Lúúkas 23
23
Yésuse ku Pílat
(Mat 27.2,11-14; Mál 15.1-5)
1Pɛɛnd pá Sanetelɛ́ɛŋ peem paatukɛn, pɔɔkɔ́l Yésuse, paayuuku nɛɛyɛ́ ku Ɔngɔ́munɛ u Yuté kisiɛ́n ɛ́ɛ́ Pílátɛ. 2Poond ɔ́kusɔ́mɔnɔn wu, pɔ́ɔ́yɔ ɛ́ɛ́: «Tumókóókí mɔɔnd ewe upueŋenyi kitɔŋ kiásu: wɔ́kɔyɔn pɛɛnd ɛ́ɛ́ patinamána lemfúe u Sesal, woond wɔyɔ ɛ́ɛ́ wɔ́ unyɛ́ Kilíise, efuŋ.» 3Pílatɛ woówun Yésuse ɛ́ɛ́: «Anyi efuŋ ú Pɛyúútɛn á?» Yésuse kɛ́ɛ́yɛ́ ɛ́ɛ́: «iŋúɛ ɔyɔnɛ́ nɔ.» 4Pílat kanyɛ á pafunɔ́fɔn pɔɔkɔ́n né émbúlu ú pɛɛnd ɛ́ɛ́: «Mɔɔnd ewe tipá nakikua kíɛsikɛnɛnɛ́ ɛ́ɛ́ ímbɛn wɔ.» 5Pɔ́ papílúndɛn ɔ́kusɔ́mɔnɔn Yésuse pɔnɔtɔ ɛ́ɛ́: «Wókónyonyi pɛɛnd ɛtú kulal ékúsi kú Yuté kitikit, kuetúmín Kalilée, kuasiám akɛ.»
Yésuse ku Elóot
6Pílat mɛɛlɛ́ wɔɔ́pɔn nɔ, woówun índɛ Yésus nyɛ mɔnɔ́ pá Kalilée. 7Pɛmɛɛlɛ́ pɔɔyɔn wɔ́ ɛ́ɛ́ Yésus ókólonin é kiénsi kí kúúsí kiɔ́pinɔnɛ́ Elóote, waatúm wɔ́ ku Elóot umaápa Yelúsalɛm ɛ́mɛɛ́tɛ metúk. 8Elóot mɛɛlɛ́ wɛ́nɛn Yésuse, ipali yɛɛl yɔɔ́n wɔ, á kiákí ɛ́ɛ́ tɔɔm umeétum kuamba ɛ́ɛ́ wɛ́n wɔ, ó pusíó púmaandá pɛɛnd maápá pɔ́ɔ́yɔ kɛ́ɛ́yɛ́ ó pusío, upióndonyi ɔtim kɔk ɛ́ɛ́ insí umɛ́ɛ́n Yésus mɛ́ɛl kisey kɛ́ɛ́yɛ́ ké eŋis. 9Elóote wetuutinyenyi Yésuse ni iŋówúnín, Yésuse tɛ ɛ́ɛ́ kupíkakunɛ. 10Pafunúfɔn pɔɔkɔ́n ne pemenyípikotí akáánɛ́ pɔkɔ́ pefikine napukaaka kisɔ́mɔnɔ. 11Elóote ɔlɔŋ nepisimb píɛ́yɛ́ fénen Yésuse, pasikan wɔ; pakaák wɔ kitɛ́fɛk kínsunú á kusikan wɔ, maná Elóote woondi wɔ́ ku Pílat. 12Puɔ́sɛ́ puɛ́tɛ, na Pílat ne Elóot pamaápá indiásánɛ́, pɛɛ́y pekúl.
Yésus ɛ́ɛ́kɛɛsikɛnɛn ne niku
13Pilatɛ wakúsikan pafunɔ́fɔn pɔɔkɔ́n, nɔ pɔkɔ́n nɔ kitɔŋ, 14wɔ́ kɔ́ɔpɔ́ ɛ́ɛ́: «Nusiŋólin na mɔɔnd ewe, nuɛ́pí ɛ́ɛ́ wókónyonyi pɛɛnd ɛ́ɛ́ pɛɛlɛ ɛtú kulal; imámaná epite wɔ́ kánu ké eŋis, indiɛ́n kikua ámaandá meem numɔ́nisɔ́mɔ́n wɔ́ ámɔ kiɛsikɛnɛnɛ́ ɛ́ɛ́ ímbɛn wɔ; 15tɛ Elóote utimɛ́ɛ́n kikua kɛ́ɛyɛ́, púúpɔ́ umónitúondinyi wɔ. kúúkɔ́ yɛlɛnɛ́ ɛ́ɛ́ mɔɔnd ewe tiɛ́l puandá puɛsikɛnɛnɛ ne niku. 16Yékekenyi pukaaka peeki wɔ́ inséésítényí, é kélém kuɛ́yɛ iyap wɔ uyɔɔk.» [ 17]
(Mat 27.15-26; Mál 15.6-15)
18Pɛɛndɔ kitikit peepékit ɔlɔŋ omoómí: «Ɔ́n wɔ, túéminyí Palápasɛ.» 19Palápasɛ wɛɛ́tɛ mapá efuúkénín á kiansi kí imbíne á kiákí ɛ́ɛ́ pamakand wɔ́ ɔ́kiɔ́p kí pɛɛnd pamaátukɛn ékunuenesi ɔngɔ́munɛ ápáliki no ó pusíó ɛ́ɛ́ umɔɔ́n mɔɔnd. 20Pilatɛ waand akálɛt kɔ́ɔpɔ́ wamba ɛ́ɛ́ úyap Yésuse. 21Maná kɔk pɔ́, pɔyɔkɔnkuyɔkɔn kufeetenyi ikelú napukaaka, pɔ́ɔ́yɔ ɛ́ɛ́: «Tɔɔ́ndɛ́n wɔ́ ó kolóse, tɔɔ́ndɛ́n wɔ́ ókolóse.» 22Kúkátátúɛ́, Pilatɛ kɔ́ɔpɔ́ ɛ́ɛ́: «Kasɛ́ kipínanúɛ mɔɔnd ewe ɛ́níɛ́l? Indimɛ́ɛ́n kipínanɔ́ kíkuɛl ɛ́ɛ́ pɔɔ́n wɔ́ akɛ. Imfá wɔ́ insésítényi maná íyap wɔ.» 23Pɛɛnd pɔyɔkunkuyɔkun kuánsa napukaaka, papílúndɛn kuówon ɛ́ɛ́ pɔtɔɔndɛn Yésuse ókolóse. Ikelú siɔ́p síanyɛ́ɛn. 24Pilatɛ wasɔmb kɔk puónyi ɛ́ɛ́ wɛl aná pɔmɔɔ́yɔ. 25Wéminyi pɔ́ mɔɔnd pamaámba, ewú umaápá á kiansi kí imbíne ó pusíó pú kunuenesi Ɔngɔ́munɛ nɔ nuɔ́nɔnɔ; wayapɛn pɔ́ Yésuse ɛ́ɛ́ pɛɛl nɛɛyɛ́ aná pɔmɔɔ́yɔ.
Pamáyɔɔk ne Yésus ɔ́ kuɔ́n wɔ
(Mat 27.32; Mál 15.21)
26Aná pisimb maáyuukan ne Yésus, píélumen ne Símun, mɔnɔ́ pé Silɛ́ɛn, umoólon á páliki. Píɛtikɛn wɔ, píatúúkɛn wɔ́ kolóse ókuól kuɔ́ŋɔn é Yésus naawɔ. 27Kiandkand kí émbúl ú pɛɛnd pɔ́kitɔŋ ól wɔ́ŋɔn é Yésus, pakáandu kɔ́ɔk, Póol papaŋa, papitala imbɔku kítuɛ pond papísúsula kɛ́ɛ́yɛ́ ó pusío. 28Yésuse wɛɛpíkɛkɛlɛt kiáyí kí pakáandu, wɔ́ kɔ́ɔpu ɛ́ɛ́: «Pɔpúl pé Yelúsalɛm, nutipaŋá kámɛ ó pusío, maná ánupaŋá kánɔ́ ó pusíó nó ó pusíó púpaána pánɔ́. 29Á kiákí ɛ́ɛ́ metúk ókólon pɔɔ́niɔyɔnɛ ɛ́ɛ́: “Peseé táásɛ ne pikíl, neepé pamapásɛɛ́ petipíén, tɛ kuelepit.” 30Káakáánɛ pɛɛnd óniondé ɔ́kuɔyɔn ikɛ́l ɛ́ɛ́: “Ánutúkuanɛn,” pɔɔyɔn pɛɛny ɛ́ɛ́: “Ɔ́nutúɔsikɔn.” 31Á kiákí ɛ́ɛ́ indɛ pɛkɛlɛ anakáánɛ naamɛ inyɛ́ putɛ́ pukɔs, tiɛkiɛ́ pukaánipá nanɔ́ nunyɛ́ tukúny?» 32Ɛkiɛ́tɛ kisikɛl kimoómí, pamayuúkan na pisiliŋanɔ́ píándɛ́ ɔ́kuɔ́n pɛ ɔlɔŋ ne Yésus.
Pɔ́mɔ́tɔɔ́ndɛ́n Yésuse ó kolóse
(Mat 27.33-44; Mál 15.22-32)
33Paamán kɔɔ́mɔ pamaálukɔ́ ɛ́ɛ́ «kiɛ́ŋɛ́lɛ́ŋ kí ɛtu,» kakáanɛ́ pɔmɔɔ́tɔndɔn Yésuse ókolóse ɔlɔŋ na pisiliŋanɔ́ epie píándɛ́; siki mɔɔndɛ ɛ́ wɛɛyɛ́ kolóse: Yésuse ɛ́kikɛtɛ́kɛtɛ ekie kisiliŋanɔ́ kiáyí, ekie kiáyí. 34Yésus ɔ́ɔ́yɔ ɛ́ɛ́: «Taat, síkoli yapɛ́n pɔ, á kiákí ɛ́ɛ́ pátipá pemenyen puandá pɛ́ɛ́lɛnɛ́ɛ.» Pisimb píapitan nsunú síɛyɛ́ kí ifitefite. 35Pɛɛnd mapá akáánɛ́ petény poyooson; pɔkɔ́n, pɔ́, pɔɔnɔ Yésuse, pɔ́ɔ́yɔ ɛ́ɛ́: «wósótósí pɛɛnd. Ɛ́niɛ́ úpísóti wúpuɛt índɛ wɔ́ unyɛ́ Kilíise u Támbák, ewú Támbák ániyɔ́ɔn!» 36Pisimb kakaapɛ ɔ́ɔnɔ wɔ; píepísíítin wɔ ókutóŋinyi wɔ́ pikányak pí makip, pí kɛ́ɛ́yɛ́ ɛ́ɛ́: 37«Índɛ anyɛ efuŋ u Pɛyúútɛn, písótí aŋúmuɛ́t!» 38Kɛ́ ɛtu ú Yésus mɛnɛ́mɛnɛ́ɛ, ókolóse, pɔkɔɔ́ŋ ɛ́ɛ́: «Efuŋ ú Pɛyúútɛn wɔ.»
39Kisiliŋanɔ́ kimoómí, épéepé pɔmɔɔ́tɔɔ́ndɛn pɔ ó pokolóse, sikáánɛ́ Yésuse, wɔyɔ ɛ́ɛ́: «Atipá aŋɔ́ ɛnyɛ́ Kilíise á? Písótí aŋúmuɛ́t otusóti kakáásɔ́!» 40Sɔ́k kisiliŋanúɛ woond ɛ́kutɛ́mbɛlɛn wɔkuɔ́p, wɔ́ kɛ́ɛ́yɛ́ ɛ́ɛ́: «Atipá tɛ etííne Támbákɛ́ɛ, aŋúɛ ewú amánipiá yɛɛ́tɛ nsésítényí imoómí! 41Káásɔ́ ó pusío, púnyɛ indɛ́ndɛ́nɛ, inséésítényí yaasɔ́ nyɛ pinamá píɛsikɛnɛnɛ́ ne meelíe másɔ́; wɔ́, utiɛ́l puandá púkilɔk.» 42Woond wɔ́ ɛ́ɛ́: «Yésus imbítááka aká oónióloné anɛ efuŋ.» 43Yésuse woondinyi wɔ́ ɛ́ɛ́: «Yɔ́kuɔyɔn kémuémue ɛ́ɛ́, inánu ewe, akaná apá naamɛ á palatís.»
Yésus méku
(Mat 27.45-56; Mál 15.33-41)
44-45Pumapá pukanyɛ puandá anɛ ɔtimpuɔ́sɛ́, ɔɔ́nyɛ́ weewu, imbíne yaakua kúúsí kitikit kuám pikulɛ́ pítátɔ́. Nsunú, imaápá yátuna kitamb kí Támbák nɛkɛtɛ́ɛ, yasalɛk ɛ́ kikɛtɛ́kɛtɛ́ɛ taákɔ́lɔ́kɔ́t. 46Yésuse waánsɛt mɔkɔ́n, wɔ́ ɛ́ɛ́: «Taat, imókuondínyí kusɔ́t kú ámɛ.» Wɔyɔ nɔ, ukásikan. 47Aná ɔkɔ́n u pisimb mɛɛ́n puandá púmɛɛ́píɛ́lɛ, woond é kukúmesi Támbákɛ́ɛ, wɔyɔ ɛ́ɛ́: «Sá sá, mɔɔnd ewe ápá indɛ́ndɛ́nɛ.» 48Pɛɛnd kitikit pomoól ó kuosiyóósón aná pɔtɔɔndɔnɛ́ Yésuse ó kolóse mɛɛlɛ́ pɛɛ́nɛn puandá kitikit púmaátápukan, peetum indil, paap papítála imbɔ́k kí ituɛ. 49Pekúl pé Yésus peem, na pakándu pomoól petílíkén wɔ kuatɔ́k Kalilée mapá petény kaáyɛ, poyooson puandá kitikit púmɛɛ́píɛlɛ.
Pomónyoó Yésuse
(Mat 27.57-61; Mál 15.42-47)
50-51Mɔɔnd omotí kisiɛ́n ɛ́ɛ́ Yúsipɛ, mɔnɔ́ Pá Alimaté: pálɛ́k omotí upɛyútɛn, waasiám. Umapá ɔtim peseé ni indɛ́ndɛ́nɛ í mɔɔnd; upéétenyi Pufuŋ pú Támbák. Umapá kɔ́lɔŋ ú pɛɛnd pá Sanetelɛ́ɛŋ, maná, utimɔkɔ́l niap énuketi nemeelíé mɔ́pɔkúɔ́p. 52Wayuuku ku Pílat, wɔŋɛn wɔ́ kikú kí Yésus. 53Weeŋi kí ó kolóse, waman kuákala kɛ́ɛ imbɔ́ŋ, waniapítíkɛn kɛ́ɛ ákipɛ́l pamaátúánán ánitány, pamany potinyoó mɔɔnd akɛ. 54Pumapá puɔ́s Pɛyúútɛn piɛ́yɛnɛ́ sápat, umaápá ukanyɛ mekúye. 55Pakáandu pomoól petilikén Yésuse kú etúm Kalilée pɔɔkɔŋu á Yúsɛp; pooyoosin kipɛ́l naaná pamaápitikɛn kikú kí Yésus. 56É kélém kuɛ́yɛ́ pookond á pálɛ́k, paaman anámba pisɛŋ ne pelepínde ó pusíó púkilɔ́ŋ.
Insɔ́m ímóniólín á kipɛ́l
(Mat 28.1-9; Mál 16.1-8)
Puɔ́si pú sápat, pɔɔpíɔyɛt aná kikotí kípɛyútɛn mɔ́ɔyɔ.
ទើបបានជ្រើសរើសហើយ៖
Lúúkas 23: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 23
23
Yésuse ku Pílat
(Mat 27.2,11-14; Mál 15.1-5)
1Pɛɛnd pá Sanetelɛ́ɛŋ peem paatukɛn, pɔɔkɔ́l Yésuse, paayuuku nɛɛyɛ́ ku Ɔngɔ́munɛ u Yuté kisiɛ́n ɛ́ɛ́ Pílátɛ. 2Poond ɔ́kusɔ́mɔnɔn wu, pɔ́ɔ́yɔ ɛ́ɛ́: «Tumókóókí mɔɔnd ewe upueŋenyi kitɔŋ kiásu: wɔ́kɔyɔn pɛɛnd ɛ́ɛ́ patinamána lemfúe u Sesal, woond wɔyɔ ɛ́ɛ́ wɔ́ unyɛ́ Kilíise, efuŋ.» 3Pílatɛ woówun Yésuse ɛ́ɛ́: «Anyi efuŋ ú Pɛyúútɛn á?» Yésuse kɛ́ɛ́yɛ́ ɛ́ɛ́: «iŋúɛ ɔyɔnɛ́ nɔ.» 4Pílat kanyɛ á pafunɔ́fɔn pɔɔkɔ́n né émbúlu ú pɛɛnd ɛ́ɛ́: «Mɔɔnd ewe tipá nakikua kíɛsikɛnɛnɛ́ ɛ́ɛ́ ímbɛn wɔ.» 5Pɔ́ papílúndɛn ɔ́kusɔ́mɔnɔn Yésuse pɔnɔtɔ ɛ́ɛ́: «Wókónyonyi pɛɛnd ɛtú kulal ékúsi kú Yuté kitikit, kuetúmín Kalilée, kuasiám akɛ.»
Yésuse ku Elóot
6Pílat mɛɛlɛ́ wɔɔ́pɔn nɔ, woówun índɛ Yésus nyɛ mɔnɔ́ pá Kalilée. 7Pɛmɛɛlɛ́ pɔɔyɔn wɔ́ ɛ́ɛ́ Yésus ókólonin é kiénsi kí kúúsí kiɔ́pinɔnɛ́ Elóote, waatúm wɔ́ ku Elóot umaápa Yelúsalɛm ɛ́mɛɛ́tɛ metúk. 8Elóot mɛɛlɛ́ wɛ́nɛn Yésuse, ipali yɛɛl yɔɔ́n wɔ, á kiákí ɛ́ɛ́ tɔɔm umeétum kuamba ɛ́ɛ́ wɛ́n wɔ, ó pusíó púmaandá pɛɛnd maápá pɔ́ɔ́yɔ kɛ́ɛ́yɛ́ ó pusío, upióndonyi ɔtim kɔk ɛ́ɛ́ insí umɛ́ɛ́n Yésus mɛ́ɛl kisey kɛ́ɛ́yɛ́ ké eŋis. 9Elóote wetuutinyenyi Yésuse ni iŋówúnín, Yésuse tɛ ɛ́ɛ́ kupíkakunɛ. 10Pafunúfɔn pɔɔkɔ́n ne pemenyípikotí akáánɛ́ pɔkɔ́ pefikine napukaaka kisɔ́mɔnɔ. 11Elóote ɔlɔŋ nepisimb píɛ́yɛ́ fénen Yésuse, pasikan wɔ; pakaák wɔ kitɛ́fɛk kínsunú á kusikan wɔ, maná Elóote woondi wɔ́ ku Pílat. 12Puɔ́sɛ́ puɛ́tɛ, na Pílat ne Elóot pamaápá indiásánɛ́, pɛɛ́y pekúl.
Yésus ɛ́ɛ́kɛɛsikɛnɛn ne niku
13Pilatɛ wakúsikan pafunɔ́fɔn pɔɔkɔ́n, nɔ pɔkɔ́n nɔ kitɔŋ, 14wɔ́ kɔ́ɔpɔ́ ɛ́ɛ́: «Nusiŋólin na mɔɔnd ewe, nuɛ́pí ɛ́ɛ́ wókónyonyi pɛɛnd ɛ́ɛ́ pɛɛlɛ ɛtú kulal; imámaná epite wɔ́ kánu ké eŋis, indiɛ́n kikua ámaandá meem numɔ́nisɔ́mɔ́n wɔ́ ámɔ kiɛsikɛnɛnɛ́ ɛ́ɛ́ ímbɛn wɔ; 15tɛ Elóote utimɛ́ɛ́n kikua kɛ́ɛyɛ́, púúpɔ́ umónitúondinyi wɔ. kúúkɔ́ yɛlɛnɛ́ ɛ́ɛ́ mɔɔnd ewe tiɛ́l puandá puɛsikɛnɛnɛ ne niku. 16Yékekenyi pukaaka peeki wɔ́ inséésítényí, é kélém kuɛ́yɛ iyap wɔ uyɔɔk.» [ 17]
(Mat 27.15-26; Mál 15.6-15)
18Pɛɛndɔ kitikit peepékit ɔlɔŋ omoómí: «Ɔ́n wɔ, túéminyí Palápasɛ.» 19Palápasɛ wɛɛ́tɛ mapá efuúkénín á kiansi kí imbíne á kiákí ɛ́ɛ́ pamakand wɔ́ ɔ́kiɔ́p kí pɛɛnd pamaátukɛn ékunuenesi ɔngɔ́munɛ ápáliki no ó pusíó ɛ́ɛ́ umɔɔ́n mɔɔnd. 20Pilatɛ waand akálɛt kɔ́ɔpɔ́ wamba ɛ́ɛ́ úyap Yésuse. 21Maná kɔk pɔ́, pɔyɔkɔnkuyɔkɔn kufeetenyi ikelú napukaaka, pɔ́ɔ́yɔ ɛ́ɛ́: «Tɔɔ́ndɛ́n wɔ́ ó kolóse, tɔɔ́ndɛ́n wɔ́ ókolóse.» 22Kúkátátúɛ́, Pilatɛ kɔ́ɔpɔ́ ɛ́ɛ́: «Kasɛ́ kipínanúɛ mɔɔnd ewe ɛ́níɛ́l? Indimɛ́ɛ́n kipínanɔ́ kíkuɛl ɛ́ɛ́ pɔɔ́n wɔ́ akɛ. Imfá wɔ́ insésítényi maná íyap wɔ.» 23Pɛɛnd pɔyɔkunkuyɔkun kuánsa napukaaka, papílúndɛn kuówon ɛ́ɛ́ pɔtɔɔndɛn Yésuse ókolóse. Ikelú siɔ́p síanyɛ́ɛn. 24Pilatɛ wasɔmb kɔk puónyi ɛ́ɛ́ wɛl aná pɔmɔɔ́yɔ. 25Wéminyi pɔ́ mɔɔnd pamaámba, ewú umaápá á kiansi kí imbíne ó pusíó pú kunuenesi Ɔngɔ́munɛ nɔ nuɔ́nɔnɔ; wayapɛn pɔ́ Yésuse ɛ́ɛ́ pɛɛl nɛɛyɛ́ aná pɔmɔɔ́yɔ.
Pamáyɔɔk ne Yésus ɔ́ kuɔ́n wɔ
(Mat 27.32; Mál 15.21)
26Aná pisimb maáyuukan ne Yésus, píélumen ne Símun, mɔnɔ́ pé Silɛ́ɛn, umoólon á páliki. Píɛtikɛn wɔ, píatúúkɛn wɔ́ kolóse ókuól kuɔ́ŋɔn é Yésus naawɔ. 27Kiandkand kí émbúl ú pɛɛnd pɔ́kitɔŋ ól wɔ́ŋɔn é Yésus, pakáandu kɔ́ɔk, Póol papaŋa, papitala imbɔku kítuɛ pond papísúsula kɛ́ɛ́yɛ́ ó pusío. 28Yésuse wɛɛpíkɛkɛlɛt kiáyí kí pakáandu, wɔ́ kɔ́ɔpu ɛ́ɛ́: «Pɔpúl pé Yelúsalɛm, nutipaŋá kámɛ ó pusío, maná ánupaŋá kánɔ́ ó pusíó nó ó pusíó púpaána pánɔ́. 29Á kiákí ɛ́ɛ́ metúk ókólon pɔɔ́niɔyɔnɛ ɛ́ɛ́: “Peseé táásɛ ne pikíl, neepé pamapásɛɛ́ petipíén, tɛ kuelepit.” 30Káakáánɛ pɛɛnd óniondé ɔ́kuɔyɔn ikɛ́l ɛ́ɛ́: “Ánutúkuanɛn,” pɔɔyɔn pɛɛny ɛ́ɛ́: “Ɔ́nutúɔsikɔn.” 31Á kiákí ɛ́ɛ́ indɛ pɛkɛlɛ anakáánɛ naamɛ inyɛ́ putɛ́ pukɔs, tiɛkiɛ́ pukaánipá nanɔ́ nunyɛ́ tukúny?» 32Ɛkiɛ́tɛ kisikɛl kimoómí, pamayuúkan na pisiliŋanɔ́ píándɛ́ ɔ́kuɔ́n pɛ ɔlɔŋ ne Yésus.
Pɔ́mɔ́tɔɔ́ndɛ́n Yésuse ó kolóse
(Mat 27.33-44; Mál 15.22-32)
33Paamán kɔɔ́mɔ pamaálukɔ́ ɛ́ɛ́ «kiɛ́ŋɛ́lɛ́ŋ kí ɛtu,» kakáanɛ́ pɔmɔɔ́tɔndɔn Yésuse ókolóse ɔlɔŋ na pisiliŋanɔ́ epie píándɛ́; siki mɔɔndɛ ɛ́ wɛɛyɛ́ kolóse: Yésuse ɛ́kikɛtɛ́kɛtɛ ekie kisiliŋanɔ́ kiáyí, ekie kiáyí. 34Yésus ɔ́ɔ́yɔ ɛ́ɛ́: «Taat, síkoli yapɛ́n pɔ, á kiákí ɛ́ɛ́ pátipá pemenyen puandá pɛ́ɛ́lɛnɛ́ɛ.» Pisimb píapitan nsunú síɛyɛ́ kí ifitefite. 35Pɛɛnd mapá akáánɛ́ petény poyooson; pɔkɔ́n, pɔ́, pɔɔnɔ Yésuse, pɔ́ɔ́yɔ ɛ́ɛ́: «wósótósí pɛɛnd. Ɛ́niɛ́ úpísóti wúpuɛt índɛ wɔ́ unyɛ́ Kilíise u Támbák, ewú Támbák ániyɔ́ɔn!» 36Pisimb kakaapɛ ɔ́ɔnɔ wɔ; píepísíítin wɔ ókutóŋinyi wɔ́ pikányak pí makip, pí kɛ́ɛ́yɛ́ ɛ́ɛ́: 37«Índɛ anyɛ efuŋ u Pɛyúútɛn, písótí aŋúmuɛ́t!» 38Kɛ́ ɛtu ú Yésus mɛnɛ́mɛnɛ́ɛ, ókolóse, pɔkɔɔ́ŋ ɛ́ɛ́: «Efuŋ ú Pɛyúútɛn wɔ.»
39Kisiliŋanɔ́ kimoómí, épéepé pɔmɔɔ́tɔɔ́ndɛn pɔ ó pokolóse, sikáánɛ́ Yésuse, wɔyɔ ɛ́ɛ́: «Atipá aŋɔ́ ɛnyɛ́ Kilíise á? Písótí aŋúmuɛ́t otusóti kakáásɔ́!» 40Sɔ́k kisiliŋanúɛ woond ɛ́kutɛ́mbɛlɛn wɔkuɔ́p, wɔ́ kɛ́ɛ́yɛ́ ɛ́ɛ́: «Atipá tɛ etííne Támbákɛ́ɛ, aŋúɛ ewú amánipiá yɛɛ́tɛ nsésítényí imoómí! 41Káásɔ́ ó pusío, púnyɛ indɛ́ndɛ́nɛ, inséésítényí yaasɔ́ nyɛ pinamá píɛsikɛnɛnɛ́ ne meelíe másɔ́; wɔ́, utiɛ́l puandá púkilɔk.» 42Woond wɔ́ ɛ́ɛ́: «Yésus imbítááka aká oónióloné anɛ efuŋ.» 43Yésuse woondinyi wɔ́ ɛ́ɛ́: «Yɔ́kuɔyɔn kémuémue ɛ́ɛ́, inánu ewe, akaná apá naamɛ á palatís.»
Yésus méku
(Mat 27.45-56; Mál 15.33-41)
44-45Pumapá pukanyɛ puandá anɛ ɔtimpuɔ́sɛ́, ɔɔ́nyɛ́ weewu, imbíne yaakua kúúsí kitikit kuám pikulɛ́ pítátɔ́. Nsunú, imaápá yátuna kitamb kí Támbák nɛkɛtɛ́ɛ, yasalɛk ɛ́ kikɛtɛ́kɛtɛ́ɛ taákɔ́lɔ́kɔ́t. 46Yésuse waánsɛt mɔkɔ́n, wɔ́ ɛ́ɛ́: «Taat, imókuondínyí kusɔ́t kú ámɛ.» Wɔyɔ nɔ, ukásikan. 47Aná ɔkɔ́n u pisimb mɛɛ́n puandá púmɛɛ́píɛ́lɛ, woond é kukúmesi Támbákɛ́ɛ, wɔyɔ ɛ́ɛ́: «Sá sá, mɔɔnd ewe ápá indɛ́ndɛ́nɛ.» 48Pɛɛnd kitikit pomoól ó kuosiyóósón aná pɔtɔɔndɔnɛ́ Yésuse ó kolóse mɛɛlɛ́ pɛɛ́nɛn puandá kitikit púmaátápukan, peetum indil, paap papítála imbɔ́k kí ituɛ. 49Pekúl pé Yésus peem, na pakándu pomoól petílíkén wɔ kuatɔ́k Kalilée mapá petény kaáyɛ, poyooson puandá kitikit púmɛɛ́píɛlɛ.
Pomónyoó Yésuse
(Mat 27.57-61; Mál 15.42-47)
50-51Mɔɔnd omotí kisiɛ́n ɛ́ɛ́ Yúsipɛ, mɔnɔ́ Pá Alimaté: pálɛ́k omotí upɛyútɛn, waasiám. Umapá ɔtim peseé ni indɛ́ndɛ́nɛ í mɔɔnd; upéétenyi Pufuŋ pú Támbák. Umapá kɔ́lɔŋ ú pɛɛnd pá Sanetelɛ́ɛŋ, maná, utimɔkɔ́l niap énuketi nemeelíé mɔ́pɔkúɔ́p. 52Wayuuku ku Pílat, wɔŋɛn wɔ́ kikú kí Yésus. 53Weeŋi kí ó kolóse, waman kuákala kɛ́ɛ imbɔ́ŋ, waniapítíkɛn kɛ́ɛ ákipɛ́l pamaátúánán ánitány, pamany potinyoó mɔɔnd akɛ. 54Pumapá puɔ́s Pɛyúútɛn piɛ́yɛnɛ́ sápat, umaápá ukanyɛ mekúye. 55Pakáandu pomoól petilikén Yésuse kú etúm Kalilée pɔɔkɔŋu á Yúsɛp; pooyoosin kipɛ́l naaná pamaápitikɛn kikú kí Yésus. 56É kélém kuɛ́yɛ́ pookond á pálɛ́k, paaman anámba pisɛŋ ne pelepínde ó pusíó púkilɔ́ŋ.
Insɔ́m ímóniólín á kipɛ́l
(Mat 28.1-9; Mál 16.1-8)
Puɔ́si pú sápat, pɔɔpíɔyɛt aná kikotí kípɛyútɛn mɔ́ɔyɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL