Meelie mé Petúmí 5
5
Kisupɔ́ kí Ánanias na Safíla
1Mɔɔnd kisiɛ́n ɛ́ɛ́ Ananías ekelú na akanyí wɛɛyɛ́ safíla weetúú kúúsí kúɔ́p. 2Pákaáminɛn ekelú na akanyí wɛɛyɛ́ ɛ́ɛ́ pásɔ́mb muenyí, weenyeekí petúmí emú múmeésíén. 3Piɛ́lɛ kɛ́ɛ́yɛ́ ɛ́ɛ́: «Ananías, kiákí Sáátan mónyiwón kááwɔ kɔ́ ɔtɛ́m? Eékesipúlé emfúnukufúúmɛ ne kiénsi kí muenyí, ɛmɛ́nɛkɛ́ kiénsi kí muenyí éményitú kúúsí. 4Atimapá kulɔp ne kúúsí kúáwɔ etitúú a? Kúnyaánɛ́ étúú ɛ́ɛ́lɛ puandá ɔɔyɔɔnɛ́ɛ á? Púmóókuólín naánɛ kɔ́ ɔtɛ́m? Pátipá pɛɛnd epúlené maná Támbákɛ́ɛ.» 5Ananías mɛɛlɛ́ wɔɔ́pɔn nɔ, waakua, weeku. Pɛɛnd peem pɔmɔɔ́p puónyi pukáánɛ́, púɛ́kɛɛl pɔ́ puwaá tɛ pɔ́kuɔyɔ. 6Piɔmfɔ́ píɔsikɔ́l kikú píáyɔɔk ó kuonyoó.
7Puandá pú pisikɛl pítátɔ́ tápukan, akányí Ánanias weepíkin, uleeme epú púpítápukanɛ́ɛ. 8Piɛ́lɛ woówun wɔ́ ɛ́ɛ́: índian «Piɔŋɔ́n epie nusiétúú kúúsí kúánɔ́ a?» Woondinyeé «ɛ́ɛ́ɛ píípɛ́ɛ!» 9Piɛlɛ kɔk kɛ́ɛ́yɛ́ ɛ́ɛ́: «Tiɛkiɛ nusiákaáminɛn ekelú ɔ́ kutɔ́k emfúnukufúúmɛ u Ɔkɔ́n? Pítɔ́líkɛn, ambaná yɛ́ pɛɛnd pámányiipɛ́ kuonyoó ɔnɛ́m aawɔ kanyɛ é niít ni kiansi; Pááyɔɔkan naawɔ kákááwɔ.» 10Yá akáánɛ́ nɔ niɔ́kɔ́tɔ́n waakɔɔn Piɛlɛ ɔ́ pikɔ́nd weeku. Piɔmfɔ́ píkene píókóóki wɔ ekúén, píɛsɛmb wɔ píónyonyoó wɔ masiá nɔ ɔnɛm. 11Kiandákáand kí pumbíla kíɛtikɛn ɔlɔŋ ú peétépí nɛ pɛɛnd peem pɔ́mɔɔ́pɔ́n puónyi pukáánɛ́.
Pisey pí petúmí
12Petúmí mɛɛlɛ́ pisey kutek na maándá má kuyikina ɛ́ kikɛtɛ́kɛtɛ́ɛ kí pɛɛnd pɔ kitɔŋ. Pɔ peem ɔtɛ́m ómoómí á kitamb kɔɔ́mɔ pápílanɛ́ɛ itɛn si Salomoŋ. 13Maná pɛɛnd pian puwaá pú kupíkin kɔ́ɔ́p kɔ́ ɔlɔŋ, ɛ́ kuɛn kitɔŋ kitikit mapísámá pɔ. 14Pɛɛnd puólíkóoli nɛ pɛɛnúmɛndɔ́ na paakáandɔ́ mapián pipíóndínyí ɔtɛ́m kɔ Ɔkɔ́n, pɔ́ɔsipíɔ́yíkɔ́n ɔ́ kiɔp. 15Péémenyi píkondi á tuambálɛ́n nɔ pikɔkɔ́ á masíá má pipala, ɛ́ɛ́ aká Piɛl tápukanɛ́ɛ tɛ kiliínditíe ne kiliínditíe kíɛ́yɛ́ kiík pɔ. 16Imbul óólinon kɛ́k ɛ́ɛ́ mɛŋɛl me Yelúsalɛm pɛ́sɛmbɛn pɔsɔ́k pánúmanɛ́ɛ ne epé pilɔk pi piliínditíe nyókolonyée, peem kitikit ééŋuken.
Kiɛtikinɛ kí petúmí
17Ɔkɔ́n u pɔkɔ́n pá pafunɔ́fɔn nɔ ɔlɔŋ wɛ́ɛ́yɛ́ ú pɛɛnd kitikit, pɛ́nyɛɛ́ ɔlɔŋ ú pasatuseyeŋ#5.17 Pasatuseŋ ɔlɔŋ upeyuteen u tianyipa watapan kumanyiɔk ku piku. póond á kuákinan petúmí yaák. 18Páátɔ́m pɛɛnd ɛ́ kuɛtíkɛ́n petúmí póond pééfuukin pɔ á kiansi kí imbíne ke eŋis yɛ pɛɛnd kitikit. 19Ne putúk Éŋele u Ɔkɔ́n weefuun eŋít ya kiansi kí imbíne, weekeémi pɔ wu kɔ́ɔ́p ɛ́ɛ́: 20«Ánuupɔ́ á kitamb kí Támbák, akáánɛ́ núkémen kitɔŋ mekélíe kitikit mɔ́ kusɔ́t!» 21Pɔ́ɔ́kɔɔ́pɛn wɔ ne emfúnupálɛ pááyɔɔk á kitamb, póond ó kuónyonyí kɔ́ɔk.
A kisikɛl kikáánɛ́ Ɔkɔ́n u pafunɔ́fɔn pɔɔkɔ́n weelumen nɛɛyɛ́ nɔ ɔlɔŋ wɛ́ɛ́yɛ́ no posíósíó pi Isilayɛl, páátán etúl, inyɔl yiikɔ́n i Pɛyúútɛn; páátɔ́m pɛɛnd ɔ́ kuɔkɔ́l petúmí á kiansi kí imbíne. 22Pɛɛnd pakáánɛ́ pááyɔɔk tɛ kukóóki petúmí á kiansi kí imbíne. Póosiondóno pákanyi ɔ́ pɔkɔ́n pɔ́ɔ́p ɛ́ɛ́: 23«Tumókóókí kiansi kifɛlɛ́n peseé ne peseé, melúse kííka eŋít ya kiansi. Túfuune tɛ mɔɔnd nɛkɛtɛ́ɛ». 24Pɛ́mɛɛlɛ́ pɔ́ɔ́pɔn nɔ ɔkɔ́n u pekíík kitamb na pafunɔ́fɔn pɔɔkɔ́n púányɛ́ɛn pɔ imfámfá pópíówon epú pútápukanɛ́ɛ. 25Mɔɔnd omoti waasitíán pɔ hɛ́ɛŋ: «Pɛɛnd núányáák á kiansi kí imbíne nyɛ á kitamb póókoónyonyi kitɔŋ.» 26Ɔkɔ́n u pekíík kitamb waayɔɔk ne peelímoólí ɛ́ɛ́ kuɛtíkɛ́n petúmí nɛ nunɛ́mɔ́ ó kuól nɔɔpɔ́. Á kiákí pémetííné embúl ú pɛɛnd ɛ́ɛ́ pátitɔ́ɔ́t pɔ́ atányí.
27Póólo nɔɔpɔ́ é kuesitíínyí pɔ́ ké etúl u pasanateleyɛŋ, ɔkɔ́n u pafunɔ́fɔn pɔɔkɔ́n woówun pɔ: 28«Tumákányí ni iŋónyítóntóyí i kisiɛ́n kí mɔɔnd ukáánɛ́ púúmépúúme, panɔ́ numówóónyi Yelúsalɛm na yɛ́ɛ́; nuakaamba ɛ́ɛ́ manɔ́ŋ ma mɔɔnd ukáánɛ́ túóndin a!» 29Maná Piɛlɛ no popíónyí póondinyi ɛ́ɛ́: «Tuɛ́kɛɛsikɛnɛn kuɔ́pinɔn Támbákɛ́ɛ kati pɛɛnduɛ. 30Támbákɛ́ɛ u pesíí páásɔ́ éényí Yésuse ewú numɔɔ́tɔɔ́ndɛ́n ó kolóse. 31Wúúwɔ́ Támbák éényímékétí wɔ́ kɛ́ɛ́yɛ́ kɔ́ ɔmbɔk wɔɔnɛm, weeténikenyi wɔ́ efuŋ no osótí ɛ́ɛ́ isiyaɛl núki woond úyapɛn pɔ́ kɔ́ɔ́p á pifal. 32Tuékéme emé túɛ́nyípíɛ́nɛ́n ne eŋis yáásɔ́, naasɔ́ ne Emfúnukufúúmɛ ewú Támbák éényéékí epé pɔ́ɔ́pinɔnɛ́ɛ wɔ.»
33Pɔkɔ́n pé etúl ɔ́ɔ́pɔn púɛl pɔ́ kutɛɛ páásɔ́mb kiansɛ́ kí kuɔ́n petúmí. 34Maná kɔ́ɔ́p kɔ ɔlɔŋ ú saneteleŋ falisiɛ́ŋ omoti mapa kɔk kisiɛ́n ɛ́ɛ́ kamaliɛlɛ emenyí pikotí, kitɔŋ kitikit mapá kíɔyɔ wɔ, woówun ɛ́ɛ́ pɛ́síɛ́lɛ́ kuémi petúmí, 35Wɔɔkɔ́l nukál ukanyi ɛ́ɛ́: «punya isiyaɛl ɔnukɔ́l kisikɛl ne púúpú nuambanɛ́ɛ kuɛl pɛɛnd epe. 36É metúk mé kusúkin emé mɔɔnd omotí kisiɛ́n ɛ́ɛ́ Tetasɛ píɔyɔ ɛ́ɛ́ wɔ́ unyɛɛ́ kiandá kí mɔɔnd: Pɛɛnd kuam imbak íni pɔ́ɔŋ kɛ́ɛ́yɛ́. Wú muɛt pɔ́ɔ́kɔɔ́n wɔ, epé pɔ́mɔɔ́ŋɔ́n kɛ́ɛ́yɛ́ páásálamand tɛ ómoómí utikápá. 37É kélém kúɛ́yɛ́ mɔnɔ kalile kisiɛ́n ɛ́ɛ́ yutasɛ á kisikɛl kikáánɛ́ pɛɛnd kutek pɔ́ɔŋ kɛ́ɛ́yɛ́, wu kɛkɛ́ɛ́yɛ́ weeku, pooŋí pɛ́ɛ́yɛ́ páásálamand kɔ́kɔ́ɔ́p. 38Kúúkɔ́ yɛɛlɛnɛ́ɛ káánɔ́ ɛ́ɛ́: nukaná epíséésenyi, nutiɔŋɔ́n kɔ́ɔ́p ánuyapá pɔ páyɔɔk! Índɛ imbítáákítɛ́n síɔ́p nɔ puólí púɔ́p óókoólinon á mɔɔnd pútíákaámínɛn; 39Maná índɛ Támbákɛ́ɛ wɔ nutipífɛ́ɛ́fɔ́n, nutipá kunua na Támbák!»
Pɔ́ɔ́p nuɛyɛ́ɛ. 40Páápílikɛn petúmí, peeki pukaaka ɛ́ɛ́ péésúpit pɔ, páákányi nɔɔpɔ́ ɛ́ɛ́ pátiandá ɛtɛɛtin kisiɛ́n kí Yésus, pááyap pɔ. 41Petúmí páakaám ké etúl ú sanetelɛŋ ni ipali aná Támbák meéné ɛ́ɛ́ papia ɛtú kunúa kí inséésítényí ó pusíó pú kisiɛ́n kí Yésus. 42Siki puɔ́síɛ á kitamb, tɛ á tuyá, kuónyonyeé kuónyonyi, pékéme niɔy ni itámb ní Yésus Kilíis.
ទើបបានជ្រើសរើសហើយ៖
Meelie mé Petúmí 5: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Meelie mé Petúmí 5
5
Kisupɔ́ kí Ánanias na Safíla
1Mɔɔnd kisiɛ́n ɛ́ɛ́ Ananías ekelú na akanyí wɛɛyɛ́ safíla weetúú kúúsí kúɔ́p. 2Pákaáminɛn ekelú na akanyí wɛɛyɛ́ ɛ́ɛ́ pásɔ́mb muenyí, weenyeekí petúmí emú múmeésíén. 3Piɛ́lɛ kɛ́ɛ́yɛ́ ɛ́ɛ́: «Ananías, kiákí Sáátan mónyiwón kááwɔ kɔ́ ɔtɛ́m? Eékesipúlé emfúnukufúúmɛ ne kiénsi kí muenyí, ɛmɛ́nɛkɛ́ kiénsi kí muenyí éményitú kúúsí. 4Atimapá kulɔp ne kúúsí kúáwɔ etitúú a? Kúnyaánɛ́ étúú ɛ́ɛ́lɛ puandá ɔɔyɔɔnɛ́ɛ á? Púmóókuólín naánɛ kɔ́ ɔtɛ́m? Pátipá pɛɛnd epúlené maná Támbákɛ́ɛ.» 5Ananías mɛɛlɛ́ wɔɔ́pɔn nɔ, waakua, weeku. Pɛɛnd peem pɔmɔɔ́p puónyi pukáánɛ́, púɛ́kɛɛl pɔ́ puwaá tɛ pɔ́kuɔyɔ. 6Piɔmfɔ́ píɔsikɔ́l kikú píáyɔɔk ó kuonyoó.
7Puandá pú pisikɛl pítátɔ́ tápukan, akányí Ánanias weepíkin, uleeme epú púpítápukanɛ́ɛ. 8Piɛ́lɛ woówun wɔ́ ɛ́ɛ́: índian «Piɔŋɔ́n epie nusiétúú kúúsí kúánɔ́ a?» Woondinyeé «ɛ́ɛ́ɛ píípɛ́ɛ!» 9Piɛlɛ kɔk kɛ́ɛ́yɛ́ ɛ́ɛ́: «Tiɛkiɛ nusiákaáminɛn ekelú ɔ́ kutɔ́k emfúnukufúúmɛ u Ɔkɔ́n? Pítɔ́líkɛn, ambaná yɛ́ pɛɛnd pámányiipɛ́ kuonyoó ɔnɛ́m aawɔ kanyɛ é niít ni kiansi; Pááyɔɔkan naawɔ kákááwɔ.» 10Yá akáánɛ́ nɔ niɔ́kɔ́tɔ́n waakɔɔn Piɛlɛ ɔ́ pikɔ́nd weeku. Piɔmfɔ́ píkene píókóóki wɔ ekúén, píɛsɛmb wɔ píónyonyoó wɔ masiá nɔ ɔnɛm. 11Kiandákáand kí pumbíla kíɛtikɛn ɔlɔŋ ú peétépí nɛ pɛɛnd peem pɔ́mɔɔ́pɔ́n puónyi pukáánɛ́.
Pisey pí petúmí
12Petúmí mɛɛlɛ́ pisey kutek na maándá má kuyikina ɛ́ kikɛtɛ́kɛtɛ́ɛ kí pɛɛnd pɔ kitɔŋ. Pɔ peem ɔtɛ́m ómoómí á kitamb kɔɔ́mɔ pápílanɛ́ɛ itɛn si Salomoŋ. 13Maná pɛɛnd pian puwaá pú kupíkin kɔ́ɔ́p kɔ́ ɔlɔŋ, ɛ́ kuɛn kitɔŋ kitikit mapísámá pɔ. 14Pɛɛnd puólíkóoli nɛ pɛɛnúmɛndɔ́ na paakáandɔ́ mapián pipíóndínyí ɔtɛ́m kɔ Ɔkɔ́n, pɔ́ɔsipíɔ́yíkɔ́n ɔ́ kiɔp. 15Péémenyi píkondi á tuambálɛ́n nɔ pikɔkɔ́ á masíá má pipala, ɛ́ɛ́ aká Piɛl tápukanɛ́ɛ tɛ kiliínditíe ne kiliínditíe kíɛ́yɛ́ kiík pɔ. 16Imbul óólinon kɛ́k ɛ́ɛ́ mɛŋɛl me Yelúsalɛm pɛ́sɛmbɛn pɔsɔ́k pánúmanɛ́ɛ ne epé pilɔk pi piliínditíe nyókolonyée, peem kitikit ééŋuken.
Kiɛtikinɛ kí petúmí
17Ɔkɔ́n u pɔkɔ́n pá pafunɔ́fɔn nɔ ɔlɔŋ wɛ́ɛ́yɛ́ ú pɛɛnd kitikit, pɛ́nyɛɛ́ ɔlɔŋ ú pasatuseyeŋ#5.17 Pasatuseŋ ɔlɔŋ upeyuteen u tianyipa watapan kumanyiɔk ku piku. póond á kuákinan petúmí yaák. 18Páátɔ́m pɛɛnd ɛ́ kuɛtíkɛ́n petúmí póond pééfuukin pɔ á kiansi kí imbíne ke eŋis yɛ pɛɛnd kitikit. 19Ne putúk Éŋele u Ɔkɔ́n weefuun eŋít ya kiansi kí imbíne, weekeémi pɔ wu kɔ́ɔ́p ɛ́ɛ́: 20«Ánuupɔ́ á kitamb kí Támbák, akáánɛ́ núkémen kitɔŋ mekélíe kitikit mɔ́ kusɔ́t!» 21Pɔ́ɔ́kɔɔ́pɛn wɔ ne emfúnupálɛ pááyɔɔk á kitamb, póond ó kuónyonyí kɔ́ɔk.
A kisikɛl kikáánɛ́ Ɔkɔ́n u pafunɔ́fɔn pɔɔkɔ́n weelumen nɛɛyɛ́ nɔ ɔlɔŋ wɛ́ɛ́yɛ́ no posíósíó pi Isilayɛl, páátán etúl, inyɔl yiikɔ́n i Pɛyúútɛn; páátɔ́m pɛɛnd ɔ́ kuɔkɔ́l petúmí á kiansi kí imbíne. 22Pɛɛnd pakáánɛ́ pááyɔɔk tɛ kukóóki petúmí á kiansi kí imbíne. Póosiondóno pákanyi ɔ́ pɔkɔ́n pɔ́ɔ́p ɛ́ɛ́: 23«Tumókóókí kiansi kifɛlɛ́n peseé ne peseé, melúse kííka eŋít ya kiansi. Túfuune tɛ mɔɔnd nɛkɛtɛ́ɛ». 24Pɛ́mɛɛlɛ́ pɔ́ɔ́pɔn nɔ ɔkɔ́n u pekíík kitamb na pafunɔ́fɔn pɔɔkɔ́n púányɛ́ɛn pɔ imfámfá pópíówon epú pútápukanɛ́ɛ. 25Mɔɔnd omoti waasitíán pɔ hɛ́ɛŋ: «Pɛɛnd núányáák á kiansi kí imbíne nyɛ á kitamb póókoónyonyi kitɔŋ.» 26Ɔkɔ́n u pekíík kitamb waayɔɔk ne peelímoólí ɛ́ɛ́ kuɛtíkɛ́n petúmí nɛ nunɛ́mɔ́ ó kuól nɔɔpɔ́. Á kiákí pémetííné embúl ú pɛɛnd ɛ́ɛ́ pátitɔ́ɔ́t pɔ́ atányí.
27Póólo nɔɔpɔ́ é kuesitíínyí pɔ́ ké etúl u pasanateleyɛŋ, ɔkɔ́n u pafunɔ́fɔn pɔɔkɔ́n woówun pɔ: 28«Tumákányí ni iŋónyítóntóyí i kisiɛ́n kí mɔɔnd ukáánɛ́ púúmépúúme, panɔ́ numówóónyi Yelúsalɛm na yɛ́ɛ́; nuakaamba ɛ́ɛ́ manɔ́ŋ ma mɔɔnd ukáánɛ́ túóndin a!» 29Maná Piɛlɛ no popíónyí póondinyi ɛ́ɛ́: «Tuɛ́kɛɛsikɛnɛn kuɔ́pinɔn Támbákɛ́ɛ kati pɛɛnduɛ. 30Támbákɛ́ɛ u pesíí páásɔ́ éényí Yésuse ewú numɔɔ́tɔɔ́ndɛ́n ó kolóse. 31Wúúwɔ́ Támbák éényímékétí wɔ́ kɛ́ɛ́yɛ́ kɔ́ ɔmbɔk wɔɔnɛm, weeténikenyi wɔ́ efuŋ no osótí ɛ́ɛ́ isiyaɛl núki woond úyapɛn pɔ́ kɔ́ɔ́p á pifal. 32Tuékéme emé túɛ́nyípíɛ́nɛ́n ne eŋis yáásɔ́, naasɔ́ ne Emfúnukufúúmɛ ewú Támbák éényéékí epé pɔ́ɔ́pinɔnɛ́ɛ wɔ.»
33Pɔkɔ́n pé etúl ɔ́ɔ́pɔn púɛl pɔ́ kutɛɛ páásɔ́mb kiansɛ́ kí kuɔ́n petúmí. 34Maná kɔ́ɔ́p kɔ ɔlɔŋ ú saneteleŋ falisiɛ́ŋ omoti mapa kɔk kisiɛ́n ɛ́ɛ́ kamaliɛlɛ emenyí pikotí, kitɔŋ kitikit mapá kíɔyɔ wɔ, woówun ɛ́ɛ́ pɛ́síɛ́lɛ́ kuémi petúmí, 35Wɔɔkɔ́l nukál ukanyi ɛ́ɛ́: «punya isiyaɛl ɔnukɔ́l kisikɛl ne púúpú nuambanɛ́ɛ kuɛl pɛɛnd epe. 36É metúk mé kusúkin emé mɔɔnd omotí kisiɛ́n ɛ́ɛ́ Tetasɛ píɔyɔ ɛ́ɛ́ wɔ́ unyɛɛ́ kiandá kí mɔɔnd: Pɛɛnd kuam imbak íni pɔ́ɔŋ kɛ́ɛ́yɛ́. Wú muɛt pɔ́ɔ́kɔɔ́n wɔ, epé pɔ́mɔɔ́ŋɔ́n kɛ́ɛ́yɛ́ páásálamand tɛ ómoómí utikápá. 37É kélém kúɛ́yɛ́ mɔnɔ kalile kisiɛ́n ɛ́ɛ́ yutasɛ á kisikɛl kikáánɛ́ pɛɛnd kutek pɔ́ɔŋ kɛ́ɛ́yɛ́, wu kɛkɛ́ɛ́yɛ́ weeku, pooŋí pɛ́ɛ́yɛ́ páásálamand kɔ́kɔ́ɔ́p. 38Kúúkɔ́ yɛɛlɛnɛ́ɛ káánɔ́ ɛ́ɛ́: nukaná epíséésenyi, nutiɔŋɔ́n kɔ́ɔ́p ánuyapá pɔ páyɔɔk! Índɛ imbítáákítɛ́n síɔ́p nɔ puólí púɔ́p óókoólinon á mɔɔnd pútíákaámínɛn; 39Maná índɛ Támbákɛ́ɛ wɔ nutipífɛ́ɛ́fɔ́n, nutipá kunua na Támbák!»
Pɔ́ɔ́p nuɛyɛ́ɛ. 40Páápílikɛn petúmí, peeki pukaaka ɛ́ɛ́ péésúpit pɔ, páákányi nɔɔpɔ́ ɛ́ɛ́ pátiandá ɛtɛɛtin kisiɛ́n kí Yésus, pááyap pɔ. 41Petúmí páakaám ké etúl ú sanetelɛŋ ni ipali aná Támbák meéné ɛ́ɛ́ papia ɛtú kunúa kí inséésítényí ó pusíó pú kisiɛ́n kí Yésus. 42Siki puɔ́síɛ á kitamb, tɛ á tuyá, kuónyonyeé kuónyonyi, pékéme niɔy ni itámb ní Yésus Kilíis.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL