Meelie mé Petúmí 12
12
Pɔmɔnɔ Sáakɛ pɛmɛtikin Píɛlɛ
1A kisikɛl kikáánɛ́, efuŋ Elote woond é kuséésenyi ɔlɔŋ ú peétépí. 2Wɛkɛ́lɛ́ pono Sakɛ andimana Isáaŋ nɔ yɔnɔnɔ í pitíí. 3Ana umɛɛ́nɛ́n ɛ́ɛ́ puɛkɛlɛ payúútɛn peseé, weekeeki pukaaka ɛ́ɛ́ pɛtikɛn Píɛlɛ, á kisikɛl kí putɔmb pú pilɛt kati kinyutukie. 4pɛ́ɛ́tikɛn wɔ́ páák wɔ́ á kiansi kí imbíne, wookond weeki pukaaka ɔ́ piɔ́p pí pisimbi píni siki kiɔ́pɛ pisimbi píni ɛ́ɛ́ píkííka wɔ́. Umaambá ɛ́ɛ́ pósóósosi wɔ ke eŋis yɔ́ kitɔŋ é kélém kú pásika#12.4 Putɔmbi pu pilɛt kati kinyutukie pu peyúútɛn.. 5Piɛlɛ á kiansi kí imbíne, maná ɔlɔŋ ú peétépí písókolonyi Támbákɛ́ɛ kɛ́ɛ́yɛ́ ó pusío ni imbekí kitikit kati kuándɛ.
Éŋele méémí Píɛlɛ á kiansi kí imbíne
6Elote mɛpíɛ́ŋɛ́lɛ́ kusóósiti wɔ kupálɛ wɛɛyɛ́. É putúk pukáánɛ́, Piɛlɛ mapitiman ɛ́ kikɛtɛ́kɛtɛ́ɛ kí pisimbi píandɛ́. Umapá akútá ni iŋolí sí tuɛy íyáandɛ́, pekííkí mapá é niít ní kiansi á kukííka wɔ. 7Nɔ niɔ́kɔ́tɔ́n, Éŋele u Ɔkɔ́n waa. Pimbɔk píówon ne kisie. Éŋele wanyuŋutɛn Piɛlɛ á nundɔ́, weenyi wɔ wu kɛ́ɛ́yɛ́ ɛ́ɛ́: «télímít kuɛkɛt» tuolí tú tuɛy túesuluk kɛ́ɛ́yɛ́ kí imbɔk túakua. 8Éŋele kanyi kɛ́ɛ́yɛ́ ɛ́ɛ́: «píák kiamaám kíáwɔ óond ákútikan pipɔ́kɔ́t píáwɔ.» Piɛlɛ wɛɛlɛ epú umaátíán wɔ, Éŋele kanyi kɛ́ɛ́yɛ́ ɛ́ɛ́: «píák kínyúŋa kíáwɔ óond ɔ́ɔŋ káámɛ!» 9Piɛlɛ waám á pimbɔk wɔɔŋ ke Eŋele. Utimemenyen ɛ́ɛ́ epú Éŋele ɛ́ɛ́lɛnɛ́ɛ nyɛ kémuémue: Umapítááka ɛ́ɛ́ weélimenen. 10páátápɔk pisimbi píkutúan, póond páátápɔk píkáandíɛ páányaám é nipíkínín ni tuɛyi niékenyée kɔ́ ɔɔ́nd u pálɛ́k. Nipíkíníni níépífuun níí muɛt kɔ́ɔ́p ó pusíó, páákaám. Pááyɔɔk á nuasákán Éŋele waasákɛn waayap Piɛlɛ. 11Kɔ́ɔ́kɔ́ Piɛlɛ meésímenyí epú púmányipítápɔ́k wɔɔyɛt ɛ́ɛ́: «nínúan imɛ́ɛ́n peseé ɛ́ɛ́ kémuémue wɔ: Ɔkɔ́n siatɔ́m Éŋele wɛ́ɛ́yɛ́ ɛ́ɛ́, wúndúkun kí imbɔk si elot nɔ kilɔk eki kítɔŋ kí Pɛyúútɛn áányípá pímbítááka na kíɛ.» 12Umɛɛlɛ́ nɛ kupítɛ́mbɔn waayɔɔk á nuya nú malia, yóótí Isáaŋ pámaápilán ɛ́ɛ́ malakuse. peétépí mapá papíkúsá kɔ́ɔk, pópísókolonyi. 13Piɛlɛ wɔɔtɔɔ́ndɛn é niít ní kiansi eŋelímasɔ́m waakáandɔ́ kisiɛ́n ɛ́ɛ́ Lóote, weepísíít é kufuun. 14Weemenyi ekelú ú Píɛl wɔɔpɔ́ ipali ɛ́ɛ́ úfuun niít ní kiansi, woond nɛkɛtɛ́ɛ á kuatíán pɔ́kúɔ́p ɛ́ɛ́ Píɛl nyɛ akáánɛ́ etélímét é niít ní kiansi kɔ́ ɔɔ́nd. 15Pakanyi kɛ́ɛ́yɛ́ ɛ́ɛ́: «eépítémbelenyi!» Maná ukanyi kɔ́ɔ́p ɛ́ɛ́ púnyɛ kémuémue epú yɔɔyɔnɛ́ɛ pákanyi kɔk ɛ́ɛ́: «Imfúényée yɛɛyɛ́.» 16Piɛl máasuŋuna nɔ kutɔɔndɔn. Pééfuun niít ni kiansi, pɛ́ɛ́nɛn wɔ péémenyi wɔ pááyúkuka 17Woondi pɔ́ nɔ ɔmbɔk ɛ́ɛ́ péluŋ, wookoond ɔ́ kuɔyɔn pɔ aná Ɔkɔ́n ményeémí wɔ á kiansi kí imbíne. Ukanyi kɔ́ɔ́p ɛ́ɛ́: «Ánuupɔ́ kuatíán Sáakɛ púɔ na paandimán páásɔ́ pá kuátap pólotí.» Maná waám waayɔɔk kúlotí 18Kuɔmɔ mɛɛlɛ́ kúpálana, kipueŋitenye kíépíkin ɔ́ kiɔ́p kí pisimbi pímopíówón epú púsiápítápɔk nɛ Piɛl. 19Elote weeki pukaaka ɛ́ɛ́ páamba wɔ́, tɛ ɛ́ɛ́ pɛ́ɛ́n wɔ́. Woówun pisimbi pimaákííká Píɛlɛ epú púmaápítápɔ́k, woond weeki pukaaka ɛ́ɛ́ pɔ́ɔ́n pɛ́ɛ. É kélém Elóote waatɔk Yuté é kutúnuk Sesálé, wɔɔlɔp kɔ́ɔk kinɔ́k kí kisikɛl.
Nikú ní efuŋ Elóot
20Elóot mɔɔ́pínɔ́n pɛɛnd pe Tíili ne pe Siton kutɛɛ kiátkáat. Páámínɛn ekelú ɛ́ɛ́ Pááyɔɔk kuɛyɛ́ ɛ́ɛ́ pɛ́ɛ́n wɔ pɔ́píɔ́ndɔ Palatusɛ, umaápá ekííkí insúmbiɛ ye efuŋ; maná Pááyɔɔk ku efuŋ Elóot ɛ́ɛ́ pɛ́píɛ́yɛn, á kiákí ɛ́ɛ́ mukunya múɔ́p moólínón ɔ́ kitɔŋ kí efuŋ Elóot. 21Puɔ́sí pú indán, Elóote waapíák kisɔnɔ́ kíɛ́yɛ́ kí pufuŋ wɔɔnyɔ́mbɛt kɛ́ɛ́yɛ́ kí indáŋa wɔɔkɔ́l nukál 22Kitɔŋ kíékeeki wɔ nukanyi ikelú mɛnɛ́mɛnɛ́ɛ: kíkanyi ɛ́ɛ́ «Támbákɛ́ɛ ukálanɛ́ɛ utipá mɔɔnd» 23Maná á kisikɛl kikáánɛ́, Éŋele u Támbák waakaák wɔ kunúma, insinɛ́ siɔ́tɔ́kɔlɛt wɔ́ weeku, á kiákí umɔkɔ́l nuúmu núnyɛɛ́ nú Támbák. 24Nukál nú Támbák núásálamandan núásansa kɔɔ́mɔ́ kitikit 25Aká palanápas no Póol maámaná pusɔ́m púɔ́p Yelúsalɛm póókoond Antiós. pááyɔɔk ni Isáaŋ pápílanɛ́ɛ malúkuse.
ទើបបានជ្រើសរើសហើយ៖
Meelie mé Petúmí 12: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Meelie mé Petúmí 12
12
Pɔmɔnɔ Sáakɛ pɛmɛtikin Píɛlɛ
1A kisikɛl kikáánɛ́, efuŋ Elote woond é kuséésenyi ɔlɔŋ ú peétépí. 2Wɛkɛ́lɛ́ pono Sakɛ andimana Isáaŋ nɔ yɔnɔnɔ í pitíí. 3Ana umɛɛ́nɛ́n ɛ́ɛ́ puɛkɛlɛ payúútɛn peseé, weekeeki pukaaka ɛ́ɛ́ pɛtikɛn Píɛlɛ, á kisikɛl kí putɔmb pú pilɛt kati kinyutukie. 4pɛ́ɛ́tikɛn wɔ́ páák wɔ́ á kiansi kí imbíne, wookond weeki pukaaka ɔ́ piɔ́p pí pisimbi píni siki kiɔ́pɛ pisimbi píni ɛ́ɛ́ píkííka wɔ́. Umaambá ɛ́ɛ́ pósóósosi wɔ ke eŋis yɔ́ kitɔŋ é kélém kú pásika#12.4 Putɔmbi pu pilɛt kati kinyutukie pu peyúútɛn.. 5Piɛlɛ á kiansi kí imbíne, maná ɔlɔŋ ú peétépí písókolonyi Támbákɛ́ɛ kɛ́ɛ́yɛ́ ó pusío ni imbekí kitikit kati kuándɛ.
Éŋele méémí Píɛlɛ á kiansi kí imbíne
6Elote mɛpíɛ́ŋɛ́lɛ́ kusóósiti wɔ kupálɛ wɛɛyɛ́. É putúk pukáánɛ́, Piɛlɛ mapitiman ɛ́ kikɛtɛ́kɛtɛ́ɛ kí pisimbi píandɛ́. Umapá akútá ni iŋolí sí tuɛy íyáandɛ́, pekííkí mapá é niít ní kiansi á kukííka wɔ. 7Nɔ niɔ́kɔ́tɔ́n, Éŋele u Ɔkɔ́n waa. Pimbɔk píówon ne kisie. Éŋele wanyuŋutɛn Piɛlɛ á nundɔ́, weenyi wɔ wu kɛ́ɛ́yɛ́ ɛ́ɛ́: «télímít kuɛkɛt» tuolí tú tuɛy túesuluk kɛ́ɛ́yɛ́ kí imbɔk túakua. 8Éŋele kanyi kɛ́ɛ́yɛ́ ɛ́ɛ́: «píák kiamaám kíáwɔ óond ákútikan pipɔ́kɔ́t píáwɔ.» Piɛlɛ wɛɛlɛ epú umaátíán wɔ, Éŋele kanyi kɛ́ɛ́yɛ́ ɛ́ɛ́: «píák kínyúŋa kíáwɔ óond ɔ́ɔŋ káámɛ!» 9Piɛlɛ waám á pimbɔk wɔɔŋ ke Eŋele. Utimemenyen ɛ́ɛ́ epú Éŋele ɛ́ɛ́lɛnɛ́ɛ nyɛ kémuémue: Umapítááka ɛ́ɛ́ weélimenen. 10páátápɔk pisimbi píkutúan, póond páátápɔk píkáandíɛ páányaám é nipíkínín ni tuɛyi niékenyée kɔ́ ɔɔ́nd u pálɛ́k. Nipíkíníni níépífuun níí muɛt kɔ́ɔ́p ó pusíó, páákaám. Pááyɔɔk á nuasákán Éŋele waasákɛn waayap Piɛlɛ. 11Kɔ́ɔ́kɔ́ Piɛlɛ meésímenyí epú púmányipítápɔ́k wɔɔyɛt ɛ́ɛ́: «nínúan imɛ́ɛ́n peseé ɛ́ɛ́ kémuémue wɔ: Ɔkɔ́n siatɔ́m Éŋele wɛ́ɛ́yɛ́ ɛ́ɛ́, wúndúkun kí imbɔk si elot nɔ kilɔk eki kítɔŋ kí Pɛyúútɛn áányípá pímbítááka na kíɛ.» 12Umɛɛlɛ́ nɛ kupítɛ́mbɔn waayɔɔk á nuya nú malia, yóótí Isáaŋ pámaápilán ɛ́ɛ́ malakuse. peétépí mapá papíkúsá kɔ́ɔk, pópísókolonyi. 13Piɛlɛ wɔɔtɔɔ́ndɛn é niít ní kiansi eŋelímasɔ́m waakáandɔ́ kisiɛ́n ɛ́ɛ́ Lóote, weepísíít é kufuun. 14Weemenyi ekelú ú Píɛl wɔɔpɔ́ ipali ɛ́ɛ́ úfuun niít ní kiansi, woond nɛkɛtɛ́ɛ á kuatíán pɔ́kúɔ́p ɛ́ɛ́ Píɛl nyɛ akáánɛ́ etélímét é niít ní kiansi kɔ́ ɔɔ́nd. 15Pakanyi kɛ́ɛ́yɛ́ ɛ́ɛ́: «eépítémbelenyi!» Maná ukanyi kɔ́ɔ́p ɛ́ɛ́ púnyɛ kémuémue epú yɔɔyɔnɛ́ɛ pákanyi kɔk ɛ́ɛ́: «Imfúényée yɛɛyɛ́.» 16Piɛl máasuŋuna nɔ kutɔɔndɔn. Pééfuun niít ni kiansi, pɛ́ɛ́nɛn wɔ péémenyi wɔ pááyúkuka 17Woondi pɔ́ nɔ ɔmbɔk ɛ́ɛ́ péluŋ, wookoond ɔ́ kuɔyɔn pɔ aná Ɔkɔ́n ményeémí wɔ á kiansi kí imbíne. Ukanyi kɔ́ɔ́p ɛ́ɛ́: «Ánuupɔ́ kuatíán Sáakɛ púɔ na paandimán páásɔ́ pá kuátap pólotí.» Maná waám waayɔɔk kúlotí 18Kuɔmɔ mɛɛlɛ́ kúpálana, kipueŋitenye kíépíkin ɔ́ kiɔ́p kí pisimbi pímopíówón epú púsiápítápɔk nɛ Piɛl. 19Elote weeki pukaaka ɛ́ɛ́ páamba wɔ́, tɛ ɛ́ɛ́ pɛ́ɛ́n wɔ́. Woówun pisimbi pimaákííká Píɛlɛ epú púmaápítápɔ́k, woond weeki pukaaka ɛ́ɛ́ pɔ́ɔ́n pɛ́ɛ. É kélém Elóote waatɔk Yuté é kutúnuk Sesálé, wɔɔlɔp kɔ́ɔk kinɔ́k kí kisikɛl.
Nikú ní efuŋ Elóot
20Elóot mɔɔ́pínɔ́n pɛɛnd pe Tíili ne pe Siton kutɛɛ kiátkáat. Páámínɛn ekelú ɛ́ɛ́ Pááyɔɔk kuɛyɛ́ ɛ́ɛ́ pɛ́ɛ́n wɔ pɔ́píɔ́ndɔ Palatusɛ, umaápá ekííkí insúmbiɛ ye efuŋ; maná Pááyɔɔk ku efuŋ Elóot ɛ́ɛ́ pɛ́píɛ́yɛn, á kiákí ɛ́ɛ́ mukunya múɔ́p moólínón ɔ́ kitɔŋ kí efuŋ Elóot. 21Puɔ́sí pú indán, Elóote waapíák kisɔnɔ́ kíɛ́yɛ́ kí pufuŋ wɔɔnyɔ́mbɛt kɛ́ɛ́yɛ́ kí indáŋa wɔɔkɔ́l nukál 22Kitɔŋ kíékeeki wɔ nukanyi ikelú mɛnɛ́mɛnɛ́ɛ: kíkanyi ɛ́ɛ́ «Támbákɛ́ɛ ukálanɛ́ɛ utipá mɔɔnd» 23Maná á kisikɛl kikáánɛ́, Éŋele u Támbák waakaák wɔ kunúma, insinɛ́ siɔ́tɔ́kɔlɛt wɔ́ weeku, á kiákí umɔkɔ́l nuúmu núnyɛɛ́ nú Támbák. 24Nukál nú Támbák núásálamandan núásansa kɔɔ́mɔ́ kitikit 25Aká palanápas no Póol maámaná pusɔ́m púɔ́p Yelúsalɛm póókoond Antiós. pááyɔɔk ni Isáaŋ pápílanɛ́ɛ malúkuse.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL