Meelie mé Petúmí 6
6
Pámáyɔ́ɔ́n pɛɛnd pátíndátɔ́neémue ɔ́ kuɔkɔnɔkɔn petúmí
1A kisikɛl kiɛ́tɛ, kiɔ́p kí popiónyí píɔ́yikɔn, peétépí pámaákálá nuu kilɛkɛ pítɛtɛ pɔsɔ́k pákálanɛ́ɛ nuu Yúútɛnɛ, á kiákí aká páápanɛ́ɛ mukunya siki puɔ́siɛ pépéndíkenyenyi pisík píɔ́p. 2pápáátánapáandíɛ páákúsikan embul ú popíónyí peem, pɔ́ɔ́kɔɔ́p ɛ́ɛ́: «Pútipá peseé ɛ́ɛ́ túyap kukéme mekélíe má Támbák ó pusíó pú niap ní múkunya. 3Kúúkɔ́ paandimán nuɛsikɛnɛnɛ́ɛ kutɔ́pɔn pɛɛnd pátíndátɔ́neémue pá pilɔŋ peseé, powóónón ne Emfúnukufúúmɛ na tutátɔ́, tútɛ́k pɔ́ ó puólí pukáánɛ́ kuɛlɛ. 4Pasɔ́ túpíeki kí imbísókólí ne kukéme mekélíe má Támbák.» 5Kiɔ́p kiim kí pɛɛnd kíáminɛn ekelú á nukál nukáánɛ́: Pɔ́ɔ́tɔ́pɔn Itiene unyɛɛ́ no pipíóndínyí ɔtɛ́m á Támbák ne Emfúnukufúúmɛ, ne Filip no Pulɔkɔl, na Nikanɔl, na Timun, na Palamenas, na nikula mɔɔnd u pálɛ́k u Antíos umaápíkúŋɔ́n á kuátap ku Pɛyúútɛn; 6Péétíínyi pɔ é petúmí, póópísókoliti, páátála pɔ́ imbɔk kɛ́ ɛtɔ. 7Mekélíe má Támbák fámfa kiɔ́p kí popíónyí ɔ́ɔ́mbɔ táásɛ Yelúsalɛm, kutek kú pafunɔ́fɔn píóndosi ɔtɛ́m ne Yésus.
Pɛ́mɛ́tíkɛ́n Ítiene
8Ítiene owóónón kuwóónon na pukaaka no nupoo nú Támbák ɛlɛɛ́ pisey na maándá ma kuáyakuáya ɔ kitɔŋ. 9Á kiátakáánɛ́ kisikɛl pɛɛnd pólotí moondó é kunuenesi wɔ. Púmapá pɛɛnd pá kiansi kí imbísókólí pámaápílán ɛ́ɛ́ kiansi kí imbísókólí kí piɔ́lí pínyɛɛ́ weéŋelí ne pesilenyien na pa Alɛkɛsandilíi nɛ pɛɛnd pé silisi na pá asi póond é kupekenyipekenyi ni Itiene. 10Pɔ́timɔɔ́tɔn kí Itiene umapá na tutátɔ́ na tukál Emfúnukufúúmɛ meékényí wɔ. 11Pépísúúne pɛɛnd ɛ́ɛ́ pɔ́ɔ́yɔ ɛ́ɛ́: «tuɔ́p wɔ́ usikan Moyíise, usikan Támbákɛ́ɛ!» 12Péliikesi embúl ú pɛɛnd, posíósíó pɔ́ kitɔŋ ne pemenyí pikotí, páalátɔn Itiene pááyɔɔk nɛɛyɛ́ ké etúl ú sanitelɛŋ. 13Kɔ́ɔk póólo ne peepétí pisupɔ́ pɔ́ɔ́yɔ ɛ́ɛ́: «kisikɛl kitikit mɔɔnd ewe áásikan kitamb kí Támbák, no pikotí; 14Tuándá kuɔ́p wɔɔyɔ ɛ́ɛ́: Ási Yésuse u Násalɛt wɔɔpɔ́ kakat kitamb ekie wóond unúki pikotí Moyíise maátúyapɛ́n.» 15Pɛɛnd peem pé etúl ú sanetelɛ́ŋ pétémbi Ítiene eŋís, pɛ́ɛ́n pusíó púɛ́yɛ́ ɛlɛɛ́ pusíó pú Éŋele.
ទើបបានជ្រើសរើសហើយ៖
Meelie mé Petúmí 6: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Meelie mé Petúmí 6
6
Pámáyɔ́ɔ́n pɛɛnd pátíndátɔ́neémue ɔ́ kuɔkɔnɔkɔn petúmí
1A kisikɛl kiɛ́tɛ, kiɔ́p kí popiónyí píɔ́yikɔn, peétépí pámaákálá nuu kilɛkɛ pítɛtɛ pɔsɔ́k pákálanɛ́ɛ nuu Yúútɛnɛ, á kiákí aká páápanɛ́ɛ mukunya siki puɔ́siɛ pépéndíkenyenyi pisík píɔ́p. 2pápáátánapáandíɛ páákúsikan embul ú popíónyí peem, pɔ́ɔ́kɔɔ́p ɛ́ɛ́: «Pútipá peseé ɛ́ɛ́ túyap kukéme mekélíe má Támbák ó pusíó pú niap ní múkunya. 3Kúúkɔ́ paandimán nuɛsikɛnɛnɛ́ɛ kutɔ́pɔn pɛɛnd pátíndátɔ́neémue pá pilɔŋ peseé, powóónón ne Emfúnukufúúmɛ na tutátɔ́, tútɛ́k pɔ́ ó puólí pukáánɛ́ kuɛlɛ. 4Pasɔ́ túpíeki kí imbísókólí ne kukéme mekélíe má Támbák.» 5Kiɔ́p kiim kí pɛɛnd kíáminɛn ekelú á nukál nukáánɛ́: Pɔ́ɔ́tɔ́pɔn Itiene unyɛɛ́ no pipíóndínyí ɔtɛ́m á Támbák ne Emfúnukufúúmɛ, ne Filip no Pulɔkɔl, na Nikanɔl, na Timun, na Palamenas, na nikula mɔɔnd u pálɛ́k u Antíos umaápíkúŋɔ́n á kuátap ku Pɛyúútɛn; 6Péétíínyi pɔ é petúmí, póópísókoliti, páátála pɔ́ imbɔk kɛ́ ɛtɔ. 7Mekélíe má Támbák fámfa kiɔ́p kí popíónyí ɔ́ɔ́mbɔ táásɛ Yelúsalɛm, kutek kú pafunɔ́fɔn píóndosi ɔtɛ́m ne Yésus.
Pɛ́mɛ́tíkɛ́n Ítiene
8Ítiene owóónón kuwóónon na pukaaka no nupoo nú Támbák ɛlɛɛ́ pisey na maándá ma kuáyakuáya ɔ kitɔŋ. 9Á kiátakáánɛ́ kisikɛl pɛɛnd pólotí moondó é kunuenesi wɔ. Púmapá pɛɛnd pá kiansi kí imbísókólí pámaápílán ɛ́ɛ́ kiansi kí imbísókólí kí piɔ́lí pínyɛɛ́ weéŋelí ne pesilenyien na pa Alɛkɛsandilíi nɛ pɛɛnd pé silisi na pá asi póond é kupekenyipekenyi ni Itiene. 10Pɔ́timɔɔ́tɔn kí Itiene umapá na tutátɔ́ na tukál Emfúnukufúúmɛ meékényí wɔ. 11Pépísúúne pɛɛnd ɛ́ɛ́ pɔ́ɔ́yɔ ɛ́ɛ́: «tuɔ́p wɔ́ usikan Moyíise, usikan Támbákɛ́ɛ!» 12Péliikesi embúl ú pɛɛnd, posíósíó pɔ́ kitɔŋ ne pemenyí pikotí, páalátɔn Itiene pááyɔɔk nɛɛyɛ́ ké etúl ú sanitelɛŋ. 13Kɔ́ɔk póólo ne peepétí pisupɔ́ pɔ́ɔ́yɔ ɛ́ɛ́: «kisikɛl kitikit mɔɔnd ewe áásikan kitamb kí Támbák, no pikotí; 14Tuándá kuɔ́p wɔɔyɔ ɛ́ɛ́: Ási Yésuse u Násalɛt wɔɔpɔ́ kakat kitamb ekie wóond unúki pikotí Moyíise maátúyapɛ́n.» 15Pɛɛnd peem pé etúl ú sanetelɛ́ŋ pétémbi Ítiene eŋís, pɛ́ɛ́n pusíó púɛ́yɛ́ ɛlɛɛ́ pusíó pú Éŋele.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL