulamu azumilaga yadya alongile mkaziwe Salai. 3Ivo Salai niyo amwigala Hajili mtumwa ywakwe andile Mmisili kwa Ibulamu vileke ande mkaziwe. Aya yalailaga miaka mlongo umwo Ibulamu andaga kekela Kanani. 4Ibulamu agonaga na Hajili niyo Hajili apata ubovu. Hajili eze aone kapata ubovu, aketogolaga no kumbela Salai.
5Salai amgambaga Ibulamu, “Noukalalizwe weye kwo lubezo akunitendela Hajili. Miye nehikwink'ha mtumwa ywangu, mna eze aone kugamba kapata ubovu niyo anibela. Mnungu alamule mwa miye na weye.”
6Ibulamu niyo ahitula, “Nivedi, Hajili mtumwa ywako naho ehasi yako, Mdamanyile viya ukuunga.” Ivo Salai amtendelaga Hajili ukwank'walu vilekile Hajili kanyilika.
7Mtumigwa ywa kwembingu ambwiilaga Hajili he n'choko ya mazi mwe dijangwa, mwe sila ikwiita Shulu, 8niyo mtumigwa ywa kwembingu amuuza, “Hajili mtumwa ywa Salai, walawanahi, naho waitanahi?”
Hajili niyo amhitula, “Miye namnyilika mkulu uyo Salai.”
9Mtumigwa ywa kwembingu niyo amgamba, “Uya kwa mkuluwo Salai ukande naho mtumwa ywakwe.” 10Yudya mtumigwa wa kwembingu ongezaga kugamba, “Miye nohwink'he welekwa wabindile ingi heweekuwazika. 11Noweleke mwana kilume naho noumwink'he zina niye Ishumaeli. Zina idyo kwa kiibulania nuko kugamba, Zumbe eva. Kwaviya Zumbe eva indilo ya makunt'ho yako. 12Mna mwanao neekale enga mp'hunda ya kwe mbago, naaihiane na kila mnt'hu, na kila mtu naande mwiihi wakwe. Neekale hale na wanduguze.”
13Hajili niyo akelongela mwenye, kindedi hibunk'hula kugamba Mnungu aniona. Amwink'haga zina uyo Zumbe alongaga naye kugamba, “Niwe Mnungu ukuniona.” 14Nivo vikuleka want'hu wakitanga kisima kiya kihagati ya Kadeshi na Baledi, “Beeli Lahai Loi.” “Kisima cha Mta Ugima Akuniona.”
15Hajili amwelekelaga Ibulamu mwana kilume niyo Ibulamu amwink'ha zina umwana niye Ishumaeli. 16Ibulamu, andaga na miyaka milongo mnane na mtandatu umwo Hajili akamweleka Ishumaeli.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.