Isáaŋ 14
14
Yésus nyɛ iŋilí i kuyɔɔk ku Taatá
1Yésus kanyi ó popíónyí pɛ́ɛ́yɛ́ ɛ́ɛ́: «Nutitúmen, ónupíóndónyí ɔtɛ́m na Támbák núond núpíóndonyi ɔtɛ́m naamɛ. 2Ɔnyɔ́l nyɛ kutek á kiansi kí Taatá, yɔ́sɔ́tɔ yɛ́tiɛlɛ́ indisiánútían ɛ́ɛ́ iyɔɔk ɛ́ kuɛnuɛ́yínɛ́n ɔnyɔ́l! 3Yɛɛ́nyɛ́ɛl ímáaman kuɛnúɛ́yínɛ́n yɔ, yoónyóól yɔsinúkɔ́l ɛ́ɛ́ kɔɔ́mɔ yaánípáanɛ́ panɔ́ kákáánɔ́ nupá kɔ́ɔk. 4Nuémenyen iŋilí iyuukanɛ́ kɔɔ́mɔ aká íŋúɛ iyuukanɛ́ɛ.» 5Túmas kanyi kɛ́ɛ́yɛ́ ɛ́ɛ́: «Ɔkɔ́n, tutipá tumenyen tɛ kɔɔ́mɔ ayuukanɛ́ɛ, tiɛkiɛ́ tunyɛ́ kumenyi iŋilí?» 6Yésuse kɛ́ɛ́yɛ́ ɛ́ɛ́: «Niŋúɛ inyɛ́ iŋilí, kémuémue nɔ kusɔ́t. Mɔɔnd tipá pákuyɔɔk ku Taatá kati ɛ́ɛ́ umátápúkɛ́n káámɛ. 7Nusɔ́tɔ nuumenyen, nusiémenyen Taatɛ́ɛ kɛ́kɛ́ɛ́yɛ́. Kutúm nínúan nuémenyen wɔ́, numɛ́ɛ́n wɔ́.» 8Fílip kanyi kɛ́ɛ́yɛ́ ɛ́ɛ́: «Ɔkɔ́n, tutíínyí Taatɛ́ɛ, puátakáánɛ́ ɛ́ɛ́sikɛn naasɔ́.» 9Yésus ɛ́ɛ́pí kɛ́ɛ́yɛ́ ɛ́ɛ́: «Tɔɔm kɔ́ tɔɔm inyɛ́ naanɔ́, Fílip, amanyi etiimenyí á? Ewú úmɛ́nyiŋɛ́n mɛ́ɛ́n Taatɛ́ɛ. pusíó pú kiákí ɛɛlɛnɛ́ ɛ́ɛ́: “Tutíínyí Taatɛ́ɛ”? 10Atipá aátapan ɛ́ɛ́ yɔɔ́sɔ́tɔn á Taatá, Taatá sɔ́tɔn káámɛ á? Tukál etú inúɔ́yɔnɛ́ɛ tipá túólinon káámɛ, Taatɛ́ɛ ewú unyɛ́ káámɛ wɔ́ uwóónyosié puólí púɛ́yɛ́. 11Ánuátáp epú inúɔ́yɔnɛ́ɛ ɛ́ɛ́: yɔɔ́sɔ́tɔn á Taatá, Taatá óond usɔ́tɔn kámɛ; índɛ nutipá nuátapan nukál núámɛ, tɛ ó pusíó pú meelíe makáánɛ ánuátap. 12Kémuémue, kémuémue, yɔɔ́núɔ́yɔn ɛ́ɛ́ ewú upíóndonyé ɔtɛ́m naamɛ wɔ́ kɛ́kɛ́ɛ́yɛ́ ukɛɛlɛ maandá yɛɛlɛnɛ́ɛ; ukɛɛlɛ mátápukanɛ́ makáánɛ́, ó pusíó ɛ́ɛ́ yaáyuukan ku Taatá. 13Puandá kitikit nukɔɔ́nyɔ́ɔ́ŋɛn káámɛ ɛ́ kisiɛ́n, iŋɛɛl pɔ, ɛ́ɛ́ Muɔ́nɔ́ tíínyi nuúmu nú Síí. 14Índɛ nusiɔŋɛn puandá káámɛ ɛ́ kisiɛ́n iŋɛɛl pɔ.»
Indán i kuól kú Emfúnukufúúmɛ
15Yésuse waasuŋɔn na nukál, wɔ́ ɛ́ɛ́: «Índɛ nuɔ́kiŋɔyɔ, nukɛɛndɛ káámɛ ó pikotí; 16iŋopísókoliti Taatɛ́ɛ ɛ́ɛ́ únúfá sɔ́k olotí ukɔɔ́nyínúɔkɔnɔkɔn, ukapá naanɔ́ kisikɛl kitikit. 17Sɔ́k ukáánɛ unyɛɛ́ Emfúnu ú kémuémue, ewú pɛɛnd pé kúúsí tiányípá pákupia wɔ́, ó pusíó ɛ́ɛ́ pátipá pɛ́ɛ́nɛn wɔ́, pátipá pemenyen wɔ́. Panɔ́ nuémenyen wɔ́, á kiákí ɛ́ɛ́ unyɛ naanɔ́, úkapá káánɔ́. 18Indiánúyapá insé, yoókondon kuanɔ́. 19Mɔnɔ́ kisikɛl pɛɛnd pé kúúsí tiákandá kuŋɛ́n; maná, panɔ́ nuɛ́nyíŋɛ́n ó pusíó ɛ́ɛ́ inyɛ ɔ́ kusɔ́t, panɔ́ kákáánɔ́ nuányípá ɔ́ kusɔ́t. 20Puátakáánɛ́ puɔ́s, nuényimenyi ɛ́ɛ́ yɔɔ́sɔ́tɔn á Taatá, panɔ́ káámɛ, iŋúɛ káánɔ́. 21Ewú unɛkɛnɛ́ pikotí píámɛ woond uwóónyosi pɛ́ɛ, ukáánɛ́ ɔ́ɔ́kiŋɔyɔ: ewú wuuŋɔyɔnɛ́ɛ, Taatá kɔɔyɔ wɔ́, iŋúɛ kákáámɛ iŋɔɔyɔ wɔ́ yoond imbítíínyi kɛ́ɛ́yɛ́.» 22Yúte (utipá Yútas Isikaliyóote) ɛ́ɛ́pí kɛ́ɛ́yɛ́ ɛ́ɛ́: «Ɔkɔ́n, ó pusíó pú kiákí ɛkɛɛ́nyɛ́ɛl etipítíínyí ɛ́ pɛɛnd pé kúúsí ɛsiɛ́ káásɔ́ kɔ́ɔ́m?» 23Yésuse woondinyi wɔ́ ɛ́ɛ́: «Índɛ mɔɔnd ɔ́ɔ́kiŋɔyɔ ukowóónyosi mekélíe máámɛ, Taatá kɔɔyɔ wɔ́; naamɛ na Taatá tukayɔɔk kuɛyɛ́ tuond tupáápa kuɛyɛ́. 24Ewú utiányípá wuuŋɔyɔ tipá unɛkɛn tukál túámɛ; tukál nuɔ́pɔnɛ́ iŋála tipá tuólinon káámɛ, tuókoólinon ku Taatá umiíndɔ́m. 25Imɔ́núɔ́yɔ́n maandá makáánɛ́ imany naanɔ́; 26ewú wɛɛsikɛnɛnɛ́ kuól ɔ́ kuɔsinúɔ́yíkínɛn, wɔ́ unyɛɛ́ Emfúnukufúúmɛ ewú Taatá kaányínútúmɛn káámɛ ɛ́ kisiɛ́n; wɔ́ ukoónyínúónyonyi puandá kitikit, woond unúpítékesi maandá kitikit emé yɔ́ɔ́nyínúɔ́yɔn 27Imánúyapɛ́n kiyeéwe, imánufá kiyeéwe kíámɛ. Indipá inúfáan á nunamá nú pɛɛnd pé kúúsí. Nutitúmen, nutipíán puwaá. 28Numɔ́ɔ́p inúɔ́yɔn ɛ́ɛ́: “Yayúúkán, yaányáand kuól kuanɔ́”. Nusíɔ́kíŋɔyɔ, nusíáyayapa ɛ́ɛ́ yaáyuukan ku Taatá, á kiákí ɛ́ɛ́ Taatá ákindápukan. 29Yɔɔ́núɔ́yɔn maandá makáánɛ nínúan mámanyi mátiasíám, ɛ́ɛ́ mɛ́ɛ́nyɛ́ɛl máasiámán nuátap. 30Kutúm nínúan indiákandá akálɛt naanɔ́ tɛ pukéti, á kiákí ɛ́ɛ́ efuŋ u kúúsí óókoólon. Kémuémue, utipá efuŋ waamɛ; 31maná, pɛɛnd pé kúúsí ɛ́ɛ́kɛɛsikɛnɛn kumenyi ɛ́ɛ́ yɔɔ́kɔyɔ Taatɛ́ɛ yoond yɛɛlɛ aná úmányimbítɛ́ɛ́n. Ánuatúkɛn túyɔɔk!»
ទើបបានជ្រើសរើសហើយ៖
Isáaŋ 14: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Isáaŋ 14
14
Yésus nyɛ iŋilí i kuyɔɔk ku Taatá
1Yésus kanyi ó popíónyí pɛ́ɛ́yɛ́ ɛ́ɛ́: «Nutitúmen, ónupíóndónyí ɔtɛ́m na Támbák núond núpíóndonyi ɔtɛ́m naamɛ. 2Ɔnyɔ́l nyɛ kutek á kiansi kí Taatá, yɔ́sɔ́tɔ yɛ́tiɛlɛ́ indisiánútían ɛ́ɛ́ iyɔɔk ɛ́ kuɛnuɛ́yínɛ́n ɔnyɔ́l! 3Yɛɛ́nyɛ́ɛl ímáaman kuɛnúɛ́yínɛ́n yɔ, yoónyóól yɔsinúkɔ́l ɛ́ɛ́ kɔɔ́mɔ yaánípáanɛ́ panɔ́ kákáánɔ́ nupá kɔ́ɔk. 4Nuémenyen iŋilí iyuukanɛ́ kɔɔ́mɔ aká íŋúɛ iyuukanɛ́ɛ.» 5Túmas kanyi kɛ́ɛ́yɛ́ ɛ́ɛ́: «Ɔkɔ́n, tutipá tumenyen tɛ kɔɔ́mɔ ayuukanɛ́ɛ, tiɛkiɛ́ tunyɛ́ kumenyi iŋilí?» 6Yésuse kɛ́ɛ́yɛ́ ɛ́ɛ́: «Niŋúɛ inyɛ́ iŋilí, kémuémue nɔ kusɔ́t. Mɔɔnd tipá pákuyɔɔk ku Taatá kati ɛ́ɛ́ umátápúkɛ́n káámɛ. 7Nusɔ́tɔ nuumenyen, nusiémenyen Taatɛ́ɛ kɛ́kɛ́ɛ́yɛ́. Kutúm nínúan nuémenyen wɔ́, numɛ́ɛ́n wɔ́.» 8Fílip kanyi kɛ́ɛ́yɛ́ ɛ́ɛ́: «Ɔkɔ́n, tutíínyí Taatɛ́ɛ, puátakáánɛ́ ɛ́ɛ́sikɛn naasɔ́.» 9Yésus ɛ́ɛ́pí kɛ́ɛ́yɛ́ ɛ́ɛ́: «Tɔɔm kɔ́ tɔɔm inyɛ́ naanɔ́, Fílip, amanyi etiimenyí á? Ewú úmɛ́nyiŋɛ́n mɛ́ɛ́n Taatɛ́ɛ. pusíó pú kiákí ɛɛlɛnɛ́ ɛ́ɛ́: “Tutíínyí Taatɛ́ɛ”? 10Atipá aátapan ɛ́ɛ́ yɔɔ́sɔ́tɔn á Taatá, Taatá sɔ́tɔn káámɛ á? Tukál etú inúɔ́yɔnɛ́ɛ tipá túólinon káámɛ, Taatɛ́ɛ ewú unyɛ́ káámɛ wɔ́ uwóónyosié puólí púɛ́yɛ́. 11Ánuátáp epú inúɔ́yɔnɛ́ɛ ɛ́ɛ́: yɔɔ́sɔ́tɔn á Taatá, Taatá óond usɔ́tɔn kámɛ; índɛ nutipá nuátapan nukál núámɛ, tɛ ó pusíó pú meelíe makáánɛ ánuátap. 12Kémuémue, kémuémue, yɔɔ́núɔ́yɔn ɛ́ɛ́ ewú upíóndonyé ɔtɛ́m naamɛ wɔ́ kɛ́kɛ́ɛ́yɛ́ ukɛɛlɛ maandá yɛɛlɛnɛ́ɛ; ukɛɛlɛ mátápukanɛ́ makáánɛ́, ó pusíó ɛ́ɛ́ yaáyuukan ku Taatá. 13Puandá kitikit nukɔɔ́nyɔ́ɔ́ŋɛn káámɛ ɛ́ kisiɛ́n, iŋɛɛl pɔ, ɛ́ɛ́ Muɔ́nɔ́ tíínyi nuúmu nú Síí. 14Índɛ nusiɔŋɛn puandá káámɛ ɛ́ kisiɛ́n iŋɛɛl pɔ.»
Indán i kuól kú Emfúnukufúúmɛ
15Yésuse waasuŋɔn na nukál, wɔ́ ɛ́ɛ́: «Índɛ nuɔ́kiŋɔyɔ, nukɛɛndɛ káámɛ ó pikotí; 16iŋopísókoliti Taatɛ́ɛ ɛ́ɛ́ únúfá sɔ́k olotí ukɔɔ́nyínúɔkɔnɔkɔn, ukapá naanɔ́ kisikɛl kitikit. 17Sɔ́k ukáánɛ unyɛɛ́ Emfúnu ú kémuémue, ewú pɛɛnd pé kúúsí tiányípá pákupia wɔ́, ó pusíó ɛ́ɛ́ pátipá pɛ́ɛ́nɛn wɔ́, pátipá pemenyen wɔ́. Panɔ́ nuémenyen wɔ́, á kiákí ɛ́ɛ́ unyɛ naanɔ́, úkapá káánɔ́. 18Indiánúyapá insé, yoókondon kuanɔ́. 19Mɔnɔ́ kisikɛl pɛɛnd pé kúúsí tiákandá kuŋɛ́n; maná, panɔ́ nuɛ́nyíŋɛ́n ó pusíó ɛ́ɛ́ inyɛ ɔ́ kusɔ́t, panɔ́ kákáánɔ́ nuányípá ɔ́ kusɔ́t. 20Puátakáánɛ́ puɔ́s, nuényimenyi ɛ́ɛ́ yɔɔ́sɔ́tɔn á Taatá, panɔ́ káámɛ, iŋúɛ káánɔ́. 21Ewú unɛkɛnɛ́ pikotí píámɛ woond uwóónyosi pɛ́ɛ, ukáánɛ́ ɔ́ɔ́kiŋɔyɔ: ewú wuuŋɔyɔnɛ́ɛ, Taatá kɔɔyɔ wɔ́, iŋúɛ kákáámɛ iŋɔɔyɔ wɔ́ yoond imbítíínyi kɛ́ɛ́yɛ́.» 22Yúte (utipá Yútas Isikaliyóote) ɛ́ɛ́pí kɛ́ɛ́yɛ́ ɛ́ɛ́: «Ɔkɔ́n, ó pusíó pú kiákí ɛkɛɛ́nyɛ́ɛl etipítíínyí ɛ́ pɛɛnd pé kúúsí ɛsiɛ́ káásɔ́ kɔ́ɔ́m?» 23Yésuse woondinyi wɔ́ ɛ́ɛ́: «Índɛ mɔɔnd ɔ́ɔ́kiŋɔyɔ ukowóónyosi mekélíe máámɛ, Taatá kɔɔyɔ wɔ́; naamɛ na Taatá tukayɔɔk kuɛyɛ́ tuond tupáápa kuɛyɛ́. 24Ewú utiányípá wuuŋɔyɔ tipá unɛkɛn tukál túámɛ; tukál nuɔ́pɔnɛ́ iŋála tipá tuólinon káámɛ, tuókoólinon ku Taatá umiíndɔ́m. 25Imɔ́núɔ́yɔ́n maandá makáánɛ́ imany naanɔ́; 26ewú wɛɛsikɛnɛnɛ́ kuól ɔ́ kuɔsinúɔ́yíkínɛn, wɔ́ unyɛɛ́ Emfúnukufúúmɛ ewú Taatá kaányínútúmɛn káámɛ ɛ́ kisiɛ́n; wɔ́ ukoónyínúónyonyi puandá kitikit, woond unúpítékesi maandá kitikit emé yɔ́ɔ́nyínúɔ́yɔn 27Imánúyapɛ́n kiyeéwe, imánufá kiyeéwe kíámɛ. Indipá inúfáan á nunamá nú pɛɛnd pé kúúsí. Nutitúmen, nutipíán puwaá. 28Numɔ́ɔ́p inúɔ́yɔn ɛ́ɛ́: “Yayúúkán, yaányáand kuól kuanɔ́”. Nusíɔ́kíŋɔyɔ, nusíáyayapa ɛ́ɛ́ yaáyuukan ku Taatá, á kiákí ɛ́ɛ́ Taatá ákindápukan. 29Yɔɔ́núɔ́yɔn maandá makáánɛ nínúan mámanyi mátiasíám, ɛ́ɛ́ mɛ́ɛ́nyɛ́ɛl máasiámán nuátap. 30Kutúm nínúan indiákandá akálɛt naanɔ́ tɛ pukéti, á kiákí ɛ́ɛ́ efuŋ u kúúsí óókoólon. Kémuémue, utipá efuŋ waamɛ; 31maná, pɛɛnd pé kúúsí ɛ́ɛ́kɛɛsikɛnɛn kumenyi ɛ́ɛ́ yɔɔ́kɔyɔ Taatɛ́ɛ yoond yɛɛlɛ aná úmányimbítɛ́ɛ́n. Ánuatúkɛn túyɔɔk!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL