Málúkus 14
14
Ikɔ́n pámaányɛ́n Yésuse
(Mat 26.1-5; Lúk 22.1-2; Isŋ 11.47,49,53)
1Kɔ́ɔk ɛ́ɛ́ na Pásika u Pɛyúútɛn nɔ putɔ́mbí pú pilɛ́ɛt katɛ kinyútukie nyɛ kúpálán, pafunɔ́fɔn pɔɔkɔ́n ne pemenyípikotí fáámfa ne kutúúne kipán kí kuɛtikɛn Yésuse nɛ yɛɛ́ndɔ, ɛ́ɛ́ pɔ́ɔ́nɛn pɔ́ɔ́ wɔ. 2Pɔ́ɔ́yɔ pɔ́ɔ nɔ pɔ́ɔ ɛ́ɛ́: «Tutiɛlɛ́ pú á kisikɛl kí putɔ́mbí, emenyí kiyɔkɔt páa.»
Akáandɔ́ méwúú yésuse elepínde
(Mat 26.6-13; Isŋ 12.1-8; Lúk 7.36-38)
3Yésus mapá Petaní, ku Símune umɛɛ́l kunúma iŋún weéŋuk, Páátáaŋ wɔ. Umɛɛlɛ́ umaányáan, akáandɔ́ omotí woonyoól ni indók itúánán na nitányí pápílanɛ́ ɛ́ɛ́ alipátilɛ. Kitɛ́fɛk kí elepínde u muenyí kí indók nɛkɛtɛ́ɛ, kíɔ́ŋunɔnɛ́ pikɔ́ŋ kutek, kiɔnúnɔ́ na náal, pukuti pú niaŋɔ́. Akáandɔ́ wɛɛ́tɛ waakand kimɛn kí indók ikáánɛ́ weesukun Yésuse elepínde kɛ́ ɛtɔ. 4Pɔsɔ́k pómotí kɔ́ɔk pííŋunye, pɔ́píkɔpɔ, pópíówon pɔ́ɔ nɔ pɔ́ɔ ɛ́ɛ́: «Kiákɛ́ wɔɔsilɔkɔ́nɛ́ elepínde owúnóo? 5Pásíápá pékutú wɔ pikɔ́ŋ kutápɔk imbak itát, páapan pɔsúkɔsukɔ!» Pákálan akáandɔ́ ukáánɛ́. 6Yésuse kɔ́ɔ́p ɛ́ɛ́: «Ánuyapá wɔ, kiákɛ́ nuséésenyé wɔ? Umɛ́ɛ́l puandá puutámb káámɛ ó pusíó. 7Pɔsúkɔsukɔ, nunyɛ nɔɔpɔ́ metúk meem, nunyɛ kuɛlɛ pɔ́ peseé kisikɛl kitikit nuɔyɔnɛ́ɛ. Iŋúɛ kɔk, indíápá kisikɛl kitikit naanɔ́. 8Epú úmányipá pɛ́kuɛl umɛ́ɛ́l pɔ: umátúán kuuŋúkulit elepínde ó pusíó pú munyoó mú kikú kíámɛ. 9Yɔɔ́núɔ́yɔn kémuémue ɛ́ɛ́ e kúúsí kuum, kɔɔ́mɔ kitikit péényíkémené mekélíe má Támbák, pɔ́ɔ́nyɔ́ɔ́yɔ kɛ́k puandá akáandɔ́ ewe mɛ́nyɛɛlɛ́, páányípítáákan wɔ́ kɔ́ɔk.»
Yútas manyɛ́ɛn Yésuse ikɔ́n
(Mat 26.14-16; Lúk 22.3-6)
10Yútas Isikalióte, omoómí á Pápáátanapaandíɛ, wɔɔp ku pafunɔ́fɔn pɔɔkɔ́n ɛ́kuɛsɛmɛ́ Yésuse. 11Pɔ́ɔ́pɔn nɔ́ɔ, pafunɔ́fɔn pɔɔkɔ́n pɔ́ɔ́kɔɔ́p anyamɔ́, páákaákɛn Yútasɛ indán i kueki wɔ pikɔ́ŋ. Woond á kuamba pulinsí unyɛɛ́ kutíínyinyi pɔ́ Yésuse na pɔ kɔ́ɔk kisikɛl mɛ́ɛ́síkɛn.
Ne Yésus no popíónyí pɛ́ɛ́yɛ́ áápíándina putɔ́mbí
(Mat 26.17-19; Lúk 22.7-13)
12Púmapá puɔ́s púkutúan pú putɔ́mbí Pɛyúútɛn nyáanɛ́ pilɛ́ɛt katɛ kinyútukie. Siki yɔɔŋɛ, ɔ́ puɔ́s pukáánɛ́, péésike paán pá pitúúmbɛ́ɛ ɔ́ kutɔyɔ putɔ́mbí pú Pásíka wɔɔpɔ́. Puɔ́sí puɛ́tɛ́, popíónyí pé Yésus póówun wɔ́ ɛ́ɛ́: «Naánɛ́ aambanɛ́ɛ ɛ́ɛ́ túɛ́kuɛyínɛ́n kɔɔ́mɔ ká kunyá putɔ́mbí pú Pásíka?» 13Waatɔ́m popíónyí pɛ́ɛ́yɛ́ páandɛ́, wɔ́ kɔ́ɔ́p ɛ́ɛ́: «Ánuyɔɔ́k á pálɛ́k; nukaáná elumen na mɔɔnd ɛsɛmbɛ́n iŋínd i moomb kɔ́ɔk. Núɔŋ kɛ́ɛ́yɛ́. 14Kɔɔ́m ukaná epíkenée, nuɛ́l ɛ́ muɛ́t kɔɔ́mɔ ɛ́ɛ́: Oŋónyóonyi ɛ́ɛ́pí ɛ́ɛ́: índínyí kɔɔ́mɔ inyáánɛ́ɛ putɔ́mbí no popíónyí páámɛ? 15Ukaná enútíínyi insúmbiɛ i mɛnɛ́mɛnɛ́ɛ, na máás, yɛɛyɛ́n na puandá puum kɔɔ́k nɛkɛtɛ́ɛ. Kɔ́ɔk nukaná ɛpíɛ́ŋɛlɛnɛ́ putɔ́mbí káásɔ́ ó pusíó.» 16Popíónyí pááyɔɔk. Páámán á pálíkɛ́, péékítikenyi puandá puum yá aná Yésus maápítíánɛ́n pɔ. Póond á kupíándina putɔ́mbí.
(Mat 26.20-25; Lúk 22.14; Isŋ 13.21-30)
17Kuɔ́m mɛɛlɛ́ kusɛ́ndɛn, Yésuse waasiám ɔlɔŋ no popíónyí pɛ́ɛ́yɛ́ peem paátanapaandɛ́. 18Pɛmɛɛlɛ́ pámaápiyaka, wɔ́ ɛ́ɛ́: «Yɔɔ́núɔ́yɔn kémuémue ɛ́ɛ́ sɔ́k omotí káánɔ́ kɔ́ ɔlɔŋ ɛ́ɛ́kinsɛmɛ. Sɔ́k wɛɛ́tɛ áányáan naamɛ.» 19Póond ó kuówon wɔ́ ni insíkíl kɔ́ ɔtɛ́m, nú ukááníɛ: «Indipá iŋuɛ́ wɔ, tík á?» 20wɔ́ kɔ́ɔ́p ɛ́ɛ́: «Unyɛ opíónyí omotí káánɔ́ kɔ́ ɔlɔŋ. Naamɛ nɛɛyɛ́ tuókombon imbɔ́k á kisúá kímoómí. 21Iŋúɛ, Muɔ́nɔ́ u mɔɔnd, yɛɛ́kɛɛsikɛnɛn kukú, yá aná Mekélíe má Támbák ɔ́ɔ́yɔɔnɛ́ɛ káámɛ ó pusíó. Maná kɔk, á mɔɔnd wunsɛmɛnɛ́ɛ, kiandákáand kí inséésítényí éépétenyi wɔ! Púsíápá peseé kɛ́ɛ́yɛ́ ɛ́ɛ́ pétipién wɔ!»
Múkunyá mú Támbák
(Mat 26.26-29; Lúk 22.15-20; 1Kɔ 11.23-26)
22Pɛ́mɛɛlɛ́ pámaányáan, Yésuse wɔɔkɔ́l kilɛ́ɛt, weelémbi Támbákɛ́ɛ, wɛɛpɛ́ŋ kɛ́ɛ, weeki popíónyí pɛ́ɛ́yɛ́, wɔ́ kɔ́ɔ́p ɛ́ɛ́: «Ɔ́nukɔ́ɔ́, nuɔ́l núámɛ enue.» 23Woond wɔɔkɔ́l ipeŋé, weelémbi Támbákɛ́ɛ, weeki pɔ́, peem páápuwa. 24wɔ́ kɔ́ɔ́p ɛ́ɛ́: «manɔ́ŋ máámɛ eme, manɔ́ŋ má nikál niikɔ́si na Támbák nɛ pɛɛnd; mɔ́ɔ mókoónyóótik ó pusíó pú pɛɛnd kutek. 25Yɔɔ́núɔ́yɔn kémuémue ɛ́ɛ́ indíákaandá apúwá makɛp kuám puɔ́s yaányáandɛ́ apúwá mɔɔkɔ́si é Pufuŋ pú Támbák.»
Yésus ɛ́ɛ́pí ɛ́ɛ́: Píɛl kapísáŋɔn wɔ
(Mat 26.30-35; Lúk 22.33-34; Isŋ 13.37-38)
26Yésuse no popíónyí pɛ́ɛ́yɛ́ mɛɛlɛ́ pámáaman ɔtɔ́ŋɔ pilɛ́l, páákaam pááyɔɔk kɔ́ ɔkɛ́l ú Poolifié. 27wɔ́ kɔ́ɔ́p ɛ́ɛ́: «panɔ́ peem nukimbínɔn, á kiákí ɛ́ɛ́ púnyi puɔ́ŋɔ́n ɛ́ɛ́: iŋɔɔ́n ekííkí pitúúmbɛ́ɛ, pitúúmbɛ́ɛ sálamand. 28Iŋɛɛl yɛɛnyukɛn á pilɔ́ŋ, imfook Kalilée.» 29Piɛ́lɛ kɛ́ɛ́yɛ́ ɛ́ɛ́: «Tɛ pɔsɔ́k epe peem kupínɔn, iŋúɛ indíɔ́kupínɔɔ́n!» 30Yésuse kɛ́ɛ́yɛ́ ɛ́ɛ́: «Yɔɔ́kuɔyɔn kémuémue ɛ́ɛ́, aŋúáŋúɛ, yá é putúk pú ínanɔ epue, akaná kumbísáŋɔn kátátɔ́ kitétí katɛ kupília káandíɛ.» 31Píɛlɛ waapílúndɛn ɔ́ kuɔyɔ ɛ́ɛ́: «Tɛ aám naánɛ́ inyɛ ɔlɔŋ naawɔ. Tɛ kúpá niku, indipá ukukupísáŋɔn.» Popíónyí peem ɔ́ɔ́yɔ yá puandá táŋ púmoómí.
Yésus opísókólí é Kɛtesemaní
(Mat 26.36-46; Lúk 22.40-46)
32Ne Yésus no popíónyí pɛ́ɛ́yɛ́ páányaám kɔɔ́mɔ pápílanɛ́ ɛ́ɛ́: Kɛtɛsemaní, wɔ́ kɔ́ɔ́p ɛ́ɛ́: «Ɔ́nunyɔ́mbɛt akɛ yɛ́ɛl inyɛ ó kuopísókólónyi.» 33Wɔɔkɔ́l nɛ Piɛ́lɛ, na Sáak ni Isáaŋ é kuetílíkín wɔ. Puwaá puukɔ́n púɛ́tikɛn wɔ, woond á kufika. 34Wɔ kɔ́ɔ́p ɛ́ɛ́: «Insíkíl nyɛ kaámɛ kɔ́ ɔtɛ́m i kuŋɔ́ɔn. Énusíén akɛ, nutipítíman.» 35Waapínyáŋɛt, waapíyap, waakua pilɔŋíɛ. Woond ó kupísókólonyí Támbákɛ́ɛ ɛ́ɛ́, índɛ niɛlɛ́n pilɔŋ pílotí nyɛ kɔ́ɔk, únyáŋɛk kaáyɛ nɛɛyɛ́ iŋɛ́n yoólinoné wɔ. 36Wɛɛlɛ ɛ́ɛ́: «Apa, Taat, puandá tipá púkupíányinan, nyáŋɛ́k ipeŋé yí iŋɛ́n eye kaáyɛ naamɛ! Pútiɛlɛ́ kɔk aná iŋúɛ yɔɔyɔnɛ́, yá aná ɔɔyɔnɛ́ɛ!» 37Weepítúnikin ó kuoyoósin popíónyí epe pátátɔ́, wookóóki pɔ́ ɔ́ tunɔ; wɔ́ ɛ́ Píɛl ɛ́ɛ́: «Simun, aápítiman á! Atimápiá imbekí i kupá ɛŋɛnyɔ́ púám kikúlɛ́ kímoómí á! 38Nutipítiman, ónupísókólónyí Támbákɛ́ɛ ɛ́ɛ́ nutikɔɔ́n aká olokí kaná ɔnúɔ́pitɔnɛ́ɛ. Ɔtɛ́m áátááma, maná nuɔ́l pukɔy.» 39Waand apínyáŋɛt, upísókolonyi yá yɛɛ́tɛ imbísókólí imoómí. 40Waand kuepítúníkin, woosikóókí popíónyí pítiman, á kiákí ɛ́ɛ́ eŋís yɔ́ɔ́pɔ́ mapá yɔ́liɔmbɔ nɔ tunɔ. pátimapian pú kuɔyɛt. 41Waakaand kuepítúníkin kú kátátúɛ, wɔ́ kɔ́ɔ́p ɛ́ɛ́: «Ánusuŋúná na kupítiman núpíɔ́yitɔn! Púmɛ́ɛ́síkɛn. Kisikɛl mánimíkan: kuup ekue píínsɛm iŋúɛ, Muɔ́nɔ́ u mɔɔnd, kí imbɔk sí pafalfal. 42Ánuatúkɛn! Ɛ́nyɛɛ́ túyɔɔk! Ewú wunsɛmɛnɛ́ kanyɛ kɔ́ɔk.»
Kiɛtikinɛ kí Yésus
(Mat 26.47-56; Lúk 22.47-53; Isŋ 18.2-11)
43Kɔ́ɔk nɔ kɔ́ɔk Yésus mɛɛlɛ́ umaákála, Yútasɛ, opíónyí ké embúl ú Páátanapaandɛ waa! Umapá nɔ ɔlɔŋ ú pɛɛnd ni iŋɔ́mb, ni imfak kí imbɔk. Pafunúfɔn pɔɔkɔ́n, pemenyípikotí nɔ pɔkɔ́n pɔ́ kitɔŋ maátɔ́m. 44Yútasɛ, umaányɛ́ɛ́n Yésuse ikɔ́n, maámin ekelú nɔɔpɔ́, wɔ́ kɔ́ɔ́p ɛ́ɛ́: «Mɔɔnd iŋaáná ɔkɔ́l wɔ́ kisas, númenyeé wúú wɔ́! Núɛtikɛn wɔ, núúp nɛɛyɛ́, nukííka wɔ́ peseékése.» 45Yútas mɛɛlɛ́ waasiámínán Yésuse, wɔɔpínɔtikɛn kupínɔtikɛn wɔ, wɔ́ kɛ́ɛ́yɛ́ ɛ́ɛ́: «Oŋónyóonyi.» Wɔɔkɔ́l wɔ́ kisas. 46Pɛɛnd umaápá nɔɔpɔ́ kulu é Yésus. 47Omoómí á pápáátanapáandíɛ wɔɔsɔ́k imfak yɛ́ɛyɛ́ á kipalapatá, wɛɛsɛ́l eŋelípuólí u ɔkɔ́n u pɔkɔ́n pá pafunɔ́fɔn etu. 48Yésus ɛ́ɛ́pí kɔ́ɔ́p ɛ́ɛ́: «Numóól ni imfak ni iŋɔ́mbɔ ɛ́ kuɛsiŋɛtikɛn, inyɛ kisilŋanɔ́ á? 49Yaápá siki puɔ́síɛ naanɔ́ á kitamb kí Támbák, yoónyonyi, tɛ ɛ́ɛ́ núŋɛtikinɛ. Púmɛ́píɛ́l nɔ́ ó kuwóónyi Mekelíé má Támbák.» 50Popíónyí pumbú nɔ ɔtɛ́t, peem pɔ́ɔ́pinɔ, pééseŋeliti wɔ. 51Kiɔmfɔ́ kímotí, kipíómbón saandɛ na saandɛ ɔ́ nuɔ́l, kíɔŋ kɛ́ɛ́yɛ́. Pɛɛndɔ pɛ́mɛɛ́síɛ́tíkɛ́n Yésuse pɛ́ɛ́tikɛn kɛ́ɛ, 52kíɔ́píɔk kɔ́ɔ́p, péésíen saandɛ na saandɛ kí imbɔk; kíɔ́pínɔ inúú kutɔɔ́.
Yésuse ké etúl wɔɔkɔ́n ú Pɛyúútɛn
(Mat 26.57-68; Lúk 22.54-55,63-71; Isŋ 18.12-18)
53Pááyɔɔk ne Yésus á nuya nú ɔkɔ́n u pɔkɔ́n pá pafunɔ́fɔn. Pafunɔ́fɔn pɔɔkɔ́n, pɔkɔ́n pɔ́ kitɔŋ ne pemenyípikotí paapikusikan pɔ́ peem. 54Píɛlɛ wuup wɔ́ɔ́ŋɔ́n é Yésus upínyáŋa, kɔɔm kɔ́ ɔɔ́nd ú nuya nú ɔkɔ́n u pɔkɔ́n pá pafunɔ́fɔn. Wɔɔnyɔ́mbɛt ne peelímoólí pɛ́ɛ́yɛ́ é kupíésepe yiik. 55Na pafunɔ́fɔn pɔɔkɔ́n nɔ pɔ́kúɔ́p pólotí pé etúl wɔɔkɔ́n aamba moónyi mɛ́ kupíɛ́tikinɛn ɔ́ mɔ́ɔ, ɛ́ɛ́ púáminɛɛ́ Yésus ɛ́ɛ́kɛɛsikɛnɛn ne niku. Tɛ ɛ́ɛ́ pɛ́ɛ́nɛ. 56Á kiákí ɛ́ɛ́ pɛɛnd puólíkoóli mɔpɔ́ŋínɔ́n wɔ́ moónyi, tɛ piɛ́tɛ pipɔ́ŋ píɔ́pɔ́ pítiáminan. 57Pasupúsɔp pómotí páátukɛn ɔ́ kupɔ́ŋɛn wɔ́, pɔ́ ɛ́ɛ́: 58«Tuɔ́p wɔɔyɔ ɛ́ɛ́: Yaákata kitamb kí Támbák ekie pɛɛnd maáwááka, yóond, ɔ́ mɔɔ́sí táŋ matátɔ́, iwáak kílotí mɔɔnd kati kundálɛn ɔmbɔ́kɛ.» 59Tɛ á kiátákáánɛ́ kisɔ́mɔnɔ, nɔ muɔ́nɛ́ɛ nɛ wɛ́ɛ́yɛ́ ekelú. 60Ɔkɔ́n u pɔkɔ́n pá pafunɔ́fɔn waatukɛn ɛ́ kikɛtɛ́kɛtɛ́ɛ kí kiɔp, woówun Yésuse ɛ́ɛ́: «Aŋú ɛɛ́pí ɛ́ɛ́ kiákí ó puónyi epue pɛɛnd epe ɔ́ɔ́yɔɔnɛ́ɛ?» 61Yésuse wɔɔ́n wɔ insu. Ɔkɔ́n u pɔkɔ́n pá pafunɔ́fɔn waand kuówun wɔ́ iŋówúnín, wɔ́ kɛ́ɛ́yɛ́ ɛ́ɛ́: «Aŋúɛ ɛnyɛɛ́ Kilíise, Muɔ́nɔ́ u Sɔ́k ewú tuómokosíé á?» 62Yésuse kɛ́ɛ́yɛ́ ɛ́ɛ́: «Iŋúɛ wɛɛ́tɛ ewe. Nukiŋɛ́n iŋúɛ, Muɔ́nɔ́ u mɔɔnd, ɔnyɔ́l kí inyɛ́ŋ i inɛm i ewú unyɛɛ́ indín i pukaakɛ; núond núŋɛ́n yoólon ɔ́ kilɔndɔ́.» 63Ɔkɔ́n u pɔkɔ́n pá pafunɔ́fɔn ɔ́ɔ́pɔn anakáánɛ́, waapílaf insunú kí ilópi. Wɔ́ ɛ́ɛ́: «Tutikápá insaná ne etétúnyí! 64Tíkɛ numɔ́píɔ́pɛ́n panɔ́ muɛt aná usikanɛ́ Ɔkɔ́n. Nuɛ́kɛɛ́nɛn pú tiɛkiɛ?» Peem póondinyi ɛ́ɛ́ wɛɛ́kɛɛsikɛnɛn ne niku. 65Pómotí póond á kukasan wɔ́ pitelu, péfuuken wɔ́ eŋis ni insunú, pásápa wɔ́ maandá póond pɛ́ɛl kɛ́ɛ́yɛ́ ɛ́ɛ́: «Índɛ anyi Kilíise, ɔyɛ́t ewú umányikusápɛ́t!» Peelímoólí páásákɔn wɔ́ ni imbɛ́l.
Píɛl mápísáŋɔ́n Yésuse
(Mat 26.69-75; Lúk 22.56-62; Isŋ 18.17,25-27)
66Píɛl mɛɛlɛ́ wɔ imbát, kɔ́ ɔɔ́nd ú nuyá nú ɔkɔ́n u pɔkɔ́n pá pafunɔ́fɔn, eŋelípuólí wɛ́ɛyɛ́ waakáandɔ́ omotí wool. 67Wɛɛ́n Píɛl piesepe yiik. Waatámb wɔ́ eŋis sóóŋí, wɔ́ kɛ́ɛ́yɛ́ ɛ́ɛ́: «Aŋúɛ kákááwɔ aápá kɔ́ ɔlɔŋ ú Yésus, mɔnɔ́ panásalɛt!» 68Píɛ́lɛ waasáŋɔn, wɔ́ ɛ́ɛ́: «Indipá imenyen, indipá yɔɔ́pɔn epú aambanɛ́ɛ kuɔyɛt.» Waám kɔ́ ɔɔ́nd woonyondó á pulal. 69Eŋelípuólí waakáandɔ́ wɛɛ́tɛ wɛɛ́n wɔ, waand kuond ɔ́ kuɔyɔn pɔsɔ́k pámaápa akáánɛ́ ɛ́ɛ́: «Mɔɔnd owúnó nyɛ wɔɔpɔ́!» 70Píɛlɛ waand apísáŋɔn. Kipál timaná, pɛɛnd pámaápá akáánɛ́ páand kuɔyitɛn wɔ́ ɛ́ɛ́: «Anyi wɔɔpɔ́ sá! á kiákí ɛ́ɛ́ aŋɔ́ kakááwɔ anyi u Pakalilé.» 71Píɛlɛ woond á kupísáŋuna, upílian wɔɔyɔ ɛ́ɛ́: «Kémuémue indipá imenyen mɔɔnd ukáánɛ́ nuŋɔyɔnɛ́ɛ!» 72Wáámaná kupísáŋunɛ kitétí kiápilia kukáandíɛ. Piɛ́lɛ waapítáákɛt puónyí Yésus mɔɔ́yitɛn wɔ́ ɛ́ɛ́: «Akimbísáŋɔn kátátɔ́ kitéti katɛ kupília káandíɛ.» Waát niony.
ទើបបានជ្រើសរើសហើយ៖
Málúkus 14: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Málúkus 14
14
Ikɔ́n pámaányɛ́n Yésuse
(Mat 26.1-5; Lúk 22.1-2; Isŋ 11.47,49,53)
1Kɔ́ɔk ɛ́ɛ́ na Pásika u Pɛyúútɛn nɔ putɔ́mbí pú pilɛ́ɛt katɛ kinyútukie nyɛ kúpálán, pafunɔ́fɔn pɔɔkɔ́n ne pemenyípikotí fáámfa ne kutúúne kipán kí kuɛtikɛn Yésuse nɛ yɛɛ́ndɔ, ɛ́ɛ́ pɔ́ɔ́nɛn pɔ́ɔ́ wɔ. 2Pɔ́ɔ́yɔ pɔ́ɔ nɔ pɔ́ɔ ɛ́ɛ́: «Tutiɛlɛ́ pú á kisikɛl kí putɔ́mbí, emenyí kiyɔkɔt páa.»
Akáandɔ́ méwúú yésuse elepínde
(Mat 26.6-13; Isŋ 12.1-8; Lúk 7.36-38)
3Yésus mapá Petaní, ku Símune umɛɛ́l kunúma iŋún weéŋuk, Páátáaŋ wɔ. Umɛɛlɛ́ umaányáan, akáandɔ́ omotí woonyoól ni indók itúánán na nitányí pápílanɛ́ ɛ́ɛ́ alipátilɛ. Kitɛ́fɛk kí elepínde u muenyí kí indók nɛkɛtɛ́ɛ, kíɔ́ŋunɔnɛ́ pikɔ́ŋ kutek, kiɔnúnɔ́ na náal, pukuti pú niaŋɔ́. Akáandɔ́ wɛɛ́tɛ waakand kimɛn kí indók ikáánɛ́ weesukun Yésuse elepínde kɛ́ ɛtɔ. 4Pɔsɔ́k pómotí kɔ́ɔk pííŋunye, pɔ́píkɔpɔ, pópíówon pɔ́ɔ nɔ pɔ́ɔ ɛ́ɛ́: «Kiákɛ́ wɔɔsilɔkɔ́nɛ́ elepínde owúnóo? 5Pásíápá pékutú wɔ pikɔ́ŋ kutápɔk imbak itát, páapan pɔsúkɔsukɔ!» Pákálan akáandɔ́ ukáánɛ́. 6Yésuse kɔ́ɔ́p ɛ́ɛ́: «Ánuyapá wɔ, kiákɛ́ nuséésenyé wɔ? Umɛ́ɛ́l puandá puutámb káámɛ ó pusíó. 7Pɔsúkɔsukɔ, nunyɛ nɔɔpɔ́ metúk meem, nunyɛ kuɛlɛ pɔ́ peseé kisikɛl kitikit nuɔyɔnɛ́ɛ. Iŋúɛ kɔk, indíápá kisikɛl kitikit naanɔ́. 8Epú úmányipá pɛ́kuɛl umɛ́ɛ́l pɔ: umátúán kuuŋúkulit elepínde ó pusíó pú munyoó mú kikú kíámɛ. 9Yɔɔ́núɔ́yɔn kémuémue ɛ́ɛ́ e kúúsí kuum, kɔɔ́mɔ kitikit péényíkémené mekélíe má Támbák, pɔ́ɔ́nyɔ́ɔ́yɔ kɛ́k puandá akáandɔ́ ewe mɛ́nyɛɛlɛ́, páányípítáákan wɔ́ kɔ́ɔk.»
Yútas manyɛ́ɛn Yésuse ikɔ́n
(Mat 26.14-16; Lúk 22.3-6)
10Yútas Isikalióte, omoómí á Pápáátanapaandíɛ, wɔɔp ku pafunɔ́fɔn pɔɔkɔ́n ɛ́kuɛsɛmɛ́ Yésuse. 11Pɔ́ɔ́pɔn nɔ́ɔ, pafunɔ́fɔn pɔɔkɔ́n pɔ́ɔ́kɔɔ́p anyamɔ́, páákaákɛn Yútasɛ indán i kueki wɔ pikɔ́ŋ. Woond á kuamba pulinsí unyɛɛ́ kutíínyinyi pɔ́ Yésuse na pɔ kɔ́ɔk kisikɛl mɛ́ɛ́síkɛn.
Ne Yésus no popíónyí pɛ́ɛ́yɛ́ áápíándina putɔ́mbí
(Mat 26.17-19; Lúk 22.7-13)
12Púmapá puɔ́s púkutúan pú putɔ́mbí Pɛyúútɛn nyáanɛ́ pilɛ́ɛt katɛ kinyútukie. Siki yɔɔŋɛ, ɔ́ puɔ́s pukáánɛ́, péésike paán pá pitúúmbɛ́ɛ ɔ́ kutɔyɔ putɔ́mbí pú Pásíka wɔɔpɔ́. Puɔ́sí puɛ́tɛ́, popíónyí pé Yésus póówun wɔ́ ɛ́ɛ́: «Naánɛ́ aambanɛ́ɛ ɛ́ɛ́ túɛ́kuɛyínɛ́n kɔɔ́mɔ ká kunyá putɔ́mbí pú Pásíka?» 13Waatɔ́m popíónyí pɛ́ɛ́yɛ́ páandɛ́, wɔ́ kɔ́ɔ́p ɛ́ɛ́: «Ánuyɔɔ́k á pálɛ́k; nukaáná elumen na mɔɔnd ɛsɛmbɛ́n iŋínd i moomb kɔ́ɔk. Núɔŋ kɛ́ɛ́yɛ́. 14Kɔɔ́m ukaná epíkenée, nuɛ́l ɛ́ muɛ́t kɔɔ́mɔ ɛ́ɛ́: Oŋónyóonyi ɛ́ɛ́pí ɛ́ɛ́: índínyí kɔɔ́mɔ inyáánɛ́ɛ putɔ́mbí no popíónyí páámɛ? 15Ukaná enútíínyi insúmbiɛ i mɛnɛ́mɛnɛ́ɛ, na máás, yɛɛyɛ́n na puandá puum kɔɔ́k nɛkɛtɛ́ɛ. Kɔ́ɔk nukaná ɛpíɛ́ŋɛlɛnɛ́ putɔ́mbí káásɔ́ ó pusíó.» 16Popíónyí pááyɔɔk. Páámán á pálíkɛ́, péékítikenyi puandá puum yá aná Yésus maápítíánɛ́n pɔ. Póond á kupíándina putɔ́mbí.
(Mat 26.20-25; Lúk 22.14; Isŋ 13.21-30)
17Kuɔ́m mɛɛlɛ́ kusɛ́ndɛn, Yésuse waasiám ɔlɔŋ no popíónyí pɛ́ɛ́yɛ́ peem paátanapaandɛ́. 18Pɛmɛɛlɛ́ pámaápiyaka, wɔ́ ɛ́ɛ́: «Yɔɔ́núɔ́yɔn kémuémue ɛ́ɛ́ sɔ́k omotí káánɔ́ kɔ́ ɔlɔŋ ɛ́ɛ́kinsɛmɛ. Sɔ́k wɛɛ́tɛ áányáan naamɛ.» 19Póond ó kuówon wɔ́ ni insíkíl kɔ́ ɔtɛ́m, nú ukááníɛ: «Indipá iŋuɛ́ wɔ, tík á?» 20wɔ́ kɔ́ɔ́p ɛ́ɛ́: «Unyɛ opíónyí omotí káánɔ́ kɔ́ ɔlɔŋ. Naamɛ nɛɛyɛ́ tuókombon imbɔ́k á kisúá kímoómí. 21Iŋúɛ, Muɔ́nɔ́ u mɔɔnd, yɛɛ́kɛɛsikɛnɛn kukú, yá aná Mekélíe má Támbák ɔ́ɔ́yɔɔnɛ́ɛ káámɛ ó pusíó. Maná kɔk, á mɔɔnd wunsɛmɛnɛ́ɛ, kiandákáand kí inséésítényí éépétenyi wɔ! Púsíápá peseé kɛ́ɛ́yɛ́ ɛ́ɛ́ pétipién wɔ!»
Múkunyá mú Támbák
(Mat 26.26-29; Lúk 22.15-20; 1Kɔ 11.23-26)
22Pɛ́mɛɛlɛ́ pámaányáan, Yésuse wɔɔkɔ́l kilɛ́ɛt, weelémbi Támbákɛ́ɛ, wɛɛpɛ́ŋ kɛ́ɛ, weeki popíónyí pɛ́ɛ́yɛ́, wɔ́ kɔ́ɔ́p ɛ́ɛ́: «Ɔ́nukɔ́ɔ́, nuɔ́l núámɛ enue.» 23Woond wɔɔkɔ́l ipeŋé, weelémbi Támbákɛ́ɛ, weeki pɔ́, peem páápuwa. 24wɔ́ kɔ́ɔ́p ɛ́ɛ́: «manɔ́ŋ máámɛ eme, manɔ́ŋ má nikál niikɔ́si na Támbák nɛ pɛɛnd; mɔ́ɔ mókoónyóótik ó pusíó pú pɛɛnd kutek. 25Yɔɔ́núɔ́yɔn kémuémue ɛ́ɛ́ indíákaandá apúwá makɛp kuám puɔ́s yaányáandɛ́ apúwá mɔɔkɔ́si é Pufuŋ pú Támbák.»
Yésus ɛ́ɛ́pí ɛ́ɛ́: Píɛl kapísáŋɔn wɔ
(Mat 26.30-35; Lúk 22.33-34; Isŋ 13.37-38)
26Yésuse no popíónyí pɛ́ɛ́yɛ́ mɛɛlɛ́ pámáaman ɔtɔ́ŋɔ pilɛ́l, páákaam pááyɔɔk kɔ́ ɔkɛ́l ú Poolifié. 27wɔ́ kɔ́ɔ́p ɛ́ɛ́: «panɔ́ peem nukimbínɔn, á kiákí ɛ́ɛ́ púnyi puɔ́ŋɔ́n ɛ́ɛ́: iŋɔɔ́n ekííkí pitúúmbɛ́ɛ, pitúúmbɛ́ɛ sálamand. 28Iŋɛɛl yɛɛnyukɛn á pilɔ́ŋ, imfook Kalilée.» 29Piɛ́lɛ kɛ́ɛ́yɛ́ ɛ́ɛ́: «Tɛ pɔsɔ́k epe peem kupínɔn, iŋúɛ indíɔ́kupínɔɔ́n!» 30Yésuse kɛ́ɛ́yɛ́ ɛ́ɛ́: «Yɔɔ́kuɔyɔn kémuémue ɛ́ɛ́, aŋúáŋúɛ, yá é putúk pú ínanɔ epue, akaná kumbísáŋɔn kátátɔ́ kitétí katɛ kupília káandíɛ.» 31Píɛlɛ waapílúndɛn ɔ́ kuɔyɔ ɛ́ɛ́: «Tɛ aám naánɛ́ inyɛ ɔlɔŋ naawɔ. Tɛ kúpá niku, indipá ukukupísáŋɔn.» Popíónyí peem ɔ́ɔ́yɔ yá puandá táŋ púmoómí.
Yésus opísókólí é Kɛtesemaní
(Mat 26.36-46; Lúk 22.40-46)
32Ne Yésus no popíónyí pɛ́ɛ́yɛ́ páányaám kɔɔ́mɔ pápílanɛ́ ɛ́ɛ́: Kɛtɛsemaní, wɔ́ kɔ́ɔ́p ɛ́ɛ́: «Ɔ́nunyɔ́mbɛt akɛ yɛ́ɛl inyɛ ó kuopísókólónyi.» 33Wɔɔkɔ́l nɛ Piɛ́lɛ, na Sáak ni Isáaŋ é kuetílíkín wɔ. Puwaá puukɔ́n púɛ́tikɛn wɔ, woond á kufika. 34Wɔ kɔ́ɔ́p ɛ́ɛ́: «Insíkíl nyɛ kaámɛ kɔ́ ɔtɛ́m i kuŋɔ́ɔn. Énusíén akɛ, nutipítíman.» 35Waapínyáŋɛt, waapíyap, waakua pilɔŋíɛ. Woond ó kupísókólonyí Támbákɛ́ɛ ɛ́ɛ́, índɛ niɛlɛ́n pilɔŋ pílotí nyɛ kɔ́ɔk, únyáŋɛk kaáyɛ nɛɛyɛ́ iŋɛ́n yoólinoné wɔ. 36Wɛɛlɛ ɛ́ɛ́: «Apa, Taat, puandá tipá púkupíányinan, nyáŋɛ́k ipeŋé yí iŋɛ́n eye kaáyɛ naamɛ! Pútiɛlɛ́ kɔk aná iŋúɛ yɔɔyɔnɛ́, yá aná ɔɔyɔnɛ́ɛ!» 37Weepítúnikin ó kuoyoósin popíónyí epe pátátɔ́, wookóóki pɔ́ ɔ́ tunɔ; wɔ́ ɛ́ Píɛl ɛ́ɛ́: «Simun, aápítiman á! Atimápiá imbekí i kupá ɛŋɛnyɔ́ púám kikúlɛ́ kímoómí á! 38Nutipítiman, ónupísókólónyí Támbákɛ́ɛ ɛ́ɛ́ nutikɔɔ́n aká olokí kaná ɔnúɔ́pitɔnɛ́ɛ. Ɔtɛ́m áátááma, maná nuɔ́l pukɔy.» 39Waand apínyáŋɛt, upísókolonyi yá yɛɛ́tɛ imbísókólí imoómí. 40Waand kuepítúníkin, woosikóókí popíónyí pítiman, á kiákí ɛ́ɛ́ eŋís yɔ́ɔ́pɔ́ mapá yɔ́liɔmbɔ nɔ tunɔ. pátimapian pú kuɔyɛt. 41Waakaand kuepítúníkin kú kátátúɛ, wɔ́ kɔ́ɔ́p ɛ́ɛ́: «Ánusuŋúná na kupítiman núpíɔ́yitɔn! Púmɛ́ɛ́síkɛn. Kisikɛl mánimíkan: kuup ekue píínsɛm iŋúɛ, Muɔ́nɔ́ u mɔɔnd, kí imbɔk sí pafalfal. 42Ánuatúkɛn! Ɛ́nyɛɛ́ túyɔɔk! Ewú wunsɛmɛnɛ́ kanyɛ kɔ́ɔk.»
Kiɛtikinɛ kí Yésus
(Mat 26.47-56; Lúk 22.47-53; Isŋ 18.2-11)
43Kɔ́ɔk nɔ kɔ́ɔk Yésus mɛɛlɛ́ umaákála, Yútasɛ, opíónyí ké embúl ú Páátanapaandɛ waa! Umapá nɔ ɔlɔŋ ú pɛɛnd ni iŋɔ́mb, ni imfak kí imbɔk. Pafunúfɔn pɔɔkɔ́n, pemenyípikotí nɔ pɔkɔ́n pɔ́ kitɔŋ maátɔ́m. 44Yútasɛ, umaányɛ́ɛ́n Yésuse ikɔ́n, maámin ekelú nɔɔpɔ́, wɔ́ kɔ́ɔ́p ɛ́ɛ́: «Mɔɔnd iŋaáná ɔkɔ́l wɔ́ kisas, númenyeé wúú wɔ́! Núɛtikɛn wɔ, núúp nɛɛyɛ́, nukííka wɔ́ peseékése.» 45Yútas mɛɛlɛ́ waasiámínán Yésuse, wɔɔpínɔtikɛn kupínɔtikɛn wɔ, wɔ́ kɛ́ɛ́yɛ́ ɛ́ɛ́: «Oŋónyóonyi.» Wɔɔkɔ́l wɔ́ kisas. 46Pɛɛnd umaápá nɔɔpɔ́ kulu é Yésus. 47Omoómí á pápáátanapáandíɛ wɔɔsɔ́k imfak yɛ́ɛyɛ́ á kipalapatá, wɛɛsɛ́l eŋelípuólí u ɔkɔ́n u pɔkɔ́n pá pafunɔ́fɔn etu. 48Yésus ɛ́ɛ́pí kɔ́ɔ́p ɛ́ɛ́: «Numóól ni imfak ni iŋɔ́mbɔ ɛ́ kuɛsiŋɛtikɛn, inyɛ kisilŋanɔ́ á? 49Yaápá siki puɔ́síɛ naanɔ́ á kitamb kí Támbák, yoónyonyi, tɛ ɛ́ɛ́ núŋɛtikinɛ. Púmɛ́píɛ́l nɔ́ ó kuwóónyi Mekelíé má Támbák.» 50Popíónyí pumbú nɔ ɔtɛ́t, peem pɔ́ɔ́pinɔ, pééseŋeliti wɔ. 51Kiɔmfɔ́ kímotí, kipíómbón saandɛ na saandɛ ɔ́ nuɔ́l, kíɔŋ kɛ́ɛ́yɛ́. Pɛɛndɔ pɛ́mɛɛ́síɛ́tíkɛ́n Yésuse pɛ́ɛ́tikɛn kɛ́ɛ, 52kíɔ́píɔk kɔ́ɔ́p, péésíen saandɛ na saandɛ kí imbɔk; kíɔ́pínɔ inúú kutɔɔ́.
Yésuse ké etúl wɔɔkɔ́n ú Pɛyúútɛn
(Mat 26.57-68; Lúk 22.54-55,63-71; Isŋ 18.12-18)
53Pááyɔɔk ne Yésus á nuya nú ɔkɔ́n u pɔkɔ́n pá pafunɔ́fɔn. Pafunɔ́fɔn pɔɔkɔ́n, pɔkɔ́n pɔ́ kitɔŋ ne pemenyípikotí paapikusikan pɔ́ peem. 54Píɛlɛ wuup wɔ́ɔ́ŋɔ́n é Yésus upínyáŋa, kɔɔm kɔ́ ɔɔ́nd ú nuya nú ɔkɔ́n u pɔkɔ́n pá pafunɔ́fɔn. Wɔɔnyɔ́mbɛt ne peelímoólí pɛ́ɛ́yɛ́ é kupíésepe yiik. 55Na pafunɔ́fɔn pɔɔkɔ́n nɔ pɔ́kúɔ́p pólotí pé etúl wɔɔkɔ́n aamba moónyi mɛ́ kupíɛ́tikinɛn ɔ́ mɔ́ɔ, ɛ́ɛ́ púáminɛɛ́ Yésus ɛ́ɛ́kɛɛsikɛnɛn ne niku. Tɛ ɛ́ɛ́ pɛ́ɛ́nɛ. 56Á kiákí ɛ́ɛ́ pɛɛnd puólíkoóli mɔpɔ́ŋínɔ́n wɔ́ moónyi, tɛ piɛ́tɛ pipɔ́ŋ píɔ́pɔ́ pítiáminan. 57Pasupúsɔp pómotí páátukɛn ɔ́ kupɔ́ŋɛn wɔ́, pɔ́ ɛ́ɛ́: 58«Tuɔ́p wɔɔyɔ ɛ́ɛ́: Yaákata kitamb kí Támbák ekie pɛɛnd maáwááka, yóond, ɔ́ mɔɔ́sí táŋ matátɔ́, iwáak kílotí mɔɔnd kati kundálɛn ɔmbɔ́kɛ.» 59Tɛ á kiátákáánɛ́ kisɔ́mɔnɔ, nɔ muɔ́nɛ́ɛ nɛ wɛ́ɛ́yɛ́ ekelú. 60Ɔkɔ́n u pɔkɔ́n pá pafunɔ́fɔn waatukɛn ɛ́ kikɛtɛ́kɛtɛ́ɛ kí kiɔp, woówun Yésuse ɛ́ɛ́: «Aŋú ɛɛ́pí ɛ́ɛ́ kiákí ó puónyi epue pɛɛnd epe ɔ́ɔ́yɔɔnɛ́ɛ?» 61Yésuse wɔɔ́n wɔ insu. Ɔkɔ́n u pɔkɔ́n pá pafunɔ́fɔn waand kuówun wɔ́ iŋówúnín, wɔ́ kɛ́ɛ́yɛ́ ɛ́ɛ́: «Aŋúɛ ɛnyɛɛ́ Kilíise, Muɔ́nɔ́ u Sɔ́k ewú tuómokosíé á?» 62Yésuse kɛ́ɛ́yɛ́ ɛ́ɛ́: «Iŋúɛ wɛɛ́tɛ ewe. Nukiŋɛ́n iŋúɛ, Muɔ́nɔ́ u mɔɔnd, ɔnyɔ́l kí inyɛ́ŋ i inɛm i ewú unyɛɛ́ indín i pukaakɛ; núond núŋɛ́n yoólon ɔ́ kilɔndɔ́.» 63Ɔkɔ́n u pɔkɔ́n pá pafunɔ́fɔn ɔ́ɔ́pɔn anakáánɛ́, waapílaf insunú kí ilópi. Wɔ́ ɛ́ɛ́: «Tutikápá insaná ne etétúnyí! 64Tíkɛ numɔ́píɔ́pɛ́n panɔ́ muɛt aná usikanɛ́ Ɔkɔ́n. Nuɛ́kɛɛ́nɛn pú tiɛkiɛ?» Peem póondinyi ɛ́ɛ́ wɛɛ́kɛɛsikɛnɛn ne niku. 65Pómotí póond á kukasan wɔ́ pitelu, péfuuken wɔ́ eŋis ni insunú, pásápa wɔ́ maandá póond pɛ́ɛl kɛ́ɛ́yɛ́ ɛ́ɛ́: «Índɛ anyi Kilíise, ɔyɛ́t ewú umányikusápɛ́t!» Peelímoólí páásákɔn wɔ́ ni imbɛ́l.
Píɛl mápísáŋɔ́n Yésuse
(Mat 26.69-75; Lúk 22.56-62; Isŋ 18.17,25-27)
66Píɛl mɛɛlɛ́ wɔ imbát, kɔ́ ɔɔ́nd ú nuyá nú ɔkɔ́n u pɔkɔ́n pá pafunɔ́fɔn, eŋelípuólí wɛ́ɛyɛ́ waakáandɔ́ omotí wool. 67Wɛɛ́n Píɛl piesepe yiik. Waatámb wɔ́ eŋis sóóŋí, wɔ́ kɛ́ɛ́yɛ́ ɛ́ɛ́: «Aŋúɛ kákááwɔ aápá kɔ́ ɔlɔŋ ú Yésus, mɔnɔ́ panásalɛt!» 68Píɛ́lɛ waasáŋɔn, wɔ́ ɛ́ɛ́: «Indipá imenyen, indipá yɔɔ́pɔn epú aambanɛ́ɛ kuɔyɛt.» Waám kɔ́ ɔɔ́nd woonyondó á pulal. 69Eŋelípuólí waakáandɔ́ wɛɛ́tɛ wɛɛ́n wɔ, waand kuond ɔ́ kuɔyɔn pɔsɔ́k pámaápa akáánɛ́ ɛ́ɛ́: «Mɔɔnd owúnó nyɛ wɔɔpɔ́!» 70Píɛlɛ waand apísáŋɔn. Kipál timaná, pɛɛnd pámaápá akáánɛ́ páand kuɔyitɛn wɔ́ ɛ́ɛ́: «Anyi wɔɔpɔ́ sá! á kiákí ɛ́ɛ́ aŋɔ́ kakááwɔ anyi u Pakalilé.» 71Píɛlɛ woond á kupísáŋuna, upílian wɔɔyɔ ɛ́ɛ́: «Kémuémue indipá imenyen mɔɔnd ukáánɛ́ nuŋɔyɔnɛ́ɛ!» 72Wáámaná kupísáŋunɛ kitétí kiápilia kukáandíɛ. Piɛ́lɛ waapítáákɛt puónyí Yésus mɔɔ́yitɛn wɔ́ ɛ́ɛ́: «Akimbísáŋɔn kátátɔ́ kitéti katɛ kupília káandíɛ.» Waát niony.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL