Isáaŋ 15
15
Yésuse, pusamɔ́ pú kémuémue
1Niŋúɛ inyɛɛ́ indín i pusamɔ́ pú kémuémue. Taatɛ́ɛ unyɛɛ́ muɛ́t pusamɔ́, wɔ́ ukííkanɛ́ pɔ. 2Kikas kitikit kínyɛɛ́ káámɛ, kítiómónée, waásúmba kɛ́ɛ; kikas kitikit ekí kínánanɛ́, wɛɛ́lɛŋunɛ kɛ́ɛ ɛ́ɛ́ kíómo peseé. 3Nukanyi pɛlɛɛ́ŋúnɛ́ ne mekélíe emé ímɔ́nyinúɔ́yɔn. 4Anumbílata aná inúpílatanɛ́ɛ! Yá aná kikas tiányípá kíómo índɛ kítipá kilatán ni indín i pusamɔ́, panɔ́ kákáánɔ́ nutipá kuóm katɛ kumbílatɛ. 5Niŋúɛ inyɛɛ́ indín i pusamɔ́, panɔ́ pikas: ewú unyɛɛ́ apílatán káámɛ niŋúɛ kɛ́ɛ́yɛ́, koómo insamɔ́ táásɛ; kati niŋúɛ niɛlɛ́n puandá na puandá tipá. 6Ewú utiányípá alatán káámɛ, Taatá óókoombo wɔ́ ɛlɛɛ́ kikas kiisúmbán, kíkútanɛ́ɛ, pápát kɛ́ɛ póoŋik é yiik, kípika. 7Índɛ nusimbílat, nukííka mekélíe máámɛ káánɔ́ kí itɛ́m, puum epú nuɔŋɔnɛ́ Taatɛ́ɛ, weénúékenyi. 8Kuómo insamɔ́ kutek nyɛ kumbíéyesi kúánɔ́, kúú kúfáanɛ́ɛ Taatɛ́ɛ nuúmu. 9Yɔɔ́núɔ́yɔ yá aná Taatá íŋɔyɔɔnɛ́ɛ. Ánupílúndɛn kupílúndɛn káámɛ kí iŋɔyɔ nɛkɛtɛ́ɛ 10Índɛ nuɛ́nɛkɛn pikotí píámɛ, nukapá káámɛ kí iŋɔyɔ, yá aná inɛkɛnɛ́ pikotí pí Taatá yoond imbáan kɛ́ɛ́yɛ́ kí iŋɔyɔ. 11«Imánútíán pú ɛ́ɛ́ anyamɔ́ wáámɛ pá káánɔ́, andíkɛ́k ɛ́ɛ́ anyamɔ́ wáánɔ́ pá owóónón. 12Kikotí kíámɛ ekie inúfáanɛ́: ɔ́nuɔyɔ́nɛ́n panúɛ na panúɛ aná inúɔ́yɔnɛ́. 13Iŋɔyɔ i kutápɔk i sɔ́k weekenyée kusɔ́t kúɛ́yɛ́ ó pusíó pú pekúl pɛ́ɛ́yɛ́ tipá. 14Nunyɛ pekúl páámɛ índɛ nusiɔŋɔn kí iŋilí inúɔ́yɔnɛ́ɛ. 15Indipá yaand anúpílan ɛ́ɛ́ peelímoólí, á kiákí ɛ́ɛ́ eŋelípuólí tipá umenyen puandá ɔkɔ́n wɛɛyɛ́ ɛ́ɛlɛnɛ́ɛ. Yaánúpílan ɛ́ɛ́ pekúl páámɛ ɛ́ɛ́ yeénútíínyí epú kitikit Taat miíndian. 16Nutipá panúɛ numiíndɔ́pɔ́n, niŋúɛ imɔɔ́nútɔ́pɔ́n, yaanútɔ́m á masɔ́m ɛ́ɛ́ núómo insamɔ́, insamɔ́ sítɔ́pɔnɛ́. Káákáánɛ́ Taatá kaányínúfá epú kitikit nukɔɔ́nyíɔ́ŋɛn wɔ́ káámɛ ɛ́ kisiɛ́n. 17Yɛɛ́pí káánɔ́ ɛ́ɛ́: Ɔ́nuɔyɔ́nɛ́n panúɛ na panúɛ.»
Pɛɛnd pé kúúsí ɛ́ɛ́fɛmɛ Yésuse ne pekúl pɛ́ɛ́yɛ́
18«Índɛ pɛɛnd ɛ́ɛ́núfɛmɛ, éénumenyí ɛ́ɛ́ púmetúmín káámɛ. 19Nusɔ́tɔ nupá pé kúúsí, kúúsí síɔ́yɔ epú púɔ́pɔninɛ́ wɔ; maná nutipá pé kúúsí: niŋúɛ imaánuátɔ́n nɛ pɛɛnd pé kúúsí, púúpɔ́ pɛɛnd pé kúúsí núfɛmɛnɛ́ɛ. 20Ánupítáákɛ́t aná imɔɔ́núɔ́yɔn ɛ́ɛ́: Eŋelípuólí tipá utápukan másɛ wɛɛyɛ́ á pukɔ́n, índɛ pémínuénésí, péényínúnuenesi káákáánɔ́; índɛ pɔ́siɔŋɔn káámɛ é mekélíe, pɔ́kɔɔŋɔn á máánɔ́ káákáánɔ́. 21Makáánɛ́ kitikit pɛ́kɛnuɛ́lɛ mɔ́ ó pusíó pú kisiɛ́n kíámɛ, á kiákí ɛ́ɛ́ pátipá pémenyen sɔ́k umiíndɔ́m. 22Insɔ́tɔ indiól, insɔ́tɔ indikálɛ́t kɔ́ɔ́p, pátisiápá na kifal; akɛ ninúan, kifal kíɔ́p tipá na niyapɛ́n. 23Ewú wumfɛmɛnɛ́ɛ, ɛ́ɛ́fɛmɛ Taatɛ́ɛ kɛ́kɛ́ɛ́yɛ́. 24Insɔ́tɔ indiɛlɛ́ kɔ́ɔ́p ɛ́ kikɛtɛ́kɛtɛ́ɛ moólí emé mɔɔnd olotí mapásɛ́ utiɛlɛ́, pátisiápiá kifal; akɛ nínúan pámányimaná kuɛ́nɛn mɔ, páasuŋuna nɛ kutúfɛmɛ, naamɛ na Taatá. 25Púɛ́píɛ́lɛ nɔ́ ɛ́ɛ́ Ɔmfíɔ́ŋ ewe únyɛɛ́ wɔɔ́ŋɔ́n kɔ́ɔ́p ó pikotí píwóónyi: Pɛ́mímfɛmɛ́ kati iŋálɛ́ɛ.»
26«Ewú wɛɛsikɛɛnɛnɛ́ kuasinúákán kutáam, óókoólon. Iŋanútúmɛn Emfún ú kémuémue wóólinonɛ́ɛ ku Taatá, úkesitétúnyényí káámɛ ó pusíó. 27Panɔ́ káákáánɔ́ nuketétunyenyi káámɛ ó pusíó, á kiákí ɛ́ɛ́ nunyɛ naamɛ kuatál é nitúmín.»
ទើបបានជ្រើសរើសហើយ៖
Isáaŋ 15: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Isáaŋ 15
15
Yésuse, pusamɔ́ pú kémuémue
1Niŋúɛ inyɛɛ́ indín i pusamɔ́ pú kémuémue. Taatɛ́ɛ unyɛɛ́ muɛ́t pusamɔ́, wɔ́ ukííkanɛ́ pɔ. 2Kikas kitikit kínyɛɛ́ káámɛ, kítiómónée, waásúmba kɛ́ɛ; kikas kitikit ekí kínánanɛ́, wɛɛ́lɛŋunɛ kɛ́ɛ ɛ́ɛ́ kíómo peseé. 3Nukanyi pɛlɛɛ́ŋúnɛ́ ne mekélíe emé ímɔ́nyinúɔ́yɔn. 4Anumbílata aná inúpílatanɛ́ɛ! Yá aná kikas tiányípá kíómo índɛ kítipá kilatán ni indín i pusamɔ́, panɔ́ kákáánɔ́ nutipá kuóm katɛ kumbílatɛ. 5Niŋúɛ inyɛɛ́ indín i pusamɔ́, panɔ́ pikas: ewú unyɛɛ́ apílatán káámɛ niŋúɛ kɛ́ɛ́yɛ́, koómo insamɔ́ táásɛ; kati niŋúɛ niɛlɛ́n puandá na puandá tipá. 6Ewú utiányípá alatán káámɛ, Taatá óókoombo wɔ́ ɛlɛɛ́ kikas kiisúmbán, kíkútanɛ́ɛ, pápát kɛ́ɛ póoŋik é yiik, kípika. 7Índɛ nusimbílat, nukííka mekélíe máámɛ káánɔ́ kí itɛ́m, puum epú nuɔŋɔnɛ́ Taatɛ́ɛ, weénúékenyi. 8Kuómo insamɔ́ kutek nyɛ kumbíéyesi kúánɔ́, kúú kúfáanɛ́ɛ Taatɛ́ɛ nuúmu. 9Yɔɔ́núɔ́yɔ yá aná Taatá íŋɔyɔɔnɛ́ɛ. Ánupílúndɛn kupílúndɛn káámɛ kí iŋɔyɔ nɛkɛtɛ́ɛ 10Índɛ nuɛ́nɛkɛn pikotí píámɛ, nukapá káámɛ kí iŋɔyɔ, yá aná inɛkɛnɛ́ pikotí pí Taatá yoond imbáan kɛ́ɛ́yɛ́ kí iŋɔyɔ. 11«Imánútíán pú ɛ́ɛ́ anyamɔ́ wáámɛ pá káánɔ́, andíkɛ́k ɛ́ɛ́ anyamɔ́ wáánɔ́ pá owóónón. 12Kikotí kíámɛ ekie inúfáanɛ́: ɔ́nuɔyɔ́nɛ́n panúɛ na panúɛ aná inúɔ́yɔnɛ́. 13Iŋɔyɔ i kutápɔk i sɔ́k weekenyée kusɔ́t kúɛ́yɛ́ ó pusíó pú pekúl pɛ́ɛ́yɛ́ tipá. 14Nunyɛ pekúl páámɛ índɛ nusiɔŋɔn kí iŋilí inúɔ́yɔnɛ́ɛ. 15Indipá yaand anúpílan ɛ́ɛ́ peelímoólí, á kiákí ɛ́ɛ́ eŋelípuólí tipá umenyen puandá ɔkɔ́n wɛɛyɛ́ ɛ́ɛlɛnɛ́ɛ. Yaánúpílan ɛ́ɛ́ pekúl páámɛ ɛ́ɛ́ yeénútíínyí epú kitikit Taat miíndian. 16Nutipá panúɛ numiíndɔ́pɔ́n, niŋúɛ imɔɔ́nútɔ́pɔ́n, yaanútɔ́m á masɔ́m ɛ́ɛ́ núómo insamɔ́, insamɔ́ sítɔ́pɔnɛ́. Káákáánɛ́ Taatá kaányínúfá epú kitikit nukɔɔ́nyíɔ́ŋɛn wɔ́ káámɛ ɛ́ kisiɛ́n. 17Yɛɛ́pí káánɔ́ ɛ́ɛ́: Ɔ́nuɔyɔ́nɛ́n panúɛ na panúɛ.»
Pɛɛnd pé kúúsí ɛ́ɛ́fɛmɛ Yésuse ne pekúl pɛ́ɛ́yɛ́
18«Índɛ pɛɛnd ɛ́ɛ́núfɛmɛ, éénumenyí ɛ́ɛ́ púmetúmín káámɛ. 19Nusɔ́tɔ nupá pé kúúsí, kúúsí síɔ́yɔ epú púɔ́pɔninɛ́ wɔ; maná nutipá pé kúúsí: niŋúɛ imaánuátɔ́n nɛ pɛɛnd pé kúúsí, púúpɔ́ pɛɛnd pé kúúsí núfɛmɛnɛ́ɛ. 20Ánupítáákɛ́t aná imɔɔ́núɔ́yɔn ɛ́ɛ́: Eŋelípuólí tipá utápukan másɛ wɛɛyɛ́ á pukɔ́n, índɛ pémínuénésí, péényínúnuenesi káákáánɔ́; índɛ pɔ́siɔŋɔn káámɛ é mekélíe, pɔ́kɔɔŋɔn á máánɔ́ káákáánɔ́. 21Makáánɛ́ kitikit pɛ́kɛnuɛ́lɛ mɔ́ ó pusíó pú kisiɛ́n kíámɛ, á kiákí ɛ́ɛ́ pátipá pémenyen sɔ́k umiíndɔ́m. 22Insɔ́tɔ indiól, insɔ́tɔ indikálɛ́t kɔ́ɔ́p, pátisiápá na kifal; akɛ ninúan, kifal kíɔ́p tipá na niyapɛ́n. 23Ewú wumfɛmɛnɛ́ɛ, ɛ́ɛ́fɛmɛ Taatɛ́ɛ kɛ́kɛ́ɛ́yɛ́. 24Insɔ́tɔ indiɛlɛ́ kɔ́ɔ́p ɛ́ kikɛtɛ́kɛtɛ́ɛ moólí emé mɔɔnd olotí mapásɛ́ utiɛlɛ́, pátisiápiá kifal; akɛ nínúan pámányimaná kuɛ́nɛn mɔ, páasuŋuna nɛ kutúfɛmɛ, naamɛ na Taatá. 25Púɛ́píɛ́lɛ nɔ́ ɛ́ɛ́ Ɔmfíɔ́ŋ ewe únyɛɛ́ wɔɔ́ŋɔ́n kɔ́ɔ́p ó pikotí píwóónyi: Pɛ́mímfɛmɛ́ kati iŋálɛ́ɛ.»
26«Ewú wɛɛsikɛɛnɛnɛ́ kuasinúákán kutáam, óókoólon. Iŋanútúmɛn Emfún ú kémuémue wóólinonɛ́ɛ ku Taatá, úkesitétúnyényí káámɛ ó pusíó. 27Panɔ́ káákáánɔ́ nuketétunyenyi káámɛ ó pusíó, á kiákí ɛ́ɛ́ nunyɛ naamɛ kuatál é nitúmín.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL