Edwɛndolɛ 8
8
Edwɛndolɛ 8
Nana Nyamenle ye Anyunlunyia nee ye Abɔndeɛ nwo Kpoleyɛlɛ
1O Awulae, yɛ Nyamenle, wɔ tumi nee wɔ anyunlunyia kpokpoti da ali wienyi wɔ ewiade amuala! Wɔ nganvolɛ noko dwu anwuma anwuma. 2Wɔhile ngakula ngyikyi ngyikyi ne mɔ kɛ bɛzi bɛdo wɔ nganvolɛ edwɛne ne la: Maa ɛhye bɔbɔ mɔɔ wɔyɛ la ɛha wɔ kpɔvolɛma aze. Komo bɛdabɛ mɔɔ bɛtendɛ bɛtia wɔ la anwo zo, na maa bɛ nyunlu nyiane ɛgua aze.
3Saa menea anwomanyunlu, mɔɔ le ɛ sa anloa gyima, ɔ nee amungu nee nwɔlɛra ne mɔ mɔɔ wɔziezie bɛ la a, 4ɛnee duzu bɔbɔ a le sonla, mɔɔ ɔwɔ kɛ ɛdwenle ɔ nwo a; sonla ala, mɔɔ ɔwɔ kɛ ɛnea ɔ nwo zo a? 5Noko akee wɔkpogya ye zo ekyi bie ala wɔ anwumabɔvolɛma ne mɔ abo; na wɔdɔ alagye ala wɔhyehyɛ anyunlunyia kyɛlɛ wɔzoa ye, na wɔva enililɛ ngome wɔbɔ ye abotile.
6Wɔva wɔ abɔdeɛ kpokpoti wɔwula ɔ sa; na wɔmaa ye tumi wɔ debie biala anwo zo; 7mboane nee nlankɛ, ɔ nee ɛbɔ nu nane nane mɔ noko; 8nloma ne mɔ nee fɛlɛ, ɔ nee ninyɛne mɔɔ wɔ nyevile kunlu la amuala. 9O Awulae, yɛ Nyamenle, wɔ tumi nee wɔ anyunlunyia kpokpoti da ali wienyi wɔ ewiade amuala!
ទើបបានជ្រើសរើសហើយ៖
Edwɛndolɛ 8: ONEN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.