Málúkus 15
15
Yésuse ku Pílat
(Mat 27.1-2,11-26; Lúk 23.1-5,13-25; Isŋ 18.28–19.16)
1Kiɛmɛ́ɛm kiɛmɛ́ɛm túú, pafunɔ́fɔn pɔɔkɔ́n páápia kilumén nɔ pɔkɔ́n pɔ́ kitɔŋ ne pemenyípikotí, anakáánɛ́ kúnyɛɛ́ etúl kitikit. Páákúta Yésuse imbɔk, pááyɔɔk nɛɛyɛ́ pényeekí wɔ́ á Pílat, Ɔŋgɔ́munɛ ú Yuté. 2Pílatɛ woówun wɔ́ ɛ́ɛ́: «Anyi efuŋ u Pɛyúútɛn á?» Yésuse woondinyi wɔ́ ɛ́ɛ́: «Aŋúɛ ɔɔyɔnɛ́ɛ.» 3Pafunúfɔn pɔɔkɔ́n tuutinyenyi Yésuse nɔ pisɔ́mɔnɔ ku Pílat. 4Pilatɛ waand kuówun wɔ́ ɛ́ɛ́: «Amámaná ɔpítɔ́likɔn eme kitikit pákutúúkanɛ́, tɛ púmóomí á mɔ́ɔ atipá epíséékesi á?» 5Yésuse tɛ kuand apíkakɔn; Pilatɛ weesímile pɔ́ɔ́ táásɛ. 6Siki putɔ́mbi pú Pasika u Pɛyútɛnɛ, Pílat metúkúné kimbɔk kímoómí, á kiyúúnɛ kí pɔtɔŋtɔ́ŋ. 7Kisikɛl kiɛ́tɛ Mɔɔnd omotí kisiɛ́n ɛ́ɛ́ Palápasɛ mapá efuúkénín á kiansi kí imbíne ɔlɔŋ nɔ pɔsɔ́k pólotí ɛ́ kuɛlɛɛ́ pɔmɔɔ́n mɔɔnd puɔ́s pumotí pámaánd enuenesi pɔkɔ́n pɔ́ kitɔŋ. 8Embúl ú pɛɛnd wááyɔɔk ku Pílat é kitúkune kí siki putɔ́mbíɛ. 9Pilatɛ woondinyi pɔ́ ɛ́ɛ́: «Ínútúkunin efuŋ u Pɛyúútɛn á?» 10Á kiákí ɛ́ɛ́ umɛɛ́nɛ́n ɛ́ɛ́ yaák imɛɛ́lɛ́ ɛ́ɛ́ pafunɔ́fɔn pɔɔkɔ́n ɔ́ɔ́sɔ́mɛ́n Yésuse kuɛyɛ́. 11Pafunúfɔn pɔɔkɔ́n póond é kuliikesi embúl ɛ́ɛ́ wóówun kitúkune yá kí Palápas. 12wɔ́ kɔ́ɔ́p ɛ́ɛ́: «Yɛ́ɛl tiɛkíɛ́ ne ewú nupílanɛ́ ɛ́ɛ́ efuŋ u Pɛyúútɛn?» 13Páand kuond á kuáya: «Tɔɔ́ndɛ́n wɔ́ á nuak!» 14wɔ́ kɔ́ɔ́p ɛ́ɛ́: «Wɛɛ́l kiákí?» Pééliŋikuliŋ kuáya: «Tɔɔ́ndɛ́n wɔ́ á nuak!» 15Aná Pilat maámbá ɛ́ɛ́ úwóónyi nuɔpɛ́ɛ, weetúkun Palápasɛ woond weeki pukaaka ɛ́ɛ́ pésúpit Yésuse maná pɔ́tɔɔndɛn wɔ́ á nuak.
Pámáák Yésuse nulandany nú insɛ́ndí
(Mat 27.27-31; Isŋ 19.2-3)
16Pisimb píáyɔɔk ne Yésus á nuya nú Pílat. Píápílikɛn pisimb kitikit pímaápá akáánɛ́. 17Píák wɔ indífɔnɔ́ manɔ́ŋɔ́manúŋɛ́ɛ na nulandany nú insɛ́ndí pámaánuka. 18Píond á kuákinan wɔ́ punsáy, piɛ́lɛ kɛ́ɛ́yɛ́ ɛ́ɛ́: «Efuŋ u Pɛyúútɛn, tumékupíkéliti!» 19Písápa wɔ́ nupal kɛ́ ɛtɔ, píkasan wɔ́ pitelu, píond písukenin wɔ́ tunúú é kúúsí. 20Na kuman asikan wɔ́, píéŋi wɔ indífɔnɔ́ i manɔ́ŋɔ́manúŋɛ píondi wɔ́ insunú síɛ́yɛ́. Píám nɛɛyɛ́ ɔ́ kuɔtɔɔ́ndɛn wɔ́ ó kolóse.
Pɔmɔ́tɔɔ́ndɛ́n Yésuse ó kolóse
(Mat 27.33-44; Lúk 23.36-43; Isŋ 19.16-24)
21Mɔɔnd omotí mosióndon é mesíke, kisiɛ́n ɛ́ɛ́ Simune, mɔnɔ́ pesiléna, sí Alɛkɛsándɛlɛ ne Lúfus. Pisimb piɛ́tikɛn wɔ́ piátúúkɛn wɔ́ nuak nú Yésus. 22Píáyɔɔk ne Yésus kɔɔ́mɔ pápílanɛ́ ɛ́ɛ́ Kolokóta, anakáánɛ́ kúnyɛɛ́ kɔɔ́mɔ kɛ́ Kiɛ́ŋɛ́lɛ́ŋ kí Ɛtɔ. 23Píɛl píéki wɔ́ makɛ́p mɔɔsɔ́ ni ikuti ímotí íwookosíé kutɛɛ, Ween. 24Píɔ́tɔɔndɛn wɔ́ á nuak píond píáyaana ɔtɔ á kuapitan insunú síɛ́yɛ́ é kumeny niap ní siki mɔɔndɛ. 25Pisimb mɔtɔɔ́ndɛ́n Yésuse ó kolóse á pikulɛ́ pínamanɛ́ neémue pí kiɛmɛ́ɛm. 26Ɔmfiɔ́ŋ ú kikua kíɛ́yɛ́ ɔ́ɔ́yɔ ɛ́ɛ́: «Efuŋ u Pɛyúútɛn». 27Pɔ́ɔ́tɔɔndɛn kɔ́kɔ́ɔ́pɔ́ ó kolóse pafal páandɛ́, ewe kiáyí ewe kiáyí, Yésuse ɛ́ kikɛtɛ́kɛtɛ́ɛ. [ 28#15.28 Tipá e piénsi pɔmɔɔŋɔ ni imbɔk.] 29Pɛɛnd pɛ́mɛɛ́ndɛ́n akáánɛ́ mɛ́ɛ́ŋɛ ituɛ, pásikan wɔ, pɔ́ɔ́yɔ ɛ́ɛ́: «Ɛ́nyɛ́ owúnóo! Aŋúɛ amaátásɔ́n ɛ́ɛ́ anyi kukat kitamb kí Ɔkɔ́n oond awáákɛn kɛ́ɛ ɔ́ mɔɔ́sɛ́ táŋ mátátɔ́, 30pítúkún aŋɔ́ muɛ́t, éésel ó kolóse.» 31Pafunúfɔn pɔɔkɔ́n ne pemenyípikotí sikáánɛ́ Yésuse kɔ́kɔ́ɔ́pɔ́, pɔ́píɔ́yɔn pɔ́ɔ́ nɔ pɔ́ɔ ɛ́ɛ́: «Umétúkúné pɔsɔ́k, ɛ́nyɛɛ́ úpítukun! 32Wɔɔ́píɔ́yɔ ɛ́ɛ́ wɔ́ unyɛɛ́ Kilíise, ásɛ efuŋ u kitɔŋ kí Isilayɛ́l, utiselé kɔk ó kolóse túɛ́n túond túátap á!» Pafal pɔ́mɔɔ́tɔɔ́ndɔ́n pɔ́ á tuak kɛ́ɛ́yɛ́ á masíá sikáánɛ́ wɔ́ kɔ́kɔ́ɔpɔ́.
Yésus mákásɛ́k
(Mat 27.45-56; Lúk 23.44-49; Isŋ 19.28-30)
33Imbíne yaasak kúúsí kutúm nɔ ɔtɛ́m puɔ́s kuám pikulɛ́ pítátɔ́. 34Á pikulɛ́ pítátɔ́, Yésuse wɔɔ́mbɔlɛt: «Elóyi, Elóyi, lama sapakatáni?» anakáánɛ́ kúnyɛɛ́: «Támbákɛ́ɛ waam, Támbákɛ́ɛ waam, kiákɛ́ éményiseéŋéliti?» 35Pómotí pamaápá kɔ́ɔk ɔ́ɔ́pɔn, pákanyɛɛ́: «Waápaŋinan Elie!» 36Sɔ́k omotí wɛɛsɛpitɛn, weeyuukinyi kiyukú á pikányak pí makɛp; wɔɔtɔ́ɔn kɛ́ɛ á nupal wootóŋinyi Yésuse ɛ́ɛ́ úpúwa, wɔɔyɔ ɛ́ɛ́: «Énupéétí túɛ́n índɛ Eli kaná kuesiselí wɔ́ á nuak.» 37Yésuse waánsɛt, waakásɛk. 38Ukásikan á, Kilaá kímaátúná kitamb kí Ɔkɔ́n nɛkɛtɛ́ɛ kíálafɛk káandɛ́ kutúm mɛnɛ́manɛ́ɛ kuasiám ni imbát. 39Ɔkɔ́n u pisimb umaápá etényí ó pusíó pú kolóse, wɛɛ́n aná Yésus maákasɛ́k, wɔ́ ɛ́ɛ́: «Kémuémue, mɔɔnd ewe ápá Muɔ́nɔ́ u Támbák.» 40Pakáandɔ́ kɔ́kɔ́ɔ́pɔ́ mapá kɔ́ɔk, papínyáŋítán, póyooson. Kɔ́ɔ́pɔ́ kɔ́ ɔlɔŋ, Malía u kitɔŋ kisiɛ́n ɛ́ɛ́ Makatala mapá na Salúma na Malía, yóótí Sáakɛ weekétí no Yósɛs. 41Pakáandɔ́ pakáánɛ́ peem pátátɔ́ mɔɔŋɔ́n é Yésus, pɛ́kɛnɛkɛn nɛɛyɛ́ aká umaápá Kalilée. Atianá puólíkóoli pú pakáandɔ́ pólotí pémeényétílíkén wɔ́ Yelúsalɛm.
Pómónyóó Yésuse
(Mat 27.57-61; Lúk 23.50-56; Isŋ 19.38-42)
42Kuɔ́m kuɛ́sɛ́nd. Púmapá puɔ́s Pɛyúútɛn píándinanɛ sápat, kɔ́ɔkɛɛ́ unyɛ nakinyám. 43Yúsipɛ, u pálɛ́k kisiɛ́n ɛ́ɛ́ Alímaté Umapá kimfuŋámfuŋa kɔ́ ɔlɔŋ ú pɛɛnd pá Sanetelɛ́ŋ, wɔ́ kɛ́kɛ́ɛ́yɛ́ upétenyi Pufuŋ pú Támbák, waasiám, Waapiák malúnda, woonyoówún Pilatɛ kikú kí Yésus. 44Nikú ní Yésus níépeletenyi Pílatɛ. Waapílikɛn ɔkɔ́n u pisimb ó kuówun wɔ́ índɛ púkanyi kiandá kí kisikɛl Yésus siéku. 45Ɔkɔ́n u pisimb mɛɛlɛ́ utétunyenyi wɔ́ niku, Pílatɛ waátapɛn Yúsipɛ ɛ́ɛ́ úkɔ́l kiku. 46Yúsipɛ wɔɔnyɔɔ́nd imbɔ́ŋ, weeseli kikú kí Yésus ó kolóse, waákalɛt kɛ́ɛ kí imbɔ́ŋ waanyapítíkɛ́n kɛ́ɛ ké embíki atúánán á nitányí. Péépíŋiliti nitányí é kufuuk embik. 47Malíɛ u Makatala na Malíɛ, yóótí Yósɛs, yooson kɔɔ́mɔ pémeépítíkényényí kiku.
ទើបបានជ្រើសរើសហើយ៖
Málúkus 15: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Málúkus 15
15
Yésuse ku Pílat
(Mat 27.1-2,11-26; Lúk 23.1-5,13-25; Isŋ 18.28–19.16)
1Kiɛmɛ́ɛm kiɛmɛ́ɛm túú, pafunɔ́fɔn pɔɔkɔ́n páápia kilumén nɔ pɔkɔ́n pɔ́ kitɔŋ ne pemenyípikotí, anakáánɛ́ kúnyɛɛ́ etúl kitikit. Páákúta Yésuse imbɔk, pááyɔɔk nɛɛyɛ́ pényeekí wɔ́ á Pílat, Ɔŋgɔ́munɛ ú Yuté. 2Pílatɛ woówun wɔ́ ɛ́ɛ́: «Anyi efuŋ u Pɛyúútɛn á?» Yésuse woondinyi wɔ́ ɛ́ɛ́: «Aŋúɛ ɔɔyɔnɛ́ɛ.» 3Pafunúfɔn pɔɔkɔ́n tuutinyenyi Yésuse nɔ pisɔ́mɔnɔ ku Pílat. 4Pilatɛ waand kuówun wɔ́ ɛ́ɛ́: «Amámaná ɔpítɔ́likɔn eme kitikit pákutúúkanɛ́, tɛ púmóomí á mɔ́ɔ atipá epíséékesi á?» 5Yésuse tɛ kuand apíkakɔn; Pilatɛ weesímile pɔ́ɔ́ táásɛ. 6Siki putɔ́mbi pú Pasika u Pɛyútɛnɛ, Pílat metúkúné kimbɔk kímoómí, á kiyúúnɛ kí pɔtɔŋtɔ́ŋ. 7Kisikɛl kiɛ́tɛ Mɔɔnd omotí kisiɛ́n ɛ́ɛ́ Palápasɛ mapá efuúkénín á kiansi kí imbíne ɔlɔŋ nɔ pɔsɔ́k pólotí ɛ́ kuɛlɛɛ́ pɔmɔɔ́n mɔɔnd puɔ́s pumotí pámaánd enuenesi pɔkɔ́n pɔ́ kitɔŋ. 8Embúl ú pɛɛnd wááyɔɔk ku Pílat é kitúkune kí siki putɔ́mbíɛ. 9Pilatɛ woondinyi pɔ́ ɛ́ɛ́: «Ínútúkunin efuŋ u Pɛyúútɛn á?» 10Á kiákí ɛ́ɛ́ umɛɛ́nɛ́n ɛ́ɛ́ yaák imɛɛ́lɛ́ ɛ́ɛ́ pafunɔ́fɔn pɔɔkɔ́n ɔ́ɔ́sɔ́mɛ́n Yésuse kuɛyɛ́. 11Pafunúfɔn pɔɔkɔ́n póond é kuliikesi embúl ɛ́ɛ́ wóówun kitúkune yá kí Palápas. 12wɔ́ kɔ́ɔ́p ɛ́ɛ́: «Yɛ́ɛl tiɛkíɛ́ ne ewú nupílanɛ́ ɛ́ɛ́ efuŋ u Pɛyúútɛn?» 13Páand kuond á kuáya: «Tɔɔ́ndɛ́n wɔ́ á nuak!» 14wɔ́ kɔ́ɔ́p ɛ́ɛ́: «Wɛɛ́l kiákí?» Pééliŋikuliŋ kuáya: «Tɔɔ́ndɛ́n wɔ́ á nuak!» 15Aná Pilat maámbá ɛ́ɛ́ úwóónyi nuɔpɛ́ɛ, weetúkun Palápasɛ woond weeki pukaaka ɛ́ɛ́ pésúpit Yésuse maná pɔ́tɔɔndɛn wɔ́ á nuak.
Pámáák Yésuse nulandany nú insɛ́ndí
(Mat 27.27-31; Isŋ 19.2-3)
16Pisimb píáyɔɔk ne Yésus á nuya nú Pílat. Píápílikɛn pisimb kitikit pímaápá akáánɛ́. 17Píák wɔ indífɔnɔ́ manɔ́ŋɔ́manúŋɛ́ɛ na nulandany nú insɛ́ndí pámaánuka. 18Píond á kuákinan wɔ́ punsáy, piɛ́lɛ kɛ́ɛ́yɛ́ ɛ́ɛ́: «Efuŋ u Pɛyúútɛn, tumékupíkéliti!» 19Písápa wɔ́ nupal kɛ́ ɛtɔ, píkasan wɔ́ pitelu, píond písukenin wɔ́ tunúú é kúúsí. 20Na kuman asikan wɔ́, píéŋi wɔ indífɔnɔ́ i manɔ́ŋɔ́manúŋɛ píondi wɔ́ insunú síɛ́yɛ́. Píám nɛɛyɛ́ ɔ́ kuɔtɔɔ́ndɛn wɔ́ ó kolóse.
Pɔmɔ́tɔɔ́ndɛ́n Yésuse ó kolóse
(Mat 27.33-44; Lúk 23.36-43; Isŋ 19.16-24)
21Mɔɔnd omotí mosióndon é mesíke, kisiɛ́n ɛ́ɛ́ Simune, mɔnɔ́ pesiléna, sí Alɛkɛsándɛlɛ ne Lúfus. Pisimb piɛ́tikɛn wɔ́ piátúúkɛn wɔ́ nuak nú Yésus. 22Píáyɔɔk ne Yésus kɔɔ́mɔ pápílanɛ́ ɛ́ɛ́ Kolokóta, anakáánɛ́ kúnyɛɛ́ kɔɔ́mɔ kɛ́ Kiɛ́ŋɛ́lɛ́ŋ kí Ɛtɔ. 23Píɛl píéki wɔ́ makɛ́p mɔɔsɔ́ ni ikuti ímotí íwookosíé kutɛɛ, Ween. 24Píɔ́tɔɔndɛn wɔ́ á nuak píond píáyaana ɔtɔ á kuapitan insunú síɛ́yɛ́ é kumeny niap ní siki mɔɔndɛ. 25Pisimb mɔtɔɔ́ndɛ́n Yésuse ó kolóse á pikulɛ́ pínamanɛ́ neémue pí kiɛmɛ́ɛm. 26Ɔmfiɔ́ŋ ú kikua kíɛ́yɛ́ ɔ́ɔ́yɔ ɛ́ɛ́: «Efuŋ u Pɛyúútɛn». 27Pɔ́ɔ́tɔɔndɛn kɔ́kɔ́ɔ́pɔ́ ó kolóse pafal páandɛ́, ewe kiáyí ewe kiáyí, Yésuse ɛ́ kikɛtɛ́kɛtɛ́ɛ. [ 28#15.28 Tipá e piénsi pɔmɔɔŋɔ ni imbɔk.] 29Pɛɛnd pɛ́mɛɛ́ndɛ́n akáánɛ́ mɛ́ɛ́ŋɛ ituɛ, pásikan wɔ, pɔ́ɔ́yɔ ɛ́ɛ́: «Ɛ́nyɛ́ owúnóo! Aŋúɛ amaátásɔ́n ɛ́ɛ́ anyi kukat kitamb kí Ɔkɔ́n oond awáákɛn kɛ́ɛ ɔ́ mɔɔ́sɛ́ táŋ mátátɔ́, 30pítúkún aŋɔ́ muɛ́t, éésel ó kolóse.» 31Pafunúfɔn pɔɔkɔ́n ne pemenyípikotí sikáánɛ́ Yésuse kɔ́kɔ́ɔ́pɔ́, pɔ́píɔ́yɔn pɔ́ɔ́ nɔ pɔ́ɔ ɛ́ɛ́: «Umétúkúné pɔsɔ́k, ɛ́nyɛɛ́ úpítukun! 32Wɔɔ́píɔ́yɔ ɛ́ɛ́ wɔ́ unyɛɛ́ Kilíise, ásɛ efuŋ u kitɔŋ kí Isilayɛ́l, utiselé kɔk ó kolóse túɛ́n túond túátap á!» Pafal pɔ́mɔɔ́tɔɔ́ndɔ́n pɔ́ á tuak kɛ́ɛ́yɛ́ á masíá sikáánɛ́ wɔ́ kɔ́kɔ́ɔpɔ́.
Yésus mákásɛ́k
(Mat 27.45-56; Lúk 23.44-49; Isŋ 19.28-30)
33Imbíne yaasak kúúsí kutúm nɔ ɔtɛ́m puɔ́s kuám pikulɛ́ pítátɔ́. 34Á pikulɛ́ pítátɔ́, Yésuse wɔɔ́mbɔlɛt: «Elóyi, Elóyi, lama sapakatáni?» anakáánɛ́ kúnyɛɛ́: «Támbákɛ́ɛ waam, Támbákɛ́ɛ waam, kiákɛ́ éményiseéŋéliti?» 35Pómotí pamaápá kɔ́ɔk ɔ́ɔ́pɔn, pákanyɛɛ́: «Waápaŋinan Elie!» 36Sɔ́k omotí wɛɛsɛpitɛn, weeyuukinyi kiyukú á pikányak pí makɛp; wɔɔtɔ́ɔn kɛ́ɛ á nupal wootóŋinyi Yésuse ɛ́ɛ́ úpúwa, wɔɔyɔ ɛ́ɛ́: «Énupéétí túɛ́n índɛ Eli kaná kuesiselí wɔ́ á nuak.» 37Yésuse waánsɛt, waakásɛk. 38Ukásikan á, Kilaá kímaátúná kitamb kí Ɔkɔ́n nɛkɛtɛ́ɛ kíálafɛk káandɛ́ kutúm mɛnɛ́manɛ́ɛ kuasiám ni imbát. 39Ɔkɔ́n u pisimb umaápá etényí ó pusíó pú kolóse, wɛɛ́n aná Yésus maákasɛ́k, wɔ́ ɛ́ɛ́: «Kémuémue, mɔɔnd ewe ápá Muɔ́nɔ́ u Támbák.» 40Pakáandɔ́ kɔ́kɔ́ɔ́pɔ́ mapá kɔ́ɔk, papínyáŋítán, póyooson. Kɔ́ɔ́pɔ́ kɔ́ ɔlɔŋ, Malía u kitɔŋ kisiɛ́n ɛ́ɛ́ Makatala mapá na Salúma na Malía, yóótí Sáakɛ weekétí no Yósɛs. 41Pakáandɔ́ pakáánɛ́ peem pátátɔ́ mɔɔŋɔ́n é Yésus, pɛ́kɛnɛkɛn nɛɛyɛ́ aká umaápá Kalilée. Atianá puólíkóoli pú pakáandɔ́ pólotí pémeényétílíkén wɔ́ Yelúsalɛm.
Pómónyóó Yésuse
(Mat 27.57-61; Lúk 23.50-56; Isŋ 19.38-42)
42Kuɔ́m kuɛ́sɛ́nd. Púmapá puɔ́s Pɛyúútɛn píándinanɛ sápat, kɔ́ɔkɛɛ́ unyɛ nakinyám. 43Yúsipɛ, u pálɛ́k kisiɛ́n ɛ́ɛ́ Alímaté Umapá kimfuŋámfuŋa kɔ́ ɔlɔŋ ú pɛɛnd pá Sanetelɛ́ŋ, wɔ́ kɛ́kɛ́ɛ́yɛ́ upétenyi Pufuŋ pú Támbák, waasiám, Waapiák malúnda, woonyoówún Pilatɛ kikú kí Yésus. 44Nikú ní Yésus níépeletenyi Pílatɛ. Waapílikɛn ɔkɔ́n u pisimb ó kuówun wɔ́ índɛ púkanyi kiandá kí kisikɛl Yésus siéku. 45Ɔkɔ́n u pisimb mɛɛlɛ́ utétunyenyi wɔ́ niku, Pílatɛ waátapɛn Yúsipɛ ɛ́ɛ́ úkɔ́l kiku. 46Yúsipɛ wɔɔnyɔɔ́nd imbɔ́ŋ, weeseli kikú kí Yésus ó kolóse, waákalɛt kɛ́ɛ kí imbɔ́ŋ waanyapítíkɛ́n kɛ́ɛ ké embíki atúánán á nitányí. Péépíŋiliti nitányí é kufuuk embik. 47Malíɛ u Makatala na Malíɛ, yóótí Yósɛs, yooson kɔɔ́mɔ pémeépítíkényényí kiku.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL