Isáaŋ 11
11
Lásáal mékú
1Mɔɔnd omotí manúma, wɔ́ kisiɛ́n ɛ́ɛ́ Lásáalɛ, ɔtɔŋtɔ́ŋ u Petaní, kitɔŋ kí Malía na andimán wɛɛyɛ́ waakáandɔ́ Máata. 2Malíɛ́ wɛɛ́tɛ ukáánɛ́ umeésukúnén Ɔkɔ́n kisɛŋ kí niaŋɔ́ ɔ́ pikɔ́nd woond woowóno pɛ́ɛ ne tuúnye túɛ́yɛ́; andimán wɛɛyɛ́ Lásáalɛ umaánúma. 3Paandimán pá Lásáal paakáánd peem páandɛ́ páátɔ́m mɔɔnd ɔ́ kuɔyítɛ́n Yésuse ɛ́ɛ́: «Ɔkɔ́n, ekúl aawɔ áánúma.» 4Yésus mɛɛl wɔɔ́pɔn insɔ́m ikáánɛ́ ukanyi ɛ́ɛ́: «Kunúma kukáánɛ́ tipá kú niku kɔ́, kúkɛɛl ɛ́ɛ́ pékúmesi Támbákɛ́ɛ. Á kunúma kukáánɛ́ pékeényíkumesi Muɔ́nɔ́ u Támbák.» 5Yésus mapá wɔɔyɔ Máátɛ́ na andimán wɛɛyɛ́ waakáandɔ́, na Lásáal. 6Tɛ aná umɔɔ́p ɛ́ɛ́ Lásáal ápítáyan, waand ɔlɔp metúk máandɛ́ kɔɔ́mɔ umaápá. 7É kélém akáánɛ́, ukanyi ó popíónyí pɛ́ɛ́yɛ́ ɛ́ɛ́: «Ɛ́nyɛɛlɛ́ túond Yuté.» 8Popíónyí pɛ́ɛ́yɛ́ kanyi kɛ́ɛ́yɛ́ ɛ́ɛ́: «Oŋónyóonyi, yá yákɛyákɛ metúk manyi mátitápɔ́k Pɛyúútɛn áányámbá ɛ́ɛ́ pákutúútan atányí pɔ́kuɔ́n, nínúan áand kuond kɔ́ɔk á?» 9Yésuse woondinyi pɔ́ ɛ́ɛ́: «Pikulɛ́ nyɛ píát na píandɛ́ ɔ́ puɔ́s. Índɛ mɔɔnd ɛ́ɛ́kɛndɛ nɔ puɔ́s utipá upúpenen á kiákí ɛ́ɛ́ wɛɛ́kɛ́nɛn kisie kí kúúsí ekue. 10Maná, índɛ mɔɔnd ɛ́ɛ́kɛndɛ ne putúk, weépúpenen á kiákí ɛ́ɛ́ kisie tipá kɛ́ɛ́yɛ́.» 11É kélém kú tukál tukáánɛ́, wɔ́ kɔ́ɔ́p ɛ́ɛ́: «Nunɔ́ mɔ́kɔ́l ekúl waasɔ́ Lásáalɛ, íyɔɔk yeényí wɔ́.» 12Popíónyí póondinyi wɔ́ ɛ́ɛ́: «Ɔkɔ́n, índɛ waápítiman ukaná kuɛnyɔk.» 13Yésus maámbá kuɔyɛt ɛ́ɛ́: Lásáal mékú, maná pɔ́ popíónyí páápítáka ɛ́ɛ́ túnyɛ tunɔ́ tú sɛ́kísɛ́k tɔ. 14Yésus kanyi kɔ́ɔ́p talútalú ɛ́ɛ́: «Lásáal mékú. 15Yɔɔ́kɔ́pɔn peseé ó pusíó púánɔ́ aná insiɛ́kɛl indiɛ́l kɔ́ɔk, ɛ́ɛ́ núpíóndonyí ɔtɛ́m káámɛ. Maná ɛ́nyɛɛ́ túyɔɔk kuɛyɛ́.» 16Túmasɛ, ewú páandɛɛ́ apílan ɛ́ɛ́ Ɛpɛ́sɛpɛsɛ, kanyi ɔ́ pɔsɔ́k popíónyí ɛ́ɛ́: «Ɛ́nyɛɛlɛ́ túyɔɔk kákáasɔ́, túékú ɔlɔŋ nɛɛyɛ́.»
Yésuse unyɛɛ́ kusɔ́t
17Yésus mɛɛlɛ́ waáman, pɔ́ɔkɔyitɛn wɔ́ ɛ́ɛ́ pómonyoó Lásáalɛ púkanyí metúk méni. 18Aná Petaní maápá mekúye ne Yelúsalɛm, puandá pú pokílomítɛ pátátɔ́, 19Pɛyúútɛn kutek moólón ku Mááta na Malía ó kuosiwónó pɔ́ andilɛ́ ó pusíó pú nikú ní andimán wɔɔpɔ́. 20Mááta mɛɛ́l wɔɔ́pɔn ɛ́ɛ́ Yésus nyɛ kí iŋilí woókólon, waatɔk waayɔɔk ó kuokólí wɔ́; Malíɛ wɔ́ wɔlɔp yá akáánɛ́ á nuyá. 21Mááta kanyi é Yésus ɛ́ɛ́: «Ɔkɔ́n, asíákápá kɔ́k, andimán áámɛ tisíékú. 22Maná yeémenyen ɛ́ɛ́ tɛ akɛ nínúan, puandá kitikit epú akaná kuówoné Támbákɛ́ɛ ukaná akufá pɔ́.» 23Yésuse woondinyi wɔ́ ɛ́ɛ́: «Andimán ááwɔ kaná kuɛnyɔk á pilɔ́ŋ.» 24Máátɛ woondinyi ɛ́ɛ́: «Yeémenyen ɛ́ɛ́ wuɛ́nyɛ́ɛ́nyɔk aká pilɔ́ŋ ɛ́ɛ́nyɛ́ɛ́nyukɛnɛ́ɛ puɔ́s púkusúkin.» 25Yésus ɛ́ɛ́pí kɛ́ɛ́yɛ́ ɛ́ɛ́: «Niŋúɛ inyɛɛ́ kuɛnyɔk kú pilɔ́ŋ, niŋúɛ inyɛɛ́ andíkɛ́k kusɔ́t. Ewú upíóndonyé ɔtɛ́m naamɛ, tɛ kúpá ɛ́ɛ́ usiekú, áányípá ɔ́ kusɔ́t. 26Ewú ne ewú usɔ́tɔnɛ́ɛ woond upíóndonyi ɔtɛ́m káámɛ tiényikú tɛ puɔ́s. Aákátapan nɔ́ á?» 27Máátɛ woondinyi wɔ́ ɛ́ɛ́: «Ɛ́ɛ́ɛ́ Ɔkɔ́n, yaákátapan ɛ́ɛ́ anyɛ Kilíise, Muɔ́nɔ́ u Támbák ewú woóloné e kúúsí.»
Yésus áápaŋa
28Umɛɛlɛ́ wɔɔyɔ anakáánɛ́, Máátɛ waayɔɔk á kuatíán andimán wɛɛyɛ́ Malíɛ imbásimbásiɛ ɛ́ɛ́: «Oŋónyóonyi máásíám, waákupílan.» 29Malíá mɛɛlɛ́ wɔɔ́pɔn anakáánɛ́, weelúpuk nɔ niɔ́kɔ́tɔ́n á kuyɔɔk ku Yésus. 30Yésus mapá umanyi utipíkín Petaní, umapá umanyi kɔɔ́mɔ Mááta meélumén nɛɛyɛ́. 31Pɛyúútɛn pámaápá na Malíá á kiansi ó kuosiwónít wɔ́ andilɛ́ mɛɛlɛ́ pɛ́ɛ́nɛn ulúpuken pɛkɛtpɛkɛt, pɔ́ɔkɔŋ kɛ́ɛ́yɛ́. Pámapítááká ɛ́ɛ́ waáyuukan á kipɛ́l á kuapaŋá. 32Malíá mɛɛlɛ́ waámán kɔɔ́mɔ Yésus maápá, waakɔɔn wɔ́ iŋɔlɔpɛ ɔ́ pikɔ́nd, wɔ́ kɛ́ɛ́yɛ́ ɛ́ɛ́: «Ɔkɔ́n, asíákápá kɔ́ɔk, andimán áámɛ tisíékú.» 33Yésus mɛɛlɛ́ wɛɛ́nɛn Malíá paŋa ɔlɔŋ ne epé pɔ́mɔɔ́ŋɔ́n kɛ́ɛ́yɛ́ insíkíl yɛɛtikin wɔ́, waapia kipueŋitenye. 34Wookoówun ɛ́ɛ́: «Naánɛ́ núónyínyoó wɔ́?» Póondinyi wɔ́ ɛ́ɛ́: «Óló Ɔkɔ́n, ɛsíɛ́n.» 35Yésuse woond á kupaŋa. 36Pɛyúútɛn póond ɔ́ kuɔyɔ ɛ́ɛ́: «Ɛ́nuɛ́n aná wáányípá wɔ́ɔ́yɔ wɔ́.» 37Maná pómotí ɔ́ɔ́yɔ ɛ́ɛ́: «wɔ́ ewú wéényééŋúkí epútepute, utiápá pákukányi ɛ́ɛ́ Lásáal tikú á?»
Yésus méényí Lasáalɛ á pilɔ́ŋ
38Kaátakáánɛ́, insíkíl yaand anyuŋɛt wɔ́ na pukaaka nɛkɛtɛ́ɛ wɛɛyɛ́, waayɔɔk á kipɛ́l; kímapá embík, kinúmu kí nitányi fuuken nipíkínín níɛ́yɛ́. 39Yésus kanyi ɛ́ɛ́: «Énuéŋí nitányi enie.» Andimán kilɔ́ŋ waakáandɔ́, Máátɛ, kanyi é Yésus ɛ́ɛ́: «Ɔkɔ́n, ukanyɛɛ́ kuɔ́lukɔn, á kiákí ɛ́ɛ́ metúk eme méni unyɛɛ́ á kipɛ́l.» 40Woondinyi wɔ́ ɛ́ɛ́: «Indimákutíán ɛ́ɛ́ índɛ aákátapan, akaná kuɛ́n nuúmu nú Támbák á?» 41Péékeéŋi nitányí. Yésuse wɛɛmɛlimɛt, ukanyi ɛ́ɛ́: «Taat, yaákufáan ilémbíe á kiákí ɛ́ɛ́ ɔmɔ́pítɔ́líkɛ́n imbísókólí yaamɛ. 42Yeémenyen ɛ́ɛ́ ɔɔ́kimbítɔ́likɔn tɛníík, maná yaákála nɔ́ ó pusíó pú pɛɛnd epe pɛ́nyɛɛ́ pimbɔŋɔ́n, ɛ́ɛ́ páátap ɛ́ɛ́ aŋúɛ amiíndɔ́m.» 43Umɛɛ́l wɔɔyɔ anakáánɛ́ waánsɛt ekelú mɔkɔ́n, wɔ́ ɛ́ɛ́: «Lásáal áám ekue!» 44Kilɔ́ŋ kíatukɛn kakat, kíakaám, maláŋ meem makútá na papándásiɛ pí insunú, pusíó puɔnyɔ́ ni imbɔ́ŋ. Yésus ɛ́ɛ́pí ɛ́ pɛɛnd ɛ́ɛ́: «ónuolún wɔ́ núond núyap wɔ́ úyɔɔk.»
Pámányɛ́ɛ́n Yésuse ikɔ́n
45Pɛyúútɛn kutek kɔ́ ɔlɔŋ ú péépé pómoól ku Maliá póond pɛ́ɛ́kɛɛ́n epú Yésus mɛɛ́lɛ́, póópíóndi ɔtɛ́m kɛ́ɛ́yɛ́. 46Maná, pólotí páayɔɔk ku Pafalisiɛ́ŋ á kuatíán pɔ́ epú Yésus mɛɛ́lɛ́. 47Pɔkɔ́n pá pafunɔ́fɔn na Pafalisiɛ́ŋ páákúsikan etúl wɔɔkɔ́n, pɔ́ ɛ́ɛ́: «Mɔɔnd ewe ɛ́ɛ́kɛɛlɛ pisey kutek, túɛl tiɛkíɛ́? 48Índɛ tusiayap wɔ́ ɛ́ɛ́ úsuŋuna, pɛɛnd peem kopíóndonyi ɔtɛ́m nɛɛyɛ́, pó Lóma kepísuk, pákat kitamb kí Támbák nɔ kitɔŋ kíásɔ́.» 49Kɔ́ɔ́p kɔ́ ɔlɔŋ, Kayífe umaápá ɔkɔ́n u pafunɔ́fɔn pɔɔkɔ́n yɔɔŋ ikáánɛ́ kanyi kɔ́ɔ́p ɛ́ɛ́: «Nutipá nuɔ́pɔn puandá kɔ́ɔk. 50Nutipá nuɛ́nɛn ɛ́ɛ́ púnyɛ peseé ɛ́ɛ́ mɔɔnd táŋ omoómí kú ó pusíó pú pɛɛnd pɔ́ kitɔŋ peem, ɛ́ɛ́ pátikatá kitɔŋ kitikit.» 51Pútimapá kɛ́ɛ́yɛ́ á pukaaka umeéményí tukál tukáánɛ́, aná umaápá ɔkɔ́n u pɔfunɔ́fɔn pɔɔkɔ́n yɔɔŋ ikáánɛ́, waakálɛt, ké etényí ú eŋémímekélíe má Támbák, ɛ́ɛ́ púɛ́kɛɛsikɛnɛn ɛ́ɛ́ Yésus kú ó pusíó pú kitɔŋ. 52Kútipá ó pusíó pú kitɔŋ kí Pɛyúútɛn kíéŋényí, maná andíkɛ́k á kukúsikan á nipílat paán pá Támbák paasálámándán. 53Kutúm puátakáán puɔ́s pɔkɔ́n pɛ́ Pɛyúútɛn maásɔ́mb ɛ́ɛ́ puɛ́kɛɛsikɛnɛn ɛ́ɛ́ Yésus kú. 54Yésuse kɛ́kɛ́ɛ́yɛ́ waasúmb ɛŋɛnd wɛ́ɛ́yɛ́ umaápá woól woond ɛ́ kikɛtɛ́kɛtɛ́ɛ kí Pɛyúútɛn: waapínyáŋɛt é kiénsi kí kúúsí á masiá mé kúúsí kú kiándɔ́l, á pálɛ́k kisiɛ́n ɛ́ɛ́ Efalayím embúl no popíónyí pɛ́ɛ́yɛ́. 55Putɔ́mbí pú pásíka u Pɛyúútɛn mapá mekúye. Pɛɛnd pɔ́ kitɔŋ puólíkóoli páayɔɔkan Yelúsalɛm kɔ́ɔk puɔ́s pú putɔ́mbí manyi ó pusíó, ɛ́ɛ́ páápísúkúná putɔ́mbí. 56Páamba Yésuse, á kitamb kɔɔ́mɔ pámaápa, pópíówon pɔ́ɔ nɔ pɔ́ɔ ɛ́ɛ́: «Nuápítááka ɛ́ɛ́ kiákí? Ukaná kuól ɔ́ putɔ́mbí éé utiókoól?» 57Pɔkɔ́n pá pafunɔ́fɔn na Pafalisiɛ́ŋ meekí pukaaka ɛ́ɛ́ índɛ mɔɔnd émenyen kɔɔ́mɔ Yésus nyɛɛ́, wáasitíán pɔ́, akáánɛ́ pɛ́ɛtikɛn wɔ́.
ទើបបានជ្រើសរើសហើយ៖
Isáaŋ 11: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Isáaŋ 11
11
Lásáal mékú
1Mɔɔnd omotí manúma, wɔ́ kisiɛ́n ɛ́ɛ́ Lásáalɛ, ɔtɔŋtɔ́ŋ u Petaní, kitɔŋ kí Malía na andimán wɛɛyɛ́ waakáandɔ́ Máata. 2Malíɛ́ wɛɛ́tɛ ukáánɛ́ umeésukúnén Ɔkɔ́n kisɛŋ kí niaŋɔ́ ɔ́ pikɔ́nd woond woowóno pɛ́ɛ ne tuúnye túɛ́yɛ́; andimán wɛɛyɛ́ Lásáalɛ umaánúma. 3Paandimán pá Lásáal paakáánd peem páandɛ́ páátɔ́m mɔɔnd ɔ́ kuɔyítɛ́n Yésuse ɛ́ɛ́: «Ɔkɔ́n, ekúl aawɔ áánúma.» 4Yésus mɛɛl wɔɔ́pɔn insɔ́m ikáánɛ́ ukanyi ɛ́ɛ́: «Kunúma kukáánɛ́ tipá kú niku kɔ́, kúkɛɛl ɛ́ɛ́ pékúmesi Támbákɛ́ɛ. Á kunúma kukáánɛ́ pékeényíkumesi Muɔ́nɔ́ u Támbák.» 5Yésus mapá wɔɔyɔ Máátɛ́ na andimán wɛɛyɛ́ waakáandɔ́, na Lásáal. 6Tɛ aná umɔɔ́p ɛ́ɛ́ Lásáal ápítáyan, waand ɔlɔp metúk máandɛ́ kɔɔ́mɔ umaápá. 7É kélém akáánɛ́, ukanyi ó popíónyí pɛ́ɛ́yɛ́ ɛ́ɛ́: «Ɛ́nyɛɛlɛ́ túond Yuté.» 8Popíónyí pɛ́ɛ́yɛ́ kanyi kɛ́ɛ́yɛ́ ɛ́ɛ́: «Oŋónyóonyi, yá yákɛyákɛ metúk manyi mátitápɔ́k Pɛyúútɛn áányámbá ɛ́ɛ́ pákutúútan atányí pɔ́kuɔ́n, nínúan áand kuond kɔ́ɔk á?» 9Yésuse woondinyi pɔ́ ɛ́ɛ́: «Pikulɛ́ nyɛ píát na píandɛ́ ɔ́ puɔ́s. Índɛ mɔɔnd ɛ́ɛ́kɛndɛ nɔ puɔ́s utipá upúpenen á kiákí ɛ́ɛ́ wɛɛ́kɛ́nɛn kisie kí kúúsí ekue. 10Maná, índɛ mɔɔnd ɛ́ɛ́kɛndɛ ne putúk, weépúpenen á kiákí ɛ́ɛ́ kisie tipá kɛ́ɛ́yɛ́.» 11É kélém kú tukál tukáánɛ́, wɔ́ kɔ́ɔ́p ɛ́ɛ́: «Nunɔ́ mɔ́kɔ́l ekúl waasɔ́ Lásáalɛ, íyɔɔk yeényí wɔ́.» 12Popíónyí póondinyi wɔ́ ɛ́ɛ́: «Ɔkɔ́n, índɛ waápítiman ukaná kuɛnyɔk.» 13Yésus maámbá kuɔyɛt ɛ́ɛ́: Lásáal mékú, maná pɔ́ popíónyí páápítáka ɛ́ɛ́ túnyɛ tunɔ́ tú sɛ́kísɛ́k tɔ. 14Yésus kanyi kɔ́ɔ́p talútalú ɛ́ɛ́: «Lásáal mékú. 15Yɔɔ́kɔ́pɔn peseé ó pusíó púánɔ́ aná insiɛ́kɛl indiɛ́l kɔ́ɔk, ɛ́ɛ́ núpíóndonyí ɔtɛ́m káámɛ. Maná ɛ́nyɛɛ́ túyɔɔk kuɛyɛ́.» 16Túmasɛ, ewú páandɛɛ́ apílan ɛ́ɛ́ Ɛpɛ́sɛpɛsɛ, kanyi ɔ́ pɔsɔ́k popíónyí ɛ́ɛ́: «Ɛ́nyɛɛlɛ́ túyɔɔk kákáasɔ́, túékú ɔlɔŋ nɛɛyɛ́.»
Yésuse unyɛɛ́ kusɔ́t
17Yésus mɛɛlɛ́ waáman, pɔ́ɔkɔyitɛn wɔ́ ɛ́ɛ́ pómonyoó Lásáalɛ púkanyí metúk méni. 18Aná Petaní maápá mekúye ne Yelúsalɛm, puandá pú pokílomítɛ pátátɔ́, 19Pɛyúútɛn kutek moólón ku Mááta na Malía ó kuosiwónó pɔ́ andilɛ́ ó pusíó pú nikú ní andimán wɔɔpɔ́. 20Mááta mɛɛ́l wɔɔ́pɔn ɛ́ɛ́ Yésus nyɛ kí iŋilí woókólon, waatɔk waayɔɔk ó kuokólí wɔ́; Malíɛ wɔ́ wɔlɔp yá akáánɛ́ á nuyá. 21Mááta kanyi é Yésus ɛ́ɛ́: «Ɔkɔ́n, asíákápá kɔ́k, andimán áámɛ tisíékú. 22Maná yeémenyen ɛ́ɛ́ tɛ akɛ nínúan, puandá kitikit epú akaná kuówoné Támbákɛ́ɛ ukaná akufá pɔ́.» 23Yésuse woondinyi wɔ́ ɛ́ɛ́: «Andimán ááwɔ kaná kuɛnyɔk á pilɔ́ŋ.» 24Máátɛ woondinyi ɛ́ɛ́: «Yeémenyen ɛ́ɛ́ wuɛ́nyɛ́ɛ́nyɔk aká pilɔ́ŋ ɛ́ɛ́nyɛ́ɛ́nyukɛnɛ́ɛ puɔ́s púkusúkin.» 25Yésus ɛ́ɛ́pí kɛ́ɛ́yɛ́ ɛ́ɛ́: «Niŋúɛ inyɛɛ́ kuɛnyɔk kú pilɔ́ŋ, niŋúɛ inyɛɛ́ andíkɛ́k kusɔ́t. Ewú upíóndonyé ɔtɛ́m naamɛ, tɛ kúpá ɛ́ɛ́ usiekú, áányípá ɔ́ kusɔ́t. 26Ewú ne ewú usɔ́tɔnɛ́ɛ woond upíóndonyi ɔtɛ́m káámɛ tiényikú tɛ puɔ́s. Aákátapan nɔ́ á?» 27Máátɛ woondinyi wɔ́ ɛ́ɛ́: «Ɛ́ɛ́ɛ́ Ɔkɔ́n, yaákátapan ɛ́ɛ́ anyɛ Kilíise, Muɔ́nɔ́ u Támbák ewú woóloné e kúúsí.»
Yésus áápaŋa
28Umɛɛlɛ́ wɔɔyɔ anakáánɛ́, Máátɛ waayɔɔk á kuatíán andimán wɛɛyɛ́ Malíɛ imbásimbásiɛ ɛ́ɛ́: «Oŋónyóonyi máásíám, waákupílan.» 29Malíá mɛɛlɛ́ wɔɔ́pɔn anakáánɛ́, weelúpuk nɔ niɔ́kɔ́tɔ́n á kuyɔɔk ku Yésus. 30Yésus mapá umanyi utipíkín Petaní, umapá umanyi kɔɔ́mɔ Mááta meélumén nɛɛyɛ́. 31Pɛyúútɛn pámaápá na Malíá á kiansi ó kuosiwónít wɔ́ andilɛ́ mɛɛlɛ́ pɛ́ɛ́nɛn ulúpuken pɛkɛtpɛkɛt, pɔ́ɔkɔŋ kɛ́ɛ́yɛ́. Pámapítááká ɛ́ɛ́ waáyuukan á kipɛ́l á kuapaŋá. 32Malíá mɛɛlɛ́ waámán kɔɔ́mɔ Yésus maápá, waakɔɔn wɔ́ iŋɔlɔpɛ ɔ́ pikɔ́nd, wɔ́ kɛ́ɛ́yɛ́ ɛ́ɛ́: «Ɔkɔ́n, asíákápá kɔ́ɔk, andimán áámɛ tisíékú.» 33Yésus mɛɛlɛ́ wɛɛ́nɛn Malíá paŋa ɔlɔŋ ne epé pɔ́mɔɔ́ŋɔ́n kɛ́ɛ́yɛ́ insíkíl yɛɛtikin wɔ́, waapia kipueŋitenye. 34Wookoówun ɛ́ɛ́: «Naánɛ́ núónyínyoó wɔ́?» Póondinyi wɔ́ ɛ́ɛ́: «Óló Ɔkɔ́n, ɛsíɛ́n.» 35Yésuse woond á kupaŋa. 36Pɛyúútɛn póond ɔ́ kuɔyɔ ɛ́ɛ́: «Ɛ́nuɛ́n aná wáányípá wɔ́ɔ́yɔ wɔ́.» 37Maná pómotí ɔ́ɔ́yɔ ɛ́ɛ́: «wɔ́ ewú wéényééŋúkí epútepute, utiápá pákukányi ɛ́ɛ́ Lásáal tikú á?»
Yésus méényí Lasáalɛ á pilɔ́ŋ
38Kaátakáánɛ́, insíkíl yaand anyuŋɛt wɔ́ na pukaaka nɛkɛtɛ́ɛ wɛɛyɛ́, waayɔɔk á kipɛ́l; kímapá embík, kinúmu kí nitányi fuuken nipíkínín níɛ́yɛ́. 39Yésus kanyi ɛ́ɛ́: «Énuéŋí nitányi enie.» Andimán kilɔ́ŋ waakáandɔ́, Máátɛ, kanyi é Yésus ɛ́ɛ́: «Ɔkɔ́n, ukanyɛɛ́ kuɔ́lukɔn, á kiákí ɛ́ɛ́ metúk eme méni unyɛɛ́ á kipɛ́l.» 40Woondinyi wɔ́ ɛ́ɛ́: «Indimákutíán ɛ́ɛ́ índɛ aákátapan, akaná kuɛ́n nuúmu nú Támbák á?» 41Péékeéŋi nitányí. Yésuse wɛɛmɛlimɛt, ukanyi ɛ́ɛ́: «Taat, yaákufáan ilémbíe á kiákí ɛ́ɛ́ ɔmɔ́pítɔ́líkɛ́n imbísókólí yaamɛ. 42Yeémenyen ɛ́ɛ́ ɔɔ́kimbítɔ́likɔn tɛníík, maná yaákála nɔ́ ó pusíó pú pɛɛnd epe pɛ́nyɛɛ́ pimbɔŋɔ́n, ɛ́ɛ́ páátap ɛ́ɛ́ aŋúɛ amiíndɔ́m.» 43Umɛɛ́l wɔɔyɔ anakáánɛ́ waánsɛt ekelú mɔkɔ́n, wɔ́ ɛ́ɛ́: «Lásáal áám ekue!» 44Kilɔ́ŋ kíatukɛn kakat, kíakaám, maláŋ meem makútá na papándásiɛ pí insunú, pusíó puɔnyɔ́ ni imbɔ́ŋ. Yésus ɛ́ɛ́pí ɛ́ pɛɛnd ɛ́ɛ́: «ónuolún wɔ́ núond núyap wɔ́ úyɔɔk.»
Pámányɛ́ɛ́n Yésuse ikɔ́n
45Pɛyúútɛn kutek kɔ́ ɔlɔŋ ú péépé pómoól ku Maliá póond pɛ́ɛ́kɛɛ́n epú Yésus mɛɛ́lɛ́, póópíóndi ɔtɛ́m kɛ́ɛ́yɛ́. 46Maná, pólotí páayɔɔk ku Pafalisiɛ́ŋ á kuatíán pɔ́ epú Yésus mɛɛ́lɛ́. 47Pɔkɔ́n pá pafunɔ́fɔn na Pafalisiɛ́ŋ páákúsikan etúl wɔɔkɔ́n, pɔ́ ɛ́ɛ́: «Mɔɔnd ewe ɛ́ɛ́kɛɛlɛ pisey kutek, túɛl tiɛkíɛ́? 48Índɛ tusiayap wɔ́ ɛ́ɛ́ úsuŋuna, pɛɛnd peem kopíóndonyi ɔtɛ́m nɛɛyɛ́, pó Lóma kepísuk, pákat kitamb kí Támbák nɔ kitɔŋ kíásɔ́.» 49Kɔ́ɔ́p kɔ́ ɔlɔŋ, Kayífe umaápá ɔkɔ́n u pafunɔ́fɔn pɔɔkɔ́n yɔɔŋ ikáánɛ́ kanyi kɔ́ɔ́p ɛ́ɛ́: «Nutipá nuɔ́pɔn puandá kɔ́ɔk. 50Nutipá nuɛ́nɛn ɛ́ɛ́ púnyɛ peseé ɛ́ɛ́ mɔɔnd táŋ omoómí kú ó pusíó pú pɛɛnd pɔ́ kitɔŋ peem, ɛ́ɛ́ pátikatá kitɔŋ kitikit.» 51Pútimapá kɛ́ɛ́yɛ́ á pukaaka umeéményí tukál tukáánɛ́, aná umaápá ɔkɔ́n u pɔfunɔ́fɔn pɔɔkɔ́n yɔɔŋ ikáánɛ́, waakálɛt, ké etényí ú eŋémímekélíe má Támbák, ɛ́ɛ́ púɛ́kɛɛsikɛnɛn ɛ́ɛ́ Yésus kú ó pusíó pú kitɔŋ. 52Kútipá ó pusíó pú kitɔŋ kí Pɛyúútɛn kíéŋényí, maná andíkɛ́k á kukúsikan á nipílat paán pá Támbák paasálámándán. 53Kutúm puátakáán puɔ́s pɔkɔ́n pɛ́ Pɛyúútɛn maásɔ́mb ɛ́ɛ́ puɛ́kɛɛsikɛnɛn ɛ́ɛ́ Yésus kú. 54Yésuse kɛ́kɛ́ɛ́yɛ́ waasúmb ɛŋɛnd wɛ́ɛ́yɛ́ umaápá woól woond ɛ́ kikɛtɛ́kɛtɛ́ɛ kí Pɛyúútɛn: waapínyáŋɛt é kiénsi kí kúúsí á masiá mé kúúsí kú kiándɔ́l, á pálɛ́k kisiɛ́n ɛ́ɛ́ Efalayím embúl no popíónyí pɛ́ɛ́yɛ́. 55Putɔ́mbí pú pásíka u Pɛyúútɛn mapá mekúye. Pɛɛnd pɔ́ kitɔŋ puólíkóoli páayɔɔkan Yelúsalɛm kɔ́ɔk puɔ́s pú putɔ́mbí manyi ó pusíó, ɛ́ɛ́ páápísúkúná putɔ́mbí. 56Páamba Yésuse, á kitamb kɔɔ́mɔ pámaápa, pópíówon pɔ́ɔ nɔ pɔ́ɔ ɛ́ɛ́: «Nuápítááka ɛ́ɛ́ kiákí? Ukaná kuól ɔ́ putɔ́mbí éé utiókoól?» 57Pɔkɔ́n pá pafunɔ́fɔn na Pafalisiɛ́ŋ meekí pukaaka ɛ́ɛ́ índɛ mɔɔnd émenyen kɔɔ́mɔ Yésus nyɛɛ́, wáasitíán pɔ́, akáánɛ́ pɛ́ɛtikɛn wɔ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL