Meelie mé Petúmí Moonyi mɔ́túɔkɔnɔkɔnɛ́ɛ ɔ́ kuɔ́p ɔmbɔp ú meelíe mé Petúmí
Moonyi mɔ́túɔkɔnɔkɔnɛ́ɛ ɔ́ kuɔ́p ɔmbɔp ú meelíe mé Petúmí
Kálatɛ ewe éétútíínyenyi Emfúnukufúúmɛ ú mɔɔ́pɔk ɔlɔŋ ú peétépí, anakáánɛ́ kúnyɛɛ́ ɛ́ɛ́ pɛɛnd póólinonée kɔɔ́mɔ kitikit pɔ́ɔ́pinɔnɛ́ɛ Támbákɛ́ɛ á kiákí ɛ́ɛ́ Yésus Kilíis mosótí pɔ. Ɔlɔŋ Támbák maápundɔ́ woond weekumesi wɔ́ é melínyélinyé mé peétépí, pɛɛnd epé Yésus maátɔ́m ɛlɛɛ́ petétúnyí pɛ́ɛ́yɛ́. Kálatɛ ewé Lúkas mɔɔŋɔ́ ɔ́ɔ́kɔɔŋɔn á kálatɛ wɛɛyɛ́ ukutúan. Umetúmín á kálatɛ wɛɛyɛ́ ukutúan, é pilumén pí Yésus ne petúmí pɛ́ɛ́yɛ́ é kélém kú kuɛnyɔk kuɛ́yí á pilɔ́ŋ. Yésus meekí pɔ́ indán i Emfúnukufúúmɛ ɛ́ páányípá petétúnyí pɛ́ɛ́yɛ́ 1.8 Lúkas éétíínyenyi aná petúmí moówóónyí imbítíinɛ i Yésus é kélém kú kuól kú Emfúnukufúúmɛ, péyuukesi insɔ́m yi indámb Yelúsalɛm, 2.7 é Yúte na Samalí 8.12 kuám é kúúsí kitikit 13.28 É nitúmín pémeyuúkesí insɔ́m yi indámb yá ɛ́ Pɛyúútɛn, maná kí imbapɔ́ síɛ́yɛ́ síát, Támbák metíínyí Píɛ́lɛ ɛ́ɛ́ kisótio nyɛ kí mɔɔnd kitikit. Kutúm akáánɛ́, ɔlɔŋ ú peétépí wéélumen nɛ Pɛyúútɛn ne epé pátiányípá Pɛyúútɛn. mɔɔnd omotí kisiɛ́n ɛ́ɛ́ Sóole weenuenesi puólí pú petúmí, Támbákɛ́ɛ waanúŋɔn wɔ́ wɛɛ́yi wɔ́ opíónyí wɛɛyɛ́ pámandá apílan wɔ́ ɛ́ɛ́ Póole. Támbákɛ́ɛ waatɔ́m wɔ́ á kuup kúkémé insɔ́m yi indámb solsol é péépé pátiányípá Pɛyúútɛn, Lúkasɛ wɛɛ́yi ekúlíkulie u ɛŋɛnd u Póol ó puólí pukáánɛ́. É piénsi pílotí wɔɔkɔɔ́ŋɔ utíínyenyi ɛ́ɛ́ pámapá ɔlɔŋ (16.10-17; 20.5-21; 27.1-28).
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL