Edwɛndolɛ 1
1
Buluku Mɔɔ Lumua
Edw. 1–41
Edwɛndolɛ 1
Ngoane baka ne
1Nyilalɛ ɛha bɛdabɛ mɔɔ bɛkpo kɛ bɛkɛva amumuyɛvoma folɛdulɛ; bɛkpo kɛ bɛ nee ɛtanevolɛma kɛdu; na eza bɛnva bɛ nwo bɛmbɔnlebɔnle bɛdabɛ mɔɔ bɛmbu Nana Nyamenle bie hweledede la anwo la. 2Emomu, bɛlɛ anyelielɛ wɔ Awulae ye Mɛla ne mɔɔ bɛdi zo la anu; na alehyenlɛ nee aledwolɛ muala, bɛsie bɛ adwenle koonwu wɔ ye Mɛla ne anwo.
3Bɛle kɛ mbaka mɔɔ fifi azundenle nloa, na bɛso ma kposekpose wɔ bɛ ɛlobɔ kpalɛ nu la. Bɛ nya ɛmkpolo ɛngua aze ɛlɛ. Bɛko bɛtɔ zo wɔ debie biala mɔɔ bɛyɛ la anu.
4Noko akee ɔnle zɔ wɔ amumuyɛvoma afoa nu; bɛmɛ bɛle kɛ nyasoa mɔɔ ahumu ne bɔ bɛ gua la. 5Ɛhye ati Nana Nyamenle babua ɛtanevolɛma ndɛne fɔlɛ; na bɛbaye amumuyɛvoma bɛavi Nana Nyamenle ɔdaye ye tenlenema ne avinli. 6Ɔluakɛ Awulae wowa, na eza ɔsinza tenlenema; na atisesebɛvoma ɛdeɛ, bɛ ɛbɛlabɔlɛ twe bɛ kɔ munzule nu.
ទើបបានជ្រើសរើសហើយ៖
Edwɛndolɛ 1: ONEN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.