Isáaŋ 12
12
Malíá méwúú pikɔ́ɔ́nd pí Yésus ne elepínde
1Putɔ́mbí pú Pásika u Pɛyúútɛn mɛɛl púméésíen metúk mátíndátɔ́, Yésuse waayɔɔk Petaní, kitɔŋ kí Lásáal ewú umeényí á pilɔ́ŋ. 2Páanámba múkunyá ó kukóli Yésuse, Máátɛ watáaŋ wɔ; Lásáal mapá ɔnyɔ́l ne epé pámaápá ne Yésus á kunyáan. 3Malíɛ kɔk wɔɔkɔ́l kiénsi kí lítɛ u elepínde pɛ́mɛɛ́lɛ́ na náal, wɔɔŋunɔ pikɔ́ŋ kutek; weewéénen Yésuse ɔ́ pikɔ́nd woond woowóno pɛ́ɛ ne tuúnye túɛ́yɛ́. Kuɔ́lɔk kú elepínde kúasak kiansi. 4Yútas Isikalióte, opíónyí wɛɛyɛ́ omotí, ewe ewú ukɛɛ́nyísɛm wɔ́, kanyi kɔk ɛ́ɛ́: 5«kiákí pɛ́mɛ́nyɛɛlɛ́ pétitú elepínde ewe pikɔ́ŋ imbak ítátɔ́, é kueki pɔsúkɔsukɔ?» 6Yútas timakála anakáánɛ́ ɛ́ɛ́ weétúmen sol sol nɔ pɔsúkɔsukɔ, maná á kiákí ɛ́ɛ́ umapá eŋépi; aná púmaápá ɛ́ɛ́ wɔ́ umaápian nukólópóŋ núɔ́p, umapá weépe epú pámaápá pɛ́nɛkɛn. 7Yésus kanyi kɔk ɛ́ɛ́: «Yapá wɔ́! Umɛ́ɛlɛ́ pú ó pusíó pú puɔ́s póónyínyoóne. 8Nunyɛ nɔ pɔ́súkɔsukɔ metúk méem; maná, niŋúɛ, nutíápá naamɛ metúk meem.» 9Kinɔ́m kí kitɔɔt kí Pɛyúútɛn mɔɔ́p ɛ́ɛ́ Yésus nyɛ Pétaní; péetúnde kɔ́ɔk pútipá kɔ́ɔ́m ɛ́ kuɛ́n Yésuse, maná ɛ́ɛ́ pɛ́ɛ́n Lásáalɛ ewú umeényí á pilɔ́ŋ. 10Pɔkɔ́n pá pafunɔ́fɔn páásɔ́mb kɔk ɛ́ɛ́ Lásáalɛ kɛ́kɛ́ɛ́yɛ́ ɛ́ɛ́kɛɛsikɛnɛn kukú, 11á kiákí ɛ́ɛ́ kɛ́ɛ́yɛ́ ó pusíó Pɛyúútɛn táásɛ maápíátúná pɔ́, póond ó kupíóndonyi ɔtɛ́m ne Yésus.
Yésus mépikín Yelúsalɛm
12Kúpálɛ wɛɛyɛ́, kitɔɔt kí pɛɛnd kímoól ɔ́ putɔ́mbí pú Pásíka pɔ́ɔ́kɔɔ́p ɛ́ɛ́ Yésus máásíám Yelúsalɛm; 13pɔ́ɔ́kɔ́lɔn piɔŋɛ́ páayuukan ó kuokólí wɔ́. Páákan tukokóo, pɔ́ɔ́yɔ ɛ́ɛ́: «Oosána! Peseé ne ewú woóloné ɛ́ kisiɛ́n kí Ɔkɔ́n, efuŋ u Ísilayɛ́ɛl.» 14Yésus ɛ́ɛ́nɛn muɔ́nɔ́ u apaŋapipia, waamákat á wɔ́ yá aná Imfiɔ́ŋ ɔ́ɔ́yɔɔnɛ́ɛ: 15Etitíín, pálɛ́k u Síyɔŋ: yoósin! Efuŋ waawɔ kanyi kɔ́ɔk, usiamákat ɔ́ muɔ́nɔ́ u apaŋapipia. 16Kɔ́ɔk nɔ kɔ́ɔk, popíónyí pɛ́ɛ́yɛ́ tɛ ɛ́ɛ́ pɔ́ɔ́p maandá mɛ́mɛɛ́piɛ́lɛ; maná, Támbák mɛɛlɛ́ úmányálɛk Yésuse é núumu, kɔ́ɔ́kɔ́ pámaápítáákɛt ɛ́ɛ́ maandá makáánɛ́ kitikit mapá mɔɔ́ŋɔ́ kí Imfíɔ́ŋ kɛ́ɛ́yɛ́ ó pusíó, pɛɛnd póond póówoónyi mekélíe makáánɛ́ kɛ́ɛ́yɛ́ ó pusíó. 17Embúl ú pɛɛnd pámaápá ne Yésus aká umeényí Lásáalɛ á pilɔ́ŋ woond weémí wɔ́ á kipɛ́l mɔɔyɔ́ epú pɛ́mɛɛ́nɛ́n. 18É kisíme kikáánɛ́ Yésus mɛɛ́lɛ́ pɛɛnd maámán ɛ́ kuɛ́nɛ́n wɔ́. 19Pafalisiɛ́ŋ póond ɔ́ kuɔyɔ pɔ́ɔ nɔ pɔ́ɔ ɛ́ɛ́: «Panú muɛ́t nuɛ́kɛɛ́nɛn, nutipá kuɛl puandá: mɔɔnd kitikit nyɛ é kélém kúɛ́yɛ́!»
Nuúmu no kolóse
20Pɛkɛlɛ́k pómotí mapá póólón Yelúsalɛm ó kuosiómókósí Támbákɛ́ɛ ɔ́ putɔ́mbí. 21Péepísíítin Fílipe umaápá á pálɛ́k kisiɛ́n ɛ́ɛ́ Pɛtisayíta ɔ́ kitɔŋ kí Kalilée. Pɔ́ é Fílip ɛ́ɛ́: «Ɔkɔ́nɔ́kɔn, tuákaamba kuɛ́n Yésuse.» 22Fílipe waanyaatíán Endelée; paayɔɔk ɔlɔŋ páányaatíán Yésuse. 23Yésuse woondinyi pɔ́ ɛ́ɛ́: «Kikulɛ́ mámaná kuasiám ekí muɔ́nɔ́ u mɔɔnd ɛ́ɛ́sikɛɛnɛnɛ́ ɛ́ɛ́ pekúmesi wɔ́.» 24Yɔɔ́núɔ́yɔn kémuémue: índɛ ansamú úsiákua e kúúsí timéékú, wɔ́ɔ́lɔpɔn wɔ́ wééŋényí; maná índɛ úsiekú, wɛ́ɛ́lɛŋɛ kutek. 25Ewú wɔɔyɔɔnɛ́ɛ kusɔ́t kúɛ́yɛ́ ényímesi kúú, maná ewú wɔɔyɔɔnɛ́ɛ Támbákɛ́ɛ kukányɛn kusɔ́t kúɛ́yɛ́ e kúúsí ekue, ɛ́ɛ́nɛkɛn kúú ó pusíó pú kusɔ́t kú teeníík. 26Índɛ mɔɔnd áákamba ɛ́ɛ́ úpá eŋelípuólí waamɛ, wɔ́ɔŋ káamɛ; kɔɔ́mɔ inyɛɛ́, kɔ́ɔkɔ́ eŋelípuólí waamɛ kaná apáanɛ́. Índɛ mɔɔnd ɔ́ɔ́kiŋgɔtɔn, Taat óónyípooki wɔ́. 27«Nínúan kɔk ɔtɛ́m wáámɛ nyɛ epuéŋényí, kiákí yɔ́ɔyitɛ́ɛ? Yɛɛl ɛ́ɛ́ Taat índúkún á kikulɛ́ kí iŋɛ́n ekie á? Maná, yéémenyí ó pusíó pú kikulɛ́ kiɛ́tɛ imoól. 28Taat, ekí kisiɛ́n kíáwɔ nuúmu.» Ekelú kɔk wóólin mɛnɛ́mɛnɛ́ɛ wɔ́ɔ́yɔ ɛ́ɛ́: «Imámaná ekúmi kɛ́ɛ, yaányáand ekúmí kɛ́ɛ.» 29Kitɔɔt kí pɛɛnd pámaápá akáánɛ́ pɔ́ɔ́kɔɔ́p ekelú ukáánɛ́, pákanyi ɛ́ɛ́ imbalamandá ímányaánsɛ́t; pómotí ɔ́ɔ́yɔ ɛ́ɛ́ Éŋele úmányikálítín wɔ́. 30Yésuse waand ɔkɔ́l nukal, ukanyi ɛ́ɛ́: «Ekelú ewe timákálɛ́t ó pusíó púámɛ, maná káánɔ́ ó pusíó. 31Isɔ́ɔ́sɔ kɔk í kúúsí máásíám, pákaná atɔ́ɔt efuŋ wɛɛyɛ́ kɔ́ ɔɔ́nd. 32Niŋúɛ kɔk, pɛ́kɛɛl pámíinyálɛk ekue e kúúsí, yɔɔ́nyípíkɔ́ɔ́kitɛn pɛɛnd peem.» 33Á tukál tukáánɛ́ Yésus meétíínyényí ninamá ní nikú ukeényíkú. 34Kitɔɔt kí pɛɛnd kíóndinyi wɔ́ ɛ́ɛ́: «Tumopíónyítónyí ó pikotí ɛ́ɛ́ Kilíis ɔ́ɔ́nyísɔ́tɔn é teeníík. Tiɛkíɛ́ ɛnyɛɛ́ ukuɔyɛt ɛ́ɛ́ púɛ́kɛɛsikɛnɛn ɛ́ɛ́ pányálɛk muɔ́nɔ́ u mɔɔnd? Wuɛ́tɛ muɔ́nɔ́ u mɔɔnd unyɛɛ́ ɛ́nyɛ?» 35Yésuse woondinyi pɔ́ ɛ́ɛ́: «Kisie manyi káánɔ́ ɛ́ kikɛtɛ́kɛtɛ́ɛ ɔ́ muɔ́nɔ́ u kisikɛl. Ɛ́nuɛndɛ́ á kisikɛl numaápianɛ́ɛ kisie, ɛ́ imbíne tinúmíánsɛn: á kiákí ɛ́ɛ́ ewú wɛndɛnɛ́ kí imbíne tipá umenyen kɔɔ́mɔ aká uyuukanɛ́ɛ. 36Á kisikɛl numaápianɛ́ kisie, ónupíóndonyí ɔtɛ́m na kɛ́ɛ, ɛ́ kuɛ́yɛ́n paán pé kisie.» Umɛɛlɛ́ úmáaman akálán pɔ́ anakáánɛ́, Yésuse waayɔɔk, wɛɛpínɛmbin pɔ́.
Pɛyúútɛn tipá pópíóndonyi ɔtɛ́m ne Yésus
37Tɛ aná umɛɛ́lɛ́ pisey kutek kɔ́ɔ́p ké eŋís, Pɛyúútɛn tɛ ɛ́ɛ́ pópíóndi itɛ́m ne Yésus. 38Yá anakáánɛ́ Pɛyúútɛn moówóónyí nukál nú eŋémímekélíe má Támbák, Isayí, umɛɛ́l ɛ́ɛ́: «Ɔkɔ́n, ɛ́nyɛ́ umaátáp epú tumɔɔ́yɔ́n pɔ́? Káányɛ́ Ɔkɔ́n meétíinyí pukaaka púɛ́yɛ́?» 39Wɛɛ́tɛ Isayíe mɔɔyɛ́t epú púɛlɛnɛ́ ɛ́ɛ́ pɛɛnd tipíóndí ɔtɛ́m ne Yésus; pú púnyɛɛ́ ɛ́ɛ́: 40Támbák mefuúk pɔ́ eŋís woond weelúndi pɔ́ itɛ́m ɛ́ɛ́ pɛ́tiɛ́nɛ́n na yɔ, ɛ́ɛ́ itɛ́m síɔ́p tiɔ́p, ɛ́ɛ́ pátipíkúŋɔ́n, insíéŋuki pɔ́. 41Isayí mɔɔyɛ́t anakáánɛ́ ó pusíó ɛ́ɛ́ umɛɛ́n nuúmu nú Yésus woond waakála ó pusíó púɛ́yɛ́. 42Maná kɔk, kɔ́ ɔlɔŋ ú pɔkɔ́n pɛ́ Pɛyúútɛn wɔ́ muɛ́t, pɔkɔ́n kutek póopíóndi ɔtɛ́m ne Yésus; maná, pɔ́tiɔyɔ́ púú ké eŋís yɛ́ pɛɛnd, á kiákí ɛ́ɛ́ pémetííne Pafalisiɛ́ŋ, pɔ́ɔ́pɔn puwaá ɛ́ɛ́ pákakúŋɛt pɔ́ á kiansi kí imbísókólí. 43Púnyɛɛ́ ɛ́ɛ́ pɔ́mɔɔyɔ́ nuúmu núólinoné ku pɛɛnd kutápɔk enú núólinoné ku Támbák. 44Yésuse weepékit, wɔ́ ɛ́ɛ́: «Ewú upíóndonyé ɔtɛ́m naamɛ, tipá upíóndonyi ɔtɛ́m naamɛ, maná woópíóndonyi ɔtɛ́m nɔ sɔ́k ewú umiíndɔ́m. 45Ewú úmɛ́nyiŋɛ́n, mɛ́ɛ́n ewú umiídɔ́m kɛ́kɛ́ɛ́yɛ́. 46Niŋúɛ inyɛɛ́ kisie kímoól ekue e kúúsí, ɛ́ɛ́ ewú upíóndonyé ɔtɛ́m naamɛ tilɔpɔ́ kí imbíne. 47Índɛ mɔɔnd siɔ́p mekélíe máámɛ, ween kuák mɔ́ ɔ́ niɔlɔ́, indipá iŋúɛ insóósosié wɔ́: á kiákí ɛ́ɛ́ indimoól ó kuosisóósósí pɛɛnd pé kúúsí, imoól ó kuosisótí pɔ́. 48Ewú wumbíkásanɛ́ɛ woond woomb mekélíe máámɛ, pɛ́ɛ́nyípɛn wɔ́. Puɔ́sí púkusúkin mekélíe máamɛ mɔ́ mɛ́ɛ́nyípɛnɛɛ́ wɔ́. 49Tukál túámɛ tipá túólinon káámɛ, Taatɛ́ɛ umiíndɔ́m wɔ́ umiímbítíánɛ́n epú kitikit yɛɛsikɛɛnɛnɛ́ kuɔyɛt no kuónyonyi. 50Yeémenyen ɛ́ɛ́ kikotí kíɛ́yɛ́ éékeekenyi kusɔ́t kú teeníík: epú yɔɔyɔnɛ́, yɔɔ́kɔɔyɔ yá aná Taat miíndian.»
ទើបបានជ្រើសរើសហើយ៖
Isáaŋ 12: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Isáaŋ 12
12
Malíá méwúú pikɔ́ɔ́nd pí Yésus ne elepínde
1Putɔ́mbí pú Pásika u Pɛyúútɛn mɛɛl púméésíen metúk mátíndátɔ́, Yésuse waayɔɔk Petaní, kitɔŋ kí Lásáal ewú umeényí á pilɔ́ŋ. 2Páanámba múkunyá ó kukóli Yésuse, Máátɛ watáaŋ wɔ; Lásáal mapá ɔnyɔ́l ne epé pámaápá ne Yésus á kunyáan. 3Malíɛ kɔk wɔɔkɔ́l kiénsi kí lítɛ u elepínde pɛ́mɛɛ́lɛ́ na náal, wɔɔŋunɔ pikɔ́ŋ kutek; weewéénen Yésuse ɔ́ pikɔ́nd woond woowóno pɛ́ɛ ne tuúnye túɛ́yɛ́. Kuɔ́lɔk kú elepínde kúasak kiansi. 4Yútas Isikalióte, opíónyí wɛɛyɛ́ omotí, ewe ewú ukɛɛ́nyísɛm wɔ́, kanyi kɔk ɛ́ɛ́: 5«kiákí pɛ́mɛ́nyɛɛlɛ́ pétitú elepínde ewe pikɔ́ŋ imbak ítátɔ́, é kueki pɔsúkɔsukɔ?» 6Yútas timakála anakáánɛ́ ɛ́ɛ́ weétúmen sol sol nɔ pɔsúkɔsukɔ, maná á kiákí ɛ́ɛ́ umapá eŋépi; aná púmaápá ɛ́ɛ́ wɔ́ umaápian nukólópóŋ núɔ́p, umapá weépe epú pámaápá pɛ́nɛkɛn. 7Yésus kanyi kɔk ɛ́ɛ́: «Yapá wɔ́! Umɛ́ɛlɛ́ pú ó pusíó pú puɔ́s póónyínyoóne. 8Nunyɛ nɔ pɔ́súkɔsukɔ metúk méem; maná, niŋúɛ, nutíápá naamɛ metúk meem.» 9Kinɔ́m kí kitɔɔt kí Pɛyúútɛn mɔɔ́p ɛ́ɛ́ Yésus nyɛ Pétaní; péetúnde kɔ́ɔk pútipá kɔ́ɔ́m ɛ́ kuɛ́n Yésuse, maná ɛ́ɛ́ pɛ́ɛ́n Lásáalɛ ewú umeényí á pilɔ́ŋ. 10Pɔkɔ́n pá pafunɔ́fɔn páásɔ́mb kɔk ɛ́ɛ́ Lásáalɛ kɛ́kɛ́ɛ́yɛ́ ɛ́ɛ́kɛɛsikɛnɛn kukú, 11á kiákí ɛ́ɛ́ kɛ́ɛ́yɛ́ ó pusíó Pɛyúútɛn táásɛ maápíátúná pɔ́, póond ó kupíóndonyi ɔtɛ́m ne Yésus.
Yésus mépikín Yelúsalɛm
12Kúpálɛ wɛɛyɛ́, kitɔɔt kí pɛɛnd kímoól ɔ́ putɔ́mbí pú Pásíka pɔ́ɔ́kɔɔ́p ɛ́ɛ́ Yésus máásíám Yelúsalɛm; 13pɔ́ɔ́kɔ́lɔn piɔŋɛ́ páayuukan ó kuokólí wɔ́. Páákan tukokóo, pɔ́ɔ́yɔ ɛ́ɛ́: «Oosána! Peseé ne ewú woóloné ɛ́ kisiɛ́n kí Ɔkɔ́n, efuŋ u Ísilayɛ́ɛl.» 14Yésus ɛ́ɛ́nɛn muɔ́nɔ́ u apaŋapipia, waamákat á wɔ́ yá aná Imfiɔ́ŋ ɔ́ɔ́yɔɔnɛ́ɛ: 15Etitíín, pálɛ́k u Síyɔŋ: yoósin! Efuŋ waawɔ kanyi kɔ́ɔk, usiamákat ɔ́ muɔ́nɔ́ u apaŋapipia. 16Kɔ́ɔk nɔ kɔ́ɔk, popíónyí pɛ́ɛ́yɛ́ tɛ ɛ́ɛ́ pɔ́ɔ́p maandá mɛ́mɛɛ́piɛ́lɛ; maná, Támbák mɛɛlɛ́ úmányálɛk Yésuse é núumu, kɔ́ɔ́kɔ́ pámaápítáákɛt ɛ́ɛ́ maandá makáánɛ́ kitikit mapá mɔɔ́ŋɔ́ kí Imfíɔ́ŋ kɛ́ɛ́yɛ́ ó pusíó, pɛɛnd póond póówoónyi mekélíe makáánɛ́ kɛ́ɛ́yɛ́ ó pusíó. 17Embúl ú pɛɛnd pámaápá ne Yésus aká umeényí Lásáalɛ á pilɔ́ŋ woond weémí wɔ́ á kipɛ́l mɔɔyɔ́ epú pɛ́mɛɛ́nɛ́n. 18É kisíme kikáánɛ́ Yésus mɛɛ́lɛ́ pɛɛnd maámán ɛ́ kuɛ́nɛ́n wɔ́. 19Pafalisiɛ́ŋ póond ɔ́ kuɔyɔ pɔ́ɔ nɔ pɔ́ɔ ɛ́ɛ́: «Panú muɛ́t nuɛ́kɛɛ́nɛn, nutipá kuɛl puandá: mɔɔnd kitikit nyɛ é kélém kúɛ́yɛ́!»
Nuúmu no kolóse
20Pɛkɛlɛ́k pómotí mapá póólón Yelúsalɛm ó kuosiómókósí Támbákɛ́ɛ ɔ́ putɔ́mbí. 21Péepísíítin Fílipe umaápá á pálɛ́k kisiɛ́n ɛ́ɛ́ Pɛtisayíta ɔ́ kitɔŋ kí Kalilée. Pɔ́ é Fílip ɛ́ɛ́: «Ɔkɔ́nɔ́kɔn, tuákaamba kuɛ́n Yésuse.» 22Fílipe waanyaatíán Endelée; paayɔɔk ɔlɔŋ páányaatíán Yésuse. 23Yésuse woondinyi pɔ́ ɛ́ɛ́: «Kikulɛ́ mámaná kuasiám ekí muɔ́nɔ́ u mɔɔnd ɛ́ɛ́sikɛɛnɛnɛ́ ɛ́ɛ́ pekúmesi wɔ́.» 24Yɔɔ́núɔ́yɔn kémuémue: índɛ ansamú úsiákua e kúúsí timéékú, wɔ́ɔ́lɔpɔn wɔ́ wééŋényí; maná índɛ úsiekú, wɛ́ɛ́lɛŋɛ kutek. 25Ewú wɔɔyɔɔnɛ́ɛ kusɔ́t kúɛ́yɛ́ ényímesi kúú, maná ewú wɔɔyɔɔnɛ́ɛ Támbákɛ́ɛ kukányɛn kusɔ́t kúɛ́yɛ́ e kúúsí ekue, ɛ́ɛ́nɛkɛn kúú ó pusíó pú kusɔ́t kú teeníík. 26Índɛ mɔɔnd áákamba ɛ́ɛ́ úpá eŋelípuólí waamɛ, wɔ́ɔŋ káamɛ; kɔɔ́mɔ inyɛɛ́, kɔ́ɔkɔ́ eŋelípuólí waamɛ kaná apáanɛ́. Índɛ mɔɔnd ɔ́ɔ́kiŋgɔtɔn, Taat óónyípooki wɔ́. 27«Nínúan kɔk ɔtɛ́m wáámɛ nyɛ epuéŋényí, kiákí yɔ́ɔyitɛ́ɛ? Yɛɛl ɛ́ɛ́ Taat índúkún á kikulɛ́ kí iŋɛ́n ekie á? Maná, yéémenyí ó pusíó pú kikulɛ́ kiɛ́tɛ imoól. 28Taat, ekí kisiɛ́n kíáwɔ nuúmu.» Ekelú kɔk wóólin mɛnɛ́mɛnɛ́ɛ wɔ́ɔ́yɔ ɛ́ɛ́: «Imámaná ekúmi kɛ́ɛ, yaányáand ekúmí kɛ́ɛ.» 29Kitɔɔt kí pɛɛnd pámaápá akáánɛ́ pɔ́ɔ́kɔɔ́p ekelú ukáánɛ́, pákanyi ɛ́ɛ́ imbalamandá ímányaánsɛ́t; pómotí ɔ́ɔ́yɔ ɛ́ɛ́ Éŋele úmányikálítín wɔ́. 30Yésuse waand ɔkɔ́l nukal, ukanyi ɛ́ɛ́: «Ekelú ewe timákálɛ́t ó pusíó púámɛ, maná káánɔ́ ó pusíó. 31Isɔ́ɔ́sɔ kɔk í kúúsí máásíám, pákaná atɔ́ɔt efuŋ wɛɛyɛ́ kɔ́ ɔɔ́nd. 32Niŋúɛ kɔk, pɛ́kɛɛl pámíinyálɛk ekue e kúúsí, yɔɔ́nyípíkɔ́ɔ́kitɛn pɛɛnd peem.» 33Á tukál tukáánɛ́ Yésus meétíínyényí ninamá ní nikú ukeényíkú. 34Kitɔɔt kí pɛɛnd kíóndinyi wɔ́ ɛ́ɛ́: «Tumopíónyítónyí ó pikotí ɛ́ɛ́ Kilíis ɔ́ɔ́nyísɔ́tɔn é teeníík. Tiɛkíɛ́ ɛnyɛɛ́ ukuɔyɛt ɛ́ɛ́ púɛ́kɛɛsikɛnɛn ɛ́ɛ́ pányálɛk muɔ́nɔ́ u mɔɔnd? Wuɛ́tɛ muɔ́nɔ́ u mɔɔnd unyɛɛ́ ɛ́nyɛ?» 35Yésuse woondinyi pɔ́ ɛ́ɛ́: «Kisie manyi káánɔ́ ɛ́ kikɛtɛ́kɛtɛ́ɛ ɔ́ muɔ́nɔ́ u kisikɛl. Ɛ́nuɛndɛ́ á kisikɛl numaápianɛ́ɛ kisie, ɛ́ imbíne tinúmíánsɛn: á kiákí ɛ́ɛ́ ewú wɛndɛnɛ́ kí imbíne tipá umenyen kɔɔ́mɔ aká uyuukanɛ́ɛ. 36Á kisikɛl numaápianɛ́ kisie, ónupíóndonyí ɔtɛ́m na kɛ́ɛ, ɛ́ kuɛ́yɛ́n paán pé kisie.» Umɛɛlɛ́ úmáaman akálán pɔ́ anakáánɛ́, Yésuse waayɔɔk, wɛɛpínɛmbin pɔ́.
Pɛyúútɛn tipá pópíóndonyi ɔtɛ́m ne Yésus
37Tɛ aná umɛɛ́lɛ́ pisey kutek kɔ́ɔ́p ké eŋís, Pɛyúútɛn tɛ ɛ́ɛ́ pópíóndi itɛ́m ne Yésus. 38Yá anakáánɛ́ Pɛyúútɛn moówóónyí nukál nú eŋémímekélíe má Támbák, Isayí, umɛɛ́l ɛ́ɛ́: «Ɔkɔ́n, ɛ́nyɛ́ umaátáp epú tumɔɔ́yɔ́n pɔ́? Káányɛ́ Ɔkɔ́n meétíinyí pukaaka púɛ́yɛ́?» 39Wɛɛ́tɛ Isayíe mɔɔyɛ́t epú púɛlɛnɛ́ ɛ́ɛ́ pɛɛnd tipíóndí ɔtɛ́m ne Yésus; pú púnyɛɛ́ ɛ́ɛ́: 40Támbák mefuúk pɔ́ eŋís woond weelúndi pɔ́ itɛ́m ɛ́ɛ́ pɛ́tiɛ́nɛ́n na yɔ, ɛ́ɛ́ itɛ́m síɔ́p tiɔ́p, ɛ́ɛ́ pátipíkúŋɔ́n, insíéŋuki pɔ́. 41Isayí mɔɔyɛ́t anakáánɛ́ ó pusíó ɛ́ɛ́ umɛɛ́n nuúmu nú Yésus woond waakála ó pusíó púɛ́yɛ́. 42Maná kɔk, kɔ́ ɔlɔŋ ú pɔkɔ́n pɛ́ Pɛyúútɛn wɔ́ muɛ́t, pɔkɔ́n kutek póopíóndi ɔtɛ́m ne Yésus; maná, pɔ́tiɔyɔ́ púú ké eŋís yɛ́ pɛɛnd, á kiákí ɛ́ɛ́ pémetííne Pafalisiɛ́ŋ, pɔ́ɔ́pɔn puwaá ɛ́ɛ́ pákakúŋɛt pɔ́ á kiansi kí imbísókólí. 43Púnyɛɛ́ ɛ́ɛ́ pɔ́mɔɔyɔ́ nuúmu núólinoné ku pɛɛnd kutápɔk enú núólinoné ku Támbák. 44Yésuse weepékit, wɔ́ ɛ́ɛ́: «Ewú upíóndonyé ɔtɛ́m naamɛ, tipá upíóndonyi ɔtɛ́m naamɛ, maná woópíóndonyi ɔtɛ́m nɔ sɔ́k ewú umiíndɔ́m. 45Ewú úmɛ́nyiŋɛ́n, mɛ́ɛ́n ewú umiídɔ́m kɛ́kɛ́ɛ́yɛ́. 46Niŋúɛ inyɛɛ́ kisie kímoól ekue e kúúsí, ɛ́ɛ́ ewú upíóndonyé ɔtɛ́m naamɛ tilɔpɔ́ kí imbíne. 47Índɛ mɔɔnd siɔ́p mekélíe máámɛ, ween kuák mɔ́ ɔ́ niɔlɔ́, indipá iŋúɛ insóósosié wɔ́: á kiákí ɛ́ɛ́ indimoól ó kuosisóósósí pɛɛnd pé kúúsí, imoól ó kuosisótí pɔ́. 48Ewú wumbíkásanɛ́ɛ woond woomb mekélíe máámɛ, pɛ́ɛ́nyípɛn wɔ́. Puɔ́sí púkusúkin mekélíe máamɛ mɔ́ mɛ́ɛ́nyípɛnɛɛ́ wɔ́. 49Tukál túámɛ tipá túólinon káámɛ, Taatɛ́ɛ umiíndɔ́m wɔ́ umiímbítíánɛ́n epú kitikit yɛɛsikɛɛnɛnɛ́ kuɔyɛt no kuónyonyi. 50Yeémenyen ɛ́ɛ́ kikotí kíɛ́yɛ́ éékeekenyi kusɔ́t kú teeníík: epú yɔɔyɔnɛ́, yɔɔ́kɔɔyɔ yá aná Taat miíndian.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL