Meelie mé Petúmí 11
11
Píɛl ɔ́ɔ́kɔyɔn peétépí pé Yelúsalɛm ɛŋɛnd wɛɛyɛ́
1Petúmí ne peétépí pámaápá Yúte pɔ́ɔ́kɔɔ́p ɛ́ɛ́ pɔsɔ́k pátiányípá Pɛyúútɛn máátáp nukál nú támbák. 2Kisikɛl Píɛl mósíóndó Yelúsalɛm, peétépí pámaápá imbíéne imbíéne sí Pɛyúútɛn, póókoond é kupekenyipekenyi nɛ Píɛl. 3Pɔ́ kɛ́ɛ́yɛ́ ɛ́ɛ́: «eépíkín ku pɛɛnd pátiányípá Pɛyúútɛn oond aanyáánan nɔɔpɔ́!» 4Piɛlɛ weepísééki wɔɔkɔyɔn p puandá kitikit epú púmaápítápɔ́k, wu kɔ́ɔ́p ɛ́ɛ́: 5«Imápa á pálɛ́k u yope imbísókolonyi, kákáánɛ imapia iŋɛ́nɛ́n. Yɛɛkɛɛ́n puandá púlotí púŋólinon ɛlɛɛ́ sandɛ uselenée mɛnɛ́mɛnɛ́ɛ ɛŋɛtíkɛn kɛ́ɛ́yɛ́ kí itúɛ siim íni. 6Yooyoosin púɔ peseékése nɛkɛtɛ́ɛ wɛɛyɛ́ yɛɛkɛɛ́n manyam má malááŋ méni, manyam mɛ́ putíɛ́púlɛ́ɛ, manyam mépítútulenée no munoni muélekenenée. 7Yɔɔkɔɔ́p ekelú wúúŋɔyɔn ɛ́ɛ́ Píɛl, atúkɛ́n ɔ́ɔ́nɔ manyam makáánɛ́ óond ányánan. 8Yookondinyi ɛ́ɛ́ aákóo Ɔkɔ́n á kiákí, puandá pú kitɔ́k mapása pútipíkín káámɛ é niít. 9Kakandiɛ ekelú woondinyi wu ɛ́ɛ́: Epu Támbák mɛnyɛɛlɛ́ɛ pútipá kitɔk nutiéyí pú kitɔ́k. 10Puandá pukáánɛ́ɛ púónditonyi pisikɛl pitátɔ́ é kélém akáánɛ́ puámákat mɛnɛ́mɛnɛ́ɛ. 11Kaátakáánɛ́ ɛ́ kiɛ́tɛ kikulɛ́ pɛɛnd pátátɔ́ páásiám á kiansi eki tumaápá, pámindúmɛ́n pɔ́ Sesalé ɛ́ɛ́ páasimbílíkɛn. 12Emfúnukúúfúmɛ kanyi káámɛ ɛ́ɛ́ iyɔɔk tɛ kutúmuten. Paandimán páámɛ epe peem pátíndátɔ́ péényindilikin. Tuámána tuepíkin á kiansi kí mɔɔnd ukáánɛ́ kisiɛ́n ɛ́ɛ́ kɔlɔnɛyɛ. 13Mɔɔnd ukáánɛ́ woond ɔ́ kutuɔyɔn aná umɛɛ́n Éŋele u Támbák wɔɔyɔn wu ɛ́ɛ́: Tɔ́m mɔɔnd Yope wáakupílíkínɛ́n Símune páandá apilanɛ́ɛ Piɛl. 14Ukákutían tukál tukoónyíkusóti ne nikúli níáwɔ kitikit. 15Imɛɛ́l indúmen tukál tukáánɛ́ Emfúnukufúúmɛ weeselin pɔ puandá púmoómí aná umeétúselin é nitúmín. 16Akáánɛ́ yaapítáákɛt tukál etu Ɔkɔ́n mɔɔ́yɛ́t ɛɛ: Isáaŋ metuénén nɔ moomb panɔ́ péényínutuenen ke emfúnukúúfúmɛ nɛkɛtɛ́ɛ. 17Támbák maátápɛ́n pɛɛnd pakáánɛ́ nuɛ́tɛ nupoo nú emfúnukufúúmɛ umaátúfá aká tumaátáp Ɔkɔ́n Yésus kilíise, iŋúɛ inyɛɛ́ ɛ́nyɛ́ɛ ɛ́ɛ́ imbindimitin Támbákɛ́ɛ ɛ́ɛ́ utiɛlɛ epú upílɔ́ɔ́ŋɔnɛ́ɛ?» 18Peétépí mɛɛlɛ́ pɔ́ɔpɔn tukál tukáánɛ́ pɔ́píɔnsɔlɛt póókoond é kukúmesi Támbákɛ́ɛ pɔ́ɔ́yɔ ɛ́: púnyɛ kémuémue ɛ́ɛ́ Támbák méekí piɛ́nɛ́ɛ́nɛ pítiányípá Pɛyúútɛn kiásí kí kuséndi melínyélínyé mɔ́ɔ́p á kutáŋap kusɔ́t kú kémuémué.
Peétépí pá Antiós
19Inséésítényí eyí imaámín peétépí é kélém kú nikú ní Itiene yeesélemendi pɔ́ pómoti kɔɔm é Fenisi, pómotí Sipɛlɛ, pómotí Antíos maná póól pékémé nukál nú Támbák ɛ́ Pɛyúútɛn kɔ́ɔ́m. 20Tɛ nɔ́ɔ kɔk peétépí pómotí imbíéne imbíéne si Sipele ne sí Silɛne, páámán Antíos póond é kukéme pɔ́ɔ́yɔn epé pɛ́mɛɛ́lɛ́ pɛ́tiɛlɛ́ Pɛyúútɛn isɔ́m yi indámb yi Ɔkɔn Yésus aŋaaŋa. 21Pukaaka pú Ɔkɔ́n mapá nɔɔpɔ́ tɛ ɔɔ́kɔɔ́pɔn ɛ́ɛ́ pɛɛnd kutek maátáp póond péésendi melinyélínyé mɔ́ɔ́p ɔ́ kuɔŋ ka aŋaŋá. 22Peétépí pámaápá Yelúsalɛm ɔ́ɔ́pɔn insɔ́m ikáánɛ́ páátɔ́m Palanápasɛ Antíos. 23Palanápas mɛɛlɛ́ waámán antios wɛɛkɛɛ́n nunamá Támbák meépinúún peétépí wɔɔkɔɔ́p peseé, woond é kuekenyi pɔ kutáam ɛ́ɛ́ pɔ́lɔp nulatát nɔ Ɔkɔ́n, nɔ ɔtɛ́m wɔɔpɔ́ kitikit. 24Palanápas mapá mɔɔnd wu indɛ́ndɛ́nɛ owóónón ne emfúnukúfúúmɛ na kuátap. Kinumukánumɔ kí embul ú pɛɛnd páákaátap Ɔkɔ́n. 25É kélém akáánɛ́ Palanápasɛ waayɔɔk ɔ́ kuɔkɔ́l Sóol Talasís. 26Umɛɛlɛ́ wɛɛ́nɛn wɔ woond nɛɛyɛ́ Antíos pɔ́ɔ́lɔp kɔ́ɔk yɔɔŋ kéŋ pɛ́ɛlɛ puólí nɔ ɔlɔŋ ú peétépí, póondo póónyonyi pɛɛnd kutek, káánɛ́ Antiós pámápílikini popíónyí pé Yésus kúkutúán ɛ́ɛ́ pakilísitɛn. 27Ɔ́ mɔɔ́sí makanɛ peémímekélíe ma Támbák póólin Yelúsalɛm péétúnuk Antíos. 28Omoti pápílanɛ́ɛ wɔ ɛ́ɛ́ Akapus wɔɔyɛt á pukaaka pú emfúnukúúfúmɛ, yɛɛ́n ɛ́ɛ́ ɔndumɔ́ wɔɔkɔ́n óókoólon é kúúsí kitikit. Ɔndúmɔ́ ukáánɛ́ɛ wáákua á kisikɛl kí Iloto maápá efuŋ wɔɔkɔ́n. 29Akáánɛ́ kɔ́ɔk popíónyí pɛ́ɛ́tikɛn ɛ́ɛ́ siki opíónyée wééki epú unyɛɛ́ kupia á kutúmɛn peétépí pɛ́nyɛɛ́ yute. 30Pɛ́ɛ́kɛɛlɛ anakáánɛ́, pátúmin posíósíó pɔ́ɔp Yúte pipiɔ́kíní píɔ́p kí imbɔ́k sí Sóol na palanapas.
ទើបបានជ្រើសរើសហើយ៖
Meelie mé Petúmí 11: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Meelie mé Petúmí 11
11
Píɛl ɔ́ɔ́kɔyɔn peétépí pé Yelúsalɛm ɛŋɛnd wɛɛyɛ́
1Petúmí ne peétépí pámaápá Yúte pɔ́ɔ́kɔɔ́p ɛ́ɛ́ pɔsɔ́k pátiányípá Pɛyúútɛn máátáp nukál nú támbák. 2Kisikɛl Píɛl mósíóndó Yelúsalɛm, peétépí pámaápá imbíéne imbíéne sí Pɛyúútɛn, póókoond é kupekenyipekenyi nɛ Píɛl. 3Pɔ́ kɛ́ɛ́yɛ́ ɛ́ɛ́: «eépíkín ku pɛɛnd pátiányípá Pɛyúútɛn oond aanyáánan nɔɔpɔ́!» 4Piɛlɛ weepísééki wɔɔkɔyɔn p puandá kitikit epú púmaápítápɔ́k, wu kɔ́ɔ́p ɛ́ɛ́: 5«Imápa á pálɛ́k u yope imbísókolonyi, kákáánɛ imapia iŋɛ́nɛ́n. Yɛɛkɛɛ́n puandá púlotí púŋólinon ɛlɛɛ́ sandɛ uselenée mɛnɛ́mɛnɛ́ɛ ɛŋɛtíkɛn kɛ́ɛ́yɛ́ kí itúɛ siim íni. 6Yooyoosin púɔ peseékése nɛkɛtɛ́ɛ wɛɛyɛ́ yɛɛkɛɛ́n manyam má malááŋ méni, manyam mɛ́ putíɛ́púlɛ́ɛ, manyam mépítútulenée no munoni muélekenenée. 7Yɔɔkɔɔ́p ekelú wúúŋɔyɔn ɛ́ɛ́ Píɛl, atúkɛ́n ɔ́ɔ́nɔ manyam makáánɛ́ óond ányánan. 8Yookondinyi ɛ́ɛ́ aákóo Ɔkɔ́n á kiákí, puandá pú kitɔ́k mapása pútipíkín káámɛ é niít. 9Kakandiɛ ekelú woondinyi wu ɛ́ɛ́: Epu Támbák mɛnyɛɛlɛ́ɛ pútipá kitɔk nutiéyí pú kitɔ́k. 10Puandá pukáánɛ́ɛ púónditonyi pisikɛl pitátɔ́ é kélém akáánɛ́ puámákat mɛnɛ́mɛnɛ́ɛ. 11Kaátakáánɛ́ ɛ́ kiɛ́tɛ kikulɛ́ pɛɛnd pátátɔ́ páásiám á kiansi eki tumaápá, pámindúmɛ́n pɔ́ Sesalé ɛ́ɛ́ páasimbílíkɛn. 12Emfúnukúúfúmɛ kanyi káámɛ ɛ́ɛ́ iyɔɔk tɛ kutúmuten. Paandimán páámɛ epe peem pátíndátɔ́ péényindilikin. Tuámána tuepíkin á kiansi kí mɔɔnd ukáánɛ́ kisiɛ́n ɛ́ɛ́ kɔlɔnɛyɛ. 13Mɔɔnd ukáánɛ́ woond ɔ́ kutuɔyɔn aná umɛɛ́n Éŋele u Támbák wɔɔyɔn wu ɛ́ɛ́: Tɔ́m mɔɔnd Yope wáakupílíkínɛ́n Símune páandá apilanɛ́ɛ Piɛl. 14Ukákutían tukál tukoónyíkusóti ne nikúli níáwɔ kitikit. 15Imɛɛ́l indúmen tukál tukáánɛ́ Emfúnukufúúmɛ weeselin pɔ puandá púmoómí aná umeétúselin é nitúmín. 16Akáánɛ́ yaapítáákɛt tukál etu Ɔkɔ́n mɔɔ́yɛ́t ɛɛ: Isáaŋ metuénén nɔ moomb panɔ́ péényínutuenen ke emfúnukúúfúmɛ nɛkɛtɛ́ɛ. 17Támbák maátápɛ́n pɛɛnd pakáánɛ́ nuɛ́tɛ nupoo nú emfúnukufúúmɛ umaátúfá aká tumaátáp Ɔkɔ́n Yésus kilíise, iŋúɛ inyɛɛ́ ɛ́nyɛ́ɛ ɛ́ɛ́ imbindimitin Támbákɛ́ɛ ɛ́ɛ́ utiɛlɛ epú upílɔ́ɔ́ŋɔnɛ́ɛ?» 18Peétépí mɛɛlɛ́ pɔ́ɔpɔn tukál tukáánɛ́ pɔ́píɔnsɔlɛt póókoond é kukúmesi Támbákɛ́ɛ pɔ́ɔ́yɔ ɛ́: púnyɛ kémuémue ɛ́ɛ́ Támbák méekí piɛ́nɛ́ɛ́nɛ pítiányípá Pɛyúútɛn kiásí kí kuséndi melínyélínyé mɔ́ɔ́p á kutáŋap kusɔ́t kú kémuémué.
Peétépí pá Antiós
19Inséésítényí eyí imaámín peétépí é kélém kú nikú ní Itiene yeesélemendi pɔ́ pómoti kɔɔm é Fenisi, pómotí Sipɛlɛ, pómotí Antíos maná póól pékémé nukál nú Támbák ɛ́ Pɛyúútɛn kɔ́ɔ́m. 20Tɛ nɔ́ɔ kɔk peétépí pómotí imbíéne imbíéne si Sipele ne sí Silɛne, páámán Antíos póond é kukéme pɔ́ɔ́yɔn epé pɛ́mɛɛ́lɛ́ pɛ́tiɛlɛ́ Pɛyúútɛn isɔ́m yi indámb yi Ɔkɔn Yésus aŋaaŋa. 21Pukaaka pú Ɔkɔ́n mapá nɔɔpɔ́ tɛ ɔɔ́kɔɔ́pɔn ɛ́ɛ́ pɛɛnd kutek maátáp póond péésendi melinyélínyé mɔ́ɔ́p ɔ́ kuɔŋ ka aŋaŋá. 22Peétépí pámaápá Yelúsalɛm ɔ́ɔ́pɔn insɔ́m ikáánɛ́ páátɔ́m Palanápasɛ Antíos. 23Palanápas mɛɛlɛ́ waámán antios wɛɛkɛɛ́n nunamá Támbák meépinúún peétépí wɔɔkɔɔ́p peseé, woond é kuekenyi pɔ kutáam ɛ́ɛ́ pɔ́lɔp nulatát nɔ Ɔkɔ́n, nɔ ɔtɛ́m wɔɔpɔ́ kitikit. 24Palanápas mapá mɔɔnd wu indɛ́ndɛ́nɛ owóónón ne emfúnukúfúúmɛ na kuátap. Kinumukánumɔ kí embul ú pɛɛnd páákaátap Ɔkɔ́n. 25É kélém akáánɛ́ Palanápasɛ waayɔɔk ɔ́ kuɔkɔ́l Sóol Talasís. 26Umɛɛlɛ́ wɛɛ́nɛn wɔ woond nɛɛyɛ́ Antíos pɔ́ɔ́lɔp kɔ́ɔk yɔɔŋ kéŋ pɛ́ɛlɛ puólí nɔ ɔlɔŋ ú peétépí, póondo póónyonyi pɛɛnd kutek, káánɛ́ Antiós pámápílikini popíónyí pé Yésus kúkutúán ɛ́ɛ́ pakilísitɛn. 27Ɔ́ mɔɔ́sí makanɛ peémímekélíe ma Támbák póólin Yelúsalɛm péétúnuk Antíos. 28Omoti pápílanɛ́ɛ wɔ ɛ́ɛ́ Akapus wɔɔyɛt á pukaaka pú emfúnukúúfúmɛ, yɛɛ́n ɛ́ɛ́ ɔndumɔ́ wɔɔkɔ́n óókoólon é kúúsí kitikit. Ɔndúmɔ́ ukáánɛ́ɛ wáákua á kisikɛl kí Iloto maápá efuŋ wɔɔkɔ́n. 29Akáánɛ́ kɔ́ɔk popíónyí pɛ́ɛ́tikɛn ɛ́ɛ́ siki opíónyée wééki epú unyɛɛ́ kupia á kutúmɛn peétépí pɛ́nyɛɛ́ yute. 30Pɛ́ɛ́kɛɛlɛ anakáánɛ́, pátúmin posíósíó pɔ́ɔp Yúte pipiɔ́kíní píɔ́p kí imbɔ́k sí Sóol na palanapas.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL